((())) علي الهلال ترك الصغائر والاهتمام بالمباراة :
لا نريد ان نهول ما حدث لفريق الهلال في مطار مابوتو الموزمبيقي
وان الفريق قد قضي ساعات في المطار بسبب عدم اخطار الكاف للحكومه الموزمبيقيه او الانحاد
وهذه هي افريقيا وهذا يحدث في الكثير من الاحيان
واجهزة الامن في الكثير بلدان العالم تتبع التعليمات وتطبقها بحذافيرها
والدول دي ما بتلعب في الحاجات دي وما عندها الجوديه والواسطات والحركات التي تعودنا عليها في السودان
وانو ضابط كبير يجي الي صالة القدوم ويطلعك انت وشنطك بدون تفتيش
علي فرقة الهلال ان تركز جيدا علي المباراة والتزام الهدوء وعدم الركون الي العصبيه والاكل بطال والمطره نزلت والبص قديم
فلنحتمل كل هذا ونلعب مباراة قويه وكل الهدف الثلاث نقاط ولاغير
وهي في النهايه مباراة صعبه ومصيريه للهلال
ويلزم هنا احترام الخصم الجريح الذي يعمل هو ايضا للعوده الي المنافسه شأنه شأن الآخرين
ولا نريد كذلك ان ينشغل اهل الهلال كثيرا بالتسجيلات والتش والمش
فريق الهلال الحالي جيد والحمد لله
فقط يحتاج الفريق الي انسجام اللاعبين مع بعضهم البعض
وحبذا لو تم تعيين مدرب وطني مساعد للكوكي بديلا لحمد كمال
نريد مدرب يشحذ همم اللاعبين بالحماس
لا نريد لاعبين يلعبون لعبا باردا بدون روح
نريد لاعبين بروح قتاليه
ولقد لفت نظري مدرب ريال مدريد الكبير زيدان
فهذا المدرب يقود فريق الريال بنجاح كبير
وفي الكثير من المباريات يبدأ الريال بهدوء ليمتص حماس الخصوم ومن ثم تبدأ الماكينه في الدوران ويسجل هدفا مبكرا
ثم تبدأ الخندقه ومن ثم يتناقل اللاعبين الكرة بطريقة تربك الخصم ويتم الاستحواذ علي كل الكرات وتأتي الاهداف تباعا بالمرتدات
نريد الكوكي ان يطبق طريقة زيدان ضد الموزمبيقي
لا نريد صراخا بالتونسيه وبرشا برشا بلا فائده
وفي النهايه ندعو الله ان يوفق هلال الملايين ليعود بالافراح للبلاد ويفرح العباد
((())) مبروك للمريخ ببطولة التسجيلات :
وفاز المريخ بكاس التش واحمد ادم
انهم يحتفلون حقا بالتسجيلات وكأنهم يسجلون ميسي او رونالدو
التش والنعسان والعطرون والعاشور والممادو والضفر والتالا و الكواسي والاماسي وكل اسماء الدنيا
والمشكله ان المريخ اكتر فريق بيسجل لاعبين ومواهب لكن المصيبه في المحصله النهائيه
وسنوات جمال الوالي الاربعة عشر في المريخ لم تشهد انجازا يذكر رغم الصرف الخرافي الذي كان
والوضع علي ما هو عليه والمريخ هو ضل الهلال لسنوات طويله
ولم يسألوا انفسهم يوما لماذا لا يحرز المريخ البطولات المحليه والقاريه بهؤلاء النجوم الضجة
وكل يوم يغنون للاشباح والمريخ في الدوري مهزوم ومتعادل مع اضعف الفرق
واتشقلب يا شقلبه
واتعقرب يا عقربه
واتعنكب يا عنكبه
وارسم يا رسام
والصاوي سيف الضاوي
والسماني حاوي وعلي الهلال ناوي
وامير الحسن لو تعرف ظروفك
وعلي بيكيه الله عليه
وعاشور حيعلمك مين طفي النور
مسميات تحكمها مباراة صدفه يبدع فيها هذا النجم او ذاك ثم يأفل النجم ويذهب في ستين داهيه
