• ×
الأحد 26 سبتمبر 2021 | 09-26-2021
معاذ ابو مؤيد

اين تضحك هذا المساء مرجان احمد مرجان بانوراما كوميدي

معاذ ابو مؤيد

 7  0  1407
معاذ ابو مؤيد




جمعتكم مباركة
وربنا يتقبل صالح الاعمال ويشفي مرضانا ومرضى المسلمين
تغيبت امس لظروف خاصة
دعواتكم لمولودي
بالشفاء العاجل
الاحداث متسارعة لكن الضحكة كانت حاضرة برغم الالم المحيط بي الا ان مرجان أحمد مرجان استطاع اضحاكنا
مسرحية جديدة لصاحب الغفشات الرئاسية وكل العادة لم تختفي كلمة انا الرئيس فى كل مكان واي زمان( انا الرئيس )
زمان كان في الصحف اين تسهر هذا المساء
لكن حاليا مع كومديان الشاشات السودانية
اين نضحك هذا المساء وعلي اي قناه؟؟؟؟
قررت إدارة فرقة المسرح الكوميدى التابعة للعرضة شمال تقديم فصول جديدة ومواصلة العرض المسرحى انا الرئيس بطولة المخضرم في الرئاسة (مرجان احمد مرجان ) على مسرح قاعة الصداقه وشاشة ٢٤ .
المنسقة كالعادة تقود المسرحية الي النجاح واضحاك الناس تحت شعار نحن القوه الماليه الضاربة في البلد دي بس ساعدونا بالسكات والموية الباردة عشان القاعه دي مؤجره للعاشرة (بي كم دولار)
قلت لي دمقراطية
ديمقراطية شنو الكلها اقعد اقعد
وقالت المنسقه الاعلامية للفريق إنه نظراً للنجاح الجماهيرى الكبير للعرض الكوميدي خلال الفترة السابقة وفى محاولة لجذب أكبر قطاع من الجمهور لمشاهدة العرض،
تم تخصيص لقاء أسبوعى للرئيس يبدأ مبكرا لينتهى فى توقيت مناسب ليتمكن الرئيس من نطق كلماته المحببه واقناع الناس بان الجوهرة قد فاقت المية وستون مليار قبل انتهاء مواعيد تسليمها بس حبيت اقول ليكم البناء رخيص لكن التشطيب حااااار هل قروش التشطيب داخله في المليارات دي ام حتتضاعف؟؟؟؟
مسرحية انا الرئيس بطولة نخبة من النجوم بقياده ثلاثي الاعلامي المرح
وبطولة الرئيس نفسه !!!!
بس السؤال بعد المديونيات الضخمة دي هل نشاهد مسرحية بحلم بالرئاسة" على خشبة المسرح الازرق بعد الانتهاء من استكمال مسرحية انا الرئيس
انا الزعيم)
انا الدافع
الدفع معاي يورينا )
لكن غايتو المنسقه فشلت فشلا زريعا في ضبط الكلمات التي تخرج من الرئيس معقولة مع كمية الدولارت دي مافي
حصص اتكيت لغه الحوار والكلام !!!!
غايتو قناة s24 قربت تعمل صفاره مع كل جمله خادشه للمسامع
١- روقو المنقه ( بالله دا كلام دا)
٢-قاعدين تحت الشجر وتجوني هنا تقولو الكاردينال اسكتو ساي
( اسه ديل قالو روقو المنقه )
