بهدوء
لم يكن الاتحاد العام فى حاجة الى اصدار بيان مشترك مع جهاز الشرطة والمريخ من اجل تهيئة الاجواء قبل مباراة المريخ وعزام فى اياب تمهيدى دورى الابطال يوم السبت القادم على ملعب استاد المريخ ,, فالجماهير الحمراء تعى وتدرك واجب قوات الشرطة فى الحفاظ على امن وسلامة الجماهير وجميع فى الاستاد وان ماحدث فى مباراة المريخ ومريخ الفاشر ماهو الا ردة فعل على تصرف فردى لايمكن ان يحسب على جهاز الشرطة او يضعف من هيبته كقوة نظامية , فالجماهير قبل ان يكون لها انتماء للكيان الاحمر فهى جزء من المجتمع السودانى الذى ظل يتعايش ويتعامل مع رجال الشرطة فى اطار القانون والاحترام المتبادل الذى يرسخه دائما مبدأ الشرطة فى خدمة الشعب ,, نقول ذلك رغم البيان المهزوز الذى اصدره مجلس ادارة نادى الهلال الذى اراد ان يحشر انفه فى قضية لم يكن طرفا فيها رغم علمنا بان الاستاذ عماد الطيب الامين العام الذى مهر البيان الازرق بتوقيعه كان مدفوعا الى ذلك بتوجيهات من بعض الاقلام التى ظلت ولازالت هى من تصنع القرار داخل النادى الكبير وتحرك النافذين بداخله عبر الريموت كنترول !
ماحدث فى استاد المريخ ليلة الجمعة مع مريخ الفاشر يستوجب من الاتحاد العام وقيادة الشرطة اعادة النظر فى الطريقة التى يتم بها حشد افراد الشرطة بزيهم العسكرى وكامل عتادهم فى التصدى لحالات الانفلات الامنى داخل الملاعب ,, حيث لم يعد توفير الامن والامان داخل الملاعب يحتاج الى هذا النظام الذى تخلت عنه معظم الدول فى العالم التى تحرص على توفير الحماية الامنية فى ملاعبها الرياضية سواء فى الدوريات المحلية او حتى البطولات الكبرى القارية والدولية فكل من يشاهد مباريات كرة القدم فى عدد من الدول العربية ناهيك عن الدول الاروبية يجد ان الامن داخل الملاعب اصبح من مسؤولية افراد من امن الملاعب يقفون بزيهم المدنى الموحد امام الجماهير او وسطهم مما يشيع حالة من الارتياح النفسي والهدوء كما يعطى المشاهد خلف الشاشات انطباع جيد برقي وحضارة الدولة المعنية وهذا لايعنى التخلي عن شرطة مكافحة الشغب بزيها العسكرى وانما الاكتفاء بتواجدهم خارج الاستاد واستدعائهم متى ماحدث اى انفلات جماهيرى داخل الملعب , وليس فى ذلك تهميش او تقليل من الدور الكبير الذى ظلت تقوم به الشرطة فى حفظ الامن وسلامة المواطنين عموما وجماهير كرة القدم على وجه الخصوص كما ان شرطة امن الملاعب اضحت الان قوة مقدرة فى ملاعبنا والحمدالله نشاهدهم دائما فى حماية الحكام وهم ايضا جزء من الشرطة يأتمرون باوامرها ويتحركون وفقا لتوجيهات قياداتها واظن ان تحملهم لمسؤولية حماية الجماهير وطاقم التحكيم عقب خروج فرقة شرطة العمليات فى الشوط الثانى من مباراة المريخ والسلاطين يؤكد بانهم على قدر المسؤولية والمهنية وبالتالي يمكن الاعتماد عليهم لتثبيت اركان الامن للجماهير داخل الاستادات بدلا من حماية طواقم التحكيم فقط كما هو الحال الان .
من الافضل للمسؤولين فى الاتحاد العام ان يدرسوا مع قيادة الشرطة توسيع مسؤوليات شرطة امن الملاعب ومنحهم صلاحيات اكبر داخل الاستادات فى العاصمة والولايات بدلا من التواجد المكثف لشرطة العمليات بزيهم العسكرى وعصيهم وبمبانهم فى مواجهة الجماهير داخل الملاعب ,, نرجو ان يفكر الاخوة فى الاتحاد العام بالتنسيق مع قيادة الشرطة فى توسيع صلاحيات شرطة امن الملاعب بدلا من اصدار مثل هذه البيانات التى توحى لكل من يطالعها وكأن هناك عداء وثأر (قديم ) بين جماهير المريخ ورجال الشرطة والمؤسف توقيع عدد من اعضاء مجلس المريخ على البيان الصادر !
