#في_السلك
بابكر سلك
لكن_لمتين!!!
*المتأمل وغير المتأمل والغافل
*كلهم عارفين معناة المواطن وصلت وين
*ندرك جيدا صعوبة المرحلة
*ولكن لن نقبل بشماعة الكيزان فعلوا والكيزان ماتركوا فيها شئ
*اساسا حكومتنا الحالية بشقيها المدني والعسكري لها واجبات في مقدمتها رفع الحمل عن كاهل المواطن ولو نسبيا
*كما نقدر جهود حمدوك التي تهدف الي اعادة وجودنا ضمن المجتمع المدني العالمي المحترم
*لان ذلك يفتح لنا آفاقا ارحب ويضمن لنا عيشا كريما
*لكن كمان العيش اللئيم الذي يسيطر علينا الآن
*سيفقدنا فرصتنا بالاستماع حتي ببعض العيش الكريم الذي ننشده
*قصة المعاناة الحياتية مادايرة فهامه
*ولاتحتاج لبروفيسرات للاقتناع بها كواقع
*ولاتحتاج عصا موسي للحل
*تحتاج فقط لقليل من الاهتمام الحكومي والاحترام لقضايا الناس
*وحتي البعض بدأ يدب اليأس في مخيلته بعد ان استبشر خيرا في العهد الجديد
*ولكن
*لمابقيت نفس الوجوه تدير شان الناس في المستويات الوسيطة
*ولما ظلت مشكلات الحياة هي نفسها مشكلات الحياة اليومية بل افظع
*ولان طعم الحرية النبيل يفقد حلاوته لضغوط الحياة عند بعضنا
*ولان معني الحرية النبيل يفقد معناه عند شعب احد اهم امثال التربية عنده
*شبعو حتي تطبعو
*فكيف لنا او بالاحري لكم ان تطبعونا علي الحرية وتربونا علي القانون وترضعونا الديمقراطية واحترام الآخر ورأيه
*ونحن نمارس الجوع العفيف؟
*والجوع العفيف ممكن يبقي جوع ما عذري
*فالحب العذري يمكن ان يفقد ذلك المعني العفيف اذا في(لحم ) انكشف
*والشعب بجوعه العذري ينكشف امامه اللحم بالوانه المختلفه
*يبقي لو الشعب ضعف في(لحم)
حاينختف
*وتلقانا ياحمدوك
*تلقي شعبك جاري في الشوارع خاتف
*والجري للقناعة بالحرام
*فالحيوان يعرف الحلال ويعرف الحرام
*الكديسة ياحمدوك
*كديسة البيت العادية دي
*بتعرف الحلال وبتعرف الحرام
*لو اديتها لحمة بتاكلها جمبك تحت كرعينك
*ولو ختفتها بتجري بيها
*فياعزيزي حمدوك قنا شر الجري بالقوت المختوف
*والقصة دي ماصعبه
*ماتنتجه مصانع الدولة يمكن بقليل من التسهيلات يبقي بتسعيرة ملزمة
*افتكر الصناعة عندها وزير
*ووزير الصناعة عضو في مجلس الوزراء
*وبالتنسيق لتطبيق الخطط كلو شئ ببقي
*وكذا الزراعة
*وكل ذلك يحتاج لرقابة(مفقودة وغايبه)
*بس ماصعبه
*الاسعار تطير السما عشان الكيزان
*الجاز ينعدم عشان الكيزان
*العيشة تبقي مستحيلة عشان الكيزان
*الموية تقطع عشان الكيزان
*الكهربا تنعدم عشان الكيزان
*ده كلو عارفنوا
*لكن نحنا شلنا الكيزان لشنو؟؟؟
*ليستمر الفشل مثلا؟؟؟؟
*زمان ياحمدوك الناس بتظبط ساعاتها علي القطر
*ولما الكيزان كتلوا القطر وكتلوا الزمن وجروا الساعة
*تلتين سنة ماقادرين نظبط ساعاتنا
*اليومين دي بقينا نظبط ساعاتنا
*عارف علي شنو بنظبطها يا الحبيب حمدوك؟
*علي زمن قطع الكهربا
*بتقطع في مواعيدها بالضبط
*الشئ الوحيد المظبوط في البلد دي هو وقت قطع الكهرباء
*حمدوك
*نقدر الجهود