ولعل حالة المريخ اشبه بقصة سيدنا ابراهيم الخليل عليه السلام والكواكب :
فَلَمَّا جَنَّ عَلَيْهِ اللَّيْلُ رَأَى كَوْكَباً قَالَ هَـذَا رَبِّي فَلَمَّا أَفَلَ قَالَ لا أُحِبُّ الآفِلِينَ {76} فَلَمَّا رَأَى الْقَمَرَ بَازِغًا قَالَ هَـذَا رَبِّي فَلَمَّا أَفَلَ قَالَ لَئِن لَّمْ يَهْدِنِي رَبِّي لأكُونَنَّ مِنَ الْقَوْمِ الضَّالِّينَ {77} فَلَمَّا رَأَى الشَّمْسَ بَازِغَةً قَالَ هَـذَا رَبِّي هَـذَا أَكْبَرُ فَلَمَّا أَفَلَتْ قَالَ يَا قَوْمِ إِنِّي بَرِيءٌ مِّمَّا تُشْرِكُونَ {78}سورة الأنعام
كم كبير من النجوم جاءوا الي المريخ وذهبوا بعد ان قدموا مستويات ضعيفه جدا المريخ امام الفرق القويه وقوية جدا امام الفرق الضعيفه عزام وسوني وتفرغ زينه الموريتاني وتلكوم الجيبوتي تلك الفرق الضعيفه
ومن قبل كان قالوا ان المريخ قد سجل ظاهرة (الوك اكيج) الجنوبي والآن يكررون نفس الاسلوب مع السماني و فشل الوك في المريخ وخوفي ان يحدث للسماني ما حدث لالوك
والمشكله ان كل هذا العبث يحدث رغم اوضاع المريخ الماليه وما تعانيه خزينتهم
وها هو مناديهم ينادي ان هلموا اهل المريخ لانقاذ النادي ماليا
وان المريخ اخوتي مقدم علي ايام صعبه
والنادي عايز بطوله
والبطوله عايزه لاعيبه
واللعيبه غاليين خالص
الوالي ما عند قروش
والفادني ما عندو قروش
وسوديكال دايرن منو قروش
والقرش عند الكاردينال
والاقطاب عاملين نايمين
ولوحة الشرف لم ينجح احد
النفرات دايره دفرات
وتحويل الرصيد ما في رصيد
وغارزيتو عايز فلوس
وانطونيو عايز فلوس
وجمال سالم رايح يوغندا
وبكوري رفع العداد
والبلف مع عبد الصمد
وعبد الصمد مشي بعيد
ولو كان الفقر رجلا لقتلته
((())) سؤال من فضلكم :
من اهم اسباب فشل الكرة السودانيه هي البنيه الجسديه للاعب السوداني
واليوم شاهدت الضجه الكبيره ما بين الهلال والمريخ بخصوص احمد آدم والتش
وشاهدت احمد آدم والتش واجسادهم الهزيله
يا اخي ديل محتاجين غذاء وتربيه جسديه من جديد
معقول ديل يقدروا يلعبوا مع عتاولة افريقيا
والغريب ان بعض اخوانا الهلالاب ابدوا ندما شديدا علي عدم تسجيل هؤلاء اللاعبين
وصب اكثرهم اللوم علي الكاردينال وانه فاشل ويدعي انه القوة الماليه الضاربه
وفي الجانب المعاكس اقيمت الافراح لان المريخ فاز بالصفقه وقالوا انها صفقة الموسم
صفقة موسم شنو ايها المساكين
بالله عليكم هل سيقوي هؤلاء اللاعبون علي التنافس الافريقي و التنافس العربي
لا اظن
ولكن قد ينجحون في الدوري المحلي
فافريقيا معروفه باللعب الخشن والعنيف
وحتي الفرق العربيه اصبح لاعبوها يمتازون بالبنيه الجسديه القويه والمفتوله
السؤال : أين بالله عليكم هذه المواصفات في احمد آدم والتش ؟
واليكم مثالا هلاليا الا وهو اللاعب وليد علاء الدين فهذا اللاعب مهاري ولكنه يفتقد للبنيه الجسديه التي تمكنه من اللعب والنجاح افريقيا وعربيا
محمد الحسن شوربجي
* من أسهل الأشياء على الطلاق أن (تبرر) لنفسك وتخرج من (الزنقات) و(الإحراجات) مثلما يخرج (الشعر الأبيض من العجين الأسود) ..
