((())) قال ايه الصحف العالميه تتحدث عن هدف اوكرا :
قنبله صباحيه اطلقها الاعلام الاحمر
معقول الصحف العالميه اشادت بهدف اوكرا
يا اخي الصحف العالميه وقت المباراة بتكون في سابع نومه واصلا مستحيل يكونوا مبرمجين قناة النيلين
وهل معقول الصحف العالميه بتابع الدوري السوداني وبتعرف اسامه عطا المنان واتحاد اللقيمات
هل تعرف الصحف العالميه دوري سمير فضل
وهل تعرف الصحف العالميه قصة تبول لاعبي المريخ في مكاتب اتحاد الحصاحيصا
حرام عليكم يا بياعين الورق
ارحموا القراء المساكين يا ناس الصدي
اكيد سترتفع مبيعات صحف المريخ بهذه الشتول الفاسده ومنكم لله
وهل شاهدت الصحف العالميه الهدف في قناة النيلين الباهتة ذات الصور الرماديه
واصلا مين فاضي في الصحف العالميه لمشاهدة الدوري السوداني ومباراة مريخيين
ارحموني يا ناس وحنوا عليا
اوكرا شنو ومريخ شنو العالم يكتب عنو
لا تضحكوا علي غلابة المريخ حتي تغطوا علي الفقر المدقع الذي يعاني منه المريخ
فالحبر الاحمر لا حديث له هذه الايام الا عن هدف اوكرا وباص تراوري
بدرجة انهم تركوا كل مشاكل الفريق الماليه والمعقدة ليتحدثوا عن عالمية هدف اوكرا
طيب وحتعملوا ايه في مصاريف الفريق اليوميه وجمال الوالي ما في وسودكال مافي
وهل يملك ابو جريشة مالا يصرفه علي مصاريف الفريق اليوميه والتي تقدر بالآلاف
كتاب المريخ ما فاضيين هذه الايام وهم يتغزلون في هدف اوكرا العالمي وباص تراوري
وبما فيهم عراب المريخ مزمل ابو القاسم
عليكم الله اقرأوا هذا السطر
والساحر الغاني يحكي بلغة الفرح : صنعت تاريخا ب رابونا ولست لاعب مباريات صغيرة.
ماركا الاسبانية تتغزل ووكيل اللاعب يرشحه لجائزة بوشكاش لأجمل هدف في العالم.
لا يفكر احد منهم في مدي خطورة هذه القصائد الغزلية المبالغ فيها
انها ضارة جدا لادارة المريخ الهزيله لانها ستفتح عليهم ابواب تمرد اللاعبين
وفي مخيلتي ان النجميين قد اجتمعا بالامس ليضعا خطة الضغط الجديدة علي ادارة المريخ
فالوقت مناسب جدا والقروش متأخرة وخاصة قروش تراوري
واليكم الحوار المتوقع ما بين النجمين :
تراوري شنو الهدف السينما ده يا اوكرا
اوكرا ده هدف عادي وجات كده
تراوري : لا يا زول بالغت وانا عندي فكرة حلوة بعد القوون ده
اوكرا : فكرة شنو يا كابتن ؟
تراوري : نضغط علي ادارة المريخ ونعذبها عشان قروشنا
اوكرا : ممكن نعملها يا كابتن
تراوري : يا اوكرا الناس دي ما دفعت لي قروشي لحد حسع وابو جريشه بتاع وعود وبس
اوكرا : انا زاتي خايف علي قروشي بعد ما مشي جمال الوالي والعمل
تراوري : نقفل المويه والنور وعليك الله ما تسجل لينا اهداف عالميه يا اوكرا
اوكرا : يا كابتن ده ما شرك ما شايف اعلام المريخ مسلطن كيف
تراوري : هههههه فعلا حتي مزمل وابوشيبه وكابو مبسوطين شديد