*لكن يا الحبيب قلنا الروب في زمن وصل رطل اللبن فيه لخمسين الف جنيه
*تخيل
*كان الشعب بشرب اللبن بالبقرة
*ثم بقي يشربو بالكورة
*ومشي الشعب في العد التنازلي وشرب اللبن بالكباية
*ثم بالشاي المغربية
*ولما الكيزان لحسوا المغربية بي لبنها
*اصبح اللبن حراما وقتها
*الآن اللبن لمن استطاع اليه سبيلا ياحمدوك
*وعلاج للعامه عند المرض الشديد
*يعني لو الدكتور كتب لينا حقن لبن تلاته سيسي بالوريد بنصدقوا
*وبنقول عنو دكتور شاطر لكن دواهو غالي
*اسي زي مشكلة اللبن دي
*هل يجوز لمصانع منتجات الالبان ان تدخل سوق اللبن كمشتري منافس للمواطن ؟؟؟؟
*وهل يقوم بعضها بذلك فعلا؟؟؟
*وهل ماتقدمه تلك المصانع من اعلاف محتكرة لها(الردة) ومن رعاية بيطرية(لا تقوم بها الحيكومة) يشكل اغراءا لاصحاب الابقار وضغوطا تجبرهم علي البيع للذين لايفرق معهم شئ لانهم يسعرون منتجاتهم التي يحتكرونها علي كيفهم وجوووة عين الحيكومة؟؟؟؟
*آلله يسألكم يا الحبيب حمدوك مواضيع زي دي قاعده تتناقش في اجتماعات مجلس الوزراء؟؟
*وزراء الحكومة المدنية التي زفتها حناجر الثوار ودماء الشهداء
*قليل من الاحساس بالناس وقليل من احترامهم وتقديرهم وقليل من الرقابة الصارمة
*يمكن ان يزودنا بالصبر علي بناء وطن لانتتردد في التضحيات من اجله
*الحبيب حمدوك
*بمناسبة الرقابة
*الرقابة دي بوحدة معينة وقوانين رادعه
*كانت اولي من تعديلات الوزارة المعنية الطلعت بيها لينا
*فمنو السكران وماذا يكون وضعه
*ليس بالقضايا الملحة بقدرما بكم الزيت وماذا يكون وضع المخالف للتسعيرة
*وبمناسبة التعديلات
*طبعا لم تتناول مايدور في كثير من الاسافير
*ولكنها جيدة
*فمثلا قصة رجال ونساء ونساء ورجال او امراة ورجل او رجل وامرأة يلقوهم في مكان يحتمل او يرجح ان يقوموا بافعال كذا يعتبروا قد خالفوا....الخ
*طبعا المادة القديمة هدمت كل اركان القانون في العالم والشرائع السماوية
*فقواعد الاثبات في الامور الجنائية قانونا وشرعا لاتعترف بالاحتمالات والترجيح
*ولكنها تقوم علي اثباتات فوق مرحلة الشك المعقول
*ارجحية البينة دي في المسائل المدنية فقط
*ولكن مادة صاغها الكيزان لتصفية الحسابات مع من يخالف مزاجهم
*لكن برضو هذا ليس مبررا لاجرائها حاليا ونحن نحتاج لقوانين ولوائح واوامر محلية تضبط السوق وتروق نفس المواطن
*حمدوك
*ثقتنا لسة كبيرة
*بس شعبك شبعو حتي تطبعو
*المهم
*الكورة في العالم كلو بدت
*بس كورتنا هي المتخلفه الوحيدة عن الركب
*لكن بصراحة
*كلام كردنة في لقائه الاخير كان محاضرة ليس الغرض منها لحن الكلام وتنميق الكلمات بقدرما كانت الواقعية فيه والحلول تشكلان خارطة طريق لادارة الاندية في البلد دي
*بالتأكيد سنعود لهذا الامر كان قدرنا نصمد في حياة ضرورياتها اصبحت بذخ
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*برغم الحاصل لينا
*موش حانموت الله يخلينا
سلك كهربا
ننساك كيف والكلب قال سمك لبن تمرهندي اسماء لها ايقاع
والي لقاء
سلك
بابكر سلك
لكن_لمتين!!!
