((())) في السودان لا يوجد اتحاد لقيمات ؟
الاتحادات كثيره ولها لوائح وقوانين
فهناك اتحادات اللواري والبصات السفريه
واتحاد النسائي
واتحاد نقابات السودان
واتحاد التكاسي
واتحاد طلاب جامعه الخرطوم
واتحاد المزارعين
واتحاد المهندسين
واتحاد الاطباء
واتحاد الصيادله
واتحاد الطيارين
واتحادات اخري كثيره لا حصر
وطبعا نسينا اتحاد العام لكرة القدم وهو طبعا غير موجود لانه لا يدير الكرة
فحق لنا تبديل مسماه الي اتحاد اللقيمات
وسيكون مقره مقر الاتحاد العام لكرة القدم
وحين كانت ثورة الجماهير امام مقر الاتحاد
انبعث دخان كثيف من نوافذ ذلك المبني
و قالوا لنا ان الصاج ربما احترق علي المنقد وبه كميه كبيره من اللقيمات
وطبعا ضحكنا كثيرا لهذه الطرفة
انهم حقا يستحقون هذا المسمي الجديد
وقد شاع في كل السودان ولم لا
فلعنة الهلال تلاحقهم اينما حلوا
وفي كريمه لاحقتهم هتافات جماهير الهلال
وفاشل فاشل يا معتصم زلابيه زلابيه يا معتصم
ولن تتوقف هذه الهتافات والاهازيج وحتي يتم الرحيل
وحقا فقد اظهرت هذه الازمة عظمة الهلال
و عرف الجميع قوة الهلال
و جماهيرية الهلال
وتأثيره علي كل الاحداث
ولسوء حظهم فقد سقط منتخبا اليتيم امام زامبيا
وتخيلوا نتائج السودان في عهود هذا الاتحاد البائس :
السودان 0 جنوب افريقيا3
الكنغو 2 السودان 0
نيجيريا 3 السودان 1
جنوب افريقيا 2 السودان1
السودان 0 الكنغو 1
السودان 1 سيراليون0
الجابون 4 السودان 0
يوغندا 2 السودان 0
السودان 0 يوغندا 2
السودان 0 زامبيا 1
وكأن المطلوب منهم الدفع بالسودان لهذه النتائج الكارثيه
في الكثير من البلدان المتحضره يتم إسقاط المسئولين إذا حامت حولهم شبهات
اواتهامات بالفساد
أو تجاوز القانون
أو استغلال المنصب
أو علاقات مشبوهة..
أو حتى ان تلقوا هدايا ثمينة.
وفي اليابان لا يكتفون بإقالة الفاسدين،
لكن بعضهم ينتحر خجلاً من المجتمع
وفي السودان يتم تكريم اللصوص وحثهم علي البقاء اطول ممكنه
اليوم خرج علينا كبيرهم الذي علمهم السحر لينفي خبر استقالته
يأ اخي ارح واسترح بارك الله في رجل اراح واستراح
والي النسيان ايها الفاشلون

((())) في سطور :
**** علي جماهير الهلال ان لا تبالغ في الاحتفال بالقادمين الجدد قبل ان يشهد عليهم المستطيل الاخضر
**** لا نمانع ابدا في الهلال ونحن عشاقه ان ينهي سيدا الرائع مشواره الكروي بنادي الهلال مرحبا بسيدا الهلال فالهلال هلالك وكم امتعتنا يارجل
**** لا ندري فتسجيلات المريخ هذا العام شحيحه والظاهر الجماعة حالتهم صعبه شديد ولا اظن الموجودين سيعبرون تمهيدي ٢٠١٦
**** بعد مباراة ( مازيمبي مدني ) المشهوره كتب احد كتاب المريخ : عفوا يا مريخ الاشباح اضاعوا التاريخ
**** جمال الوالي يبتعد نهائيا عن المريخ ويسافر الي لندن وممكن يغير ارقام هواتفه يا ربي مين حيشتري لينا هدوم العيد ؟
**** الولوله والبكاء والعويل يسود نادي المريخ حيث انعدام المال وفي الطريق فاتورة الكهرباء واستحقاقات المحترفين وبكري المدينه والمليارات والباشا وكوفي وغارزيتو وانطونيو وووووووو
**** احلي ما كتب ايام المناقل : مازيمبي ينقل عروضه القويه الي المناقل . اللهم لا سماته
**** غارزيتو وهو غاضب عقب تلك الهزيمه : ما فيش والي ما فيش حكام ما فيش بلينتات ، ما فيش فلوس حوافز عقود إذن مافيش فوز طبعا الكلام ده بالفرنساوي

((())) لسان حال اهل المريخ يقول :
عد لينا ياليل الفرح
داو القليب الإنجرح
خليهو يفرح مره يوم
طول عمرو ناسيهو الفرح
عد لينا ماتبكي العيون
الشاربه من بحر الخجل
عد لينا ماتعدد دروب
ريانة بتسيب بالامل
عد لينا قبال الخريف يرحل
يسيب ايامنا بتصيبه المحل
إمكن تطيب اشواقنا يوم
وتودي لي شوقك يصل
وفعلا القرش الابيض ينفع في اليوم الاسود
نصحناهم كثيرا بان الايام دول
لكنهم كانوا يتباهون بالغني الفاحش لنادي المريخ
وان الكاش يقلل النقاش
والبوفيهات المفتوحه
وحوض السباحه
والباسطه وام علي في الكثير من الفنادق
ولا ندري ماذا سيأكلون هذه الايام
وقد شاهدنا الفنان سيف الجامعه يأكل عند ستات الشاهي
وهذا ليس عيبا بل تواضع
ومن تواضع لله رفعه
ولكنهم كانوا يتبخترون
ويوسمون الهلال بالفقر
الآن ذهب الوالي بخروج نهائي
والدنيا ما دوامه

محمد حسن شوربجي