• ×
الجمعة 29 مارس 2024 | 03-28-2024
شوربجي

وفعلا المريخ وكأنه في سيكافا

شوربجي

 24  0  2530
شوربجي

((())) ولنعلن ان المريخ هو اقوي فريق في السودان :

تأهل المريخ بمجهود كبير وجبار امام فريق مغمور وضعيف اسمه عزام

وقفلوا الملعب وما تلفزوها وجابو ٣ اهداف ولا في الاحلام

وحفلات وجوطه وسهر للصباح وكأنهم في سيكافا بالتمام

طيب الهلال ما تأهل بسهوله وبأقل مجهود ومن غير دوشه ويا سلام

وبيقولوا المريخ افضل من الهلال لانه انتصر بثلاثيه

ونحن نقول الهلال افضل من المريخ لانه لعبها حسابيه

في حين ان نتائج الفريقين متساويه وهي واحد صفر اذا تم خصم اهداف الخصم برويه

الهلال غالب ٢ صفر في السودان ومغلوب ١ صفر في زنزبار (النتيجه ١ صفر للهلال )

والمريخ مغلوب في تنزانيا ٢ صفر وغالب في امدرمان ٣ صفر (النتيجه ١ صفر للمريخ )

اذن النتيجة واحدة وما في حد احسن من حد

بالعكس فوز المريخ افرز حالات اغماء وهستيريا وخوف ورجفه من فريق لا يستحق كل هذا المجهود

وجرسه استاند باي واستنفار لقطاعات الشباب واوهام وجواسيس وحديث عن تبرعات معلوماتيه لعزام

اما الهلال فقد تأهل بسهولة شديده علي الزنزباري الضعيف

ولم يكترث اي مشجع ازرق بهذه المباراة السهله وكاننا لاعبين ضد نيل الحصاحيصا

وقد ظهر ذلك جليا علي اللاعبين واستهتار واداء جنائزي

والالتزام التام بخندقة النقر ورغم ذلك سجل الزنزباري في مرمي مكسيم

وحقيقة ما يحيرني حقا هو استمرار احتفالات المريخ

وكأن المريخ قد فاز ببطولة افريقيا

اصحوا يا اخوانا انتو يا دوب اتخرجتوا من التمهيدي ورايحين الاساس

ويجب ان تعلموا انكم لعبتم مع فريق اسمه عزام من تنزانيا

وهو فريق مغمور غير معروف في افريقيا

ورغم ذلك فاز هذا الفريق علي المريخ في تنزانيا بهدفين

كذلك كي ام كي هو فريق ضعيف شديد

ولم يسمع به احد من قبل ولكنه فاز علي الهلال في زنجبار بهدف

الغريب ان المريخ قد قدم كل ما لديه امام عزام ولا ندري ماذا سيقدم امام كبار افريقيا ان استمر في البطوله ؟

وهل يملك المريخ اكثر مما قدم وفي الطريق توانسه وكنغوليين وانجوليين ومصريين وجزائريين وغانيين ونيجيريين

كذلك الهلال فلن يعبر الي دور ال ١٦بهذا المستوي الضعيف

وياريت نعلن المريخ كاقوي فريق في السودان ونكتب في الاعلان ( منحت هذه الصفه حسب رغبة طالبها )

واعلموا اخوتي ان الهلال هو فريق عادي جدا رغم ان النتائج متساويه والتأهل متشابه

واكيد ستستمر كل حفلات المريخ وصيوانته الحمراء والزغاريد واغاني انصاف مدني وفرفور

ومن غيرنا قد لوّن التاريخ بالذهب (مانديلا ماقبل التاريخ )

من غيرنا قد وهب الأفراح وما وهب (حفلات انصاف مدني)

من دوّخ الأبطال (عززيمووو)

نحن بين الناس صفوة (ومع البمبان جفوة )

نحن في الحياة قدوة (نزول لملعب المباراة)

نحن في المريخ أخوة نعشق النجم ونهوى( وآية قرآنيه من وحي خيال العارف عزو مستريح )

وبعد الفوز علي عززيمووو اكيد سينسي اهل المريخ الهزيمه الفاشريه السلطانيه وثورة البمبان

وواكيد سينسي اهل المريخ لاعبا اسمه حسن كمال مؤلف قصة (مسمار السلطان)

واكيد ستعجب اهل المريخ كلمات المصري المتفلسف ايمن سعيد (احنا كنا رجاله)

ياريت يا اخوانا يصدر قرار جمهوري يعلن المريخ بطلا لعموم اهل السودان



((()) حكاية بيت / الشاعرة داليا الياس

مُناي في الدنيا سُترة وبيت..

