# صحيح الهلال طار والمريخ كذلك لكن طيران لطيران يفرق يا حبيب ...!
# الطيران زاتو خشم بيوت ..!
# في طيران رخيص وفي طيران متوسط وفي طيران غالي ....!
# وفي طيران ليهو ضل ...
# هسي طيران المريخ دا غالي وليهو ضل ...
# ضل اكتر من الهم فيهو دا ...
# في الهلال اثار الهزيمة ممكن يوم ما بتعدي ....!
# في اقل من يوم الناس بتتجاوز المرض ....!
# دا مجتمع الهلال كدا ......
# الهلال بمرض لكن ما بموت والعكس في المريخ ....!
# والحاجة دي لو دايرين تعرفوها شوفوا جرايد المريخ الليلة ....
# غارزيتو مش كان في نظر المريخاب موينهو الليلة قالوا باع الكورة ومدرب يفتعل المشاكل .....!
# ثلاثية اخوان ساماتا من شانها ان تطيح باكثر من 7 لاعبين من المريخ ..وبالمقابل تنعش اسواق السجانة الخاصة بالسيخ والاسمنت ....!
# انا متاكد الوالي اول حاجة فكر فيها بعد الهزيمة الاسمنت .
# غايتو اللهم لا ساماتا بس ..
# والله خجلنا ليكم تلاتة .....!
# هسي في ذمتكم ما بتخجلوا معاكم غارزيتو وولدو وبكري والمدينة وجمال وسالم و ابو جريشة وبودي قارد وبعد دا مغلوبين تلاتة .....!
# لكن اقول ليكم حاجة المشكلة في البودي قارد ...!
# بعدين انتو امير كمال دا تاني لو عندكم كورة مهمة بحتاج لرقابة ....!
# الزول دا بحتاج لتغطية دفاعية محكمة .......!
# فرغو الريح وعلي جعغر لتغطية امير كمال ....
# والله منظركم يحنن بقيتوا زي الطلبة .. !
# ديل واقفين يحننوا وراكبين يجننوا ...
# و هسي ناس المريخ مشاركين يجننوا وطايرين يحننوا ....
# لكن بتكسبوا الشكوى من ناحية بتاعت منطق وورق. ..
# لازم تنتزعوا حقوق المريخ يا ابو جريشة .....
# نحنا اللعب في مورثات المريخ ما بنرضى بيهو ......
# شوفو ناس لجنة الاستنافات
# احتمال يعيدو ليكم الكورة
# قرن شطة مفروض يتحرك في الموضوع دا .......
# شوفوا حياتو برضو ....
# مضرب مازيمبي ما بسكتوا اللولاي .....
# هوي يا هلالاب خلي فاتحين لي خشمكم متل الزول الشايل ليه ديل في نص السوق العربي
# اللهم لا ساماتا اقصد شماتة
# وو حمام الوادي يا راحل ....!
# قبل الطبع : تقل السكر دا لابو جريشة وما سالنك من ميزانيتو
# ساماتا جاكم ..........
إنهاء الدردشة