لم يكن الاتحاد العام فى حاجة الى اصدار بيان مشترك مع جهاز الشرطة والمريخ من اجل تهيئة الاجواء قبل مباراة المريخ وعزام فى اياب تمهيدى دورى الابطال يوم السبت القادم على ملعب استاد المريخ ,, فالجماهير الحمراء تعى وتدرك واجب قوات الشرطة فى الحفاظ على امن وسلامة الجماهير وجميع فى الاستاد وان ماحدث فى مباراة المريخ ومريخ الفاشر ماهو الا ردة فعل على تصرف فردى لايمكن ان يحسب على جهاز الشرطة او يضعف من هيبته كقوة نظامية , فالجماهير قبل ان يكون لها انتماء للكيان الاحمر فهى جزء من المجتمع السودانى الذى ظل يتعايش ويتعامل مع رجال الشرطة فى اطار القانون والاحترام المتبادل الذى يرسخه دائما مبدأ الشرطة فى خدمة الشعب ,, نقول ذلك رغم البيان المهزوز الذى اصدره مجلس ادارة نادى الهلال الذى اراد ان يحشر انفه فى قضية لم يكن طرفا فيها رغم علمنا بان الاستاذ عماد الطيب الامين العام الذى مهر البيان الازرق بتوقيعه كان مدفوعا الى ذلك بتوجيهات من بعض الاقلام التى ظلت ولازالت هى من تصنع القرار داخل النادى الكبير وتحرك النافذين بداخله عبر الريموت كنترول !
ماحدث فى استاد المريخ ليلة الجمعة مع مريخ الفاشر يستوجب من الاتحاد العام وقيادة الشرطة اعادة النظر فى الطريقة التى يتم بها حشد افراد الشرطة بزيهم العسكرى وكامل عتادهم فى التصدى لحالات الانفلات الامنى داخل الملاعب ,, حيث لم يعد توفير الامن والامان داخل الملاعب يحتاج الى هذا النظام الذى تخلت عنه معظم الدول فى العالم التى تحرص على توفير الحماية الامنية فى ملاعبها الرياضية سواء فى الدوريات المحلية او حتى البطولات الكبرى القارية والدولية فكل من يشاهد مباريات كرة القدم فى عدد من الدول العربية ناهيك عن الدول الاروبية يجد ان الامن داخل الملاعب اصبح من مسؤولية افراد من امن الملاعب يقفون بزيهم المدنى الموحد امام الجماهير او وسطهم مما يشيع حالة من الارتياح النفسي والهدوء كما يعطى المشاهد خلف الشاشات انطباع جيد برقي وحضارة الدولة المعنية وهذا لايعنى التخلي عن شرطة مكافحة الشغب بزيها العسكرى وانما الاكتفاء بتواجدهم خارج الاستاد واستدعائهم متى ماحدث اى انفلات جماهيرى داخل الملعب , وليس فى ذلك تهميش او تقليل من الدور الكبير الذى ظلت تقوم به الشرطة فى حفظ الامن وسلامة المواطنين عموما وجماهير كرة القدم على وجه الخصوص كما ان شرطة امن الملاعب اضحت الان قوة مقدرة فى ملاعبنا والحمدالله نشاهدهم دائما فى حماية الحكام وهم ايضا جزء من الشرطة يأتمرون باوامرها ويتحركون وفقا لتوجيهات قياداتها واظن ان تحملهم لمسؤولية حماية الجماهير وطاقم التحكيم عقب خروج فرقة شرطة العمليات فى الشوط الثانى من مباراة المريخ والسلاطين يؤكد بانهم على قدر المسؤولية والمهنية وبالتالي يمكن الاعتماد عليهم لتثبيت اركان الامن للجماهير داخل الاستادات بدلا من حماية طواقم التحكيم فقط كما هو الحال الان .
من الافضل للمسؤولين فى الاتحاد العام ان يدرسوا مع قيادة الشرطة توسيع مسؤوليات شرطة امن الملاعب ومنحهم صلاحيات اكبر داخل الاستادات فى العاصمة والولايات بدلا من التواجد المكثف لشرطة العمليات بزيهم العسكرى وعصيهم وبمبانهم فى مواجهة الجماهير داخل الملاعب ,, نرجو ان يفكر الاخوة فى الاتحاد العام بالتنسيق مع قيادة الشرطة فى توسيع صلاحيات شرطة امن الملاعب بدلا من اصدار مثل هذه البيانات التى توحى لكل من يطالعها وكأن هناك عداء وثأر (قديم ) بين جماهير المريخ ورجال الشرطة والمؤسف توقيع عدد من اعضاء مجلس المريخ على البيان الصادر !
