((())) في المقبرة سنحتفل بالدوري :
وبانتهاء مباراة اهلي شندي انتهت معاناة الهلال مع المباريات التي خارج الارض
وقد يضمن الهلال نقاط هذه المباريات
ان لم يتآمر عليه من اعتادوا التآمر
وكما فعلوا في عام ٢٠١٥ وحين اقتلعوا نقاط هلال كادوقلي وبمباركة اتحاد معتصم
والحمد لله ان هذا الاتحاد قد اصبح في دائرة الاتهام المالي
وهو يعاني كثيرا وقد تمادي في الفساد
وقد تلاحقه الجهات العدليه بالتحقيقات علي مليارات اهدرت دون حق
المهم ان مباريات الهلال المتبقيه في الدوري مطمئنه لانها ستكون خاليه من المؤامرات
11 أغسطس: الهلال X الرابطة كوستي
14 أغسطس: الهلال X المريخ كوستي
19 أغسطس: النسور X الهلال
23 أغسطس: الأمير X الهلال
28 أغسطس: الهلال X الأهلي الخرطوم
6 سبتمبر: الهلال X النيل شندي
15 سبتمبر: الهلال الفاشر X الهلال
19 سبتمبر: المريخ الفاشر X الهلال
24 سبتمبر: الهلال X الأهلي عطبرة
27 سبتمبر: الهلال X الأمل عطبرة
1 أكتوبر: الخرطوم الوطني X الهلال
10 أكتوبر: المريخ X الهلال
((())) التحكيم اكلنا النيم :
اللجنة المنظمه وبسرعه اصدرت قرارها الطبيعي باعتبار اهلي مدني مهزوم ٢ صفر
وشكرا شكرا بدر الدين جاملت وصيفنا وضيعت التيم
والغريب ان الوصيف الواهن التعبان الليله زعلانين شديد
وكانوا يظنون ان اللجنة المنظمه ستعيد المباراة
يا جماعه ده هو القانون
وده هو روح القانون
اللجنة المنظمه وبسرعه اصدرت قرارها الطبيعي باعتبار اهلي مدني مهزوم ٢ صفر
وشكرا شكرا بدر الدين جاملت وصيفنا وضيعت التيم
والغريب ان الوصيف الواهن التعبان الليله زعلانين شديد
وكانوا يظنون ان اللجنة المنظمه ستعيد المباراة
يا جماعه ده هو القانون
وده هو روح القانون
والما عجبو يشرب سحلب ويسف كمون
وتستمر الصيوانات ويبقي بيت البكا مشرعا ابوابه
ويستمر هتاف التحكيم اكلنا النيم
والله يجازيك يا السمؤال
علمتهم الف باء التحكيم الحديث
ونقترح ان يفتح السمؤال مدرسة تحكيم محو اميه لابوشيبه وناس المريخ الذين لا يفهمون ابجديات التحكيم وتطوراتها
((())) ابله ظاظا بمن حضر :
المريخ علي كلمات اغنية غيب وتعال تلقانا نحن يانا نحن
ولا عب يغيب وتاني يرجع
وواحد يدخل الغابه
والتاني يقلع الفانيله
وتراوري رايح وتراوري جاي
وجابسون رايح وجابسون جاي
وجمال سالم في يوغندا وجمال سالم رجع من يوغندا
وبكري يشتم وبكري يعتذر
وعلاء شلاليت يشلت وعلاء شلاليت يعتذر
والادارة تقرر الانضباط والادارة تؤيد الانفلات
وجمال الوالي يمشي وجمال الوالي يجي
وجمال الوالي مقرش وجمال الوالي مفلس
ولازم ننسحب لا ما ننسحب
وزيكو علم بدر الدين وواي واي ما دايرين
ومين اصلا قال حننسحب
ومين اصلا قال بكري حيعتذر
ومين اصلا قال تراوري زعلان
ومين اصلا قال جابسون زعلان
ومين اصلا قال جمال سالم زعلان
وده كله من عصام الحاج
وده كله من عبد الصمد
والعارف عزو عايز بكري يرجع
والعارف عزو رسل التذاكر لتراوري
والعارف عزو هو اللي اتصل بجابسون
والعارف عزو هو الجاب جمال سالم
والعارف عزو داير بكري يعمل علي كيفو
والعارف عزو داير علاء يشلت علي كيفو
والعارف عزو قال جابسون ما مصاب
ومن انهارده اللي عايز يضرب الحكام يضربهم
واللي يحلف ما يلبس فانيلة النادي ما تشاكلو
وابله ظاظا بمن حضر
((())) عبد التام الذي طردته جماهير المريخ :
افشل اداري مريخي يتوقع هبوط الهلال للمركز السادس
شن نائب الامين العام للمريخ محي الدين عبد التام هجوما عنيفا على لجنة الحكام و قال انها تعين حكام مغمورين للمريخ بينما تعين حكام دوليين للهلال و ان الازرق ظل يجد الدعم و لاعبيه محميين لا بطاقات ملونة و لا طرد و اكد انه كلما غابت ضربات الجزاء فان الهلال لن ينتصر و اكد انه و في حال عدم إحتساب ركلة جزاء للهلال فانه سيتدرج للمركز السادس
انه حقا افشل اداري مريخي مر علي الادارات المريخيه
ولا يمكن بأي حال من الاحوال مقارنته بافذاذ المريخ الذين ظلوا يحترمون الهلال كند تقليدي
واول مره نسمع بالسيد عبد التام الذي جيئ بمعية اسامه ونسي فقلبوا كيان المريخ رأسا علي عقب
حتي اصبحوا عرضه لهجوم اعلام المريخ ومشجعيه ودوت الهتافات في النادي الاحمر وارحل ارحل يا ونسي
وكتب بعضهم يقول يمكن أن يغفر التأريخ أن لجنة تسيير المريخ قد فشلت في إدارة النادي.. وأغرقته في الديون.. وكانت مرتبكة جداً في مواقفها وقراراتها..
ولكن لن ينسي لهم التأريخ المريخي ولن يغفر لهم أبداً.. أنهم وافقوا علي العمل ضد مصلحة هذا الكيان الكبير الذي لولاه ما عرفهم أحد..
يعني عبد التام كان يعمل ضد المريخ
وهو الآن يتباهي بحب النادي بمعاداة الهلال والاستهزاء به
في غمضة عين افتقد عبد التام كل الاضواء التي كانت تسلط عليه حينما كان عضوا في التسيير وهاهو يحاول العودة بتصريحه هذا وهو عضو في التسيير الجديد ولكن مع جمال الوالي ما حتغمض عينيك
محمد حسن شوربجي
...منقول ..