وأصل البيت حنان وأمان.. مودة وريد

محال البيت يكون بس طين.. وزنكي وحيط

ولا ممكن يكون سكر وصلصة وزيت

كلام البيت كلام تاني.. كلام إحساس مقدس وشرع رباني

وريد إنسان عزم وإختار

فتح باب قلبو لمّاني.. بني العش الصغير طمّني آواني

٭ ٭ ٭ ٭

بيوت الدنيا مختلفات وما كل البيوت واحد

في بيت داااافي.. وبيت باااارد

وبيت عمران هوى وتحنان.. وبيت جامد

بيوت مليانة فرحة وحب

وخير وأمان

بيوت عدمانة من الود..

زمن مسكونة بالأحزان

بيوت زااااهية.. وبيوت وااااهية

بيوت تديك سلام وأمان

عشان فيها النفوس صافية.. وفيها التقوى والإيمان

٭ ٭ ٭ ٭

بيوت متروسة مال وإثاث

وخالية من الأمل والناس

بيوت لا لمبة ولا بوتجاز

وناسا لُطاااااف حُنان ولُذاذ

في بيت عاااالي وحوشو كبير

وسيدو وزير خيرو وفير

وليهو غفير .. وبيت من طين

في راكوبتو بس فد زير

ورغم الساكنو زول مسكين

بس حقاني عندو ضمير.. بيوت البهجة عنوانا..

وطول اليوم ضحك وهزار

وبيوت طوالي حرقانة

مولعة زي تقول من نار

بيوت بتراعي حق الجار .. وفيه من الخيار أخيار

بيوت لا بتعرف الجيران..

ولا بتستطلع الأخبار

بيوت تمليك.. بيوت إيجار

وماااابتلقاها بالهين .. ولازم تكرم السمسار

وشوف في سكتك كم بيت .. وفي كل البيوت أسرار

٭ ٭ ٭ ٭

وفي بيت مسكون.. وبيت فاضي .. وبيت جاحد.. وبيت راضي

وبيت مشكلتو معروفة

ووصلت محكمة وقاضي.. عشان عُشرة سنين هانت

وكل واحد بقى في وادي.. وفي بيت حدادي مدادي

بس مافيهو غير إتنين.. وبيت ملياااان تقول نادي

٭ ٭ ٭ ٭

وفي بيت سكانو متآلفين.. على الحلوة وعلى المُرة

وبيت سكانو مختلفين.. ما بتفقوا بالمرّة

وبيت ستو مرة ضيفان.. مرة سُترة

ما بتستاهل الهجران.. ولا بتستاهل الضرة

بيت ستو دوام.. بتباري في النسوان

لا بتعرف تكرم الضيف.. ولا بتورِّق الخُدرة

٭ ٭ ٭ ٭

وفي بيت محروم من الأطفال

من ضحكة عيون حلوين

وكل يوم ناسو عند دكتوركبير.. أتعابو بالملايين

وبيت أطفالو زي عشرين .. ومحتاجين حق كراسة ما لاقين

وبس عايشين على الله.. ما قادرين يسدوا الدين

وناس تانيين.. مرتاحين.. وهَم في الدنيا ما شايلين

٭ ٭ ٭ ٭

وياما وياما تلقى بيوت .. بيوت صاخبة

وبيوت لا ليها حس ولا صوت .. وكل ناس البيوت بتموت

ويبقى البيت شبر واحد.. وبكرة تكون بيوتنا قبور

لا هم مويه لا هم نور .. ويبقى مُنانا في الجنة

وننسى حكاية السُترة.. وحكاية الريد

كأننا لحظة ما كنا.. ولا فتشنا يوم عن بيت

حليل البيت.. وهم البيت.. وناس البيت

حليل الدنيا بالفيها!! وكل الفيها لا ماليها ولا مكفيها



((())) تعليق : هذا احلي ما قرأت من قصيد عن البيوت



((())) ختام :