مباراة قالوا ما عاوزين (شرطة) ومباراة قالوا ما عاوزين (تلفزة)
بالمناسبة من لوائح اللعب النظيف ..ومن قواعده تلفزة المباراة عشان ما في زول يقول حاجة
سوف ننتظر قرارات الإتحاد العام على فريق المريخ بعد أحداث المباراة الأخيرة...أخشى أن يصدر الإتحاد العام عقوبة على (الشرطة)
إعلام المريخ هذه الأيام يضاعف من ضغط جماهيره ويشحن في الناس بصورة سلبية
عدم تلفزة المباراة ..وتخفيض أسعار التذاكر ..
قد يؤدي الى كارثة لا تحمد عقباها
الزول وقت تغلبو (العيشة)..بقوم يخترع ليه حاجات كدا ما عندها أي معنى.
ولا في ليها داعي.
بقوم يعمل ليه (تصرفات) ما عندها أي منطق.
ولا في (مبرر) ليها.
يغير شارع البيت.
يغير البيت ذاتو.
كلو ما بحلكم.
زمان الواحد كان لمن يكون عاوز يعرس ..بقوم يسمع (محمد الامين) كتير.
تلقاه منصرف ليك كليا كدا في أغنيات محمد الأمين.
وبكون جادي في الموضوع دا.
زي كأنو عاوز يثبت ليكم أنو عميق في التفكير.
لمن تسألو او تقعد تناقشو ..بقوم يقول ليك : (و اللـه العرس دا صعب بي شكل).
ما عارف.
علاقة صعوبة العرس بي الإستماع للفنان محمد الأمين شنو؟.
بتحصل.
الواحد منكم بدون مناسبة كدا..فجأة يقرر...ويقول ليك عاوز اكسّر (الصالون).
يقوم يكسر (الصالون) ويعمل ليه صالون جديد فيه (7) مراوح.
بعد سنة او سنتين ..زولكم تاني يقرر يعمل ليه حاجة في البيت.
يكسر (المطبخ)..ويحول مكانتو.
تقول للزول صاحب البيت انت بتعمل كدا ليه؟.
يقول ليك و اللـه عندي ود خالتي ليه (17) سنة في أمريكا.
تقول ليه علاقة ود خالتك الفي أمريكا ...بي انك تكسر الصالون والمطبخ شنو؟.
بتعملوا في حاجات غريبة.
حاجات ما عندها علاقة بالحاجات البتحصل دا.
الزول تلقاه حايم في المطار.
تقول ليه مسافر.
يقول ليك ابدا.
تقول ليه مودع ليك زول.
يقول ليك ابدا.
تقول ليه مستقبل ليك زول.
يقول ليك ابدا.
انت ذاتك تلقى نفسك بتسكو في الاسئلة لمن تتعقد...(الموضوع حيرك).
تقول ليه طيب الجابك المطار شنو؟.
يقول ليك جيت افحص ..و اللـه عندي (ملاريا) لي (15) يوم ما قادر ارفع رأسي من المخدة.
تشيل (الاستغراب) كلو في رأسك وتقول طيب يا جماعة اللـه علاقة فحص الملاريا بي مطار الخرطوم شنو؟.
عالم غريب.
عالم عجيب.
زول تاني ..ما عندو اي علاقة بالحاجات الفوق.
يضرب ليك تلفون.
ترد عليه.
يقول ليك اسمع دا تلفون احمد.
تقول ليه ابدا.
تلفون الطيب.
تقول ليه ابدا.
تلفون عيسي.
تقول ليه ابدا.
يقول ليك دا تلفون الشيخ.
تقول ليه ابدا.
آخر الكلام يقول ليك طيب دا تلفون منو؟.
تقول ليه انت ضارب لي منو؟.
يقول ليك انا ما ضارب ..انا قاعد برة.
تقول ليه علاقة انك تضرب لي تلفون ..بي انك قاعد برة شنو؟.
انتوا العلاقات دي بتجيبوها من وين؟.
زي الزول البكون في ابوحمامة ويقول ليك انا ماشي الكلاكلة سريع.