٣-قاعد ادفع براي اسكتو ساي اذا في زول بدفع أجي يقول ماعندك (دولارماتتكلم مع القوه المالية الضاربة)
٤-الرياح والمطر والشمش بتوقع كشافاتنا(بالله شمش دي بتسيح الخديد رلا شنو)
٥-انتو الاتنين انا ماعندي ليكم اي حاجه (الاتنين ديل منو!!!!)
٦-ما تشغلوها لي (رئيس ولاسواق حافلة)
٧-إنتا وقت داير دورك تتكلم بتنطط ليه جننتنا في الجمعية ( اوع تنطط تاني يالحبيب )
٨-الإجابة علي السؤال اممممممم ما فهمته سؤالك ( الحلزونه يمه الحلزونه)
٩-بالنسبة للجوهره (الزرغاء) الدولار زاد
الدولار طبيعي زائد بس من بديتو البناء لم يرتفع كثيرا
١٠- انتو قايلين الجمعيه دي سهره للصباح ولا شنو خلاص اخر سؤالين
( ماطلعت تصريح اوفر تايم ولاشنو )
غايتو الحمد لله
شتانا مابين رئيس والباشا تلميذ
والمسرحية الحاية علي اي قناة بس ياريت المنسق الاعلامي ينوه علي الحفله بدري شوية عشان نستعد ليها ،،،،،
ونحضر ضحاكتنا وضحكاتنا
ويستمر العرض ( انا الرئيس) حاليا علي ٤ قنوات والقانوات الاخرى في الطريق،،،
-----------------------------
نجي للمسرحية التانية اتحاد اللعبة الحلوه واتحاد الشطحات
بالله قلتو لي المريخ يدفع غرامة كم
واجتماعكم انعقد في ظرف كم ساعه
طيب قضايانا القاعده بالشهور؟؟؟
٤٨ ساعة فقط من انسحاب المريخ اجتمعت لجانكم في الاتحاد العام
القرار حارقكم وعايزين تطبقوا القوانين,
جارين لحيطتكم القصيرة الزمان الاسمها مريخ السودان ؟؟
شر البليه مايضحك
طيب المريخ دا عندو شكاوي بالسنين والشهور!!!!!
ولا اقول ليكم طيب هاتو الفلوس اللي عليكم لتسديد الغرامة!!!
ماوريتونا دخل مباراة القمة ؟؟؟؟
ياربي مجلسنا يعلم ان مباراة القمة عندها دخل؟؟؟
هل تم رصدة وكم المبلغ
وان المباراة علي ارضنا
وعندنا فيها حقوق!!!!
اتحاد يدعو لتطبيق القوانين علي المريخ فقط!!!!
طيب بحساب قرارتكم دي العرضة شمال تخلف عن كم مباراة الموسم السابق دفع العليهو ولا لسة ولا اصلا ماكانت في غرامات!!!!
لو في غرامة ورونا عشان نحسب معاكم
كلمة اتحاد اللقيمات دي كانت فيها غرامة ياناس؟؟؟
اسع بدل ماتشغلوا نفسكم بغرامة المريخ ونقاطه
اتحاد شندي دا مافيه قضية تشيب الراس
ناس مويس المظلومين ديل لقيتوا ليهم حل ولا يلعبوا مبارتهم اليوم مع الشاطي باي اسلوب رجاله حناسه اومن غير قانون ووهل يستمر قانون العلاقات والمعارف هل تعلمون انه يوجد اتحاد راعي للمنشط في السودان!!!


