✯ ﺃﻣﺲ ﻛﺎﻥ ﻣﻬﺮﺟﺎﻥ ﺍﻟﺰﻋﻴﻢ
✯ ﺑﺴﻢ ﺍﻟﻠﻪ ﺇﺑﺘﺪﻳﻨﺎ
✯ ﺑﺪﺃ ﻣﻮﺳﻤﻨﺎ
✯ ﻭﻧﺴﺄﻝ ﺍﻟﻠﻪ ﺍﻟﺘﻮﻓﻴﻖ ﻓﻴﻪ
✯ ﺑﺮﻏﻢ ﺿﻌﻒ ﺍﻟﺤﻀﻮﺭ ﺍﻟﺠﻤﺎﻫﻴﺮﻯ
✯ ﻋﻴﺐ ﻳﺎ ﺷﻔﻮﺕ
✯ ﺍﻟﻤﺤﺮﻳﻪ ﻓﻴﻜﻢ ﺃﻛﺘﺮ ﻣﻦ ﻛﺪﻩ
✯ ﻭﻟﻌﻞ ﺇﺩﺍﺭﺓ ﺍﻟﻤﻬﺮﺟﺎﻥ ﻗﺪ ﺃﺧﻄﺄﺕ ﺍﻟﺘﻘﺪﻳﺮ ﺣﻴﻨﻤﺎ ﻧﻘﻠﺘﻪ ﻋﻠﻰ ﺍﻟﻬﻮﺍﺀ
✯ ﺍﻟﻘﺼﺔ ﻛﺴﻠﺖ ﺍﻟﻨﺎﺱ ﺑﺎﻟﺬﺍﺕ ﻣﻊ ﺍﻟﺴﻘﻂ ﺩﻩ ﻭﺍﻟﺴﺨﺎﻧﻪ ﺩﻯ
✯ ﺳﻘﻂ ﺍﻟﺠﻮ ﻭﺳﺨﺎﻧﺔ ﺍﻟﺠﻴﻮﺏ
✯ ﻭﻟﻜﻦ ﻛﺎﻥ ﻟﻬﻢ ﺃﺟﺮ ﺍﻹﺟﺘﻬﺎﺩ
✯ ﻭﺣﺴﻦ ﺍﻟﺘﻨﻈﻴﻢ
✯ ﻭﻧﺮﻓﻊ ﻟﻬﻢ ﺍﻟﻘﺒﻌﺎﺕ
✯ ﺍﻟﻤﻬﻢ
✯ ﻛﻠﻨﺎ ﺗﺎﺑﻌﻨﺎ ﻗﺼﺔ ﺷﻴﺒﻮﺏ
✯ ﺩﻩ ﺣﺎﻟﺘﻮ ﺷﻴﺒﻮﺏ
✯ ﺃﻣﺎﻝ ﻟﻮ ﻛﺎﻥ ﻋﻨﺘﺮ ﻛﺎﻥ ﺣﺼﻞ ﺷﻨﻮ؟ !!!!
✯ ﺃﻳﻬﺎ ﺍﻟﻨﺎﺱ
✯ ﺍﻟﺮﺃﻯ ﻋﻨﺪﻯ ﺃﻥ ﻣﺠﻠﺴﻨﺎ ﻗﺼﺮ ﺗﻘﺼﻴﺮﺍً ﻛﺒﻴﺮﺍً
✯ ﺑﻞ ﻟﻢ ﻳﺤﺘﺮﻡ ﺣﺘﻰ ﺍﻟﻤﺠﻬﻮﺩ ﺍﻟﺬﻯ ﻗﺎﻡ ﺑﻪ ﺍﻟﻨﺎﺱ ﻣﻦ ﺃﺟﻞ ﺇﻋﺎﺩﺓ ﺍﻟﻼﻋﺐ
✯ ﻟﻜﻦ ﺍﻟﺴﺆﺍﻝ
✯ ﺳﻮﺩﺍﻛﺎﻝ ﻗﻌﺪ ﻣﻊ ﺷﻴﺒﻮﺏ ﻣﺮﺗﻴﻦ
✯ ﻣﺮﺓ ﺑﻌﺪ ﻋﻮﺩﺗﻮ ﺑﺎﻟﻠﻴﻞ
✯ ﻭﻣﺮﺓ ﺑﺎﻟﺼﺒﺎﺡ ﻓﻰ ﺑﻴﺖ ﻭﻧﺴﻰ
✯ ﻧﺘﻴﺠﺔ ﺍﻟﻘﻌﺪﻩ ﻛﺎﻧﺖ ﺷﻨﻮ ﻳﺎ ﺳﻮﺩﺍﻛﺎﻝ؟؟؟
✯ ﻳﻌﻨﻰ ﻧﻄﻠﻊ ﺑﺈﻧﻮ ﺍﻟﺒﻘﻌﺪ ﻣﻊ ﺳﻮﺩﺍﻛﺎﻝ ﺑﻘﻮﻡ؟؟؟
✯ ﻭﺍﻟﺴﺆﺍﻝ ﻟﻮﻧﺴﻰ
✯ ﻫﻞ ﺻﺤﻴﺢ ﺍﻧﻜﻢ ﻳﺎ ﺳﻌﺎﺩﺗﻜﻢ ﺭﻓﻀﺘﻢ ﺇﺻﻄﺤﺎﺏ ﺍﻟﻼﻋﺐ ﻟﻤﻨﺰﻝ
ﺍﻟﻮﺍﻟﻰ؟؟؟
✯ ﻭﺇﻥ ﻛﺎﻧﺖ ﺍﻹﺟﺎﺑﺔ ﺑﻨﻌﻢ
✯ ﻟﻴﻪ؟؟؟