*المتأمل وغير المتأمل والغافل
*كلهم عارفين معناة المواطن وصلت وين
*ندرك جيدا صعوبة المرحلة
*ولكن لن نقبل بشماعة الكيزان فعلوا والكيزان ماتركوا فيها شئ
*اساسا حكومتنا الحالية بشقيها المدني والعسكري لها واجبات في مقدمتها رفع الحمل عن كاهل المواطن ولو نسبيا
*كما نقدر جهود حمدوك التي تهدف الي اعادة وجودنا ضمن المجتمع المدني العالمي المحترم
*لان ذلك يفتح لنا آفاقا ارحب ويضمن لنا عيشا كريما
*لكن كمان العيش اللئيم الذي يسيطر علينا الآن
*سيفقدنا فرصتنا بالاستماع حتي ببعض العيش الكريم الذي ننشده
*قصة المعاناة الحياتية مادايرة فهامه
*ولاتحتاج لبروفيسرات للاقتناع بها كواقع
*ولاتحتاج عصا موسي للحل
*تحتاج فقط لقليل من الاهتمام الحكومي والاحترام لقضايا الناس
*وحتي البعض بدأ يدب اليأس في مخيلته بعد ان استبشر خيرا في العهد الجديد
*ولكن
*لمابقيت نفس الوجوه تدير شان الناس في المستويات الوسيطة
*ولما ظلت مشكلات الحياة هي نفسها مشكلات الحياة اليومية بل افظع
*ولان طعم الحرية النبيل يفقد حلاوته لضغوط الحياة عند بعضنا
*ولان معني الحرية النبيل يفقد معناه عند شعب احد اهم امثال التربية عنده
*شبعو حتي تطبعو
*فكيف لنا او بالاحري لكم ان تطبعونا علي الحرية وتربونا علي القانون وترضعونا الديمقراطية واحترام الآخر ورأيه
*ونحن نمارس الجوع العفيف؟
*والجوع العفيف ممكن يبقي جوع ما عذري
*فالحب العذري يمكن ان يفقد ذلك المعني العفيف اذا في(لحم ) انكشف
*والشعب بجوعه العذري ينكشف امامه اللحم بالوانه المختلفه
*يبقي لو الشعب ضعف في(لحم)
حاينختف
*وتلقانا ياحمدوك
*تلقي شعبك جاري في الشوارع خاتف
*والجري للقناعة بالحرام
*فالحيوان يعرف الحلال ويعرف الحرام
*الكديسة ياحمدوك
*كديسة البيت العادية دي
*بتعرف الحلال وبتعرف الحرام
*لو اديتها لحمة بتاكلها جمبك تحت كرعينك
*ولو ختفتها بتجري بيها
*فياعزيزي حمدوك قنا شر الجري بالقوت المختوف
*والقصة دي ماصعبه
*ماتنتجه مصانع الدولة يمكن بقليل من التسهيلات يبقي بتسعيرة ملزمة
*افتكر الصناعة عندها وزير
*ووزير الصناعة عضو في مجلس الوزراء
*وبالتنسيق لتطبيق الخطط كلو شئ ببقي
*وكذا الزراعة
*وكل ذلك يحتاج لرقابة(مفقودة وغايبه)
*بس ماصعبه
*الاسعار تطير السما عشان الكيزان
*الجاز ينعدم عشان الكيزان
*العيشة تبقي مستحيلة عشان الكيزان
*الموية تقطع عشان الكيزان
*الكهربا تنعدم عشان الكيزان
*ده كلو عارفنوا
*لكن نحنا شلنا الكيزان لشنو؟؟؟
*ليستمر الفشل مثلا؟؟؟؟
*زمان ياحمدوك الناس بتظبط ساعاتها علي القطر
*ولما الكيزان كتلوا القطر وكتلوا الزمن وجروا الساعة
*تلتين سنة ماقادرين نظبط ساعاتنا
*اليومين دي بقينا نظبط ساعاتنا
*عارف علي شنو بنظبطها يا الحبيب حمدوك؟
*علي زمن قطع الكهربا
*بتقطع في مواعيدها بالضبط
*الشئ الوحيد المظبوط في البلد دي هو وقت قطع الكهرباء
*حمدوك
*نقدر الجهود