اوكرا : يا اخي انا ما قدرت اطلع من الملعب بهتافات الجماهير
تراوري : انا حصل لي كده كتير لكن اهم شيئ عندي قروشي
اوكرا : غارزيتو الفقري راح ما كان بيحبني وقالوا كان معاديك
تراوري : حسع الجو جونا والادارة في يدنا
اوكرا : في المباراة الجايه ما بجيب قوون عالمي
تراوري : اوعك وقف علي كده وخلي الماسورة تنقط شويه شويه
اوكرا : والله بعد جمال الوالي المريخ بقي مخيف خالص
تراوري : خالص وونسي ده ما داخل راسي
اوكرا : انت خبرتك كبيره مع الناس دي ولازم ننسق مع بعض
تراوري : انتظر بس شوف انا حعمل فيهم شنو
اوكرا : المعز قاعد في الكنبه وعقده بالمليارات
تراوري : وعمر بخيت بيلعب شوط وعقده بالمليارات
اوكرا : وبكري طبعا صاحب اكبر عقد في المريخ مدلع علي الآخر
تراوري : والله ناس الهلال ديل لو ما زعلانين مني كنت رجعت قروشهم قالوا مطر
اوكرا : يا اخي ما تشوف لي طريقه مع الكاردينال ايشيا قالوا مبسوط شديد
تراوري : اسكت اسكت راجي جاي علينا
اوكرا : ايوه ايوه نغير الموضوع نتكلم عن النحل الهجم علي الهلال
تراوري : هههههههههه
((())) ابطال الوهم :
والله مساكين ناس المريخ وهم يخدعون انفسهم بانهم ابطال دوري ٢٠١٥
فمن رأي ذلك التتويج المزور يصدق انه في دولة متخلفه لا تعير القانون اي اهتمام
لان مجموعة من المريخاب هنا وهناك تم تعينهم بمباركة جمال الوالي الرجل النافذ في كل اجهزة الدوله
ليكونوا حراسا للمريخ في مثل هذه الخلافات
مناصرين للباطل والمهم الدوري يكون للمريخ ولو بالتزوير
ذكرتي هذه الاحداث فيلم مرجان احمد مرجان وحين رفع عادل امام قضية ضد السفارة الاسرائليه جاء عادل امام بمحامي واحد
وحضرت السفارة الاسرائيليه بجيش من المحامين احتلوا قاعة المحكمة
وحين نادي القاضي بمحامي السفارة قامت كل القاعة وهي تمثل دور المحامي للسفاره الاسرائيليه
هم هكذا في كل اركان الاجهزة الرياضيه عيونا للمريخ يزورون ويتلاعبون بالاوراق
وبقدرة قادر حولوا للمريخ ٥ نقاط جعلت من المريخ بطلا من ورق
شرفاء المريخ وهم قلة وفي قرارة انفسهم يعلمون ان هذه البطولة التي تقلدها المريخ زورا وبهتانا لا يستحقها لانها لم تأتي بعرق اللاعبين في ارض الميدان بل جاءت باقتلاع نقاط محرمة كانت من نصيب الآخرين
ستظل هذه البطولة المزوره وصمة عار في تاريخ المريخ مهما زينها الاعلام السالب
ولا يصح الا الصحيح
((())) قالوا عن هدف اوكرا ( الآلمي ) ولا تكلمني :
(()) حسن محجوب :
* هدف اوكرا يجب ان يدرس في أكاديميات كرة القدم ولقد برع مخرج المباراة في اعادة لقطة الهدف طوال زمن المباراة واتمنى ان يكون افتتاحية لبرنامج الرياضة اليوم الجمعة الا اذا أبى رضا الذي يحب (المريخ ) كثيراً.
(()) مزمل ابو القاسم :
هدف اوكرا شوكلاته
لا لا لا لا !
* ده ما هدف.. دي سينما متجولة!
* ده ما قون.. دي لوحة مليانة فنون.