* التبرير سهل جدا ولا يحتاج لعبقرية ..
* فالذي يفشل في (إقناع) بكري بالتجديد قبل ثلاثة سنوات ويبرر ذلك بأن بكري (ما بعرف يلعب كورة) قطعا فأنه يستطيع أن يبرر لفشله في تسجيل (التش ومحمد أدم) ..
* المبررات جاااااهزة ... (الهلال رفض المزايدة) و(الهلال عندو سقف معين للتعاقد مع المحليين) و(التش جسمو كعب) و(محمد أدم ما أفضل من كابو) ..
* هذه هى المبررات التى لن تداري (خيبة) ضياع موهبة بحجم موهبة النجم (الخرافي) التش ..
* هذه مبررات تبدو مثل (الملابس العارية التى لا تستر أغلب أجزاء الجسم) ..
* مبررات (وهمية) يطلقها عادة (السماسرة) و(المنتفعين) الذين لا يجدون (هامش مال في الصفقة) ..
* يطلقون هذا المبررات على طريقة (الكديس) الذي فشل في اللحاق بـ(اللبن) فنعته بـ(العفن) ..
* وهذا المبررات أصبحت محفوظة لدرجة أنها أضحت (مملة) و(قبيحة) لدرجة بعيدة ..
* ثم أن (عقلية السوق) وأسلوب (الباب يفوت جمل) وغيرها من (العنتريات) وشغل (السمسرة) لن تنفع في الهلال ..
* وستضر بالهلال ..
* ولذلك نحن لن نقبل أي عذر أو مبرر في موضوع (التش) طالما أن شعارنا في عهد الكاردينال هو : (إحنا القوة المالية الضاربة في البلد دي ولو شئنا لسجلنا ميسي) ..
* والتش هو (ميسي الدوري السوداني) ، ودي حاجة ما فيها غلاط ولا فيها تنظير ..
* طالما (إحنا القوة المالية الضاربة في البلد دي) طبيعي جدا نكون إحنا القوة الفنية الضاربة في البلد دي ..
* القروش بتجيب المواهب ..
* ولكن الكاردينال وعقلية بعض الذين هم من حوله تصور له أن اللاعب يجب أن (يفرح) و(ينطط) و(يزغرد) لما يشوف (الكاردينال متصل عليهو أو لما يشوف أى واحد من أعوان الكاردينال متصلا عليه) ..
* مفتكرين إنهم المفروض يخلفوا رجل فوق رجل واللاعب يجيهم براهو ويرد على مكالماتهم ويقبل بشروطهم ويوافق على سمسرتهم ..
* يظنون ذلك ، ويظنون أنهم (فوق للناس) ..
* عدد من اللاعبين واجهوا حرب شرشة من بعض الذين هم حول الكاردينال بسبب (عدم الرد على تلفوناتهم) ..
* لاعب يرفض الرد على مكالمة أحد الذين هم من حول الرئيس فيتم شطبه أو (تشفيره) أو إجلاسه في الكنبة ..
* هذه ممارسة موجودة في الهلال ويمكن للجميع أن يسأل منها ويتحقق ..
