* الذي يحتاج للضوء والنور والحقيقة لابد أن يفتش ويبحث عنهم ويجتهد من أجل ذلك وتحقيق هدفه.. وحتماً سيراه حتى لو كان في آخر النفق المظلم أو نفق الاكاذيب.
* والذي يحتاج للحب عليه أن يذهب بنفسه اليه.
* لا أن يبقى في مكانه ينتظر أن يأتيه الحب بمحض المصادفة.
* والذي يكره الشرور والاذى عليه أن يرى الوجوه والاشياء بعين تجهل معنى الكراهية او الحقد أو الطمع.
* ومن المؤكد أن كثيرين جداً يحتاجون للضوء ويريدون الحب.. بعد أن ضاقوا بكل ما اسشترى بينهم الفساد والشرور واساءات واكاذيب وتليمحات وساقط القول.
* هؤلاء الكثيرون للاسف يريدون أن تنصلح الأحوال من تلقاء نفسها فيظهر الضوء ويأتيهم حتى اطراف اصابعهم ويأتيهم الحب دون أي جهد أو عذاب أو بكاء.. او رسائل عبر الواتساب والفسبوك او شرة في الشارع أمام البقالة أو الصيدلية أو المرور بجوار المنزل أو أخوها يشوفك والعجب لو كان معاه ود وخالتا أو ود عمتا الله قال بي قولك يا تعمل فيها عنتر وتأخذ علقة ساخنة من أمها أو تكون كاكي وتقول يا فكيك ما يشوفوا إلا عجاج كرعينك.
* طبعاً ديل بحلموا حلم ما في حاجة بتمشي ساي الا ومعاها حركة.. وفي كل حركة بركة.
* يعني تكونوا قاعدين ومصنقرين كده ومربعين ايديكم ودايرين الأمور تكون ظابطة.. لا بالله!!! لازم تكون في حركة.
* أنتوا عايزين الحاجات دي تختفتي قايلنها موظف احيل للمعاش فجأة أو لاعب شطب لانه اساء السلوك ضد الجماهير لم يحترم مدربه أو رئيس ناديه أو مجلس اداردته.
* على الرغم من قناعاتي الراسخة بأننا لا نملك غير الانتظار .. حتى غنانا كلو انتظار.
* غني الفنان حمد الريح.. رجيتك في انتظار عينيك كملتا الصبر كلو.. انا واشواقي والساعة ميعادك جينا من قبلو.
* وأيضاً من الاغاني.. انتظرتو لما ماجاء رحت زرتو يا عوازلي انتو جرتو كان عرفتو كان عزرتو.
* وغنى محمد الأمين في الانتظار لو وشوش صوت الريح في الباب يسبقنا الشوق قبل العين.
* وكتب الرائع عبدالعال السيد من بعد ما عز المزار والليل سها.. وملت نجومو الانتظار.
* ده كان الكلام الرصين والموزون والمدوزن هسه الغنا بقى حاجة تانية.
* انتظرتك وانتي ماجيتي وكنتا عايز اجيك بس خفتا تحرشوا لي الكلبة.
* جيت ماشي بي عند بيتكم لقيت أبوك بحمر لي قلت ليهو سلام يا حاج قال لي وشنبو يرفرف يا جنا غور من هنا..
* منتظرة بس تلفونك يرن ولهيب الشوق قاتلني وفتشت ليك في الواتساب وما لقيتك يا أخي حرام عليك ليه تشرني كده.
* فيجب علينا أن نتقدم خطوة جديدة كل يوم.
* والخطوة البسيطة دي يمكن يكون فيها خير وبركة.
* فهمتوا الرصة شنو والفهم شنو..
* قال حركة تعني مزيداً من التحريك وتفكيك الجمود وفك الحصار الذي تعاني منه وهذا يعني مزيداً من الخير والسلام والامان والهدوء.
* فلننظر للمستقبل بعيون حلوة وجميلة وعسلية لان المستقبل أهم واجمل واجدى من أي خلافات شخصية او قديمة او جانبية بيننا وبين أي أحد.
* نتمنى أن تذوب خلافات رياضية وكروية جديدة وقديمة.. لم يعد هناك أي مبرر لاستمرارها والحرص على ان تبقى نيرانها مشتعلة.
* ولست اقصد أن يغير أي أحد من ارائه ومواقفه وقناعاته.. وانما ارجو فقط أن يقال أن رأيي دون تجريح وأن يدوم أي خلاف دون مساس بأي شخص أو انتقاص من قدره واحترام أي أحد.
