• ×
السبت 31 يوليو 2021 | 07-30-2021
بابكر سلك

المهندس

بابكر سلك

 0  0  2341
بابكر سلك


* ماحققه اولادنا بنيجيريا إنجاز كبير

* السودان في النهائيات وهذا هو المهم
* وإذا علمت بأن منتخبنا تأهل فهو تحت سن العشرين

* تبقي العبارة الصحيحة هي :
* ماحققه اولادنا بنيجيريا إنجاز كبير
* إنجاز رجال لايحققه شفع وهذا دليل علي إستراتيجية تطوير الرياضة عموما وكرة القدم علي وجه الخصوص التي تتبعها جمهورية السودان
* مصداقية في اي شئ
* لاننا متماسكين بكلام جدنا الشيخ فرح ود تكتوك لما قال :

* إذا الصدق ما نجاك الكضب مابنجيك
* عشان كدة كنا صادقين مع انفسنا اولا وإلتزمنا بالسن القانونية عند إختيار منتخب الرجال الذي تأهل من الاراضي النيجيرية
* منتخبنا دة بعد عشرة سنين حايكون تحت التلتين
* الفين وسبعة وعشرين
* حاينجضو
* ويتملو خبرات حانشيل كاس العالم الوكت داك
وإذا رجعو لينا الباركنج بتاعنا هيثرو للوكت داك
* سودانير تقوم بينا كب تودينا ونشيل كأس اوربا
* نجي راجعين بي قطر
* نشيل كأس آسيا
* ومن هناك بالتركية
* زي حقتنا
* ملح ساي بتودينا
* باقي عمك اردوغان فردتنا
* نمشي كوبا امريكا نشيلها ليك
* الوكت داك بنشيل كل الكاسات
* بنكون شيالين خلاص
* موش اولادنا تحت العشرين بالمستوي دة
* ماتقول لي مابشيلو
* اولاد إيطاليا تحت 17 مواسير ساي
* اول امس ماخدين سبعة من شفع فرنسا
* فرنسا الآفرو الاوربية
* ماتقول لي بعد عشرة سنين بكونوا خلو الكورة
* يخلوها كيفن وهم الوكت داك تحت التلتين! !!
* بالتأكيد مابكونوا تحت التراب
* بكونو تحت التلتين
ياخ فيهم واحدين لي الليلة شدة ما صغار بمصو اصبعهم
* وواحد لما ماشين نيجبريا قال لي ابوهو بابا بديب ليت معي تتو

* حلاتي ياخواتي
* بقول للككو تتو
* صغير شديد
* احي المصداقية والإستراتيجية القومية والخطوط العشرية والخطوط الجوية السودانية

#المهم

* إستنادا للمستوي الفني بتاع اولاد المريخ

* وبعد مراجعة مستوي المنافس
* وبقراءت التحدي في عيون الشفوت
* وبتوقع العين الحمراء من المجلس للجنة ..يخطئ ولا يظلم
* ايقنا بان بطل هذا الموسم هو نفسه بطل الموسم السابق
* ولكن بعدما شاهدنا من خرمجة ميدانية وتدني لياقي
* ماداير اقول فقدنا الامل
* لكن مجلسنا بالطريقة دي بكتل ليهو زول

#ايها_الناس

* نيالا كلها تتحدث عن بلنتيين
* ياربي رضا يوم الجمعة بطير ولا النور بقطع؟!!
#المهم
* حميدو ود اخوي شافع لذيذ جدا
* ساكن الثورة
* قال لي عمو إشتري لي كورة
* قلت ليهو شوف لي مستشفي
لانو صيانتو محتاجة كم؟ ؟؟؟
* الزمن دة الكورة بتكلف ياولدي
* بالذات لو كانت جلد طبيعي
* بالمناسبة
* في كورة حديثة بي مركوب النمر
* دي قال ليك تدق في يدك الحكم مابشوفها
* تدق تاني يصهين
* تشوتها من سقط لقط بتخش
* موش نمر
* النمر نطاط ياولدي

#ايها_الناس

* بتاع بحر قال لي تحت كم؟
* قلت ليهو تحت عشرين سنة
* قال لي : جايز
* كلو شئ زايد
* سنتكم بقي فيها عشرين شهر ولا شنو ؟
* قلت ليهو سنة السجن تسعة شهور
* وسنة الكورة بعد الحول ارجي الحول وقول واحد
#ايها_الناس
* إن تنصروا الله ينصركم
* اها
* نجي لي شمارات والي الخرتوم
* كان شفت ياوالينا ناس تجميل الخرتوم طايحين فينا
* ماشايفهم ياوالينا
* جهجهوا الناس ياوالينا
* بقينا مابنفرز اللفة العلي بيتنا بتودينا
* بقينا بنفرز الحلة بي لون ضبابينا
* فهل ناس تجميل الخرتوم مقتنعين بجمال الخرتوم العامرة بي ضبابينا اللافة فينا

#سلك_كهربا

* ننساك كيف والكلب قال الضبانة اللافة فيكم اخير من الضبانة المنشنة عليكم
* خشمكم دة امسكوا عليكم
وإلي اللقاء
امسح للحصول على الرابط
بواسطة : بابكر سلك
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019