• ×
الجمعة 29 مارس 2024 | 03-28-2024
بابكر سلك

ماي بيبول

بابكر سلك

 11  0  2665
بابكر سلك

*ايها الناس
*بصراحه كده
*لايمكن ان يكون ثمن البطولات الاداريه هو مصلحة المريخ
*ومن يريد ان يسلط الاضواء علي شخصه
*يجب ان لا يستمد طاقة تلك الاضواء من صالح المريخ
*والحفر بين الاداريين يجب ان يكون بعيد عن مصلحة المريخ
*فلا يعقل ان يتضرر المريخ من سباق الاقطاب في مضمار المصالح الدعئيه
*وان كان الكيان قد دفع ثمن ذلك كثيرا
*فان شعار العفو عما سلف قد استنفذ كل الفرص
*وبعد كده غلطان البجينا بتصرف مشابه
*ايها الناس
*الناس تعرف جيدا من يدعم
*ومن يدفع
*ومن يجعجع في فارغه ومقدوده
*قديتونا بالخطب الحماسيه الماجايبه حقها
*ونرجع ونقول
*نتعرض لمثل هكذا مواقف
*لان النادي لسه لازال يعتمد علي جيوب الناس
*الاستثمار الاستثمار الاستثمار
*لا لشئ
*فقط لصالح الكيان
*ايها الناس
*بصراحه المشاركه والمساهمه الجماهيريه ضعيفه
*يلاقوك ناس يزبدوا ويرغوا
*هايجين شديد في المريخ
*وتجدهم بدون خجله لا عضويه يساهموا بيها ولا تحويل رصيد يزين موبايلاتهم
*ان كنا فعلا نريد الخروج عن الارتهان للجيوب
*علينا ان نضحي وندعم ونساهم ونستثمر لصالح الكيان
*المهم
*مرة كتبت عن سلوكنا
*وجد الموضوع مساحه واسعه في صدور الناس
*بل البعض اقترح تكوين منظمه او جمعيه خيريه تعمل علي تغيير السلوك الانساني السوداني
*ونحنا ليها
*الشعب هو شعبنا
*شعبي
*ماي بيبول
*يبقي تطويره وتغييره للافضل هو هدفنا جميعا
*والبدايه بانفسنا
*ثم بالتي هي احسن
*ثم بمحاسبة من ياتي بالسلوك القبيح
*يعني بتاع المطعم البدفق المويه في الزلط
*ممكن ناس الحله يوجهوهوا
*واذا ما نفع
*ممكن يشتكوهوا للسلطات
*واذا تقاعست السلطات
*هي ذاتها ممكن نشتكيها
*المهم
*موضوع سلوكنا ده
موضوع مهم يحتاج عودة ووقفه وحلول
*والتنميه تبدا من تاهيل الانسان
*التنميه ليست مكنات ولا محركات ولا تراكترات ولا مصانع تدور
*التنميه هي تاهيل الانسان
*لان الانسان هو اهم عناصر الانتاج
*اووووووو
*ماي بيبول
*المهم
*اذا رجعنا لي امثالنا
*بنلقي معظمها محطم جدا للهمه الانسانيه
*زي المثل البقول
*كان كترت عليك الهموم اتدمدم ونوم
*تنوم كيف يا الهوان !!!!
*تنوم كيف بي همومك الكترت دي
*مفروض يكون شعارك ما انوم
*عشان احل المشاكل البقت هموم
*هو انت مليان هموم
*كيف بجيك النوم ؟؟؟؟
*الامثال دي حانرجع ليها في موضوع منفرد براهو
*لانها جانب من التربيه والسلوك
*تلتو ولا كتلتو
*ليه ؟؟؟
*كتلتو ليه ؟؟؟
*هو تلتو ده ما ياهو زاتو كتلتو
*الحقوق لا نساوم فيها اطلاقا
*لاتلتو ولا شئ
*كلو جنيه ينطح جنيه
*اما العفو عما سلف
*فده كوم براهو
*هذا العفو هو سبب بلاوي البلد دي
*مافي زول بخاف من شئ
*طالما السنتنا تلهج بعفا الله عما سلف
*الحساب ولد
*هو الرقيب الداخلي لاي زول قبل يرتكب الغلط
*قبل يعتدي علي الناس
*قبل يخمش المال العام
*قصة الامثال دي دايره ليها يومين تلاته
*المهم
*اتأسف شديييييييييد
*اوووووووووو
*ماي بيبول