القمة لن تذهب بعيدا في بطولات افريقيا فلا يخدعنكم رجال وصحفيين حول الرئيس



محمد حسن شوربجي

© 2015 Microsoft Terms Privacy & cookies Developers English (United States)
امسح للحصول على الرابط
بواسطة : شوربجي
 24  0
التعليقات ( 24 )
الترتيب بـ
الأحدث
الأقدم
الملائم
  • #2
    جلابي 03-02-2015 03:0
    تعلن رابطة ومشجعي عزام فرع السودان عن تغير الاسم الي رابطة مشجعي اسكورب فرع السودان .فعلي كل الراغبين التسجيل بمبانير العرضه شمال لدعم ابناء فريق سكورب ...بعد اعدام عزام
       الرد على زائر
    • 2 - 1
      حسن 03-03-2015 12:0
      يا جلابي كم مرة قلنا ليكم أنكم لا تتكلموا علي ( سخافات) مزمل وسلك وبتاع الرقاصات (كابو) وشيبة العيبة وبس فالحين لكتاب الهلال ثم يا اخي فريقك ناس مزمل جعلوا منه ( مسخرة) فلم تعيب علينا السخرية،،، وباختصار اذا لم يعجبك كتابات ناس شوربجي بكل بساطة ارجع الي كتاب الصدي والزعيم واتركوا لنا ناسنا
  • #3
    ابراهيم سيد احمد 03-02-2015 02:0
    يا جماعة هل هذه هي اخلاق اهل المريخ ما هذه الردود التي لا تليق بالرياضه لا اري اي كلمة مسيئه في مقال الكاتب - انتم في نشوة الفرح نسيتوا انفسكم وكل اناء بما فيه ينضح
       الرد على زائر
    • 3 - 1
      ابوكتير 03-02-2015 03:0
      انا واحد من اللذين حجبت تعليقاتهم واشهد الله انني لم أسئ لهذا الشوربجي واتحدى كفر ووتر ان تنشر مداخلتي واعاهدك ان اتوقف عن التعليق إن كانت هنالك أي اساءة لهذا الرجل ولكن اليوم عرفنا ميول هذا الموقع .
    • 3 - 2
      جلابي 03-02-2015 03:0
      لا ادري كيف هي الاساءه واحدهم يسيء اليك ويبخس حقك ويتمسخر من فريقك وينفخ السموم بمقاله ..كيف هي الاساءه بنظرك وهو يبتعد عن الحق ويستفز القراء ...ان كنت لا تري اساءه فلن اعيب عليك فبعض الاعين لا تقرا الا ما تريد ان تقرا
  • #4
    سيف ابووضاح 03-02-2015 01:0
    ياجماعة الحير زي دا خلوهو يلغلغ كدي ويموت بحسرتو لمن يفيق المريخ في المجموعات والهلال في عب الكردنة واحضان بت الصادق حسبنا الله ونعم الوكيل عليك يااب قميصا واحد واب جزمة مقدودة
  • #6
    ابوكتير 03-02-2015 11:0
    ابواتنا علمونا ان نكون في قمة اﻻدب حتى في حال الاساءة لنا . بالله عليكم ياناس كفر ووتر كيف تحجبون مانكتب وهو يفوق احترامه مايكتب المدعو شوربجي بسنين ضوئية .. اكفلوا لنا حق التعليق في حدود اﻻدب او احجبوا هذا الشوربجي .
       الرد على زائر
    • 6 - 1
      النازف 03-02-2015 01:0
      او احجبوا هذا الشوربجي .