* هدف نادر.. لا يرى بالعين المجردة!
* إلا بالإعادة.. وفي الإعادة إفادة!!
* في اللحظة دي والتو.. أوكراه واكل الجو!
* أوغستين الفنان.. سجل أحلى الأقوان.
* هدف أسطوري بقدم أوغستين.. ملك التلوين.
* جميل جمال ملوش مثال
(()) كابو :
الذي فعله أوكراه بالأمس يستوجب على إدارة المريخ الذهاب بالمحترف الغاني لمقر مجلس المهن الموسيقية بالمهندسين حتى يستخرجوا له (رخصة) فنية كي لا نفقد جهوده في الفترة القادمة ..!
((((()))) تعليييييييييييييييييييييييييييييييييييييييييييييق :
هم نفس الكتاب الذين اضاعوا المريخ حين وصفوه بالعالمي امام البايرن ميونخ وبعدها سقط المريخ امام كمبالا سيتي صريعا ولم تقم له قائمه
محمد حسن شوربجي
نحنا حنغطي فلسنااااااااااااااااااا
بهدف أوكرا
انتو حتغطووووووووووووووووووو
صفرررررررررررررررررررررركم
بي الشاش ولا بي شنوووووووووووووو
نأمل اعادة النظر في الكتاب بما يتماشى مع زوق القراء واختيار كتاب .. يقدمون معلومة للقارئ .. وليس كما نراه من شوربجي .. كلام شوارع
تحياتي
سخيف كاتب مشجع حاقد لا علاقة بالمهنية مكانك الطبيعي المدرجات الشعبية في ملعب زريبة العيش ،،،،
ماذا يستفيد الهلال من كتاباتك
لماذا دائما تكتب عن المريخ اذا راجعنا كتابات 80% تقريبا عن المريخ هل كنت مريخابى وطردوك لذلك تكتب وتبخس وتشتم اهتم بالهلال يمكن يستفيد منك(مااطن ذلك لانك لاتملك شى حتى لنفسك)
مش فى السودان بس فى العالم كله خلاف لاعب العالمى كخ كخ كخخخخخخخخخخ
لا تبخسوا الناس أشيائهم وأحترم نفسك في كتابتك واترك المريخ وخلك كاتب موضوعي وعاقل كبقية الصحفيين ... وهذا تنبيه لإدارة كفر ووتر ( أنت تراجع مقالات أمثالك من الصحفيين قبل النشر) عشان نحنا كجمهور مريخي بكل أمانه ما بنقبل نهائي واحد تافه مثلك يهين المريخ وهذا تحزير لك للمره الأخيرة ومع إننا صفوة لكن تاني ما حنحترم امثالك نهائي وحتسمع اهانات متضمنه كل الكلمات التي يعف اللسان عنها حتى لو تم حجبنا لكن سنستخدم كل الأسماء المستعارة لهدم هذا الموقع وهذا كله سيكون بسبب تفاهاتك ... فأحترم نفسك واحترم جمهور المريخ وإدارته وناديه في كتاباتك وخلك صحفي واعي ونحنا اقسم بالله العظيم ثلاث ما بنخاف إلا من الله الخلقنا خليك فاهم الحاجة دي والمريخ دا والله بنموت فيهو عديل....واليوم اهو بنرد عليك بكل أدب وبنقولك احترم جمهور المريخ... وهذي دعوه اوجهها لكل صحفي يحترم نفسي ويكتب بموضوعيه وجديه بدون سخريه وإلا لا أدب ولا احترام وسترون وتسمعون ما لا يسركم... وآخر دعونا أن الحمد لله رب العالمين
وبعدين يبدو انو محمد ابوالقاسم قاطع قلبك شديد وبتقرا له كثثثثثثثثثثر .
وانت مريض شفاك الله
دحين النسعلك سوعال ...
صحي جمال الوالي هو الدفرك وكسر ليك كراعك؟؟!!