اخر القول والفعل
ان اردت اخذ حقوقك في اتحاد الكرة خليك صاحب علاقات ومعارف
فقط لتنال بعض حقوقك ،،،،،
غير ذلك اقنعوا من خيرا في هذا الاتحاد


هذه ارائي واراء التغريدة اقبل منها ماتشاء وارفض منها ماشئت
ليس بالضرورة ان تقتنع بكل مايكتب
ولا اطلب منك الاتفاق علي حروف التغريدة
اسطر التغريدة ونسة وحكاوي بصوت مسموع تنقل نبضي ونبض المدرجات عشان نشوف مريخ جميل وملك بطولات
ولنا لقاء في تغريدة اخرى باذن الله
ولاتنسون صغيري من الدعوات احبائي

للتواصل
واتس اب/ ٠٠٩٦٦٥٤٧١٤٤٥١٣
تويتر abumoshtaha@
abumoshtaha77@gmail.com

امسح للحصول على الرابط
بواسطة : معاذ ابو مؤيد
 7  0
التعليقات ( 7 )
الترتيب بـ
الأحدث
الأقدم
الملائم
  • #1
    ابو مازن 10-22-2016 01:0
    كل يوم تثبنوا بالدليل القاطع انكم ضلنا حيث انكم تقلدونا في كل شيئ حتى في الالقاب التي نطلقها عليكم فمرجان احمد مرجان اطلقناه على رئيسكم العارف عزو بطلوا التقليد يا بليد وشوف ليك حاجه جديده جيبها من راسك اه ولا نسيت انت ما عندك راس.. بعدين الدكتور الكاردينال هو رئيس ورئيس يملأ العين كمان ونحنا راضين بيهو رئيس وراضين كمان يقول في كل مره انا رئيس لانه فعلا رئيس انتو الحارق رزكم شنو .
  • #2
    ابو مازن 10-22-2016 01:0
    كل يوم تثبنوا بالدليل القاطع انكم ضلنا حيث انكم تقلدونا في كل شيئ حتى في الالقاب التي نطلقها عليكم فمرجان احمد مرجان اطلقناه على رئيسكم العارف عزو بطلوا التقليد يا بليد وشوف ليك حاجه جديده جيبها من راسك اه ولا نسيت انت ما عندك راس.. بعدين الدكتور الكاردينال هو رئيس ورئيس يملأ العين كمان ونحنا راضين بيهو رئيس وراضين كمان يقول في كل مره انا رئيس لانه فعلا رئيس انتو الحارق رزكم شنو .
  • #3
    عصام ابوعمر الصديق 10-22-2016 01:0
    قالو الفايق بهمز امو والله ما عندك اي موضوع كلامك غير مفيد اكتب شي الناس تستفيد منو
  • #4
    سيف داؤود 10-21-2016 08:0
    أولا ياسيد مرجان ده مسجل حصريا على العارف عزو(حاول تجيب ليك حاجة من عندك تكون جديدة بدل التقليد الأعمى ده )
  • #5
    زين 10-21-2016 12:0
    أين أنتم من ذلك؟ بالرغم من السوء الذي شابه إلا أنه خطوه في الإتجاه الصحيح.
    لا تبخسو الناس أشياؤهم.
    دمت بعافية
  • #6
    بوكو 10-21-2016 11:0
    أتحدى أن يتم بث جمعية الدلاقين لنرى العجب العجاب.. قالكاردينال معروف بتلقائيته وطيبة قلبه لذلك فهو واضح في كلامه ومباشر ... مش تأليف آيات قرآنية جديدة ( العارف عزو مستريح).. السقطات كثيرة منها: كان هناك اتصال هاتفي مع العارف عزو في اذاعة الرياضية اف ام 104 أيام انسحاب الدلاقين من كأس السودان قبل عامين أو يزيد، قال العارف عزو: كيف ألعب مباراة وعندي حارس واحد والكلام دا والله والله والله سمعته بأذني وأسأل عنه يوم القيامة.. بالله في رئيس في العالم يتعلل بوجود حارس واحد لكي لا يلعب المباراة؟؟؟؟؟؟؟؟؟؟؟؟؟؟؟
    بالمناسبة لو تم بث جمعية المريخ ستكون فضيحة للسودان بأكمله بوجود متوكل (سلك) وطارق والزول البجي طاشم داك... عرفتوه
  • #7
    ابو احمد - الرياض 10-21-2016 10:0
    ياصديقي الهلال لديه جمعية عمومية والمريخ محرروم من نعمة الديمقراطية والهلال لديه عدد من الذين يتأهبون لتقدم الصفوف لرئاسته صلاح ادريس البرير الخندقاوي غير الرئيس الحالي والمريخ رئيس واحد طوالي لماذا هل لإنجازاته لا اعتقد ، الكاردينال يبني الجوهرة من ماله الخاص وليس من أموال الشعب المسكين ،، عرفت الفرق اذا لم تعرف فلك ان تواصل تهكمك وتدفن رأسك في الرمال فالحقيقة في بعض الأحيان صادمة .. كامل الاحترام والتقدير
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019