((())) وعماريه يجلد المريخ في شندي :
وضرب السوط بشح وان ما قدرو زح
ياجناي ماني دايره ولدي يوح
انت ان جعلي حر ومابتهاب الضر
انت لحمك مر علي عدوك كر
قوم اقيف صلد وماتهاب الجلد
بارك الجلد قول ابوي ولد
حسي ليك هرج زى سوط العنج
اثبت يالجرج العمرو ماانحرج
انت ان صح جناي وصح ولد حشاي
امرق من وراي قول للجلدو جاي
ضرب السوط بشح وان ما قدرو زح
ياجناي ماني دايره اسمع إح
وسوط حار من عماريه علي قفا المريخ وسمعنا اح
وبعد حسن كمال جانا عماريه
وياريت كنا ضبحنا في استاد شندي تيس وخروفين
وياريت رسلنا زولا للفاشر السلطانيه
وياريت ما نقلناها تلفزيونيه
وياريت جمال الوالي قدم تاني استقالته الوهميه
وياريت ابو تراوري كان في شندي بالملابس الماليه
وياريت باسكال كان اتصل بينا قبل المباراة الشنداويه
وياريت جمال الوالي كلم الارباب في السعوديه
وياريت مباراة شندي طلعت تعادليه
وياريت عملناها معركة حربيه
وياريت نشوف لينا حل في كل المسامير القلوظيه
حسن كمال وعماريه ووالله يسترنا مع الخرطوم والعقرب الانجوليه
واليوم كده كفايه وما تنوموا باكيين للهزيمة الجعليه
((())) وحبيت عشانك كسلا :
ومن كسلا جانا الفرح شايلو النسيم في الليل يوشوش للخمايل
غني الزهر بكت الورود سالت مشاعر الناس جداول
ومنها فرحنا وفي شندي بكينا
وعرس في العرضه شمال وبيت عزا في العرضه جنوب
وهلالابي انا هلالابي
هلالي اذا ندهني بقوم وبجري علي العلم حابي
هلالي كتير هلالي عظيم هلالي المالك اعجابي
هلالي انتمائي قديم شعارو برا في بابي
وجاري كمان هلالابي سيد الدكان هلالابي
واي جميل هلالابي كأنو النيل هلالابي
في كم مليون سمائي اللون يصرخ يقول هلالابي
ويا منادى لى سيدى الحسن *** دهب التاكا المؤتمن
شىء لله ياصاحب الزمن *** داخل حاشاى حبك سكن
ضاقت بى حال قيدى انقرن *** انظرنى يا سيدى الحسن
فى التاكا يا سمح البنا *** وسيد المقام زاهد الدنا
بوارقو لايحة مطمينة *** إنت الأمير سيدى الحسن
فى الحضرة كم ولى وحكم *** ساد الرجال رفع العلم
من طار لى قصورو انهدم *** ادركنى يا سيدى الحسن
الهمه لى دارك وصل *** والخالفك بعد انفصل
عاقدين عليك كل الأمل *** اتحفنا يا سيدى الحسن
ان شالله يلزمنا الأدب *** عند بابو دخرينا الحسن
كان كنت فى ضيق فى وحل * شىء لله قول وأعنى الجبل
بجيك خيول دافرات هبل *** أركز وهز قول يا حسن
نرجوك يا سمح الأصل *** حبيلا بيكم اتصل
وثلاثيه زرقاء احلي من عسل النحل
ورغم الفوز فالهلال ما زال يحتاج الكثير
((())) الي اهل المريخ :
العلماء الذين ساهموا في فك الرموز المسماريه أغلبهم ألمان فمنهم :
تالبوت Talbot
هنكس heinex
رولنسون rolenson
اوبريت opret
ويمكن للمريخ الاستعانه بهم
((())) احلي ما في مباراة شندي:
مستوي الكابتن هيثم مصطفي الرائع والذي قلب فينا المواجع -والله ليك وحشه يا سيدا
((())) تهانينا :
مبروك للهلال الصدارة بجداره
وعفوا نائب نائب الوصيف فالكورة ما بتدي الا الحريف
محمد حسن شوربجي
نحن بنرد نيابة عنك..
اوﻻ..شوربجى نحن ما عايزنو للنقد الفنى..نحن دايرنو للسلق والسلخ
شوربجى لسانه ينقط عسل للهﻻﻻب..وفيه السم الزعاف للكفواب الطيشاب..
ويا صالحين..انت لقيت نقد بناء فى اعمدة ابوالوهم او خبير التحكيم او ابو بردعة البرطاع كابو؟
جيت تفتش للنقد البناء عند حبيبنا شو؟
والله المسمار حار..دا خازووووق..والله من سخانتو ما بنتمناهو للعدو..
ااهلى شندى ما ليهو حق..وصﻻح ادريس كان فى السعودية..لو كان موجود ما كان بحصل كده..ده الوالى عديلو وحبيبو
اضرب الصهاينة بيد من حديد..
دا الممتاز..تحسبو لعب؟
قالو متصدرين فى الاول..قابلو فرق المؤخرة وغلبوهم بالحكام بالتيلة..
الخيل الاصيلة والحرة بتجى فى اللفة..
ديل الهﻻل نمرة 2..مشاطيب الهﻻل..زووووووووووووط..
خازوق..مسمار..حاااااااار...ناااااااااااااار..
كيف يا مزمل ويا كابو البرطاع ابو نهيق؟
حاسين بى شنو؟
قال سعادته
كرة القدم في بعض الاحايين تمنح الانتصار لمن لا يستحق
يعني زحلقت تراوري بتستحق
و لا جري بكري المدينة الما قدر يسويها في الميدان داير يعملها مع الحكم
و لا جري سعيد المصري خلف الحكم
و لا ضربة الجزاء عيني عينك
دا كلام يا الوالي
ما نكترث ما نكتثر حروف ...... حفظناها حرف حرف
مشكور يا شو
أرض الخير مكاني
بلد النور والعزة مكاني
أرض جدودي جباههم عالية
نحن ونحن الشرف الباذخ
ده ود عمي وده ضريب دمي
انت شنو طفيلي دخيل
هو مدعوم وبقوّة من (كفر ووتر) لتحقيق أهدافها للنيل من المريخ
معظم أبناء قبيلة الهلال واعون، لا يسعدون بمثل ترهات هذا المغبون
للأسف فإن حتى أسرة (كفر ووتر) لا تعي أنّها تضرّ بالهلال وبقية الفرق
أقرأ عمود محمد كمال و بعدين تعال اتفاصح
و انت ايه الجابك على متابعة
تكرار جملا معينا غير مفيدة
لله درك يا شو زينة و عاجبنا
قرر الاتحاد الاحمر تعيين السادة الاتية اسماءهم لادارة مباريات الطيشاب المحلية لضمان نتائج ايجابية وتفاديا لثورات الحجارة وهم:
١.خبير التحكيم العالمي ابوشيبة للوسط
٢.مزمز ابو الاحقاد رجل راية
٣.هيثم كابو رجل راية
هذا وقد وعد الاتحاد الاحمر مرجان بالتنسيق مع الكاف لترشيح حكام متفهمين لادارة مباريات الطيشاب الافريقية لتجنب الكوارث وازهاق الارواح...