قبل مانفكر نعيد علي بعض
ليه مانفكر نهنئ بفهم جديد
نطلق عنان التفكير ونهني الحبان
وندعم مريخنا والكيان
بدل مانرسل رساله بكلمات
نرسل لوحة تعبر عننا وتغنينا عن الكلمات
خلونا نتنفس المريخ في معايدتنا
نشم ريحة المريخ ذي ريحة الكعك
والخبيز،،،،
خلو عيدنا يكون عيدين
عيد للحبان
وعيد للكيان
نستغل افكارنا عشان مريخنا
نواصل اهلنا وفي البال مريخنا
نسلم علي الناس باحضان مريخنا
تكون هنيت وتكون دعمت
تهنئة بلوحة
ودعمك بفكرة
ويكون الشعار
تعالوا نعيد علي ابونا المريخ
ناس برة بيدعموا ناديهم بشراء منتجات النادي
وطالما ماعندنا منتجات
تعال نصنع منتجاتنا برانا
ونسوقها لانفسنا
فكرتنا بسيطة
نتمنى تلاقي ترويج في وسط القروبات
حاولنا نصنع من وسائل التواصل الاجتماعي منتج لينا
نسوقوا وندعم بيه نادينا
منتجنا عبارة عن بطاقات معايدة متاحة لكل مريخي
نصممها لك وتوصلك حتى جوالك
مقابل ١٠ جنيهات ندعم بيها خزينة النادي
تعالو لاننظر للبطاقة وننظر للمعني والفكرة
والهدف عايزين نخلي المريخ يتناثر فرحا معانا في معايدتنا
وتكون تزكرة حب للمريخاب لمعايدة ناديهم
فقط عشرة جنيهات لاغير
تهني الحبان وتدعم الكيان
مسك الختام
لو كل زول فينا فكر لمصلحة الكيان
سنكون نحن الرواد
ولو كل زول سخر وظيفتو او موهبتو او امكانياتو للكيان
سنصنع تاريخ جميل
وفهم كبير
وترقبوا اعمالنا القادمة
خدمة للمريخ ابونا
ونحن علي المدرج ندعم ونشجع ونتفرج
وقروباتنا ستعيد للمريخ سيرتة الاولى
وقروباتنا ستصنع من التفكير شربات
سندعم فكريا وماليا وادبيا
سنصع من القروبات حائط يتكل عليه الزعيم مستقبلا
وتكية القروبات مااحلاها
لانها تشعرنا بتواجدنا في عالم المريخ
وعالمنا دا عالم جميل
همسة اخيرة
التجارب الودية ماشة في السليم والتدرج دا لو كان من اول الموسم
كان حاليا
نفطر في البرش ونقلب بالرموت في قنوات الBN
لكن قدر الله وماشاء فعل
بداية غلط
جنينا ثمارها بخروج غلط
المهم نهاية مويمنا تكون مختلفة
ونكون في اعلي المستويات
مباريات ودية شبة يومية تنعش ليالينا الرمضانية
حراك غير اعتيادي للمريخاب
افطارات تدريبات ومباريات
وليالي ثقافية
من غيرنا يعطي لهذا الشعب معني الحياة الكروية والادبية والفنية
انه المريخ
مريخنا دا وطن بكامل تفاصيل الاوطان
وجمهورنا دا الشعب
هنيئا للوطن بشعبوا
وهنيئا للشعب بالارض الصالحة
خارج النص
ماذالت ابواق التحالف تزعجنا
وماذالت الاصوات النشاذ تضرسنا
ذي حصاية في نص عيشه
ضرستها مؤلمة
مذكراتكم وبياناتكم لاتتجاوز اصابع اليد التي كتبت والتي طبقت الورقة والموقعين ادناه
لايتجاوزون اصابع اليدين والرجلين مجتمعين
اين انتم من شعب كامل
ختوا الكورة واطة عشان تواجدكم لايتعدى نقطة من بحر المريخ
لامتلاك بطاقة تهنئتك
راسلنا علي الواتس
٠٠٩٦٦٥٩٢٠١٦٨٤٨
تكون باركت للحبان
وتكون دعمت الكيان
الفكرة تتلخص في معايدة ابونا المريخ،،،،،،
# تغريدة طبية:
يتماشى الإفطار الصحّي مع التقاليد: إبتداءً بحبتي تمر، ثمّ كوب من الماء أَو اللبن، ثم بدء الإفطار مع طبق ساخن من الشوربة، السلطة ثم الوجبة الرئيسية. وبالطبع يبقى الإعتدال في تناول الطعام هو العامل الرئيسي في الصحة الجيّدة
وربنا ينعم علي الجميع بالصحة والعافية
# تغريدة مرورية:
وراء كل حادث مخالفة مرورية
والموبايل يشكل نسبة كبيرة من الحوادث المرورية
اصل واتصل
اتصالك مهم لكن حياتك اهم
لاتسرع فالموت اسرع،،،،،
نصائح للسائقين
بينما يكون صندوق الضهرية الخلفي بالسيارة مفتوح أو غير محكم الغلق،
ذلك من شانه أن يمرر غازات العادم والتي تحتوي على غاز أول أكسيد الكربون السام إلى مقصورة القيادة، ويسبب فقدان الوعي، ويؤدي إلى الوفاة لأنه عديم الرائحة.
وربنا يكتب السلامة للجميع
هذه اراء التغريدة اقبل منها ماتشاء وارفض منها ماشئت..
التغريدة تنقل نبض المدرج والقروبات وتقف في مسافة واحدة من الاحداث ،،،،،
نحاول ان نلفت الانتباه لبعض الاحداث والنقاط بواقعية........
التغريدة لن تخرج خارج نطاق المجتمع المريخي نهائيا الا ماندر
نقد الذات يوصلنا الي الامام والي المنصات باذن الله ،،،،،
ادعمونا بالنصح والارشاد وصححونا إن اخطأنا في يوم من الايام