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*النسوان جنن عديل فينا
*بعد كملن التموين في وشوشن يا والينا
*لاخلن زبادي بي بيض بالبن وحبة خل يا والينا
*تلقي الواحده ماسحه وشها بالكسبره والعطرون ودقيق الفينا
*بقن كمان يستعملن الاسبيرات يا والينا
*تلقي الواحده مقنقنه بي شريط الكهربا محننه رجلينا
*زي ديل بعد ده ما تستبعد لو لقيت واحده منهن لابسه كربريتر خاتم في اصابعينا
*لزوم الزينه
*وما تستغرب يا والينا
*لو جاتك لابسه بص في رجلينا
*لانو البكاسي دي شباشب حمام ساكت يا والينا
سلك كهربا
ننساك كيف والكلب لما يشوف مرة بقول يادوب عرفت خيرات البلد دي ماشه وين
والى لقاء
سلك
امسح للحصول على الرابط
بواسطة : بابكر سلك
 11  0
التعليقات ( 11 )
الترتيب بـ
الأحدث
الأقدم
الملائم
  • #1
    صالح عثمان سعيد 12-24-2015 12:0
    عجيب ده واحد لو الكاردينال أخد واحد تاني حتمشي تأم صلاة الجمعه
  • #2
    سامي 12-24-2015 10:0
    طيب كمان أيه رأيك في التزوير لكسب لاعب فريق آخر ، والتزوير لمنح فريق نقاط ما حقته،والتزوير في أعمار اللاعبين، و التزوير في تسجيل لاعب باسم أخيه الأكبر، واحتواء كشف الفريق علي أكثر من العدد المصرح بيه حسب اللوائح وبعلم الاتحاد ، وشغب الملاعب - دا كله يا سلك داركم عامرة بيه. ما حكاية عفا الله عما سلف إن كنت تنصح الناس فتفوه بالحقيقة كاملة واذكر كل عيوبك ما بس عيوب الناس الداير تتخلص منهم. المريخ غارق لأذنيه في السوء - كل قبيح مارسته القبيلة الحمراء حتى وصلت لهذا الدرك المخزي. عندما تعترفوا أنكم مارستم كل ذلك وسلكتم سلوكاً قويماً سوف ينصلح حالكم وإلا فابشروا بمستقبل مظلم. الظلم البائن الذي يمارسه الاتحاد ضد الفرق الأخرى لصالح المريخ لن يمضي دون أن تنعكس سلبياته عليكم. وسوف تعانون أكثر وأكثر في مقبل الأيام حين يندثر هذا الاتحاد الداعم لكم.
  • #3
    ِعادل 12-24-2015 09:0
    وانت مساهمتك مع الرجال شنو؟ ياها الكتابة المهببة دي الممكن اي مخبول يكتبها؟ تبا لك وتبا لراسك الاقرع.
  • #4
    لاجئ عاطفي 12-24-2015 09:0
    سلك .. يسكك حرامي
    عشان تاني لا نشوفك
    لا تجينـــا ..
  • #5
    ابو مازن 12-24-2015 08:0
    اول شيئ غير سلوكك العفن زي وشك ده بعدين تعال غير سلوك الناس يا عم تنقو اب سلك ضارب.
  • #7
    لبن الطير 12-23-2015 11:0
    *(الناس تعرف جيدا من يدعم
    *ومن يدفع
    *ومن يجعجع في فارغه ومقدوده ). ياابا الاسلاك من اى نوع من الثلاثة.
    صدقت ياود عبدالماجد . سلك بدأ يكتب فى المرثيات. لكن قل لصاحبك اصبر شوىة.
    فعلا ياود عبدالماجد صاحبك سلك حالتو تحنن. بقى واعظ عديل
  • #9
    الناصح 12-23-2015 07:0
    والله مرات مرات بتقطع مصارينا ضحك. ي سلك....مع إنو تريقتك فينا. ...أسكت ساى بس
  • #11
    زول جادى 12-23-2015 05:0
    اول مرة تكتب حاجة بتدخل الراس
    يمكن ضربة شيبون رجعتك لى رشدك
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019