* يمكن أن تسألوا مهند الطاهر وبشة الذي (رفض التجديد) قبل أيام ، وكذلك اسألوا الثعلب ومحمود أمبدة وغيرهم من اللاعبين الذين رفضوا (الرد) ورفضوا (التواصل) مع مجموعة (أصحاب الرئيس) فكان الجزاء (الشطب أو التشفير) ..
* ده واقع يا جماعة موجود في الهلال (والله على ما أقول شهيد) ..
* عندما تتحكم علاقة شخصية بمصير نجم بالفريق فأن ذلك يؤكد أن الهلال يسير وبسرعة نحو الهاوية ..
* قلناها وسنكررها .. ما قام به الكاردينال في مجال العمران والبنيان هو فخر لكل هلالي ..
* عمل عظيم في الجوهرة الزرقاء ولكن (الجوهرة براها ما بتلعب) ..
* الجوهرة دايرة تيم وداير مواهب وداير أجواء نظيفة وبيئة طيبة ..
* وأنا والله لا أخشى على الهلال إلا من يوما نأتي فيه ونجد كل اللاعبين ونجوم التسجيلات ينفرون من الهلال ..
* والله هذا ما أخشاه ..
* يا جماعة لاعبين كرة القدم ديل (العلاقات بينهم مفتوحة) وكل واحد فيهم عارف حاجات بتخص نادي زميله الآخر ..
* يعني في تواصل (من جوة) ..
* رمضان عجب عارف الهلال فيهو شنو ونزار حامد عارف الأجواء في المريخ شكلها كيف ، ومعاذ القوز عندو فكرة عن الجو في الشرطة القضارف ، وأكرم الهادي سليم عارف أسرار أهلى مدني ..
* يعني اللاعبين فيما بينهم عارفين كل صغيرة وكبيرة عن أي نادي في الدوري ..
* وأنا أخشى وأخاف أن يأتي يوما ينفر فيه نجوم التسجيلات من الهلال بسبب معرفتهم بالأجواء داخل النادي وبالطريقة التى يدار بها فريق الكرة ..
* لما تحصل مشكلة زي مشكلة صهيب الثعلب قطع شك أى لاعب في الممتاز بيكون عرف مشكلة الثعلب ..
* الوسط ده ما فيها حاجة بتدس ..
* وسمعة الهلال بالطريقة دي بتكون غير جيدة ..
* السؤال الذي لا يملك إجابته مجلس الهلال هو : (كيف فرط الهلال في ثنائي الخرطوم الوطني وتحديدا التش) ؟؟
* ده سؤال لا توجد له إجابة لأن أى إجابة مرفوضة وغير صادقة ..
* قلتها قبل أيام أن زيارة جمال الوالى للجوهرة ستكون خصما على الهلال لأن الكاردينال (طيب ساكت) صدق إنو الوالى (مسالم ومسكين) ..
* نام الكاردينال على العسل رغم أن المريخ أكمل قروش صفقة الثنائي عن طريق (الشيرنق) ..
* ح يقول ليك (رفضنا المزايدات) ..
* أنت جربت رفض المزايدات في موضوع السماني الصاوي وفي موضوع بكري المدينة فمن كسب ؟؟
* كسب المريخ دون شك ..
* كضاااااب أى زول بيقول إنو بكري المدينة ما شكل إضافة للمريخ ..
* كضاب أى زول بيقول كده ..
* أهل المريخ يعلمون أن بكري المدينة كان هو السبب الأول والأخير في بلوغ المريخ للمربع الذهبي للأبطال قبل عامين ..
* وبكري المدينة هو سبب بلوغ المريخ لدور المجموعات هذا العام ..
* بل أن بكري المدينة ساهم حتى في زيادة شعبية المريخ وذات الدور يلعبه الآن السماني الصاوي ..
* وبغض النظر عن (نجاحهما أو فشلهما) فأن المريخ كسب أفضل موهبتين في السودان خلال العشرة سنوات الأخيرة وللأسف دي الحقيقة ..