✯ ﻭﺇﻥ ﻛﺎﻧﺖ ﺍﻹﺟﺎﺑﺔ ﺑﻼ
✯ ﻃﺎﻟﻤﺎ ﺃﻧﻜﻢ ﻣﻮﻇﻔﻴﻦ ﻣﻔﻠﺴﻴﻦ ﻣﺎ ﻭﺩﻳﺘﻮﻫﻮﺍ ﻟﻴﻪ؟؟؟
✯ ﻛﺪﻩ ﻟﻴﻪ؟
✯ ﻭﻛﺪﻩ ﻟﻴﻪ ﻳﺎ ﻭﻧﺴﻰ؟
✯ ﺃﻳﻬﺎ ﺍﻟﻨﺎﺱ
✯ ﻣﺎﻫﻰ ﺿﻤﺎﻧﺎﺕ ﺷﻴﺒﻮﺏ؟؟؟
✯ ﺃﻥ ﺗﺘﻔﻖ ﻣﻊ ﺯﻭﻝ ﺷﻔﺎﻫﺔً
✯ ﺩﻩ ﻛﻮﻡ
✯ ﻭﺃﻥ ﺗﻘﻮﻡ ﺑﺘﻨﻔﻴﺬ ﺫﻟﻚ ﺍﻹﺗﻔﺎﻕ ﺑﻜﻞ ﺿﻤﺎﻧﺎﺕ ﺣﻘﻮﻗﻚ ﺩﻩ ﻛﻮﻡ ﺗﺎﻧﻰ
✯ ﺍﻟﺒِﻀِﻤﻦ ﺷﻴﺒﻮﺏ ﺷﻨﻮ ﺍﻥ ﻳﺘﻢ ﺗﻨﻔﻴﺬ ﺍﻹﻟﺘﺰﺍﻡ ﺷﻬﺮ ﺳﺘﻪ؟
✯ ﺩﻩ ﻣﻦ ﻧﺎﺣﻴﺔ
✯ ﻭﻣﻦ ﻧﺎﺣﻴﻪ ﺗﺎﻧﻴﺔ
✯ ﺇﺫﺍ ﺣﺪﺙ ﻟﺸﻴﺒﻮﺏ ﺇﺻﺎﺑﺔ ﻻﺳﻤﺢ ﺍﻟﻠﻪ
✯ ﻫﻞ ﺳﻴﻤﻀﻰ ﻣﻦ ﺇﺗﻔﻖ ﻣﻊ ﺷﻴﺒﻮﺏ ﻓﻰ ﺇﺗﻔﺎﻗﻬﻢ؟؟؟
✯ ﺩﻩ ﻣﻦ ﻧﺎﺣﻴﻪ ﺗﺎﻧﻴﻪ
✯ ﺃﻳﻬﺎ ﺍﻟﻨﺎﺱ
✯ ﺍﻟﻤﺮﻳﺦ ﻭﺷﻴﺒﻮﺏ ﻭﺍﻟﻬﻼﻝ
✯ ﺗﻼﺗﺔ ﺃﻃﺮﺍﻑ ﻓﻰ ﺍﻟﻘﻀﻴﻪ
✯ ﺍﻟﻤﻮﻗﻒ ﺍﻟﻮﺣﻴﺪ ﺍﻟﻘﻮﻯ ﻫﻮ ﻣﻮﻗﻒ ﺍﻟﻤﺮﻳﺦ
✯ ﻷﻥ ﺍﻟﻼﻋﺐ ﻓﻰ ﻛﺸﻮﻓﺎﺗﻪ ﻟﺴﻪ
✯ ﻭﻟﻜﻦ ﺣﻘﻴﻘﻪ
✯ ﺍﻟﺨﺎﺳﺮ ﺍﻷﻭﻝ ﻭﺍﻷﺧﻴﺮ ﺷﻴﺒﻮﺏ
✯ ﻭﻣﺎ ﺣﺪﺙ ﻟﺸﻴﺒﻮﺏ ﺣﺪﺙ ﻣﻦ ﻗﺒﻞ ﻣﻊ ﻭﺍﻟﻰ ﺍﻟﺪﻳﻦ ﺍﻟﻘﻀﺎﺭﻑ
✯ ﺗﺪﺧﻞ ﺍﻟﻬﻼﻝ ﻗﺘﻞ ﻣﻮﻫﺒﺔ ﻭﺍﻟﻰ ﺍﻟﻘﻀﺎﺭﻑ
✯ ﻭﻫﺎﻫﻮ ﻧﻔﺲ ﺍﻟﺘﺪﺧﻞ ﻳﻘﺘﻞ ﻣﻮﻫﺒﺔ ﻻﻋﺐ ﺇﺳﻤﻪ ﺷﻴﺒﻮﺏ
✯ ﺷﻴﺒﻮﺏ ﺿﺤﻴﻪ
✯ ﻭﺍﻟﻀﺒﺎﺡ ﻫﻮ ﻣﺮﺟﻌﻴﺔ ﺷﻴﺒﻮﺏ
✯ ﺍﻟﺸﺨﺺ ﺍﻟﺬﻯ ﻳﺜﻖ ﻓﻴﻪ ﺷﻴﺒﻮﺏ
✯ ﻭﻳﻮﺟﻪ ﺷﻴﺒﻮﺏ ﺑﺎﻟﺮﻳﻤﻮﺕ
✯ ﻭﺩﺍﻋﺎً ﺷﻴﺒﻮﺏ
✯ ﺩﻧﻴﺎ ﺍﻟﻜﺮﺓ ﺗﻮﺩﻋﻚ
✯ ﻭﻟﻜﻨﻪ ﺩﺭﺱ ﻟﻤﻦ ﻳﺄﺗﻰ ﺑﻌﺪﻙ
