*الشفناهوا امس ده بطل افريقيا
*الشفناهوا امس ماقادر يعمل هاجمه واحده ده بطل افريقيا
*الشفناهوا امس جايينا بي خطة الجزارة ده بطل افريقيا
*الماقدر يوقفنا بالشلوت ده بطل افريقيا
*عرفتوا ليه بقول ليكم شامي لي ريحة مطار ؟؟؟؟
*ياناس هووووي
*المطار مطارنا
*كان يرضي التطوان او يزعلوا
*تطواني ايه الجاي تقول عليه
*مدرب كبير بعرف يقود المباراه بي مزاجو كيف
*لاعبين مرتبطين بتوجيهات المدرب التقول مشغلهم بالرموت
*مهارات بالهبل
*مانمشي المطار كيف بس ؟؟؟
*المهم
*امس بالنهار اتصل علي واحد تطواني
*قال لي مشينا الفكي اديناهو خمسين مليون عشان تتغلبوا
*قلت ليهو كان قصرت بنتمها ليكم
*وقال لي الليله د\ايرين نضحك فيكم
*عليكم الله شفوففوا ليكم تطواني زي ده
*المهم قال لي دايرين نضحك فيكم الليله
*قلت ليهو والله الليله لو كلكلوك ما تضحك
*اظنو لي اسي ببكي
*ايها الناس
*لوحه رسمها الشفوت بالاستاد
*اجبرت السطايفه علي التصوير بالموبايلات والكاميرات
*دهشه
*روعه
*شفتنه
*جمهور بطولات
*مافي شك
*جمهور يملي العين موش يكف العين
*جمهور بعرف شغلو شنو
*شكر كبير للشفوت
*والامواج المريخيه كانت اروع امواج
*امواج دي موش في شارع المطار ؟؟؟
*اسي الجاب سيرة المطار شنو ؟؟؟
*خلونا من التطوان
*شفتوا بكري امس
*القون الاول بلنت معاهو
*والقون التاني جهزها بكري
*ويقولوا ليك بكري ما عمل شئ في المريخ
*بكري ياناس لو ما اضاف للمريخ فرق مع الهلال
*ولو ما فرق مع الهلال اضاف للمريخ
*اختاروا ليكم واحده يا تطوان
*المهم
*بكري بلعب بخطة ضربني وبكي سبقني اشتكي
*يقول للاعب دردقها لي
*دردقها وماعندك شغله
*ولما يدردقوها ليهو
*يظهر ليك للحارس
*عديل كده بقول ليهو كان راجل اهبشني
*يا يخليهو وتبقي وووب
*يا بلنتي وتبقي وببين
*كان راجل اهبشني
*خلونا من التطوان
*جمهور امس ده جمهور نصاح !!!!
*جمهور اكتر من مواطني التطوان
*بتاعين الحمامه البيضاء
*الحمامه البيضاء الشالت البيض من عش الحمامه الزرقاء
*بالغتي يا الحمامه الزرقاء
*المهم
*شن جاب لي جاب
*جمهور في الاستاد يهتف الله لينا
*وجمهور في الاستاد يهتف الله علينا
*الفرق كبير بين لينا وعلينا
*ايها الناس
*الشفناهوا امس ده هو بطل افريقيا 2015
*قبل التطوان ام طرشقوا
*لكن شيبوب بالغ
*ده حالتو مسجل رديف
*بمناسبة رديف دي
*حقو ناس روشا كورة مازيمبي يلعبوها بالرديف
*التطوان غلبوهم عشان ما لعبوا بالرديف
*كان يلعبوا بالرديف
*جيبوا الرديف يا روشا تاكلوا عيش الريف
*ده كاس كبير ما لعب زناطير
*اخير تتموا مدتكم السنه دي بالرديف
*عشان ينجضوا للسنه الجايه
*وطبعا نحنا لما نكون حامل اللقب بفضل الله
*مابنفرط فيهو قريب
*يبقي ناس رديفكم اخدوا خبره زياده
*وما مشكله
*اصلوا ابو الهل مصفر سبعه وتمنين سنه
*مافارقه كان صفر تاني سبعه وتمنين سنه
*علي بال ما الشفع ينجضوا يا كردنه
*يكون الاهله الشرفاء نجضوا
*المهم
*التطواني يا ربي ضحك ؟؟؟
*غايتو لو بعرف بيتو كان مشيت كلكلتو
*الزول رايحه ليهو ضحكه
*ايها الناس
*نحمد الله الذي من علينا بمدرب كهذا
*نحمد الله الذي اكرمنا بجمهور كهذا
*نحمد الله الذي اعطانا لاعبين زي ديل
*نحمد الله الكردنه فرط في العقرب
*نحمد الله مقدما علي بطولة افريقيا السنه دي
*ونحمدوا كذلك علي كاس السوبر الافريقي
*ونحمدو علي اللعب في كاس العالم للانديه
*غايتو في ناس كده الا يطيروا
*اليوم داك تبقي بلدنا خاليه منك يا ملاريا
*لاتطوان في امدرمان
*بطشوا
*ايها الناس
*ان تنصروا الله ينصركم
*اها
*نجي لي شمارات والي الخرتوم
*شفت امس كورتنا يا والينا
*هي كورة نصاح !!!!
