عفوا امل عطبره فانتم في حضرة الهلال
ويجب أن يفوز الهلال وان كان سيئا
ويا هو ده الهلال وحتى لو محاصر بالمتامرين
و يا هو ده الهلال وحتى لو محاصر بالحاقدين
وياهو ده الهلال وأنصاره بالملايين
الهلال لن يقبل بدوري يناله بالواسطه
والهلال لن يقبل بكاس يناله منحه
والهلال لن يقبل بنقاط يمنحها له وزير
والهلال لن يقبل تحالفا مع الحكام
والهلال ﻻ يقبل أن يساعده اتحاد معتصم
والهلال لن يقبل الضيم
والهلال لن يقبل الظلم
سيحه اليوم انصف الهلال ﻻول مره
وقال إن الحكم أضاع على الهلال 3 اهداف صحيحه
واغلب الحالات التي عكسها الحكم الغبي كانت غير تسلل
وفعلا الطريفي الغبى استحق ما حدث له
وان كان العنف غير مقبول في ملاعبنا
والهلال مفروض يكون فائزا علي اهلي شندي
ولكن الحمد لله على كل حال
والحمد لله على نقاط مدنى رغم اتحاد معتصم
والحمد لله على نقاط مدنى رغم تآمر مريخ الوالى
والحمد لله على نقاط مدنى رغم تلك الرياح
والحمد لله على نقاط مدنى رغم غياب الجمهور العظيم
الهلال سيستعيد المقدمه رغم أنف جمال الوالى
والهلال سيستعيد المقدمه رغم تآمر معتصم
لن نتحدث اخوتى عن سوء الأداء
ولن نتحدث اخوتى عن النابى
ولن نتحدث اخوتى عن مستوى الهلال المدنى
ولن نتحدث اخوتى عن جمعه الشكرو رقدو
اللاعبين يعلمون جيدا من سيواجهون فى أفريقيا
والنابى يعلم كيف مازيمبى والترجى
والحاج عطا المنان يعلم ماذا لو خرج الهلال من دور الثمانية
يجب أن يرتقى اللاعبون بمستوياتهم
ويجب أن يكون كيس النابى مليان
ويجب أن يأتى عطا المنان بحلول اداريه لمشاكل الهلال
الهلال سيعانى فى أفريقيا أن ظل بهذا المستوى التعبان
المريخ في ضل النيمه
الآن المريخ في ضل النيمه
وناس المريخ بقوا من زبائن ضل النيمه
وخلاص ختوا عنقريبهم فى ضل النيمه
وما في شمارات الا في ضل النيمه
لا دوحة نفعت ولا افريقيا نفعت ولا دوري نافع وما في الا ضل النيمه
ويابايرن هل تتذكر المريخ القاعد حسع في ضل النيمه
يا جارديولا هل تتذكر بله جابر القاعد حسع تحت شجرة النيمه
و ياريبيري انت وينك ووين واصحابك في ضل النيمه
ويا روبن هل تصدق ان جماعتك اتغلبوا من كمبالا سيتي وخرجوا من التمهيدي وحسع قاعدين في ضل النيمه
ويا جورديولا هل تصدق ان الجماعه شالوا كروجر وجابوا ليهم مدرب فوق التمانين ورجله والقبر ومرات بتجيهوا نومه تحت ضل النيمه
ناس فاضيين وما عندهم شغله غير حرب الهلال وهم قاعدين في ضل النيمه
واشطبوا الهلال واوقفوا الهلال وكل البيانات بطلعوها من تحت ضل النيمه
وليه ما تكون عقوبات مغلظه ولازم الهلال يلعب في ملعب الكاملين التعبان ويدفع غرامه تقيله اتغاطوا عليها وهم قاعدين في ضل النيمه
ولكن صدر الفرمان الرئاسي ان لا مقارنه ما بين سيد البلد وزبائن ضل النيمه
وزي ما دايرين يلعبوا وزي ما دايرين يأجلوا ومن فضلكم لا اعتراض يا ناس ضل النيمه
ديل كبار افريقيا والتمهيداب يمتنعون ومكانهم المحلي وضل النيمه
لاعبى الهلال بيشرفونا في افريقيا واتعزموا في بيت القصر الجمهوري وما اكلوا فول وتقليه في ضل النيمه
وشربوا ليمون بالنعناع ونسكافيه وانتوا اشربوا من ستات الشاهي تحت ضل النيمه
وسبحان مغير الاحوال وبعد ان كان المريخ عالمي ولا تكلمني الآن المريخ في ضل النيمه
ما قلتوا ﺗﺮﺍﻭﺭﻯ ﺳﻮﻑ ﻳﻜﻮﻥ ﻫﺪﺍﻑ ﺍﻻﺑﻄﺎﻝ ﻫﺬﺍ ﺍﻟﻌﺎﻡ والان تراوري في ضل النيمه
ما قلتوا ﺍﻟﻌﺎﻟﻤﻲ ﻓﻲ ﻣﻮﺍﺟﻬﺔ ﺑﻄﻞ ﺍﻟﻌﺎﻟﻢ والان قاعدين في ضل النيمه
ما قلتوا ان ٥٠٠ ﻛﺎﻣﻴﺮﺍ عالميه كانت في ﺗﻤﺮﻳﻦ ﺍﻟﻌﺎﻟﻤﻲ والآن العالمي قاعد مصنقر في ضل النيمه
ما قلتوا ان ﻻﻋﺒﻮ ﺍﻟﻌﺎﻟﻤﻲ ﻳﺘﺒﺎﺩﻟﻮﻥ ﺍﻟﻘﻤﺼﺎﻥ ﻣﻊ ﺑﻄﻞ ﺍﻟﻌﺎﻟﻢ الا شم لص والان انتوا وشم لص في ضل النيمه
ما قلتوا ان ﺷﺮﻛﺔ ﻋﺎﻟﻤﻴﺔ ﺗﺮﻋﻰ ﺣﺎﺭﺱ ﺍﻟﻌﺎﻟﻤﻲ ﺟﺒﻞ ﺍﻟﺠﻠﻴﺪ ﺍﻛﺮﻡ والآن جبل الجليد يرعي في ضل النيمه
ﺷﻴﺦ ﻗﻄﺮﻱ ﻳﻬﺪﻱ ﺍﻛﺮﻡ ﺳﻴﺎﺭﺓ
ما قلتوا ﻛﺎﺭﻳﻨﺎ ﻛﺎﺑﻮﺭ ﺍﻟﻤﻤﺜﻠﺔ ﺍﻟﻬﻨﺪﻳﺔ أتصورت ﻣﻊ ﻻﻋﺒﻲ ﺍﻟﻤﺮﻳﺦ والآن الصور دي حتكون معلقه في كل شجرة نيمه
رجاء اتركوا الهلال وانتوا قاعدين تحت ضل النيمه
رجاء انسوا الهلال وانتو بتتونسوا تحت ضل النيمه
رجاء فكروا كيف تلحقوا بالهلال السنه الجايه وخططوا كويس تحت ضل النيمه
رجاء قابلوا عيسي حياتو وسلموه جواب من البايرن وقوموا بسرعه من تحت ضل النيمه
رجاء اطلبوا منه ان يعفيكم السنه الجايه من التمهيدي وقولوا ليهم حرام عليك نحن من بدري قاعدين في ضل النيمه
رجاء اكتبوا يافطات وارفعوها قدام مبانى الكاف فى القاهره( ارحموا المريخ في ضل النيمه )
محمد حسن شوربجي