✯ ﺃﻳﻬﺎ ﺍﻟﻨﺎﺱ
✯ ﺷﻴﺒﻮﺏ ﻣﻮﻫﻮﺏ
✯ ﻭﻟﻜﻨﻪ ﻟﻴﺲ ﻓﻠﺘﻪ ﻣﻦ ﻓﻠﺘﺎﺕ ﺍﻟﺰﻣﺎﻥ
✯ ﻷﻧﻪ ﻟﻮ ﻛﺎﻥ ﻛﺬﻟﻚ ﻟﻤﺎ ﻫﺒﻂ ﺍﻟﻤﻮﺭﺩﺓ ﻭﻫﻮ ﺍﻷﺳﺎﺳﻰ ﻓﻰ ﺗﺸﻜﻴﻠﺘﻪ
✯ ﻷﻧﻪ ﻟﻮ ﻛﺎﻥ ﻛﺬﻟﻚ ﻟﻤﺎ ﺇﻧﻬﺰﻡ ﻣﻨﺘﺨﺒﻨﺎ ﺍﻟﺸﺎﺏ ﻓﻰ ﺍﻷﺑﻴﺾ ﻣﻦ ﻧﻈﻴﺮﻩ
ﺍﻟﺘﻮﻧﺴﻰ ﻭﺷﻴﺒﻮﺏ
ﻻﻋﺐ
✯ ﻭﺷﻴﺒﻮﺏ ﻛﺜﻴﺮ ﺍﻷﻋﻄﺎﺏ
✯ ﺃﺭﺟﻌﻮﺍ ﻟﻤﺴﻴﺮﺗﻪ ﺍﻟﻘﺼﻴﺮﺓ ﻣﻊ ﺍﻟﻤﺮﻳﺦ
✯ ﻳﺒﻘﻰ ﺍﻟﻮﻟﺪ ﺟﻨﻰ ﻋﻠﻰ ﻧﻔﺴﻪ
✯ ﻭﺍﻟﺮﻳﻤﻮﺕ ﻟﺨﺒﻂ ﺍﻟﺸﺎﺷﺔ ﺍﻟﻐﺸﺎﺷﻪ ﻳﺎ ﺷﻴﺒﻮﺏ
✯ ﺍﻟﻤﻬﻢ
✯ ﻗﺼﺔ ﺷﻴﺒﻮﺏ ﺩﻯ ﺫﻛﺮﺗﻨﻰ ﺑﺘﺎﻉ ﺍﻟﻤﻮﺯ
✯ ﺷﻴﺒﻮﺏ ﻳﺎ ﺑﺘﺎﻉ ﺍﻟﻤﻮﺯ
✯ ﺍﻟﻤﻮﺯ ﻋﻔﻦ ﻳﺎ ﺷﻴﺒﻮﺏ
✯ ﺑﺘﺎﻉ ﺍﻟﻤﻮﺯ ﺍﻟﺼﺒﺎﺡ ﻳﻘﻮﻝ ﻟﻴﻚ ﺍﻟﻜﻴﻠﻮ ﺑﻰ ﺗﻤﻨﻴﺔ ﺍﻟﻒ
✯ ﺗﻘﻮﻝ ﻟﻴﻬﻮ ﺃﺩﻳﻨﻰ ﺇﺗﻨﻴﻦ ﺑﻰ ﺧﻤﺴﻄﺎﺷﺮ
✯ ﻳﺨﺖ ﻳﺪﻭ ﻓﻰ ﺍﻟﻮﺍﻃﻪ ﻭﻳﺘﻨﻔﺾ
✯ ﻭﻳﺮﻓﺾ ﺗﺨﻔﻴﺾ ﺍﻟﺠﻨﻴﻪ ﻓﻰ ﺇﺗﻨﻴﻦ ﻛﻴﻠﻮ
✯ ﺍﻟﻀﻬﺮ ﺑﻘﻮﻝ ﺍﻟﻜﻴﻠﻮ ﺑﻰ ﺳﺘﻪ
✯ ﺍﻟﻌﺼﺮ ﻳﻜﻮﺭﻙ
✯ ﺑﻰ ﺧﻤﺴﻪ ﺍﻟﻤﻮﺯ ﻳﺎ ﻣﻮﺍﻃﻦ
✯ ﺍﻟﻤﻐﺮﺏ ﺑﺎﻟﺼﻮﺕ ﺍﻟﻌﺎﻟﻰ
✯ ﺇﺗﻨﻴﻦ ﺑﻰ ﺧﻤﺴﻪ ﻳﺎ ﻣﻮﺍﻃﻦ
✯ ﺗﻼﺗﺔ ﺑﻰ ﺍﻟﺨﻤﺴﻪ ﻳﺎ ﺍﻟﺨﻠﻴﺘﻮ ﺍﻷﻛﻞ
✯ ﺍﻟﻌﺸﺎ
✯ ﺍﻟﻤﻮﺯ ﻋﻔﻦ ﻳﺎ ﺷﻴﺒﻮﺏ
✯ ﻣﺎﺣﺪﺵ ﻋﺎﻭﺯ
✯ ﺍﻟﻤﻬﻢ
✯ ﻭﺍﺣﺪ ﺷﻔﺖ ﻟﺬﻳﺬ
✯ ﻗﺎﻝ ﻟﻰ ﺍﻟﺠﻤﺎﻋﻪ ﺩﻳﻞ ﻻﺯﻡ ﻳﺘﻤﻮﺍ ﺍﻟﺘﻼﺗﺔ ﺷﻬﻮﺭ؟
✯ ﻗﻠﺖ ﻟﻴﻬﻮ ﻻﺯﻡ
