((())) بدأ الموج الازرق يتلاطم علي شواطئ زنجبار :
فلقد وصلت بعثة الهلال الجميله الي الجزيرة القرنفليه
وحطت رحالها هناك بكل هدوء واريحيه
ولا قالوا شفوت وما مشكلجيه
ولا بنعرفوا بمبان وشيمتنا سودانيه
نلعبها بالمحبه واخلاقنا رياضيه
فوز تعادل هزيمه هي نظريه ثلاثيه
فعفوا اهل زنجبار فقد جاءكم الهلال بالاخلاق السودانيه
وقلوبنا معلقة به حتي يعود بانتصار جميل ويعبر التمهيديه
ويا اهل نايريري أنتم فى حضرة الاقمار الهلاليه
و انتم في حضرة شعب السودان الامين فالعبوها اخويه
كل امنيات عشاق الهلال ان يجتاز اولادنا كي ام كي
وكل الامنيات ان يتفوق ابطال الهلال وقولوا آمين
((())) احلي نكته اضحكتني :
من الاستاد الرائع دوما محمد عبد الماجد :
هدف حسن كمال بعمل جنس عمائل .*.
قالوا ليك مريخابي نزل في السوق العربي ..اشترى ليك )كيلو باسطة( ورجع ركب الحافلة.*.
قابض ليك كيلو الباسطة عليه تقول عايزه تطير.*.
المريخابي وقت وصل البيت ..فتح ليك الكيس ...عشان يطلع ليك )كيلو الباسطة(..فتح الورقة لقى ليك كيلو الباسطة )صابون بدرة(.*.
صاحبكم عاين لي صابون البدرة سمح ..وقال انتوا الباسطة دي جنت؟.*.
الولية كانت متابعة المشهد ..قالت ليه الباسطة ما جنت ..جنيتوا انتوا بعد هدف حسن كمال.*.
((())) ذاكرة اعلام المريخ ضعيفة شديد :
فقد نسوا ان مدرب عزام هو نفس مدرب كمبالا سيتي الذي اخرج المريخ من التمهيدي في العام الماضي
جورج نسيمبي هو نفس جورج نسيمبي الاوغندي والذي تجرع المريخ منه هزيمة مدوية داخل الارض
فهذا الاوغندي العنيد ربما يستخدم السحر في تدريباته لانه دائم الفوز علي المريخ
وهاهو الآن يلوح بقوة هزيمتة للمريخ
وفي شوارع المريخ
رجفة وزنقه وجرسه شديده
ومعركة وشفوت وما في بث تلفزيوني
وما في كهربه
وما في عراضات
وما في بوابات
والنتيجة محسومه وبالخشم مرسومه
وممكن يتم تسليح جماهير المريخ ودبابات ومدرعات
والشرطه غير مرغوب فيها علي الاطلاق
والملعب ممكن يقفلوهو والحكم ممكن يجلدوهو
اللهم جنبنا غدا بورسعيد السودانيه
اللهم اهدي اعلام المريخ الذي يعد لها
ومن مزمل لكابو لسلك نقرأ الشحن الجماهيري
واشهد يا تاريخ للمكن يحصل في استاد المريخ