*لكن يا الحبيب قلنا الروب في زمن وصل رطل اللبن فيه لخمسين الف جنيه
*تخيل
*كان الشعب بشرب اللبن بالبقرة
*ثم بقي يشربو بالكورة
*ومشي الشعب في العد التنازلي وشرب اللبن بالكباية
*ثم بالشاي المغربية
*ولما الكيزان لحسوا المغربية بي لبنها
*اصبح اللبن حراما وقتها
*الآن اللبن لمن استطاع اليه سبيلا ياحمدوك
*وعلاج للعامه عند المرض الشديد
*يعني لو الدكتور كتب لينا حقن لبن تلاته سيسي بالوريد بنصدقوا
*وبنقول عنو دكتور شاطر لكن دواهو غالي
*اسي زي مشكلة اللبن دي
*هل يجوز لمصانع منتجات الالبان ان تدخل سوق اللبن كمشتري منافس للمواطن ؟؟؟؟
*وهل يقوم بعضها بذلك فعلا؟؟؟
*وهل ماتقدمه تلك المصانع من اعلاف محتكرة لها(الردة) ومن رعاية بيطرية(لا تقوم بها الحيكومة) يشكل اغراءا لاصحاب الابقار وضغوطا تجبرهم علي البيع للذين لايفرق معهم شئ لانهم يسعرون منتجاتهم التي يحتكرونها علي كيفهم وجوووة عين الحيكومة؟؟؟؟
*آلله يسألكم يا الحبيب حمدوك مواضيع زي دي قاعده تتناقش في اجتماعات مجلس الوزراء؟؟
*وزراء الحكومة المدنية التي زفتها حناجر الثوار ودماء الشهداء
*قليل من الاحساس بالناس وقليل من احترامهم وتقديرهم وقليل من الرقابة الصارمة
*يمكن ان يزودنا بالصبر علي بناء وطن لانتتردد في التضحيات من اجله
*الحبيب حمدوك
*بمناسبة الرقابة
*الرقابة دي بوحدة معينة وقوانين رادعه
*كانت اولي من تعديلات الوزارة المعنية الطلعت بيها لينا
*فمنو السكران وماذا يكون وضعه
*ليس بالقضايا الملحة بقدرما بكم الزيت وماذا يكون وضع المخالف للتسعيرة
*وبمناسبة التعديلات
*طبعا لم تتناول مايدور في كثير من الاسافير
*ولكنها جيدة
*فمثلا قصة رجال ونساء ونساء ورجال او امراة ورجل او رجل وامرأة يلقوهم في مكان يحتمل او يرجح ان يقوموا بافعال كذا يعتبروا قد خالفوا....الخ
*طبعا المادة القديمة هدمت كل اركان القانون في العالم والشرائع السماوية
*فقواعد الاثبات في الامور الجنائية قانونا وشرعا لاتعترف بالاحتمالات والترجيح
*ولكنها تقوم علي اثباتات فوق مرحلة الشك المعقول
*ارجحية البينة دي في المسائل المدنية فقط
*ولكن مادة صاغها الكيزان لتصفية الحسابات مع من يخالف مزاجهم
*لكن برضو هذا ليس مبررا لاجرائها حاليا ونحن نحتاج لقوانين ولوائح واوامر محلية تضبط السوق وتروق نفس المواطن
*حمدوك
*ثقتنا لسة كبيرة
*بس شعبك شبعو حتي تطبعو
*المهم
*الكورة في العالم كلو بدت
*بس كورتنا هي المتخلفه الوحيدة عن الركب
*لكن بصراحة
*كلام كردنة في لقائه الاخير كان محاضرة ليس الغرض منها لحن الكلام وتنميق الكلمات بقدرما كانت الواقعية فيه والحلول تشكلان خارطة طريق لادارة الاندية في البلد دي
*بالتأكيد سنعود لهذا الامر كان قدرنا نصمد في حياة ضرورياتها اصبحت بذخ
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*برغم الحاصل لينا
*موش حانموت الله يخلينا
سلك كهربا
ننساك كيف والكلب قال سمك لبن تمرهندي اسماء لها ايقاع
والي لقاء
سلك
