• ×
الإثنين 1 مارس 2021 | 02-28-2021
معتصم محمود

شيبوب المعطوب و الشغيل المظلوم .

معتصم محمود

 20  0  3235
معتصم محمود


@ مدرب الهلال ابعد شيبوب من المعسكر لحين اكمال علاجه .
@ شيبوب جاء المعسكر متوكئاً علي عكازين !!
@ شيبوب لن يظهر خلال الدوره الاولي وربما لا نشاهده هذا الموسم .
@ برغم هذا يبقي المعطوب داخل الكشوفات بل وداخل المعسكر ويُبعد لاعب بقيمة جكسا باكذوبة الاصابه !!
@ جكسا ينشط في تمارين تركيا ودرجة الحراره دون الصفر !!
@ يبقي المعطوب ويذهب المحترم الشغيل رغم حاجة الهلال لخبراته في المنافسة الدولية .
@ كل ذنب الشغيل انه من تسجيلات البرير اما شيبوب فهو من تسجيلات سماسرة كردنه !!
@ قائد الفريق (كاريكا) لا يزال حتي كتابة هذه السطور بالخرطوم !!
@ كاريكا جدد للهلال في التكميليه بوهمة (ابن الهلال) وزعم عماد الطيب حينها ان كردنه سيرد التحية باحسن منها .
@ توالت الاشهر وكردنه تجاهل الامر حتي اضطر كاريكا للاحتجاج بتأخير مشاركته في المعسكر .

خربشات

@ كاريكا احق باموال الهلال من مجلس تشريعي جنوب دارفور يا كاردينال .
@ كاريكا تمرد ويونس صمت وفي النفس حسره .
@ اتير ضاع حقه لانه وقّع علي بياض وبكلمة شرف !!
@ مسكين اتير صدّق كلام عماد عن التزام الكاردينال.
@ حتي كتابة هذه السطور لا تزال عضوية الهلال مغلقه .
@ الشارع الهلالي يتحدث عن تواطؤ المفوضيه مع كردنه والمفوضية لا تتخذ من القرارات ما يدفع عنها التهمة !!
@ لماذا لا تلزم المفوضيه الكاردينال بفتح باب العضويه !!
@ كردنه يدرك ان قيام انتخابات يعني نهاية ايامه بالهلال .
@ كردنه يدرك ان شعب الهلال لا يمكن خداعه بشوية سيخ وشوالات اسمنت .
@ الهلال فريق كرة قدم وليس مبني خرصاني .
@ قبل كردنه الهلال فاز علي (اهلي القرن) بثلاثيه وفي عهد كردنه الاسود خسر من (نيل شندي) بثلاثية!!
@ خذ سيخك واعد الينا هلالنا .
@ خذ سيخك وربنا يعدل طريقك .
امسح للحصول على الرابط
بواسطة : معتصم محمود
 20  0
التعليقات ( 20 )
الترتيب بـ
الأحدث
الأقدم
الملائم
  • #2
    جون سينا 12-05-2016 02:0
    هسة إنت كلامك دة بتشجع الهلال يا نسوانى يا فتنى - سيخة تكسر راسك وتريحنا منك يا مختصم منبوذ- يا مضطرب نفسيا- مكانك التيجانى الماحى
  • #3
    أبو ناهد 12-05-2016 02:0
    الاخوة إدارة كفر ووتر المحترمين