✯ ﻗﺎﻝ ﻟﻰ ﻛﺎﻥ ﻳﻘﻮﻟﻮﺍ ﺍﻟﻐﺮﺍﻣﻪ ﻣﻴﻪ ﻣﻠﻴﻮﻥ ﺍﻭ ﺍﻟﺘﻼﺗﺔ ﺷﻬﻮﺭ ﺩﻯ
✯ ﻋﺸﺎﻥ ﻧﺘﺨﺎﺗﺖ ﺍﻟﻤﻴﺔ ﻣﻠﻴﻮﻥ ﻭﻧﺪﻓﻌﻬﺎ ﻟﻴﻬﻢ ﻳﺘﺨﺎﺭﺟﻮﺍ ﻣﻨﻨﺎ
✯ ﺃﺳﻰ ﻛﺪﻩ ﻛﻮﻳﺲ ﻳﺎ ﻭﻧﺴﻰ؟؟؟
✯ ﺃﻳﻬﺎ ﺍﻟﻨﺎﺱ
✯ ﺇﻥ ﺗﻨﺼﺮﻭﺍ ﺍﻟﻠﻪ ﻳﻨﺼﺮﻛﻢ
✯ ﺃﻫﺎ
✯ ﻧﺠﻰ ﻟﻰ ﺷﻤﺎﺭﺍﺕ ﻭﺍﻟﻰ ﺍﻟﺨﺮﺗﻮﻡ
✯ ﺃﻛﺎﻥ ﺷﻔﺖ ﻳﺎ ﻭﺍﻟﻴﻨﺎ
✯ ﺍﻟﻤﻮﻳﻪ ﺭﺍﺍﺍﺍﺍﺍﺍﺍﻗﺪﻩ ﻟﺪﻳﻨﺎ
✯ ﺑﻘﺖ ﻗﻮﻳﻪ ﺗﺠﻴﻨﺎ
✯ ﻭﺑﺎﺍﺍﺍﺍﺍﺭﺩﻩ ﻳﺎ ﻭﺍﻟﻴﻨﺎ
✯ ﻣﺎﻓﻰ ﻃﺮﻳﻘﻪ ﻓﻰ ﺍﻟﺼﻴﻒ ﺗﺠﻴﺒﻮﻫﺎ ﻟﻴﻨﺎ؟
✯ ﺃﻭ ﺗﻐﻴﺮﻭﺍ ﻟﻴﻨﺎ ﺍﻟﺸﺘﺎ ﺍﻟﻔﻴﻨﺎ
✯ ﻋﺸﺎﻥ ﻧﺴﺘﻤﺘﻊ ﺑﺠﻴﺘﻬﺎ ﻭﺑﺮﻭﺩﺗﻬﺎ ﻳﺎ ﻭﺍﻟﻴﻨﺎ؟
ﺳﻠﻚ ﻛﻬﺮﺑﺎ
✯✯ ﻧﻨﺴﺎﻙ ﻛﻴﻒ ﻭﺍﻟﻜﻠﺐ ﺑﻘﻰ ﻣﺎ ﺑﻤﺮﻕ ﺍﻟﺸﺎﺭﻉ .. ﺑﺮﺩﺍﻥ ﻳﺎﺥ؟ !!
ﻭﺍﻟﻠﻰ ﻟﻘﺎﺀ
ﺳﻠﻠﻠﻠﻠﻠﻠﻠﻠﻚ
سمعنا كده خبر يعني أبو كسكته ناوي يشتري الرد( كسر )عشان عندوا مشرع تربية عحول وخرفان ودواجن ...
انت يا سلك تعرف الراجل ده صعب لمن ينوي علي حاجة ما بتراجع ونفسوا طويل والوسطاء من العاطلين في المريخ من لعيبة وأعضاء في المجلس ومشجعين قدام .
بصراحة كده المشروع كبير ويدخل من ضمن مشاريع الأمن الغذائي للولاية ...
فكروا أو ما تستعجلوا خدوا وقتكم الراجل لسه ملبس لامة الحرب .
