صيحة
موسي مصطفي
حازم مصطفي اكبر مقلب!!
يبدو اننا امام كارثة كبيرة ستحل بالمريخ كتلك التي اورثتنا الدمار والخراب.
حازم تراجع عن كافة الوعود التي قطعها لجماهير المريخ ويبدو ان الوعود كانت براقة من اجل الانتخابات فقط.
على طريقة الشيخ محمد مصطفي عبد القادر ركبنا خاروق وتاني ما بيمرق
يعني ركبنا ماسورة كبييييييييييييييييرة
اخدنا سيك في قبولنا.
انضربنا على قفانا
اخد ستة يوم ارضنا.
حازم الحازم طلعت ترماي
اخدنا مقلب يا عمنا.
وعلى طريقة اخوتنا في شمال الوادي اشترينا الترماي
وعلى طريقة السودانية ركبنا الكركابة.
حازم انتهي من المريخ بعد ان اصبحت غرفة المريخ بلا لاعبين
حتى اندية صغار كانت تتمنى مفاوضة المريخ للاعبيها اصبحت تخطف مننا افضل اللاعبين.
ندمنا على سوداكال وايامه الجميلة.
سوداكال قليل الحديث وكثير الفعل
لكن حازم كثير الكلام وقليل الفعل.
حتى اللحظة لم ينجز اي من وعوده
وين كلارك يا حزومي
وين المحترفين العيار الثقيل يا حزومي
وين مبارك يا نور عيني.
يبدو اننا سنعيش في الايام القاتمة
اخيرا جدا ركبنا ماسورة