تقول ليه مستعجل مالك؟.
يقول ليك مستعجل قبل كوبري المنشية ما يقفل.
تقول ليه علاقة كوبري المنشية بي الكلاكلة شنو؟.
و اللـه انتوا (الجقور) ما غلطانة عليكم.
واحد شاف ليك كوبري المنشية اتجاه واحد ..والعربات دي في الشارع من الكوبري لغاية بداية شارع الستين.
عاين في العربات ..وقال معقولة (الجقور) تعمل فيكم كدا.
ناس المريخ هسع بعملوا في نفس الحاجات.
حاجات ما عندها علاقة بالموضوع.
يعني مثلا ..ممكن الجمهور يثور.
وينزل الملعب.
ويضرب.
والمباراة تقيف ساعة كاملة.
تقول ليهم في شنو؟.
يقولوا ليك في رجل من رجال الشرطة عمل حركة ما كويسة.
قول الكلام دا حصل.
افترضوا.
في داعي تنزلوا ارضية الملعب.
وتوقفوا المباراة ساعة كاملة.
والشيء الما قادر افهمه الي وقتنا هذا.
علاقة الكلام دا بي معلق المباراة شنو؟.
تتخيلوا جماهير المريخ اعتدت على معلق المباراة.
معلق المباراة دي من رجال الشرطة برضو.
دخلو شنو بي هدف (حسن كمال)؟.
هدف (حسن كمال) بعمل اكتر من كدا.
الواحد قالوا ليك بعد هدف حسن كمال بدخل بيتو ..اول حاجة بعملها بقوم يكورك في (المرا).
وبقول ليها : يا ولية مية مرة - انا موش قلت ليك الدولاب دا ما تحركي من محلو؟.
الولية تقول للراجل : يا راجل انت جنيت ..الدولاب قاعد في محلو دا من سبع سنوات.
هدف حسن كمال بعمل اكتر من كدا.
استاذ جغرافيا ...دخل ليك على طلاب الصف الخامس.
اول طالب قابلو في الصف ..قال ليه قوم سمع لي معلقة عمرو بن كلثوم.
الطالب قال ليه يا استاذ ...الحصة جغرافيا ..ولو الحصة لغة عربية ...معلقة عمرو بن كلثوم ما مقررة علينا.
الاستاذ قال للطلبة بعد هدف (حسن كمال) دا ما في حاجة اسمها ما مقررة علينا ..اجر يا ولد جيب لي سيطان..واي واحد فيكم ما حافظ معلقة عمرو بن كلثوم يقيف.
المدير في اللحظات دي جاء داخل الفصل ..قال للطلبة الحاصل شنو؟.
الطلبة سكتوا.
واحد من الطلبة وقف وقال للمدير ..يا استاذ الاستاذ دا قال لينا سمعوا معلقة عمرو بن كلثوم في حصة الجغرافيا ..وهي في العربي ما مقررة علينا.
المدير ..قال ليهم ما في حاجة اسمها ما مقررة علينا ..بعد معلقة عمرو كلثوم تسمعوا معلقة عنترة بن شداد...وطلع على كدا.
المدير ذاتو (مريخابي).
هدف حسن كمال بعمل جنس عمائل.
قالوا ليك مريخابي نزل في السوق العربي ..اشترى ليك (كيلو باسطة) ورجع ركب الحافلة.
قابض ليك كيلو الباسطة عليه تقول عاوز يطير.
المريخابي وقت وصل البيت ..فتح ليك الكيس ...عشان يطلع ليك (كيلو الباسطة)..فتح الورقة لقى ليك كيلو الباسطة (صابون بدرة).
صاحبكم عاين لي صابون البدرة سمح ..وقال انتوا الباسطة دي جنت؟.
الولية كانت متابعة المشهد ..قالت ليه الباسطة ما جنت ..جنيتوا انتوا بعد هدف حسن كمال.
المريخاب طبعا زي ما كتبنا في مباراة فريقهم امام مريخ الفاشر قالوا ما عاوزين (الشرطة).
طلعوا ليهم الشرطة امام مريخ الفاشر.
عارفين المريخاب امام (عزام) قالوا ما عاوزين شنو؟.
في مباراة عزام قالوا ما عاوزين (التلفزة).
عاوزين يأخدوا راحتهم على الآخر.
تلفزة ما في.
بالمناسبة من لوائح اللعب النظيف ..ومن قواعده تلفزة المباراة عشان ما في زول يقول حاجة.
