• ×
الجمعة 29 مارس 2024 | 03-28-2024
شوربجي

اسد وكبريته وجالون بنزين

شوربجي

 12  0  2313
شوربجي


((())) المريخ يا جماعه مريض

وليس علي المريض حرج

وفي اسد جاكم

وانا يطلعلي اسد

ده انا بخاف من الارنب

وده شنو ده يا اسد ؟

دي كبريته ؟

ايوه كبريته

وده شنو ده يا اسد ؟

ده جالون بنزين

يا اسد اوعك تقرب الكبريته من البنزين

الدنيا مليانه قش ومليانه دلاقين

ويسألونك عن المريخ و ماذا اصاب المريخ المسكين ؟

نقول ان المريخ مريض بنظرية المؤامره وليوم الدين

ويخيل للمريخاب ان الناس تتآمر عليهم وطوالي باكيين

وعليكم شوفوا حالتهم ومرضهم يا مسلمين :

*** الحكومه قالوا بتتآمر علي المريخ رغم ان جمال الوالي عضو كبير في المؤتمر الوطني يعني كوز كبير

*** الاتحاد العام قالوا بيتآمر علي المريخ رغم جلسات اللقيمات المريخيه الشهيره والتي خدمت المريخ كثيرا

*** الحكام قالوا يتآمروا علي المريخ رغم ان للمريخ كشف خاص وحكام بالاسم يحكمون مباريات المريخ

*** درمه قالوا بيتآمر علي المريخ لانه اكد ان هدف اوكراه تسلل ورغم انه مريخابي

*** لجنة الاستئنافات قالوا بتتآمر علي المريخ رغم ان فيها مريخاب وسمير فضل الذي منحهم ٥ نقاط حرام العام ٢٠١٥

*** والجمعيه العموميه قالوا بتتآمر علي المريخ رغم ان جل اعضائها مريخاب

*** والهلال قالوا بيتآمر علي المريخ رغم ان المريخ هو الذي ظل يخطف لاعبي الهلال عيانا بيانا

*** وقروبات المريخ قالوا بتتآمر علي المريخ لانها لم تجمع المبالغ المطلوبه في نفرات المريخ - الناس تعمل ليكم شنو اكتر من كده

*** وجماهير المريخ قالوا بتتآمر علي المريخ لانها لم تتفاعل مع مشروع تحويل الرصيد ٢٨٧٠

وفعلا المريخ مريض بنظرية المؤامره

وليس علي المريض حرج

وكل يوم جرسه وشكاوي وتخوين وانسحاب

بالامس ولله الحمد اعلنت لجنة الاستئنافات رفضها استئناف المريخ

وان كان المريخ يعرف سلفا ان الشكوي فالصو ومرفوضه

وانها فقط لتأجيل المباريات حتي يلحق بهم جمال سالم

وكأن جمال سالم سيمنع كلاتشي من الهاتريك

وكلاتشي ايها الاخوه عينو علي الرقم القياسي للهدافين

ولن يتواني في تسجيل الهاتريك في المريخ الضعيف

اها ما قلنا ليكم يا جماعه المريخ مريض

وليس علي المريض حرج

الآن لن يلعب المريخ حتي يعاقب الاتحاد فوزي المرضي

وكأن الاسد يحمل في يده كبريته وجالون بنزين

واذا رفض الاتحاد هذه الشكوي :

ممكن يشتكوا شيبوب لانه رقص مع الالتراس

وممكن يشتكوا مهند الريده وليه جاب قون بطريقة الكبار في الخرطوم الوطني

وممكن يشتكوا كردنه لانه اتفق مع جابسون

اها ما قلنا ليكم المريخ يا جماعه مريض

وليس علي المريض حرج

واعلام المريخ هو من يؤجج هذه الفتن

وجمهور المريخ جمهور عظيم ولكنه مهمش

ويصدق كل هذه التلفيقات الاداريه

والخطورة انه يحرض جمهوره علي بورسعيد سودانيه

والله قلنا ليكم يا جماعه المريخ مريض

وليس علي المريض حرج

وان كان شح المال هو ما يدفع المريخ لهذا المصير المجهول

وقد كانت صدمة النادي وجماهيره كبيره وهم يشاهدون جمال الوالي دون فعاليه

ولا اموال ولا محترفين جدد

ومستحقات بعض المحترفين جمعوها من ديوان الزكاة

وفواتير المنصرف اليومي والبلف والزوغان لبعض ركاب بص الوالي من الدفع

بالله ما قلنا ليكم يا جماعه المريخ مريض

وليس علي المريض حرج

اللهم اشف المريخ

اللهم امنحه رئيس غني ومرطب

اللهم ساعده في استعادة الوصافه المهددة

اللهم ارحمه من اعلامه السالب

اللهم صبره علي فقدانه لدوري هذا العام

امين يا رب العالمين


((())) شكرا لجنة الاستئنافات وشكرا اخوة سمير فضل :

وقضي الامر وانكسفت ادارة المريخ وقد خسروا كل الحروب

ومن فضلكم يلا علي الميدان كلاتشي في انتظاركم والهاترك والهبوب

وبعدين سيد البلد وناس شيبولا وسادومبا وكاريكا وشيبوب

ما قلنا ما عندكم موضوع وخلاص مضروبين وده هو المطلوب

بطلوا الجرسه والشكاوي والصراخ والعويل وبطلوا الانسحاب والهروب

هي كرة قدم ما معارك حربيه وطولوا بالكم لان الكورة غالب ومغلوب

شكرا لجنة الاستئنافات

شكرا اخوة سمير فضل


محمد حسن شوربجي
امسح للحصول على الرابط
بواسطة : شوربجي
 12  0
التعليقات ( 12 )
الترتيب بـ
الأحدث
الأقدم
الملائم
  • #1
    بابكر عوض الشيخ 10-08-2016 12:0
    اللهم اشف المريخ

