مبروك نمور جعل المتصدرين

ولا عزاء للعالمي ولا تكلمني لانهم متعادلين

والهلال مغلوب ومتعادل بس بيمثل السودانيين

ويا ربي ناس مرحلة الاساس بيعرفوا قصة الطلبه البايتين

وقد درسنا ايام الابتدائي والوسطي وكنا حلوين

وكان معانا في كل فصل ٤ او ٥ طلاب بايتين

يشفوا وبخرات وهرجله وفتونه ودايما جايطين

ويكتبوا في المساطر وفي الاوراق وفي كم القميص ويبصوا بالعينين

وساقطين طوالي واصلوا ما نافعين

مكانهم آخر الصف وهم في السن اكبر الدارسين

و لو في جلد الاستاذ يقول اربعه كبار بسرعه يجوا طالعين

يرفعوا الطالب ده من يد وده بد واثنين يمسكوا الرجلين

والاستاذ هات يا جلد ودي كانت وظيفتهم يساعدوا المدرسين

رحنا من المدراس وخليناهم قاعدين

والمريخ بالظبط زي الجماعة البايتين

قاعد في التمهيدي بالسنه والسنتين

وكل سنه داير يفوز بالدوري والكاس وبالبخرات والحكام والواسطات والوزراء والحاقدين

ومسكين يفوز ويفوز ويفوز وبرضو يجي يقيف في التمهيدي زي السيارة القطعت بنزين

اها افترضنا المريخ حيفوز بالدوري والكاس برضو الهلال حيكون مع الكبار والناجحين

حتفرحوا بالفوز علي نيل الحصاحيصا وحتعملوا السبعه وذمتها وتكسروا مكاتب الاتحاد وحتقولوا فيتامين

صاحبوا الحكام وناس الطريفي وابو شنب وناس بدر الدين

ولعبونا في حلفا وابوحمد والنقعه ولعبونا في الكاملين

هي ٥ نقاط قلعتوها من فك الاسد وما مشكله وانشاء الله معوضين

وهو نزيفكم بدا وفي الحصاحيصا كنتوا تعبانين

ونقطه واحده الفرق وموعدنا في القمه وصدقتوا عالميين

اهم شيئ الهلال مع الكبار وكل سنه وفي افريقيا كلها وبقينا محترمين

واستهداف عديل ولا دعم ولا مساعده وتقول نحن ما مواطنين

والتسيير ساكته وكلهم كيزان ومجموعات مصالح وبيقولوا وطنيين

مؤتمر وطني واخو الرئيس والشرطه والدفاع وما في ديمقراطيين



رحم الله الفنان الرائع احمد المصطفي وصوته الشجي

يا بنت النيل .. النيل
أحبّ النيل يا جميل
******
ظبية المسالمة
وفي الخمايل حالمة
وفيك يا ظالمة
يا ظالمة يا ظالمة

لقد ظلوا يسخرون من هزيمة الهلال المخططه لها اتحاديا في شندي

وظلوا يسخرون من تعادل الهلال في الفاشر

وقد سقطوا امام طيش الدوري وطلعوا بتعادل اشبه بالهزيمه

و تدحرجوا عن الصداره بخجل

وعالمي لا تزعلني

وفقدت الصداره وده اللي مجنني

وما نافعه كل دولارات الوالي والبايرن و التحكيم والمحترفين والقروش اللي راحت مني

وانشاء الله يكون ناس الكاملين جهزوا دورات المياه للاعبي المريخ

حتي لا تتكرر موقعة ذات القوارير

وقد دعونا الله ان يحفظ الكاملين نظيفه

وقد نالت الحصاحيصا حظها من التكسير وفيتمينات سيي

وحتي الآن لا ندري هل كرر لاعبو المريخ فعلتهم الشنيعه في الكاملين

ام استدرك الجكومي الامر وجهز الكاملين بدورات المياه

وخاصة ان اوليفيه لا يحتمل الامر ومنذ ان كان بالدوحه

وجاء للمريخ وهو حامل لذلك الفيروس الخطير

وقد اصيب كل لاعبو المريخ بالفيروس فكانت ال ١٨ قاروره فيتامين سي التي شاهدناها في الحصاحيصا

واحلي صوره للجكومي وسط القوارير التي تزكم الانوف

ويجب علينا اخوتي ان نتأكد من خلو غرف اتحاد الكاملين وثلاجاتها من فيروس الفيتامين

كذلك يجب ان نسأل اوليفيه وين سواها بالظبط

ومن خلي عادتو قلت سعادتو

هو تعادل حار بكل المقاييس للعالمي ولا تكلمني

ومعذورين لو عملوها فيتامينات سي



بقليل من الحياديه

قلنا من قبل ان الهلال ليس سيئا بل فرقنا هي التي ارتقت بمستوياتها

فالهلال قد تلقي هزيمه من اهلي شندي

والهلال تعادل مع مريخ الفاشر

والمريخ تعادل وتعادل

الهلال تلقي هزيمه وتعادل

والمريخ تعادل مرتين

والفرق الاخري تقدمت مستويات جميله ورائعه

وبدآت تقدم سهلا ممتنعا و رائعا

واحراجات بالجمله لفريقي القمه

نيل الحصاحيصا رائع

ومريخ الفاشر رائع

واهلي شندي تقدم نحو الصداره ورائع

واهلي عطبره رائع

وهلال كادقلي رائع

واتحاد مدني رائع

والمريخ وان تدحرج من الصداره فهو رائع

والهلال هو الآخر رائع

وسيقدم مستويات رائعه في افريقيا

لا تخافوا اخوتي علي الهلال فهو ليس بسيئ

وسوف يلقن ابطال افريقيا دروسا في كرة القدم

وارقدوا عافيه كما يقول حبيبنا محمد الفاتح

لقد بدأت بشريات تقدم الكرة السودانيه تطل برأسها علينا

وان كان السودان بعيدا عن كل منصات افريقيا

فقط الاتحاد هو الحلقة الاضعف في كل الجسد الرياضي



و تحروا الهلال خارجيا ان غطته الغيوم محليا



محمد حسن شوربجي