      هذا آخر ما يتم أو حتى النظر فيه ، هو المستحيل
      كفر كافرة بكل ماهو يعلي من مكانة المريخ
      الشوربجي هلالابي وبالتالي مدعوم من الموقع
      تحوّل إلي تمجيد الهلال وإذلال المريخ ينشرون لك
      كفر ووتر لسان الهلال وخصم المريخ من وراء ستار
      أكتب وأدري أنّه لن ينشر
  • #7
    بكري الحاج 03-02-2015 11:0
    يا مريخاب علقوا بادي وبدون اساءة لكتاب الهلال علقوا بما يرضي الله علي المقال وليس الاشخاص
  • #8
    جلابي 03-02-2015 11:0
    ما انت الا فرد لن نحاسب مجموعه بتصرف فرد ..ولكن من حقنا وحق المريخ علينا ان نرد عليك وبنفس اسلوبك وهو اسلوب غير حضاري ومستفز تنتهجه في كل مقالاتكوكانك تتعمد اثارة القراء بفراغاتك وتفاهات لا صله لها بارض الواقع وكانك تعيش في كوكب اخر .....
    وقفنا مع الهلال وشجعناه وتمنينا له التقدم ..ولكن لا ذنب لنا بمستواه او بما قدمه .،ولا ذنب لنا اذا كانت ادارتكم نومتكم في العسل وخذلتكم..ولا ذنب لنا في شراء الكاردينال محترفين من سوق واقف اشتري اتنين تاخد واحد مجانا ....ولا ذنب لنا وصحافتكم تهلل لغرفة التسجيلات وهلال 2015 ولا ذنب لنا بشعور لاعبيكم بعم الامان والخوف بالزج بهم بالشاره اسوي باخوتهم السابقون ...ولا ذنب لنا وفطومه تسيركم بما تريد ولا تترك لكم مجال التعبير ،،ولا ذنب لنا ان كان رئيسكم غير موجود ويدير الهلال بالواتساب ...ولا ذنب لنا وانت لا تؤمن بفريقك ..بقدر ايمانك باذي الاخرين...نعم لا ذنب لنا ولكننا مع ذلك شجعناكم ووقفنا بجانب الصواب الذي تحاول بكتاباتك قهره..ويحق لنا ان نفرح بمريخنا ليس للتاهل وليس للفوز بل للروح المعدومه بالفرق السودانيه نعم عادت الروح وقدمنا مباراة يشهد لها للتاريخ مباراة في كرة قدم حقيقيه لا تعرف انت عنها شيئا ومن حق كل سوداني ان يفخر بوجود تلك الروح وان وجدت بالهلل لفاز بالاشبال ولنا الحق بالفرح لاننا نشعر بالامان الذي تفتقده انت...ومن حقنا نفرح ونحن نري جمهور جرار لم يحتشد يوما لفريق اخر سوي المريخ ومن حقنا نفتخر باننا المريخ واننا السودان
    فبماذا تفتخر انت...فانت لاتملك سوي سطور لا تفيد ومساحه لا تستحقها
  • #9
    على محمد على 03-02-2015 11:0
    يا سعادة المشجع الناس ماعادت ساذجه رات بعينها وبذوقها العالى في المشاهدة والاستمتاع مباريات المريخ والهلال وشاهدنا خصم كل منها خصم الهلال وعلى لسان اهل الهلال فريق ضعيف ولولعب مع فرقه من فرق الممتاز كان سينهزم لاتبخسو للناس اشياءهم عزام معروف فى القارة واذا انت لم تسمع به ولاتعرف قدره تكون مصيبه كبرى وشوف ليك شغله تانيه غير الكتابه وخليك مشجع متعصب المريخ كبير ولم يكن رصيده من البطولات صفر حتى تتكلم عنه انت المحسوب على الصحافه
  • #10
    أسد الشمال 03-02-2015 11:0
    سوْال موجه الى ادارة كفر ووتر لماذا تحذفو تعليقات المريخاب ما هو السبب اذا لديكم سبب إساءة للكاتب العمود هذا بالنسبة لإدارتكم كإرثة حقيقة كيف تقبلوا لشخص يقيم فى السعودية ويعمل اعمال حرة تنصبوه كاتب صحفى تسمحوا له ما يشاء من الاساءة والتجريح على اكثر من نصف الشعب السوداني هذا الشخص قبل كتب مرارا وتكرارا. وصف مشجعى المريخ السوداني بيهود السودان. وبالفيران. والصهاينة واتُهم رئيس نادى بقامة المريخ السوداني علنا بالحرامي وغسيل أموال حتى فى نفس العمود كاتب كلام صبيانية العارف عزو مستريح وما ادرك رجاء يا كفر ووتر تدققوا كتابات أمثال هؤلاء حتى تنشروا ولو فى عدل هذا الشخص ومعتصم محمود ومحمد كامل ما يكتبوا ولا حرف نحنا عارفين انتوا ناس كفر ووتر ما قصروا كلنا اتنفسنا فى هذا المساحة ولكن بعد مرات. طغيان هلاليتكم. يطلب منكم حرف الرد ونشر كتابات الشوربجي وهذا ما رأى فقط هم كثر وشكر ا
       الرد على زائر
    • 10 - 1
      جلابي 03-02-2015 05:0
      لا تتعب نفسك اخي فادارة كفر ووتر ليست محايده بدليل ان 99% من المقالات لهلالاب وهم يجرحون ويسيئون للمريخ ويدخلون في الاعراض ولهم مطلق الحريه بالنشر ثم تحجب الردود التي تعبر عن راينا وبصراحه فهم حمايه كبري للفساد وميولهم معروفه وهي اجنده منظمه ضد المريخ فلا تتعب نفسك وتخاطبهم دعهم ياكلون حصادهم ويفرحون بكتابهم ..ولكن كفر ووتر اعطت للقراء ميولها وعدم حيادها والحلل المقاطعه الكامله ما دمنا لا نستطيع قول راينا ولا نستطيع الدفاع عن كياننا وما دمنا لا نستطيع درء الفتنه
  • #12
    ابوالفاضل 03-02-2015 10:0
    مش المريخ القوي بس عزام زاتو اقوي من اليونميد بتوعك وبعدين ضعف الهلال ماتربطو بالمريخ عشان تقدر تصل لحل في قوات اليونميد السفت دولاراتكم وسففتكم التراب واحتفالنا ياشوربة عشان الزعيم قدم مباراة وماحاتلعب زيها طول عمرك وكفاية القصيدة اللي كتبها تاني يوم لانصار الحمام علي الحمام الزنزباري وكلو حمام في حمام.
  • #15
    عزالدين وديدي 03-02-2015 09:0
    يا اخي انت حاقد وتريد ان تفسد الاجواء بحقدك الاسود حسبي الله عليك
  • #17
    محمد التهامى 03-02-2015 09:0
    ياشربجى شكلك راقد رز بشوربة فى الكتابة الصحفية نتمنى ان تملك ادوات وتحليل الصحفى
    شوف كل التعليقات تم حذفها اتمنى تكون عرفت السبب
  • #18
    الصواعق 03-02-2015 09:0