* أما حكاية ينجحوا ولا ما ينجحوا دي حاجة بيد الله ..
* ومثل التش لا يتكرر في الملاعب كثيرا فهو من طينة الغزال وبقية الكبار ..
* طبعا لن أقول من طينة الثعلب لان الثعلب مُحارب ومغضوب عليه (حتى لو تمت إضافة للكشف الأفريقي) ..
* أخشى أن يكون سبب (تشفير الثعلب) هو عدم الرد على مكالماتهم ..
* وحقيقة عندي سؤال مهم جدا ..
* مش الكاردينال قبل (15) يوم جاب محترف غاني برفقة وكيل أوكرا ؟؟
* مش الكاردينال كان عايز يسجل مهاجم من الإتحاد السكندري بديلا لتيتيه ؟؟
* طيب لما الكاردينال صرف النظر عن الأجانب لماذا فشل في ضم التش علما بأن (قروش التعاقد معه ستكون أقل من قروش الأجانب) ..
* الكاردينال صنع جوهرة عظيمة وربما هو معجب بها لدرجة أنه بات يتفرج عليها وعلى جمال الوالى الذي (كاوش) على كل المواهب في الساحة ..
* وما في زول يقول لي ما بنجحوا مع المريخ ..
* انت وكت عارفهم ما بنجحوا مع المريخ سجلهم عندك عشان ينجحوا مع الهلال ..
* الغالي بغلاتو .. والتش غاااااااالي ..
* ونواصل ..
اعوز بالله من هذا الشكل الذي يسبب الغثيان
وأن كان شخصا سويا قد تعرض للسب والشتم والقذف .
الا يستحي هذا المخلوق وإن كانت هناك ذرة دم في جسده
هو الكلام القروش القروش ماله ما جابت ليكم التش الكلام الميول الزعيم وبس والشهرة وين في اي فريق
ثم ثانيا الوالي في هذه التسجيلات جدد لبكري كم مليار والعجب ومامادو والمحترفين الاتنين والمغادرين كم مليار والجوهرة كم مليار دا المفلس ولو ما مفلس كان اشتري الجوهره بناس ال80% ووديناكم الشارع وتحرمو من الكتابه الي الابد
والله مش كده يا شوربه فول والله مويه فول انت عديل
هههههههههههههههههههههههههههههههههههههههههههههههههههههههههههههههاي
عارف ما تنشروه ولكن اثبات حاله0
الله يبارك فيك.
( فريق الهلال الحالي جيد )
بأمارة أيه يا شوربة جي
انت تخاطب عقول سودانية ،،، فهمت يعني شنو (عقول سودانية) ؟؟؟؟
يلا أمشي العب بعيد .
افياء //ايمن كبوش
التـــش
< ده زمن الواتس اب.. زمن الونسة غير المكلفة.. زمان كان الناس بقيّلوا في «الضللة» ومتوسدين السواعد بكيفهم.. وقهوتهم وتفاصيلهم وشماراتهم لا تتجاوز ظل النيمة التي يجلسون تحتها.. لكن هسه.. عادي.. عادي.. تشيل تلفونك ده.. ومن مكانك ده.. وهاك يا رغي.. هاك يا حكي.. ياخي قالوا جمال الوالي فلّس.. صحي الكلام ده.. فلّس كيف يعني.. طيب جاب قروش لى بكري المدينة من وين.. سجل محترفين اجانب من وين.. طيب يا وهم انت.. ده «تشانا تش» عديل بالتش ده.. كدي جاوبني.؟ اجاوبك شنو انت ما عارف يعني.. عارف شنو.. الارباب دفع لى عديلو الحبيب تكعيب.. معقول دي تفوت عليك.