لا سيحة.
لا غير سيحة.
ما عاوزين تتلفزوها ليه؟.
انتوا المباراة التلفزتوها ..طلعتوا فيها (الشرطة)..المباراة الما بتتلفزوها بتعملوا فيها شنو؟.
بطلعوا (الحكم).
الهلال لعب مباريات فاصلة وصعبة ..امام ناسرو وامام الكثير من الاندية التى كان الهلال قد خسر فيها ذهابا باكثر من هدفين مع ذلك الهلال ما قال مرة ما تتلفزوا المباراة.
الناس كلها بتشوف مباريات الهلال.
عشان ما في اي زول يقول اي كلمة.
بعدين ..عدم تلفزة المباراة ..وتخفيض اسعار التذاكر ..قد يؤدي الى كارثة لا تحمد عقباها.
السلطات يجب ان توقف هذا العبث.
عدم تلفزة المباراة قد يؤدي الى كوارث ..نتيجة تدافع الجماهير.
كما ان مستوى المريخ المتواضع نفسه قد يؤدي الى ثورة وانفجار الجماهير.
عشان كدا ..لا بد من السلطات ان تتدخل.
هذه الطريقة التى يتعامل بها مجلس المريخ واعلامه ..تشير الى وقوع (بورسعيد) اخرى لا قدر اللـه.
خاصة وان اعلام المريخ هذه الايام يضاعف من ضغط جماهيره ويشحن في الناس بصورة سلبية.
ارواح الناس ..وحياتهم اهم من نتيجة المباراة.
انتبهوا الى ذلك ..وتحسبوا الى ما يمكن ان يحدث في حالة خسارة المريخ في ملعبه.
فريق عزام الذي شاهدناه امام المريخ في قناة قوون ..فريق منظم وبلعب كورة سريعة.
فريق عزام يمتلك مجموعة جيدة من اللاعبين ..ويبدو واضحا ان تجاوز المريخ ليه والصعود على حسابه امر سوف يكون في غاية الصعوبة.
وقد اسمعت اذ ناديت حيا.
ولكن شنو؟.
ولكن لا حياة لمن تنادي.
.....
ملحوظة : سيكافا قربت شديد
( زعم الفرزدق أن سيقتل مربعا- فأبشر بطول سلامة يامربعا) والان جمعة جينارو لاعبا معتمدا من جميع اتحادات اللعبة بالهلال رغم أنف مزمل ومن شايعه.
اخيرا يادكتور( تزهقوا) تكتب هكذا وليس (تذهقو) علما بان حرف ز بعيد كل البعد في لوحة المفاتيح عن حرف ذ ( حاول جود لغتك الام ) وشكرا
مرضا مرض
تبريرك للذي حصل معناه ان تستعد كل جماهير الاندية الاخرى وتندفع داخل الملعب لتاخذ حقها بالقوة من رجال الشرطة او الحكم ..
اي منطق هذا الذي تدافع عنه .
سوف تثبت لك الايام ماسوف يحصل اذا لم يعاقب جمهور الشغب المريخي من جانب الاتحاد ..
قراءتك لللأحداث شاملة وعميقة..
وتحليلك دائما ما يكون بعين فاحصة ..
............ والجمل مااااااااااااااااااااشي..
بوركت يا علم الدين..