    مؤسسة الرئاسة = الامن العام = انصاف وفرفور = الجماهير المخدرة = بكري اتشقلب .. انتم رجالة .. انتم ابطال ... انتم عالمي لا تكلمني ... ان كنتم تريدون هذا الهيروين المتميز فستجدوه عند كهنتكم مزمز وابوشيبة وكابو... وعندما تعرفوا ان كل نضالكم كان امام حمام ميت فستعرفوا قدركم.. ان كان ذلك غير كذلك فانتم مع القوارير والحجارة لكم موعد مع الحكام والخرفان وابو ترتوري لكم معبد... ومن ضحك آخيرا ضحك كثيرا...
       الرد على زائر
    • 18 - 1
      جلابي 03-02-2015 11:0
      اري كمية كبيره من التعليقات محذوفه ماعدا كلامك وان كان هو الاجدر بالحذف ..عجبي
    • 18 - 2
      ابوالفاضل 03-02-2015 10:0
      بني قلبو اسود وحاقد ان شاءالله تكون حاضن صفرك ده ليوم الدين.
    • 18 - 3
      عزالدين وديدي 03-02-2015 09:0
      انت عايش على الوهم ربنا يشفيك
  • #20
    الصواعق 03-02-2015 09:0
    البكا حار والميت كلب... قريبا ستفوقون على الحقيقة عندما تعودون للمربع الاول .. لتعود ساقية جحا تدور ...
  • #24
    jo 03-02-2015 08:0
    تم حذف التعلبقimage
       الرد على زائر
    • 24 - 1
      jo 03-02-2015 09:0
      القانون الذي تم به حذف تعليقي كان الأجدر بكم إستخدامه لمنع نشر سموم كاتب العمود حتى لا تتهموا في انتماءكم.
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019