والله ما عندي نفس اكتب عن الرياضه
ولا عندي نفس اكتب عن ظلم الاتحاد للهلال
ولا عن خرمجات الاتحاد الهزيل
(ولا عن الوزير (جلكوما
ولا التحكيميه ولا المفوضيه ولا الاستئنافيه
ولا مجدي سمكره ولا اسامه وكالات
ما عندي نفس اكتب عن الجكومي
ولا عن جمال الوالي الذي خربها وقعد علي تلها
ولا عن صلاح ادريس الذي يلعلع في الضفاف دون فائده
ولا عن كردنه الذي يحارب طواحين الهواء كدون كيشوت
لا اريد ان اكتب عن سمير فضل
ولا مولانا الذي خايف من ضله
لا اريد ان اكتب عن التزوير والكذب
لا اريد ان اكتب عن الاخلاق التي ذهبت
فلم تعد الرياضه رياضه
ولم تعد الكوره كوره
وكلها خرمجه معجونه بالوهم
ومجموعات ونخب تتكسب حرام حلال ما مهم
واعلام يبيع الوهم للسذج والعجم
ما الذي يجري في البلاد
ما الذي يجري للعباد
فلم تعد هذه بلادى التي اعرف
ولم يعد هؤلاء اهلى الذين كانوا
ولم يعد هؤلاء اصدقائي بتوعين زمان
ولم يعد هذا عثمان سيد الدكان
ولم تعد هذه الخرطوم ولا هذه امدرمان
ولم تعد هذه حلفا الوديعه
ولم يعد هذا نيلنا الذي تغنينا به كثيرا
ولم تعد هذه هي جروفه التي كانت
أين اخوتى نخيل بلادى الباسقات و اين سواقيها المترنمات ؟
أين سنابل قمحها و اشجار هشابها أين حجات الفول وبيعات الكسرة (حبش)
أين كبرى الحريه وحديقة الحيوان و ميدان ابو جنزير أين قبر الجندى المجهول وسينما كلزيوم اين ميدان عقرب
لقد تبدلت بلادى مسخا
افتقدنا جمال امدرمان وروعة بحرى وهدوء الخرطوم
لقد حلت علينا ثقافات غريبه وفرضيات عجيبه وركشات وامجاد ونانسي وندى القلعه
ومكسيم وديديه وسيسيه
وأجناس وأمم وشعوب وملل
ويقولوا لينا السودان بلد التنوع والسودان بلد التمازج
تنوع شنو وتمازج شنو يا اخوانا الحكايه خربانه شديد
حين تحاربنا والجنوبيين طويلا تشرزمت الامه شرقا وغربا وجنوبا وشمالا وكل يستقطع نصيبه فأفتقدنا كل الجمال والذى فى الحقيقة هو دين الحكماء كما يقول الشاعر الهندى فهل تبقت فى حياتنا مآلات نلوذ اليها من عذابات حياة ملؤها الخوف من غد كئيب ؟
وهل بقى فى السودان جمال وقد اكتست كل الوجوه حزنا وعبوسا
- يقول جبران خليل جبران يا ايها الذين حاروا فى سبيل الاديان المتشعبة وهاموا فى اودية الاعتقادات المتباينة فرأوا حرية الجحود اوفى من قيود التسليم ومسارح النكران اسلم من معاقل الاتباع اتخذوا الجمال دينا واتقوه ربا فهو الطاهر فى كمال المخلوقات انبذوا الذين مثلوا التدين لهوا والفوا بين طمعهم بالمال وشغفهم بحسن المآل وياايها الذين ضاعوا فى ليل التقولات وغرقوا فى لجج الاوهام ان فى الجمال حقيقة نافية الريب مانعة الشك ونورا باهرا يقيكم ظلمة البطل تأملوا يقظة الربيع ومجئ الصبح ان الجمال نصيب المتأملين .
لا شيئ اخوتي سوى بسمات اهلى الطيبين وكلماتهم الحنونه -
رغم زيادات الاسعار
ومعاناة الخبز اليومى ورطل اللبن وربطة الجرجير بل كل السلع الاساسية الذرة والسكر والصابون وزيوت الطعام وتذاكر الطائرات وتذاكر البصات السفرية واللواري.
حقا فلقد اكتسى الوطن قبحا فوق قبح
واسواق بلادى ملؤها الفوضى
وطرق بلادى قد ازدادت وعورة
وحين جلت في شوارع بلادي لم انعم اخوتى بوطن
فاختفت اغنيات وردى وود الامين وابن الباديه بل دعانى بعضهم لسماع الغريب العجيب من اشباه المطربين
وقد كنا ركوبا لركشة يكاد ازيزها يصيبنا بالصمم
لترتفع صوت مطربه وهي تقول : ابقي لى طيارة وابقي ليك برج التجاره والبري بري ما شفتو
يا الشايل المجله يقراها ويتسلى
يقراها ويتسلى ووب انا والقسمه عند الله وووب انا
****
يا الشايل الجريده يقراه ويعيدها
يقراها ويعيداووب انا والقسمه عند سيداا وووب انا
***
الفرع القام دابو وووب انا وشقاووة العزابه الجنبنا
سنتر الخرطوم السهر بالكوم ناس جامعة الخرطوم السهر بالكوم
اشتهينا النوم حلوه دنيتنا وكل حاجه تمام
يا عوض دكام كلااام يا عوض دكام
يربو ونايل سات كتروا القنوات
والكلام بالجات
جينا للبوبار تلقى ناسو كتار
الحمام كان طار يا عوض دكام سوا ليهو شمار
هى دعوة من القلب نطلقها حتى يكون الاصلاح الحقيقى جسرا نحلق به بعيدا عن كل منغصات الحياة
دعوة لاصلاح الرياضه والسياسه والاقتصاد
و دعوة لمصاصى دماء الوطن ان اتقوا الله فى اهل بلادي
وهى دعوة لطلاق بائن بين كل الجمال وكل القبح الذى اكتسى الوجوه والانفس والثمرات
فأهلى جديرون بلقمة عيش تسد الرمق وبشربة ماء تذهب الظمأ وبحياة ملؤها الجمال
فهل ندعهم
محمد حسن شوربجى
طيب الهبل الكنت بتعمل فيه داك لشنو؟؟!!
طيب الهبل الكنت بتعمل فيه داك لشنو؟؟!!