الله يكون في العون
البيان غير مهزوز ياعلم ولو لا هذا البيان لست الاتحاد ولم يفضح نفسه بهذا البيان ثم انت تقول (فالجماهير قبل ان يكون لها انتماء للكيان الاحمر فهى جزء من المجتمع السودانى) أليس الهلال وجماهيره وادارته جزء من المجتمع السوداني .. انهم يمثلون اغلبية المجتمع واكثر وطنية وصفوية منكم جميعا ان كان هذا هو منطقكم ورؤاكم وانهم رواد ولم يجشروا انفسهم وانما طالبوا بصفتهم القيادية تطبيق صريح القانون خاصة فقد سكت الاتحاد يومين وتجاهل الموضوع ولم يصرح مجدي او عطا المنان او معتصم اي تصريح يدين دخول الجماهير للملعب وهو ما يخالف صريح القانون .. فقد طلبنا نحن هنا في كفر ووتر تعليقا على خبر المباراة مباشرة ويمكن الرجوع له وقبل بيان سكرتير الهلال بمطالبتنا بتطبيق القانون وعدم تجاهل الامر كعادة الاتحاد في تعامله مع المريخ .. ثم الم يطاردوا الشرطة ويحصبونها بالقوارير والحجارة.. ان المطالبة بتطبيق القانون واحترامه حق لكل سوداني وهو تصرف حضاري ومسئول ... فلماذا عندما حصب فرد لم يثبت من هو ولم يقبض عليه واصاب حجره راس رجل الخط تمت دعوة لجنة مجدي شمس الدين وعوقب الهلال.. لماذا هنا السكوت وهناك التحرك بسرعة... الهلال لن يسكت وسيتدخل وبقوة من هنا وصاعدا ولكن ابرهن لك انكم جميعا من طينة واحدة اقرأ معي ما كتبه مزمل ليطلع الجميع دليل بانكم تجيدون التآمر ولوي عنق الحقيقة وللاسف السلطة في صفكم والاتحاد تحت امركم اليك جزء مما كتبه مزمل في قلب الحقيقة وتخدير جماهيركم بموازنة سقوطكم باحداث يريد ان تكون لاتحادكم طوقا للموازنة مثلما حدث عندما اعتدت جماهير المريخ على استاد الهلال والهلال ليس طرفا في المباراة وانما كانت ضد الموردة فماذا كان قرار الاتحاد بتوقيع مجدي شمس الدين اولا: ادانة الهلال لانه اقام نشاط بناديه في يوم مباراة مريخ موردة ثم ادان جماهير المريخ بتخريبهم لاستاد الهلال حيث انزلت الجماهير لافتة الاستاد في الارض وبدات تدوس عليها بارجلها وتم نشر الصور في الصحف.. انها الموازنات لكي لا يطبق القانون على المريخ واليكم ما كتبه مزمل لتحكموا عليه:
"كان الهلال على بُعد خطوات من الاستسلام لتعادل جديد أمام النسور لولا الانحياز الفاضح من حكم المباراة الفاضل عبد العاطي لمصلحة الفرقة الزرقاء الأمر الذي ساعد الفريق على كسب المباراة بهدفين دون رد تبادل احرازهما على مدار الشوطين بشة والشغيل في مباراة أثار فيها التحكيم غضب النسور بعد أن حرم الفريق المجتهد من ركلتي جزاء الأمر الذي دفع النسور للاحتجاج بعنف فردت جماهير الهلال على احتجاج النسور بتصرفات غير لائقة وبحركات أخلاقية من شأنها أن تجعل اللجنة المنظمة تصدر عقوبات رادعة بحق الهلال بسبب الاساءات التي بدرت من جماهيره ." اما الاعتداء الذي اخفاه مزمل عما فعله مسئول فهو ضربه لسمبو بالكف وامام الجماهير والحكم فطرده الحكم ورفض الخروج الي ان تم اخراجه وفي نهاية المباراة دخل الملعب مثلما فعلت جماهير المريخ في مباراة الفاشر وعندما حاصرته الجماهير لحماية لاعبيها ادعى انه دخل ليعتذر للاعبي الهلال؟؟؟ ولم يلمسه احد من الجماهير وخرج سالما... انظروا الى الكذب وقلب الحقيقة الذي اوصلنا لهذه الدرجة ومن المؤسف حقا ان يركب الاستاذ علم نفس الموجة ... انه السقوط للأسف الشديد... والمؤلم ان الجميع يعرفون الحقيقة ولكن البعض يدافع عن الباطل والاغلبية تسكت اما انحيازا او خوفا او طمعا... اننا رأينا كثيرا من ظواهر الفساد والافساد ولكن ما يمارسه مرجان احمد مرجان اصبح ممارسة استثنائةوغير مسبوقة ...
القانون يجب ان يطبق على الجميع بما فيهم المريخ حتى تسود العدالة و يتحقق الانضباط، الشرطة جهاز قومى ليست معنية بتشجيع الفرق بل دورها هو بسط الامن و حفظ ارواح المواطنين و العمل على حفظ هيبة الدولة، فى الوقت الحالى ملاعبنا غير مهيئة لتغيير قوات الشرطة بقوات اخرى عندما تكون ملاعبنا مهيئة يمكن الاستعانة بأمن الملاعب
كلامك الانشاء الكاتبو دا كلو
ممكن تلخصو في سطرين
شنو داير تلبس المشكلة في الشرطة.ومنو القال ليك ما بيستعينو بالشرطة في الدول الاوربية.نعم بس مابيكونو في الملعب لكن على علم بي كل الاحداث ومستعدين في خلال خمس ثوان بيكونو مع اي شغب.