< قد نجد العذر للشخص العادي الذي يتسلى ويستأنس بالواتس اب والفيس بوك وغيرهما من وسائل تواصل جديدة.. ولكن ماذا نقول للصحافي.. صاحب المهنة الصراط.. المهنة العذاب.. المهنة النزيف.. المهنة الحريق.. ذاك الذي يمسك قلماً اقسم به رب العزة.. صحيح اننا في زمان لم يعد للقلم وجود ولم يعد له صولجان.. ولكن هذا لا ينفي ان الرسالة واحدة.. والمحتوى هو ذات المحتوى عند السؤال.. جمال الوالي مفلّس.. وجمال الوالي ياخي كاتب في محل وظيفتو في اقامتو بالسعودية «مندوب مبيعات».. وجمال.. وجمال.. وجمال.. والرجل يصمت لان خير الكلام ما قال ودل والرجل يصبر لان الصبر مفتاح الفرج.. والرجل يمضي الى الامام ويظل هو ذاته والي جمال لان الحب الصادق لا يُشترى بمال.
< بالامس اجتمع المريخاب في حضرة رئيسهم بمنزله الكائن بحي الصفا.. «مش قالوا باع بيتو ده برضك».. في ظني ان المريخاب لديهم غرضهم الذي يونسهم.. مش قلتو اي زول بونسو غرضو.. قالوا عايزين يعملوا نفرة.. طوالي عملوا نفرة لان من دعا لها رجل مقنع ومحبوب.. لكن كدي قولوا لينا في هلالنا ده عايزين نعمل نفرة.. او خلوا كاردينالنا وكاردينالكم ده يقول لى زول «انا» عامل نفرة.. مافي زول بجيهو لان الحب مفقود.. وكذلك الثقة مفقودة.. في ناس كده في الدنيا دي لو سلمت عليهم طوالي مفروض تحسب اصابعك.. لو عندم كحل في عينك ممكن يشلبوه منك يخلوك تتلفت.. مافي زول بجي للنفرة الكاردينالية ليس لان الرجل لا يحتاجها كما يدعي ويردد.. ولكن لانه يعرف تماما رأي الآخرين فيه.. لانو الزول ده شغل الجوكية خايل عليهو وفهلوة الكرين جايه حسب مقاسو..
< جاء المريخاب ولديهم ما يفرحهم في الحياة وما يشغلهم بأمور ناديهم.. ما فاضيين.. عندهم رئيس محترم.. شئنا ام ابينا.. وهو رجل محبوب ومقبول ويجد الاحترام اينما حل واينما كان.. ما برفع عينو في وش زول ولا ممكن يسمّع زول كلام فارغ او ما في محلو.. يحترم الكبير والصغير.. ويعطي اي فرد مهما كانت مكانته ووضعيته وسط جماهير المريخ، قيمة اضافية اسمها التسامح والكرم والجود والمحبة.. ما ممكن يقول لجماهيرو البتحبو عندما تطرق باب منزله لاي سبب من الاسباب.. «انا عندي ضيوف مهمين.. ما ممكن تجوني كده زي العايزين ترجعو ليكم مرة مطلقة..».. لذلك كان المريخاب بالامس في صحن داره ومن حقهم كذلك ان يغنوا لنا مكاواةً: «ناس افراحا زايدة وناس بتشتشو..».. ديل نحن وحاتكم «المتشتشين» و«المتكردنين» قايمين وقاعدين في الاسكراب والكضب والكلام الكتير.. «انا» حصل غشيت عليكم يا النقر ؟ حاشاك يا ريس.. «انا» حصل طلبتو مني حاجة ما جبتها ليكم يا الميز.. تسلم لينا يا ريس.. «انا» بى يدي دي ما سلمتك القروش يا درسو بالحيل يا ريس.. طيب تاني شنو.. اعمل ليكم شنو.. الوالدتو عيانة دفعنا ليهو.. والعايز يتعالج دفعنا ليهو.. والعايز . برضو عايزننا ندفع ليهم الحكاية شنو يا اخونا..؟!!
