• ×
الجمعة 29 مارس 2024 | 03-28-2024
صحيفة كفر و وتر

سنترليق الهبوط .. الهبوط .....!

صحيفة كفر و وتر

 0  0  10839
صحيفة كفر و وتر



# وو...وو
# مرات في حاجات مسيخة وبضحك ....
# هسي البضحك شنو ....
# متين العمود بدأ عشان تقعدو تضاحكوا لي متل الزول المستقيل ......
# المهم حاجات مسيخة لكن في نفس الوقت بضحك
# مثلا اقول ليكم زي شنو ... زي احتراف بلة جابر في فرنسا
# هسي احتراف بلة دا مسيخ ومضحك .....
# من شدة مسيخ بحتاج لسكر
# مساخة بلة ما انتهت ناس المريخ جابوا ليهم مساخة جديدة
#مساخة شديد
#دا المريخ ولا المسيخ
# غايتو مساختكم تعمل الضغط
# قالوا مازيمبي يرغب في خدمات علاء الدين يوسف
# كلامكم دا قولوا لزول ما عندو بودي قارد
# والله لمن اتذكر منظر البودي قارد الدنيا دي بتمسخ لي
بتمسخ لي اكتر من مساخة بلة
# هسي ما بتخجلوا معاكم ابوجريشة وايمن وسعيد وشوبير وبودي قارد وبعد دا مغلوبين تلاتة .......
# ريحة المطار وين يا سلك
# ريحتكم دي ما اصلية
# شكلها تركيب ......
# الريحة جابت ليها استقالات جماعية .....
# استقالاتكم دي بقت زي نغمة ناس المحلية. فَيَ كِلُ خريف
# الوالي استقال بعد كدا الا تقلبوهو نادي مصارعة حره
# من المفارقات في الهلال اكثر من اربعة اشخاص ينتظرون في الدكة منصب الرئيس بينما اخوان في المريخ يبحثون ولو عن مشجع لرئاسة النادي .....
# فرق .....
# الاصل ما ببقى صورة يا حبيبي ....
# دا الهلال
# لكن اقول ليكم حاجة رشحوا افراح عصام .....
# افراح عصام ممكن تحقق ليكم ما عجز عنه الوالي .....
# مش ياها سيكافا دي ....
# ما عارف لكن دائما لمن اسمع كلمة سيكافا بتذكر افراح عصام # انا ما بفسر وانت ما تقصر ...
# هسي انا قلت بطولة هايفة ...
# هوي يا هلالاب ما تقولوني كلام دا طرفي منو .....
# رئيس نادي يا محسنين
# بعد كدا بتشوفوا النجوم في عز الضهر ....
# المريخ والامير في سرج واحد ......
# السنة الجاية عااااااادي ممكن المريخ يلعب سنترليق الهبوط الهبوط .....
# مؤكد هبوط في المعدة .......
# الترابة في خشمك يا غارزيتو...
# يبقى امير كمال هو اكثر الناس غير المحظوظين ....
# امير البحر كان جمبو وما شال منو موية ......
# مولد وفاتك يا ولدنا.......
# عليك بالصبر لحين الاستعانة بجمال والي اخر ........
# شوفوا كان تلقوا ..........
# حتى وقت قريب جدا كنت اظن ان على جعفر عازف بفرقة حسين الصادق ولكن علمت انه لاعب كرة قائم بذاته
# علي جعفر دا لو عندكم منو عينة ادونا .......
# وو ما تشيلي هم ... عاشقك بكره برحل الثورة
# قبل الطبع : وين تاني تلقوا البيرقر .....
امسح للحصول على الرابط
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019