بس ما تطولوا ..
إنشاء الله ما تطولوا ..
ولا شيء سو الكسكته ..
سمعنا كده خبر يعني أبو كسكته ناوي يشتري الرد( كسر )عشان عندوا مشرع تربية عحول وخرفان ودواجن ...
انت يا سلك تعرف الراجل ده صعب لمن ينوي علي حاجة ما بتراجع ونفسوا طويل والوسطاء من العاطلين في المريخ من لعيبة وأعضاء في المجلس ومشجعين قدام .
بصراحة كده المشروع كبير ويدخل من ضمن مشاريع الأمن الغذائي للولاية ...
فكروا أو ما تستعجلوا خدوا وقتكم الراجل لسه ملبس لامة الحرب .
بس ما تطولوا ..
إنشاء الله ما تطولوا ..
ولا شيء سو الكسكته ..
ولا أظن أن هنالك لاعبا محليا ولا مدرب يستحق اكثر من 3 مليون راتب شهرى حتى يجتهد لينال الحوافز!نحن الان نعطيه الذى يتمناه مرة واحدة فلماذا يتعب نفسه وهو قابض؟بينما دكتورنا لو نجح لا يمكنه من كسب هذا المبلغ الا بعد 15 سنة!لماذا يتقاضى مدرب كفاروق جبرة 50مل فى الشهر؟قلة أدب ساكت؟أما كان من باب أولى اعانة المرضى بهذا المبلغ؟حرام والله حرام