< سنظل نحن في هذا التهريج والقول الممجوج.. والقوافل المريخية «تبرطع» فينا وخيولها تدك بسنابكها كل الاراضي لتحتل الامكنة.. لانها لم تجد منافسة من احد.. تفرغ كردنة للكلام الفارغ وترك لجمال العمل..
< ننتظر «تشة بشه» في موزمبيق وناسنا بكرة عادي يطلعوا «التش» ما عندو حاجة.. مش قالوا بكري المدينة «اروش».. اتروشي واتشتشي.))))
اكتب ولكن لا تحلم ولا تتخيل بأنك كاتب أو اعلامي أو صحفي أو مجرد محلل خليها نوع من المرض ربنا يشفيك منه.
الأعمده اللي بتحاول تكون مثلها مستحيل والله لانهم درسوها وتدربوا علي يد اساتذه في الأعلام .
ارحم شخصك واسرتك من الشتائم وبطل اللعب مع الكبار .
شجع مثلنا وانت في دارك لأن العمر فات والزهايمر ما عندو علاج .
مع دعواتي لك بالشفاء
عاوز اعرف لمن تكتب من الناس انت عايش خارج المنظومه البشريه عاوزينك يوم واحد تحلل قضايااو تبث فكره للفائده لكن ياخى انت عاوز تبت انك اكتر واحد يكره وانه لايوجد احدا يشاركك هذه الصفه امثالك لايزيدون المريخ الا
قوة وشكيمه انا كمختص فى علم النفس اقولك عندك عقده يجب عليك حلها وان كان حلهافى هذا العمر صعبه اسال الله لك شفاء عاجلا غير اجل
بالمناسبة .. يا جاهل زمانك
البنية / الجسدية / الرياضية
بالتاء المربوطة ...
نعلم فيك لمتين؟؟
نقطة صفر جديد ..
فعلا ان رجل تحتاج الى علاج نفسي
أقلع وشك ..
في غيرهم يفتقدون للبنية الجسدية والأخلاقية ..
نقطة صفر جديد ..
( يابني إياكم ومخالطة السفهاء فإن مجالستهم داء وإن من يحلم عن السفيه يسر بحلمه ومن يجبه يندم ومن لايقر بقليل مايأتي به السفيه يقر بالكثير وإذا أراد احدكم أن يأمر بالمعروف وينهى عن المنكر فليوطن قبل ذلك على الأذى
وليوقن بالثواب من الله عزوجل إنه من يوقن بالثواب من الله عزوجل لايجد مس الأذى )
بقوا ضعيفين و زى وليد علاء الدين هسة؟؟؟؟
و لعلمك وليد دا كان فى المريخ والمريخ استغنى عنو زى ابراهومة بتاع كردنة.
عرفت الفرق؟
بالمناسبة وين عضلات كاريكا المزيكا؟؟؟؟؟
بقوا ضعيفين و زى وليد علاء الدين هسة؟؟؟؟
و لعلمك وليد دا كان فى المريخ والمريخ استغنى عنو زى ابراهومة بتاع كردنة.
عرفت الفرق؟
بالمناسبة وين عضلات كاريكا المزيكا؟؟؟؟؟
وإن بليت بشخص لا خلاق له......فكن كأنك لم تسمع ولم يقل
وقال حكيم : من سكت عن جاهل فقد أوسعه جوابآ،وأوجعه عتابآ.
إن أعظم إحراج وإسكات للسفهاء والحساد والمغرضين هو
الإعراض عنهم واللامبالاة بهم والمضي قدمآ في العمل الجاد
والقدوة الحسنة والتطوير الشامل والدفع بالتي هي أحسن،
وكذللك عدم إضاعة الوقت في المهاترات والمجادلات ؛لأن ذلك
هو عين مايريدون.
شوف تجارتك فقط بعدين في حد قال ليك قبل كدا انت جاهل و و. و. و
شوف تجارتك فقط بعدين في حد قال ليك قبل كدا انت جاهل و و. و. و