وتاريخ نهاية اللجنة ملغم السيد الوزير
ثم ماذا بعد اعضاء لجنة التسيير
هل سنكتفي بايقاف بكري وعلاء الدين!!!
ماذا بخصوص العضوية
وماذا بخصوص الانتخابات الجاية
وماذا بخصوص الاجهزة الفنية
هل سنكتفي بالثنائي الوطني ام توجد خطة لاجهزة اجنبية
ماذا عن ملف المصابين
ماذا عن ملف المديونية
الزمن جاري ونحن جارين وراه
الكرة الان في ملعبكم والدوري واقف ،،،
هل سنشهد او نسمع انباء عن اصلاحات ومعالجات للدورة الثانية!!!
الجهاز الاجنبي مطلوب لرعاية الشباب
ومن الافضل حضورة الان لتقييم الموقف قبل انتهاء الموسم
المدرب حضور نهاية الموسم معناة نقنع من الموسم القادم
وحضوره الان معناه تمهيد للموسم القادم ،،
احضروه الان لو يهمكم بناء كيان
وبخصوص العضوية والانتخابات نتمني فتح الباب للعضوية من الان ،،،
عشان ماندخل نفس نفق التسيير السابق!!!
ملف المصابين نتمنى نسمع العلاج الان قبل الفترة الثانية الوقت امامكم الان ولو عجلات الدوري دارت لن نحتمل غياب احد!!!
ملف المديونية دا كوم براهو حنفتحو يوم ما
الان عالجوا لينا المصابين وشوف لينا موضوع المدرب والمعاونين وافتحوا باب النادي للعضوية
الزمن جاااااااري وقربتو تقفلوا شهركم الاول وستتبقى خمسة اشهر
انشاء الله رسالتنا توصلكم
سعادة الاخ الوزير تاريخ نهاية التكليف يصادف نهاية الموسم والتسجيلات!!!
يعني جري وطيران
يعني نفس النفق
يعني جهجه مرة اخري
لانعرف ننتخب ولانسجل ولانمدد
الموضوع كدة ملغم وقنبلة مؤقتة
نرجوا علاج الامر من الان
وتعرف انو التاريخ للنهاية ممكن يجدد الاحزان !!!
يعني نرجع للنقطة الاولي
ويظهر علينا دعاة الدمقراطية
ويظهر مليون اب شرعي للديمقراطية
وتشتعل الحرب مجددا
سيادة الوزير
ضع النقاط فوق الحروف من الان
عشان مايطلع لينا مليون مارد وعشرمية جان
التاريخ سيدخلك ويدخل المجتمع المريخي في محك ضيق وتحرج رجالات المريخ وتحرج الوزارة كمان
اللهم قد بلغت اللهم فاشهد
انشاء الله رسالتنا توصل اليك ايضا،،،؟
مسك الختام
لابد من وضع النقاط فوق الحروف
ولابد للمجلس ان يتهامل بسياسة المهم والاهم
اعملوا خارطة طريق
واشركوا القواعد المريخية في الخارطة
عشان مركبنا تعدي لبر الامان
وعشان الناس ماتتحزب كيمان كيمان
سمعتوني يالجنتنا
امسكوها خطوه خطوه
واليوم البمشي حنندم علية لو ماستغليناه صااااااااح
ونحن علي المدرج ندعم ونشجع ونتفرج
ننتظر خطواتكم لنثنيها
وننتظر تحركاتكم لندعمها
المدرج مجمع عليكم
فاسعدوهم بقرارات شجاعة لمزيد من الاطمئنان
مدرجنا الايام دي قروباتنا
اي قرار منكم بيعتبر هدف في الزاوية التسعين
افرحوهم باهدافكم متمثلة في قرارتكم
عشان نطبق شعار الدعم
همسة اخيرة
المريخ وطن يسع الجميع
المريخ دولة
لابد ان يسود حكم القانون والانضباط
ولابد ان تفعل القرارت
الزمن يتسارع والتاخير ضدنا وليس معنا
اتمني ان نسمع كل يوم خطوة في طريق النهضة
اي خطوة لترتيب البيت من الداخل تخدم
الوقت كالسيف ان لم تقطعه قطعك
خارج النص
اتمنى من كل المريخاب ان يكون التركيز علي المريخ الكيان
وان لاننجرف وراء مهاترات من العرضة شمال
عملنا من سيرد عليهم
فقط العمل والبناء
اي وقت ننساق فيه وراء المهاترات
سيخصم من زمن البناء
رسالتنا لكتابنا واساتذتنا الاجلاء
نركز في مريخنا وننقد ذاتنا عشان نصلح رواسب السنين الماضية
مريخنا يحتاج الي اقلامكم للبناء
والي عقولكم لرسم خارطة النجاة
ادعموا المريخ وربنا معاكم ومعانا
انتهى زمن المهاترات والانشغال بالغير
ونتهاتر علي شنو
دوري ممتاز وهزيمة عابرة
ولانبني فريق تهابة القارة!!!!
اقعدوا عافية
والي تغريدة اخرى باذن الله
المريخ يحتاج الي الجميع
ونحن نحتاج الي عودة المريخ
هل الجميع متفق علي ذلك
ماذا ستقدم للعودة البنتمناها
اسال نفسك قبل ان تسال غيرك
# تغريدة طبية:
قد يؤدي التغيير في روتين تناول الطعام إلى حدوث الإمساك. لكي تتجنب حدوث هذا الأمر احرص على أن تتناول كمية وافرة من الخضار والفاكهة والحبوب الكاملة والبقوليات. اشرب كمية كافية من الماء، وحاول أن تمارس نوع من النشاط البدني خلال يومك.
وربنا ينعم علي الجميع بالصحة والعافية
# تغريدة مرورية:
وراء كل حادث مخالفة مرورية
والموبايل يشكل نسبة كبيرة من الحوادث المرورية
اصل واتصل
اتصالك مهم لكن حياتك اهم
لاتسرع فالموت اسرع،،،،،
وربنا يكتب السلامة للجميع
هذه اراء التغريدة اقبل منها ماتشاء وارفض منها ماشئت..
التغريدة تنقل نبض المدرج والقروبات وتقف في مسافة واحدة من الاحداث ،،،،،
نحاول ان نلفت الانتباه لبعض الاحداث والنقاط بواقعية........
التغريدة لن تخرج خارج نطاق المجتمع المريخي نهائيا الا ماندر
نقد الذات يوصلنا الي الامام والي المنصات باذن الله ،،،،،
ادعمونا بالنصح والارشاد وصححونا إن اخطأنا في يوم من الايام ،،،،،،،،