* سيعتبرني البعض ساذجاً أو غبياً لأنني أكتب في زمن التوتر والجنون والصوت العالي زمن الخوف والوجع والحنين للزمن الجميل.
* نحن للاسف في زمن لم يعد يعترف الا بالأكثر صخباً وقدرة على اهانة أي أحد.. وتلفيق أي شئ والعمل على اغتياله معنوياً بالترويج لاكاذيب وافتراءات من شخصيات لاهم لها الا أن تكون في دائرة الضوء حتى لو كان ذلك أن تبيع من ساندك ووقف معك عندما كنتا (نكرة) أو مجهولاً لا يعرفك الناس.
* إنه زمن الجهود لأن من يقوى بك يضربك ويحاول اغتيالك ويتنكر لك ولفضلك وتضحياتك من أجله.
* إن زمن انسى بس.
* وسجل لي عرباتك وسجل لي الريدة.
* الانتماء للهلال لا يعني الكراهية والحرب والموت لبقية الاندية خلاف المريخ والخرطوم الوطني.
* والذين يريدون تحويل ساحتنا إلى ملاعب للقتال والاحتراب.. عليهم أن يقادرون.
*فرياضتنا لم تعد تستحمل كل هذه الجراحات والحروب والاغتيال المعنوي.
* وشنو يعني هيثم بقى مساعداً لكافالي.
* بالمناسبة الناس الكانت زمان بتهاجم هيثم وتطالبه بالاعتزال لكبر سنه.. وتكتب الآن عنه عليها أن تعلم أن نجاح هيثم سببه اللاعبين الذين يهاجمهم البعض ويطالب بشطبهم من الكشوفات.
* لو اللاعبين ديل ما احترموتهم وشجعتوهم وشتلوا صورهم ولافتات زي حقت هيثم العملتوها ليهو لمن جاء من تونس.
* صدقوني الخسران هو هيثم وانتم والخاسر الأكبر هو الهلال.
* عشان كده اللاعبين ديل احترموهم وشجعوهم وصفقوا ليهم.
* معقولة ما حدث كان استقبال للهلال أم لهيثم.
* وصورتك الخائف عليها وانتا ما خائف علينا.
* يعني كان تجيبوا معاهو الشغيل ولاكاريكا ولا دي صعبة.
* طيب جيبو نلسون لا شكلي صعبتها شديد نسيت أن نلسون يرتدي الرقم (٨).
* كان تجيبوا صورة مساوي.. والله انا شكلي جنيت.
* يا أخي جيبو صورة الجزولي.. والله انا طشيت شبكة.
* أيوه كان تجيبو صهيب الثعلب يا أخي دي برضو صعبة.
* المهم الناس البتحب هيثم.
* عشان ينجح لازم تركزو مع اللاعبين وتشجعوهم وانسوا العاطفة.. وخليكم واقعين هيثم لاعب كرة تاني ببح.. ما ببح.. بح.. واقلبوها واقروها حتكون (حب).
* حبوه على مزاجكم وبطريقتكم.. بس حبو الهلال الكيان.. وحبو لاعبوه المرتدين الشعار.
* خلاص عمك كافالي شكلوا حيودع وامورو ما ظابطة خالص مع كردنة.
* ما قلتا ليك سرك باتع يا ولدي.
* مباراة قورماهيا أكدت أننا كضابين جنس كضب وغشاشين جنس غش.
* والله أنا خجلت لمستوى الهلال ما عرفتا الهلال وينو.. لو ما شفتا بشة والشغيل.
* المهم عمنا كافالي شكلو قطرو صفر.. كافالي براهو ومعاهو ده.. وداك.. وفلان.. وعلان وفرتكان.. ديل كلهم يا حمامة مع السلامة.
* والله أنا جادي في أمور تحت تحت حتظهر قريب وقريباً جداً والما عاجبو يشرب من البحر.
* وعصابة القناع الأسود قاعدة وعملت العليها ونفذت مخططها بس انتو شيلو الصبر.
* يا ربي مساوي.. ولا كاريكا.. كاريكا ولا مساوي.
* أفهموها كده انتو.
* في تعديل في عدد من اللجان والله يستر.
* ازيك يا شيخ ادريس واحشنا والله يا راجل.
* صحي عمك كافالي حاقد على هيثم بسبب الاستقبالات التي ظل يجدها.
* يا كاردينال ده منو القال ليك جيب كافالي.
* شفت والله يا صحبي وسرك باتع.. خلي الدوري يبدأ معقولة بالسرعة دي.