((()))و يا هو ده الهلال
في مباراة النسور قامت ﺟﻤﺎﻫﻴﺮ ﺍﻟﻬﻼﻝ الرائعه بتوجيه ﺍﻟﺘﺤﻴﺔ ﻟﻠﺸﺮﻃﺔ وقد ﺗﻔﺎﺟﺄ ﺿﺒﺎﻁ ﺍﻟﺸﺮﻃﺔ ﻋﻨﺪ ﺩﺧﻮﻟﻬﻢ ﻻﺳﺘﺎﺩ ﺍﻟﻬﻼﻝ ﺃﻣﺲ ﻟﻠﻘﻴﺎﻡ ﺑﻤﻬﺎﻡ ﺍﻟﺘﺄﻣﻴﻦ ﻟﻤﺒﺎﺭﺍﺓ ﺍﻻﺯﺭﻕ ﻭﺍﻟﻨﺴﻮﺭ ﺑﺎﺳﺘﻘﺒﺎﻝ ﺣﺎﺭ ﻣﻦ ﺟﻤﻬﻮﺭ ﺍﻟﻬﻼﻝ ﻭﺍﻟﺬﻱ ﻫﺘﻒ ( ﺗﺤﻴﺎ ﺍﻟﺸﺮﻃﺔ ﺗﺤﻴﺎ ﺍﻟﺸﺮﻃﺔ ) ﻣﻊ ﺣﻤﻞ ﺍﻟﻌﺪﻳﺪ ﻣﻦ ﺍﻟﻼﻓﺘﺎﺕ ﺍﻟﻀﺨﻤﺔ ﺍﻟﺘﻲ ﺗﻮﻛﺪ ﻋﻠﻲ ﺍﺣﺘﺮﺍﻡ ﺟﻤﺎﻫﻴﺮ ﺍﻟﻬﻼﻝ ﻟﺪﻭﺭ ﺍﻟﺸﺮﻃﺔ ﻭﺗﻨﺸﺮ ﺻﻮﺭﺓ ﻣﻦ ﺍﻟﻼﻓﺘﺎﺕ ﺍﻟﺘﻲ ﻭﺿﻌﺘﻬﺎ ﺟﻤﺎﻫﻴﺮ ﺍﻟﻬﻼﻝ ﻭﺍﻟﺘﻲ ﻛﺘﺐ ﻓﻴﻬﺎ (ﻋﻔﻮﺍ ﺃﻧﺘﻢ ﺩﺍﺋﻤﺎً ﺍﻟﻴﺪ ﺍﻟﻄﺎﻫﺮﺓ ﻭﺍﻟﻌﻴﻦ ﺍﻟﺴﺎﻫﺮﺓ )
انها امة الهلال وحدها ولا سواها من يفعل ذلك وغيرها يسيئ للشرطه وللسودان وقد طردوا الشرطه في الليله ديك من ملعبهم وبمساعدة اداريي الفريقين وفي منظر مهين لهيبة شرطة السودان والتي خرجت ذليله ومنظرها يحنن
وهل فشلت الحكومه في كبح جماح جمهور المريخ المشاغب كما فشلت في كبح جماح اهالي الحماداب والشجره في احتجاجاتهم المشروعه
وماذا لو نزلت هذه المجموعات المراهقه الي ملعب المباراة للفتك بالحكم او برجال الخطوط او بمعلق المباراة ياسر مختار في حالة احراز مريخ الفاشر هدفا آخرا
والغريبه اليوم وبالجوديه تم حل هذه الفضيحه التي صنعت في السودان وتصالحت ادارة الشرطة والمريخ وبحضور الاتحاد الفاشل
وهذا يعني اننا ربما نكون لا سمح الله موعودون ببورسعيد اخري في مباراة عزام ان تلقي المريخ هزيمة جديده ؟
لان جماهير المريخ لا تؤمن بنظرية الثلاثيه الفوز والتعادل والهزيمه
ويا اما المريخ يفوز ويا حنكسر الدنيا
وعلي الشرطه ان تتفرج او سيتم طردها شر طردة
والله يستر
ختاما :
نطالب اللاعب حسن كمال بعدم حضور لمباراة عزام عشان ناس المريخ يركزوا في اللعب
محمد حسن شوربجي
اللهم احفظ لنا عمد شو
اللهم احفظ لنا شو من النفوس التي تضمر شرا للهلال
اللهم احفظ لنا الهلال من صحافه اصبحت تعادي كل شيء حتى الشرطة
اللهم احفظ لنا هلالنا من عين حاسد اذا حسد
اللهم انصر هلال الملاييييييييين
اللهم شتت شمل.......... الشامتين و ارنا فيهم عجائب مقدرتك
اللهم احفظنا من نفوس تضمر شرا اكثر من ان تضمر خيرا
اللهم احفظنا من صحافه اصبحت سخافه
اللهم احفظنا من الفتن والفرقه
اللهم انصر فرقنا الاربعه يارب العالمين