    اللهم امنحه رئيس غني ومرطب

    اللهم ساعده في استعادة الوصافه المهددة

    اللهم ارحمه من اعلامه السالب

    اللهم صبره علي فقدانه لدوري هذا العام

    امين يا رب العالمين
  • #2
    سامي 10-08-2016 09:0
    الذين يستنكرون كلام شوربجي حقو يوفروا على انفسهم شوية ويشوفوا مزمز وسلك عريان والمخرف ابوشيبة وكابو بتاع ستات الدلاليك وهل ديل بيلعبوا في شليل وين راح ولا شنو!!!!!!!!!!
  • #4
    حسن ميرغني عثمان محمد 10-07-2016 10:0
    هيجتا الوصيفاب يا استاذ وطلعتهم من طورهم وهم اصلا ما ناقصين كفاية عليهم مزمز المخدر الاممي
  • #5
    حسن ميرغني عثمان محمد 10-07-2016 10:0
    هيجتا الوصيفاب يا استاذ وطلعتهم من طورهم وهم اصلا ما ناقصين كفاية عليهم مزمز المخدر الاممي
  • #6
    bushar 10-07-2016 02:0
    بالله دا موضوع الخطأ من كفر ووتر التي تتيح الفرصة لأمثالك للكتابة هل تعتقد أننا كهلالاب تعجبنا مثل هذه المقالات السطحية عن المريخ أو غيره ولكن هو زمن المهازل
  • #7
    عثمان جميل الدوحه قطر 10-07-2016 12:0
    ياإدارة كفر ووتر ارجو ان تكون لديكم الشجاعة بنشر تعليقنا عن شوربجي لأنه تمادى وأجتاز الخط الأحمر بكثير وصبرنا على بذاءاته وشتمه وإستخفافه بالمريخ العظيم . انا لا أستجديكم من حقي ان أرد وان ردي مهما كان عليه لانكم اظنكم إما لا تقرأوا ما يكتبه من بذاءات أو إنكم تستهواكم كلامه الفارغ من آي مضمون وإفاده للقاري غير كلاما اعتبره كلام شوارع وحواري صادر من رجل فاقد تربوي وهو في ارزل العمر ولم يحترم سنه.
  • #8
    عثمان جميل الدوحه قطر 10-07-2016 12:0
    الأخوة الصفوة مريخاب السودان من المفترض عدم الرد على هذا المعتوه المريض نفسيا شفاه الله من هوس ومرض إستفحل في جسده العليل ودمر خلايا مخه والذي كان أصلا خاويا فارغا والله العظيم صرت أشفق وإحن على حالة هذا الكهل الثمانيني من العمر .. هذا المريض نفسيا بداء المريخ كثيرا ماتحديناه بأنه لا يستطيع يوما اذا لم يذكر اسم المريخ لكن انه المرض والمرض سلطان ... ومن فوزي هذا الذي يستطيع ان يحرق المريخ وهل فوزي عندما كان لاعبا ومدافعا بالهلال استطاع ان يحمى شباك الهلال من تلاعب د. كمال عبدالوهاب أخصائي أمراض الهلال المزمنه .. ومن كان في عنفوان شباب لم يستطيع ان يحمي شباك الهلال فكيف سيستطيع أن يحرق المريخ العظيم وهو كهلا مريضا وكل كتاباتك هذه كتابات فارغه لا تحمل مضمونا اي طفل ساذج يستطيع ان يكتب احسن مما ينشر لك من كلام فارغ كلام شوارع وحواري شعبية . وكل إناء بما فيه ينطح ومن نفسه بغير جمال لا يرى في الوجود شيئا جميلا ياشوربه
  • #9
    دفع الله محمد على الزين 10-07-2016 12:0
    اقسم بالله انت المريض ومحتاج لعلاج مكثف لو كنت فاكر بترفع اسهمك لدى جماهير الهلال فانت خاطىء او تعرفع اسهمك لدى الكردينال فايضا انت خاطىء اتمنى ان تكون متوازن فى طرحك وان تبعد عن جو المشاحنات وتاجيج نار الفتنه بين الجماهير فى النهايه اتمنى ان تراعى ربنا فى كتاباتك قبل ضميرك
  • #10
    طارق العشرى 10-07-2016 10:0
    ياخى اكتبو حاجة تفيد القراء...رايكم شنو فى كلام بلاتشى...وللتوقعاتكم لشكل الانتخابات القادمة ودور محاور القوى فيها...تكرار الازمات بنهاية كل موسم على التوالى بين فريقى القمة..

    والله ملينا من كلامكم الممجوج ده..بقينا ما قاعدين نقراهو اصلا...نعاين نلقاهو كلو مكاواه وعدم موضوعية نقفل الصغحة نشوف غيروا.
  • #11
    العالمى 10-07-2016 09:0
    عااااااجل. ..الارباب يؤكد خوضة الانتخابات من خلال تنظيم الصدارة والأصالة. ...

    ...امسك يا عمك. ..الارباب كبس. ..
  • #12
    hashim 10-07-2016 09:0
    يااااااستاذ بتشكر سمير اللي ماعندو ضمير علي شنو وهو يدمر الموسم السابق الاولي ان تشكر ادارة نادي المريخ وهي تترك لاعب موهوب كشيبوب كواي القلوب كهاااوي
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019