[[[]]] وعادت حليمه لعادتها القديمه :
وسيبقي المريخ وصيفا وان سجل كل لاعبي الهلال
ولن يبارح المريخ التمهيدي وان سجل كل لاعبي الهلال
رئيس نادي الهلال قالها بصراحه :
مناراد ان يلوي يدنا فلن نستجيب له لو كان ميسي
وقال ان هناك سقفا محددا لكل ﻻعب
قدموا لبكري ما لم يكن يحلم به
ولكنه خذل جماهير الهلال من اجل حفنة دولارات فليذهب
وحقيقة فالداخل الي المريخ مفقود ولكنهم لا يعلمون
ورجاء لا تفكر في العودة للهلال
ولك في سيدا دروس وعبر
والمريخ حقيقة مقبرة للنجوم
ولن كانت امور اهل المريخ لا تستقيم الا بأختطاف لاعبي الهلال
وسجل سجل يا جمال أي لاعب في الهلال
لاعبو الهلال هم اقصي امنيات اهل المريخ
وبكري المدينه في نظرهم لاعب مهول جدا وان كان
ومهند عندهم لا يقل عن ميسي وربما
وديدا عندهم احسن من كاسياس وممكن
وعمر بخيت عندهم احسن من ميدرتش يا ربي
وقالوا ما بتهمنا اعمارهم
وما دايرين شباب في المريخ
وانجازات المريخ لا تتم الا بالعجايز
ومريخ العجايز حيكون افضل من شباب الهلال
ويا اسياد جاركم المريخ مسكين شديد
وامنيته يطلع من حتة التمهيدي من جديد
ومطلوب نفير لانقاذ نادي المريخ
ولازم تتكرموا عليهم ببعض اللاعبين
ومن ديدا وحتي كاريكا
دايرين سيدي بييه ادوهم
دايرين سيسيه ادوهم
دايرين جينارو ادوهم
دايرين جكسا ادوهم
دايرين مهند ادوهم
دايرين الهلال ادوهم
دايرين نجيلة الهلال ادوهم
والنبي وصي بسابع جار
و ((ما زال جبريل يوصيني بالجار حتى ظننت أنه سيورثه)).
وكل سنه امة لا اله الا الله تضحك علي المريخ
لفشله المتكرر في تجاوز تمهيدي افريقيا
والناس ديل مشو شيوخ ما قدرو
جربو السحر ما قدرو
حاربوا الهلال ما قدرو
جربو الواسطات ما قدرو
دفعوا للبايرن ماقدرو
دفعوا للحكام ما قدرو
مشوا لقرن شطه ما قدرو
فازوا بسيكافات ما قدرو
عملوا حفلات ما قدرو
صاحبوا وديدي ما قدرو
صاحبو ابوشنب ما قدرو
جابوا فرفور ما قدرو
غنت انصاف مدني ما قدرو
جابوا ناس الامن ما قدرو
لفوا الدنيا كلها وما قدرو
واحد راجل عجوز قاعد تحت شجره قال ليهم تعالوا يا جماعه الحل بسيط - عليكم بلاعبي الهلال
عليكم ببكري المدينه ونزار وكاريكا ومهند وعمر بخيت
ديل هم اللي حيطلعوكم من المشكله
وقفز مزمل ابو القاسم في ردهات الصدي وصاح باعلي صوته :
وجدتها وجدتها
ويجب علي الذهاب الي بلاط مولانا السلطان جمال الوالي
وائذن لي ايها السلطان فنحن نريد تسجيل كل لاعبي الهلال
نريد بكري المدينه الذي احتار فيه سيحه والحكام
نريد كاريكا المزيكا
نريد نزار الصاقعه
نريد سيدي بييه
نريد مساوي
نريد سيسيه
نريد مهند ولدنا
نريد نجيلة الهلال
نريد كشافات الهلال
نريد العرضه شمال كلها
لن نتجاوز التمهيدي ما لم نستعين بكل الهلال
حرام عليك يا مزمل عندنا اتفاقية الجنتلمان
ولا اريد تسجيل لاعبي الهلال
يا مولانا السلطان الاتفاقية دي يجب ان نلغيها
التمهيدي قرب وناس بله وضفر ما حيتستروا معانا
وباسكال ماشي
وتراوري ماشي
وكمبالا سيتي جاينا تاني
يا مزمل نحن ما غلبناهم في سيكافا
يا مولانا نحن ما غلبناهم كوره
وجرايدهم فضحتنا وقالوا نحن اشترينا سيكافا
نفذ يا مزمل والمهم المريخ يعدي التمهيدي
ما دايرين ناس الهلال وقريش يشمتوا فينا
كرهتوني يا مزمل كل قروشي راحت في المريخ وما في فايده
خلاص سجلوا كل لاعبي الهلال
سيكافا قربت ايها السلطان
وناس عزام جايين يا مولانا السلطان
وناس بنادير جايين يا مولانا السلطان
نحن في حاجة ماسة للاعبي الهلال يا مولانا السلطان
بسم الله الرحمن الرحيم
العارف عزو مستريح
واللبيب بالاشارة يفهم
صدر تحت توقيعي بقصر فداسي
جمال الوالي رئيس المريخ طوالي
[[[]]] حصة التمهيدي :
وين كاس الدوري يا اطفال ؟
في دولاب الهلال يا استاذ
وين بطولة الدوري يا اطفال ؟
في دولاب الهلال يا استاذ
وين وصيف الهلال يا اطفال ؟
في دولاب النسيان يا استاذ
وين بكري المدينه يا اطفال ؟
خطفه جمال الوالي
[[[]]] لقد مل الهلال منح المريخ كل عام خاصية الاشتراك في بطولة الكبار ميته
فالمريخ لا يستحق هذه الاكرامية
محمد حسن شوربجي
فعلاً أنها مقبرة النجوم.
والعارف عزو مستريح.
دع الطبال وفرقتة يغنون ويرقصون كما فعلوا مع برنس الكرة السودانية (هيثم مصطفى) وبكرة حنشوف عبارات المتمرد، الجاحد، (واخرى سفيه لا تصدر إلا من مرشدهم وأتباعه) تسبق اسم بكري المدينة.
والعارف عزو مستريح
عتبر النابي مدرب الهلال السابق ان خبر انتقال بكري المدينة للمريخ شكل مفاجاة بالنسبة له وقال رغم إيماني بانه ليس هناك مستحيل في عالم الاحتراف الا ان اللاعب بكري قيمة فنية ثابته وهو مهاجم السودان الاول والخيار الاول للمدرب مازدا في المنتخب الوطني ولم أتوقع ان تفرط فيه إدارة النادي فالفريق بحاجه لمجهوداته ومضي النابي في حديثه عن صفقة انتقال المدينة للمريخ قائلا :أتوقع نجاح كبير لهذا اللاعب بالمريخ
السؤال لماذا مزمل يبخس لاعبي الهلال ويسارع للتصوير معهم ؟؟ هههههه قمة التناقض وقلة الحيلة والاعتراف الضمني
نريد بكرى المدينه ومهند فقط ياعزيزى .وباقى الكرور كبو فى الخور
وفعلا الوالى رائس طوالى ونحن نوالى .
وبعد تسجيل الريح وبكورى ومهند فى الطريق دايرين طرف واحد ومهاجم معترف وعينك ياشوربجى ما تشوف
الا النور