    تحية يسبقها احترام،،،

    أسألكم بالله هل منعتم نشر التعليقات عموما، أم فقط لا تنشروني تعليقاتي؟ لماذا تحجبون تعليقاتي وبالذات على هذا العمود.
  • #4
    أبو ناهد 12-05-2016 09:0
    كردنة عمره في الهلال موسمين فقط، واحرز فيهم الدوري مرتين وكاس السودان مرة. يعني كردنه 100% وهدفه يحقق الابطال عشان يكون 10000000% لكن الزيك دا يخليه كيف؟ اللهم اكفي الهلال شر العائقين يا رب العالمين.
  • #5
    ود الشرق ود دوكة شرق 12-05-2016 09:0
    كردنه يدرك ان شعب الهلال لا يمكن خداعه بشوية سيخ وشوالات اسمنت . خاف الله يا حرباء
  • #6
    ود الشرق ود دوكة شرق 12-05-2016 09:0
    كردنه يدرك ان شعب الهلال لا يمكن خداعه بشوية سيخ وشوالات اسمنت . خاف الله يا حرباء
  • #7
    وطن الجمال 12-05-2016 09:0
    ما حنقول لك اي شيء تكفي لعنات الناس لك سرا وجهرا. بس اقول ليك حاجة واحدة ارجو انك تعتمد على قدراتك لو عند حاجة منها عشان تبتكر لنفسك عناوين جانبية. "خربشات" دي بالواضح حقت محمد الفاتح والزول لما يشوف سرقة خاصة في الاعمال الادبية والكتابية حتى موسيقى الاغاني المسروقة يبيخ طعم اي عمل من السارق مهما ابدع في ما سواه. ومقالاتك اللي ما ليها طعم اصلا اتخيل كيف يكون طعمها للقاريء مع السرقة دي نهارا جهارا. كان ما بتستحي من كتاباتك استحي من السرقة ورجع المسروق.
  • #8
    نمر 12-05-2016 08:0
    نفسي أعرف سبب هذا الحقد ، يا ناس بالله من يدري السبب أرجو أن يمدنا به ربما نجد سبب لهذا الشخص ولا أقول الصحفي لأن الصحفي يكتب بتجرد وليس بحقد مثل هذا . يا أخي بالله هذا عمود كاتبه عمره في الصحافة زاد عن الثلاثين سنة ، ممكن تكتب لينا في عمود ما دام أعمدتك بهذا المستوى سبب الحقد حتى نكون على بينة وإياك أن تذكر أو تجيب سيرة الكيان لأنه لن يصدقك أحد ، أعوذ بالله من ناس تحقد بهذا المستوى .
  • #9
    الصديق ميرغني ساتي 12-05-2016 06:0
    الفرق يا حاقد انو شيبوب دي اول اصابه ليهو وح يتعالج ويرجع زيو وزي اي لاعب اصيب بس محمد عبد الرحمن كل يوم مصاب وما حصل لعب تلات مباريات ورا بعض
    وح تشوف يا من اعمى الحقد قلبه
    الشغيل استنفد اغراضه ولا يكون عازمك سمك يا ربي
  • #10
    الصديق ميرغني ساتي 12-05-2016 06:0
    يا زول انت موهوم وحاقد بس
    بالله عليك انت لو بتعرف كوره ارجع لاخر عشره مباريات لسيف مساوي والشغيل
    وشوف كميه الاخطاء القاتله الارتكبوها وشوف كميه الباصات الغلط اللعبوها
    وسببت خطوره علي الهلال وبعضها تسبب في اهداف في مرمى الهلال
    للاسف انت بتنتقد من منطلق حقد وحسد وطمع في عزومة سمك ولا رصيد بي خمسه جنيه.
    نعم قدم سيف الكثير جدا للهلال وقدم الشغيل مستويات عاليه ولكن هذه سنة الحياة فقد بدا عطاءهم يقل بل قل كثيرا فلماذا يحتفظ بهم الهلال
    واتحداك واتحدى كل مخبول مثلك كي يراقب مستويات سيف والشغيل مع فرقهم الجديده ستجدهم خصما عليهم
    اخيرا قاتل الله الحقد والغل والحسد والارتشاء
  • #12
    عزالدين تنزانى 12-04-2016 10:0
    صراحة نقولها لك انت انسان مريض مريض مريض وحاقد بمعنى ماتحمله كلمة
    حاقد وحسود ياخ اعلام المريخ مناكفتهم حلوة ضد الهلال ونقدهم فى كثير
    من الاحيان يكون فى مصلحة الهلال مناكفة كتاب المريخ والهلال فى بعضهم
    موضوعية ولذيذة .اعلام المريخ لايرضى فى فريقه شئ ولا حتى نسمة الهواء حتى
    لو كان الفريق فى اسوأ حالاته فعندهم المريخ خط احمر .فى الموسم السابق اهتز المريخ مراراً وتكراراً ولكن الاعلام لم يتخلى عن مساندتهم ولم
    ينتقدوا ادارته وبقية بص الوالى ولكنك لحقدك الاسود لم تر فى الهلال شئ يفرحك رغم انه حاز على الدورى وكاس السودان .يا اخ ورينا يمكن نقف معك
    ورينا الطريقة التى ترضى طموحاتك وغرورك وبرامجك حتى ترضى ونرضى عنك
  • #13
    من هو كمبارس أندية أفريقيا وتمامة عددها وسيد أصفارها 12-04-2016 08:0
    أناشد الصفوة بالتسجيل للأنتخابات ودعم كردنةاللاعب رقم 12 فى الزعيم ففوز كردنة مهم لمسيرتنا يهدى لنا دورى ببلاش و بكورى وغربلة والصاوى ويدفع سبعة مليون فى أبوستة الدقس الكسكيتة ومليون و800 الف دولار فى تيتية ياعينى عليه ويسجل مواسيرنا أصحاب البلاوى حع ربنا يحفظك لينا يا كردنة ويبعد عننا الارباب والبرير يدوم عليكم صفركم ليوم الدين
  • #14
    Zaza 12-04-2016 07:0
    شويه سيخ ياحااااااقد الثلاثة طوابق دى عميان منها.خليك مع الهارب كل شعب الهلال مع الكاردينال حتى اكمال النهضة .عرفنا ليه الهلال ما اخد بطوله خارجيه لانو فى ناس بتبني وامثالك يهدم
  • #15
    مخمد خسين مخمد 12-04-2016 06:0
    ما تعذبني انت الكلل غيرك ما فاهم حليك في حالك وخلي الهلال في حاله لا حق لا حق الركدينال ده حقنا
  • #17
    مخمد خسين مخمد 12-04-2016 06:0
    يا اخي انت مين علشان تتكلم عن الهلال انت قلت ان امك مصرية ايام كورة الجزاير مع مصر انت نصف سوداني لو سمحت خليك في حالك انت بتاع مصالح
  • #18
    بكري عبده 12-04-2016 06:0
    لعنة الله على الكذابين .. لعنة الله على كل معتد اثيم .. لعنة الله على كل من لا يخافه .
  • #20
    محمد مصطفى 12-04-2016 05:0
    صراحة كتبت بنبض هلالي غيور محب للهلال لم يحدث في تاريخ الهلال شرخ مثل ما يحدث الأن الكاردينال نعم يحب الهلال ولكن محاط بأناس الهلال أخرشيء مصلحتهم فوق الهلال وأحيانا فوق الكاردينال نفسه يجعلونه يطيح أمام الجمهور وهم في مصالحهم هل بقاء الشغيل أفضل للهلال أم شيبوب والهلال مقبل على بطولة أفريقية والشغيل خبير بالدرب يسلم نبضك صريح وواضح في طوحك هذا
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019