((())) فرحة مريخيه هستيريه لتجاوز عزام :

والليله دي حيعملوا عمايل وحيسوا هوايل وحيقلعوا الفنايل وحيلبسوا المرايل وده كله لعزام

فمن هو هذا العزام يا اخوة يا كرام ؟ هل هو فعلا فريق او اي كلام

هو فريق في التمهيدي وما في النهائي واسمه عزام

وهو مستجد كوره من تنزانيا ودار السلام

و مغمور في افريقيا وما معروف وظهر لينا قريب وما عنده تاريخ تمام

وما يستحق الجوطه دي كلها و الكبسيبه و الطبول والزغاريد والاعلام

بس برضه نقول مبروك للمريخ الفوز والتأهل وان كان الشغل الحقيقي قدام

ومبروك مره ومرتين وثلاثه تجاوزهم التمهيدي الكان عقدة كبيرة من سالف العصر و الزمان

قبل سنه او سنتين لم نكن نعرف هذه الفرق الضعيفه ولا في الاحلام

فلقد تقدموا وتأخرنا وتطوروا وتراجعنا وكنا ننافس فرقا قويه علي الدوام

الاهلي والاسماعيلي والمحله والترجي ومازيمبي والقطن ونساروا وحسع بقينا نجرس قدام كي ام كي وعزام

فرحانين شديد بالتأهل وافراح وذبائح وزغاريد وحفلات بانصاف مدني وياسر تمتام

غارزيتو قال ممكن تتجاوزوا عزام ولكن ما ممكن تمشوا قدام



((())) وهلال غرفة دبي منيل بنيله يا سادة يا كرام :

ولكن مبروك التأهل برضو وان كان التيم لا يستحق التحيه والسلام

نقر ونقر نقرين وجوليت وخالد بخيت ده خايب وده خيبان

ونزار وكاريكا والجزولي وبشه وكيبي كلهم في خبر كان

ده شنو ده يا كاردينال معقول ده هو هلال ٢٠١٥ ويااوفكاتو يا حلمان

غرفة دبي ولخمة فاضيه ومحمد حسين كسلا وفي النهاية فريق تعبان

مكسيم الوحيد اللي فيكم ولا اتير ولا مساوي ولا سيمبو ولا سيسه الغبيان

جوهرة وباتريك وتغريدات ومحترفين لكن السنه دي انتو ما ماشين قدام

يا الفاتح ده ما هو التكتيك مع فريق هلكان

لا جمله تكتيكيه لا لعب لا حماس لا فن لا قينان

وجايننا ناس مالي وديل صعبين وعارفينهم من زمان

الحكايه شنو الدفاع تعبان

والوسط تعبان

والهجوم تعبان

و ما تقولوا لينا بويا مافي و جكسا ما في و فداسي ما في دي كلها اعذار واهيه ما بتنفعنا في الميدان

الهلال محتاج شغل كتير واحلال وابدال تاني عشان يكون في امان

بس وين الوقت ووين اللعيبه وين التخطيط يا اخوان



((())) ياسر مختار و آثار (الفاشريه السلطانيه)

لا ادري لماذا يدافع اعلام المريخ السالب عن تلك الفئة الفالته من جمهورهم والتي اعتدت علي الزميل ياسر مختار في ملعب المباراة في الليله (الفاشريه السلطانيه)

نعم لقد تم الاعتداء علي هذا الرجل وهو يؤدي واجبه المهني في الليله (الفاشريه السلطانيه)

ولتأكيد الاعتداء اسأالوا حسن كمال وهدفه الاسطوري الذي اشعل ثورة البمبان والنزول الي الميدان في الليله (الفاشريه السلطانيه)

الاعتداء مرفوض ولكن حين تسأل احدهم عن سبب الاعتداء سيقول لك انها الهزيمه في الليله ( الفاشريه السلطانيه الدارفوريه) وقد اشعلت فينا حزنا افقدتنا كل الشعور

ياسر مختار عليه ان يتقدم بشكوي عن احداث الليله (الفاشريه السلطانيه) وان كانت الشكوي لغير الله مذلة

ولو كان الامر في غير مختار لاقاموا عليه الحد ناسين درس المصطفي حين قال : "إِنَّمَا أَهْلَكَ النَّاسَ قَبْلَكُمْ أَنَّهُمْ كَانُوا إِذَا سَرَقَ فِيهِمُ الشَّرِيفُ تَرَكُوهُ، وَإِذَا سَرَقَ فِيهِمُ الضَّعِيفُ أَقَامُوا عَلَيِهِ الْحَدَّ، وَالَّذِي نَفْسُ مُحَمَّدٍ بِيَدِهِ، لَوْ أَنَّ فَاطِمَةَ بِنْتَ مُحَمَّدٍ سَرَقَتْ لَقَطَعْتُ يَدَهَا"

لقد تركوا كل من عاث في الارض الفساد واقاموا الحد علي ياسر مختار في الليله (الفاشريه السلطانيه)



((())) في رحاب الفاروق بن الخطاب:
=================
قام عمر بن الخطاب رضي الله عنه خطيباً فقال: أيها الناس اسمعوا وأطيعوا .
فقام له سلمان الفارسي يقول: لا سمع لك اليوم علينا ولا طاعة .
فلم يغضب عمر رضي الله عنه، وإنما سأله: ولم ؟
قال سلمان: حتى تبين لنا من أين لك هذا البرد (الجلباب ) الذي ائتزرت به، وقد نالك برد واحد كبقية المسلمين، وأنت رجل طوال لا يكفيك برد واحد .
فنادى عمر بن الخطاب على ابنه: يا عبدالله بن عمر .
قال لبيك، يا أمير المؤمنين،
قال: نشدتك الله، هذا البرد الذي ائتزرت به، أهو بردك؟
قال: نعم، والتفت إلى المسلمين فقال: إن أبي قد ناله برد واحد كما نال بقية المسلمين وهو رجل طوال لا يكفيه برد واحد، فأعطيته بردي ليئتزر به.
فقال: سلمان الآن مر، نسمع ونطع.
الله الله علي الرجال ( من المومنين رجال صدقوا الله ما عاهدوا عليه )

رحمك الله ايها الفاروق فماذا انت قائل لمن يبدلون قصر بقصر وسيارة بسيارة وزوجة بزوجة



محمد حسن شوربجي