*بكري المدينه غيرنا اسمولي بل المدينه
*نضف ولايتك يا والينا
*لما تقلانا شلنا كاسنا وبالطياره جينا
*علق في كل عمود رتينه
*عشان الكهربا ما تقطع علينا
*خت في اي لافته علم مريخي نجمتو زينه
*واسألنا
*الكاس ده رقم كم بالطياره قول لينا
سلك كهربا
ننساك كيف وامس الكلب زاتو انبسط
والي لقاء
هذه ألفاظ شوارع. .سوقيه للأسف
لن أدخل اي صحيفة رياضية لمنزلي
بالمناسبة انا لامريخابي ولا هلالابي
سماحك الله
الم
من حقك أن تفرح وتسعد وتقرقر زي ما داير وملء شدقيك ويقرقر معك جميع الشفوت،
بس كان داير تضحك وتقرقر في الآخر، وزي ما قالوا من يضحك أخيرا يضحك كثيراً،
وتملأ شارع المطار قرقريبة وضحك، ففي خضم هذا الفرح، أسمع كلام من يبكيك زي ما بتسمع كلام من يضحكك،
عشان المريخ يواصل مسيرته الظافرة نحو الأميرة السمراء، وعشان تمشي المطار، لابد أن تكتمل الصورة الجميلة للفريق،
ورغما عن الجمال والفن الشفناهو بالامس، إلا أن هناك أخطاء حصلت من اللاعبين في مباراة الامس لا علاقة لها بأساسيات كرة القدم ناهيك عن الجوانب الفنية،
وأعطيك مثالا على ذلك: الفرص العديدة التي ضاعت في مباراة الامس وفي مباراة العلمة ومريخ الفاشر بسبب الانانية وعدم تمرير الكرة للاعب المتمركز في وضع أفضل للتهديف، وعدم القدرة على اتخاذ القرارات بسرعة وفعالية خاصة للمهاجمين.
لعلمك كان كرويف يستبدل اللاعب الذي لا يمرر الكرة لزميل متمركز في وضع أفضل فورا حتى ولو كان هداف الفريق،
وعلى نهجه سار غوارديولا،
وبذلك صنعوا فريقا له أسلوب تحاول أن تتبعه الفرق في أنحاء الدنيا،
بالامس وفي مباراة العلمة ومباراة مريخ الفاشر، ظهر هذا الامر بوضوح شديد، لا اقول أن سببه الانانية فقط، لكن هو خطأ في اتخاذ القرارات الصائبة من اللاعبين،
وللأسف تسبب في ضرر بليغ للفريق،
وفي الحلات القليلة التي تخلى فيها اللاعبون عن الانانية جاءت الاهداف؛ باص ديديه لبكري يوم العلمة وباص بكري لاوكرا بالامس،
مثال آخر، وهو عدم إجادة العكسيات الارضيّة من زاوية خط 18 أمام اللاعبين،
فكوفي ورمضان عجب يصرون على العكسيات من العالية من خط المرمى على الرغم من ان مهاجمي المريخ قصار القامة ولا يجدون ألعاب الهواء،
فالاولى تمرير الكرة أرضية سريعة أمام المهاجمين بينهم وحارس المرمى،
ولعلمي بحرصك على اكتمال الصورة البهية لفريق المريخ أدعوك أنت وزملاءك صحفي المريخ أن تركزوا عليها في كتاباتكم،
ليس بالضرورة على الهواء وفي صفحات الصحف،
لكن في داخل أروقة النادي ووسط الادارة الفنية، وذلك على أمل ترجمتها للاعبين في شكل توجيهات وخطة لعب،
أعلم أنك وبقية الصحفيين الصفوة؛ مزمل وبوشيبة وغيرهم قد تكونون أعلم مني بهذه الأشيا، لكن الذكرى تنفع المؤمنين،
كما قد يقول قائل أن الادارة الفنية أعلم بهذه المشاكل مني ومن الصحفيين،
إلا أنني أقول،
أن هذه الإخفاقات تكررت وما زالت تتكرر وبخاصة في المباريات الاخيرة،
عليه، لو كانت الادارة الفنية تعلم بها لاصلحتها، فإن لم ينصلح حال اللاعبين، فهذه مصيبة،
ولو كانت لا تعلمها، فهذه مصيبة أكبر.
مبروووك للسبد الرئيس د. جمال الوالى ولمجلس الادارة والجهاز الفنى
واللاعبون الاشاوس وكتاب المريخ الشفوت وجميع الصفوة فى كل مكان
يا استاذ سلك من امس ولى هسه مبسوط ..ولو ما كلكلونى بضحك