المشهد الاول :

بكري علاء الدين تراوري اعداء غارزيتو

وصحفي يوغندي يقول ان المريخ هو ضل الهلال

وكأن المريخ ممنوع عليه تسجيل اي لاعب من الانديه الاخري غير الهلال

ولازم يسجل لاعبي الهلال

ولازم يسجل مدربي الهلال

قالوا من حقنا نسجل اي لاعب مطلق السراح من الهلال

قلنا طيب لماذا تسجلون مدربي الهلال السابقين

ريكاردو وغاوزيتو

قالوا نحن في زمن الاحتراف

ولكن الحقيقة هي رغبة اهل المريخ في البقاء طويلا داخل عباءة الهلال

وما بنقدر نفارق وصافة الهلال

ومن زمن المرحوم ابو العائله والذي قال فينا لو كديسة نطت سور نادي الهلال ناس المريخ سيأتون بكديسة تنطت سور نادي المريخ

الآن المريخ بصدد التعاقد مع غارزيتو مدرب الهلال السابق

رغم انهم قالوا فيه ما لم يقله مالك في الخمر

ورغم علمهم ان هذا المدرب كان علي خلاف مع بكري المدينه

وقد تركه طويلا في دكة الاحتياط

حتي نسيت جماهير الهلال بكري

وبكري لو اصلا عارف غارزيتو جاي ما كان قبض ال 3 مليارات

يعني غارزيتو وبكري شحم ونار

وغارزيتو وعلاء الدين شحم ونار

وغارزيتو وتراوري شحم وتار وعايز فلوسي

وغارزيتو وحسب معرفتنا له في الهلال من المدربين الذين يرفضون التدخلات الاداريه

والتي تعودت عليها ادارات المريخ

وتلفونات فداسي ولعبو ده ووقفوا ده

ولا اظن ان برهان ومحسن سيقبلا الاذعان لاوامر الفرنسي

وبرهان ومحسن مزهوان بما حققا للمريخ من انجازات سيكافيه

واخيرا تم اختيار برهان ضمن افضل المدربين علي الساحه

ولا اعتقد ان الفرنسي المتعجرف سيقبل بتدخلات برهان ومحسن في قرلراته

ولا اظن ان ادارة المريخ كان موفقه في اختيار غارزيتو

والاختيار تم لمجرد انه كان مدربا للهلال يعني دونيه

رغم انهم هاجموه كثيرا ووصفوه بالفاشل كثيرا

وانتقدوا كثيرا الخطة المحببه لغارزيتو 343

عودوا اخوتي لمقالات كتاب المريخ واقرأوا ما كتبوا عن غارزيتو

هل في ناس بالطريقة دي انقلاب 180 درجة ومنتهي النفاق الصحفي

اليس من حق حبيبنا ود البشري ان يقول "

قالوا الضل محل ما تمشي بجري وراكا

اصﻼ مستحيل تلقاهو ماشي حداكا

إت يا الوالي مااا بتعرف لعيبة براكا ؟؟

ياخ حيرتنا .. وحيرت بوبي معاكا

ساقو ) تراوري ( شطبولو العجب والزومة

جاهم ) بكري ( .. قلنا الشغلة فيها عزومة ؟؟

قصة عجيبة جد يا اخوانا ماااا مفهومة

غارزيتو العجوز .. ختيتو في المنظومة ؟؟

عااااد يا الوالي .. حيرت البعيد والداني

شلت اوﻻدنا رجعت المدرب تاااني ؟؟

ود البشرى . بديك مقترح مجاااني

سميهو الهﻼل اﻻحمر السووووداني

اعﻼم الضﻼل . بخدع دوااام جمهورو

قالوا فريقنا بي غارزيتو اشرق نورو

تقليدكم عبييط من قمنا ماااا بندورو

دا )الضل ( ذااااتو .. دخلتوهو جوة ضفورو

اصلو كﻼمي حار .. بلقاهو يوت ماغسكم

اﻻ تراهو جبتوهو الحديث .. لي نفسكم

غارزيتو المدرب والمعز حارسكم

اصﻼ ما بعيد . نلقى ) البرير ( ريسكم.

يا سبحان الله

هل احلف لكم علي المصحف ان مدرب المريخ القادم هو باتريك البلجيكي

هل احلف لكم علي المصحف ان جمال الوالي هلالابي علي السكين

يا جماعه يوم حنصحي من النوم نلقي المريخ يفاوض جماهير الهلال

ويوم حنصحي نلقي المريخ يفاوض محمد عبد الماجد

ويوم حنصحي نلقي المريخ يفاوض نجيلة الهلال

ويوم حنصحي نلقي المريخ يفاوض كشافات الهلال

وعم شبشة يوم حنلقاهو في قبضة غرفة تسجيلات المريخ

الناس دي جنت عديل



المشهد الثاني:

تلفونات المتنفذين

بلد تسيره تلفونات المتنفذين هي بالتأكيد بلد فاشله

الو سجلو بكري في المريخ رغم استمرارية عقده مع الهلال

والو سجلو هيثم في اهلي شندي

الو كاس السودان للمريخ

الو المريخ يمثل السودان في البطولة العربيه

الو جنسوا رمزي صالح والحضري

الو اجلوا مباريات المريخ عشان سيكافا

الو تبرعوا للمريخ بالمليارات لانه فاز بسيكافا

فالقوانين لا وجود لها في دنيا العديلين

وسجلوا هيثم مصطفي رغم قضية المريخ

واضربوا القوانين عرض الحائط

وبالحبيب تكعيب كلم لينا معتصم جعفر يمشي امور تسجيل هيثم

والبلد بلدنا ونحن اسيادا

والقوانين عاملنها عشان ناس كردنه

والكيزان ناس فوق القانون

وناس الحركة الشعبيه لازم يطبقوا القوانين

ويا حليلك يا شداد



المشهد الثالث :

كوثر البشراوي تتهم الاسلاميين

كوثر البشراوي مذيعة تونسية بدأت مشوارها الاعلامي في التلفزيون الرسمي التونسي ثم في قناة الجزيرة قبل أن تستقيل منها.

وعبر مقطع الفيديو المتاح للمشاهدة؛ تتحدث الصحفية التونسية عن رأيها في الأخوان المسلمين بعد سنوات كانت تدافع خلالها عن فكرهم، فماذا قالت في حقهم:

* عندما يأخذون الحكم، لا شريك لهم.

يحبون ويرحبون بكل من يناصرهم وينصرهم وهم في المعارضة. حين كانوا مقموعين رحبوا بنا، وحين وصلوا للكرسي لا صديق لهم، لا صاحب لهم.

*لا يعترفوا بالبارحة ولا ذاكرة لهم ولا يعترفون بجميل لا من قريب لا بعيد.

*كنا نقول أن هنالك تباين بين الحركات الإسلامية في الفكر، وأنه هنالك فرق في النفس المعتدل، الخط الاردوغاني.

كل هذه الحركات عندما يلمسون كراسي الحكم - في معظمهم -هم وهابيون فكراً وسلوكاً في ماضيهم ومستقبلهم.

* سرّاق.. سرقوا كل شيء

* الحلم بالعودة راح

* النظام السابق كان يتحدث بقانون. اللي يحكي لك بالله ومحمد لا يخاف الله ولا يعرف محمد

اللي يقطع رزقك وعنقك ورجلك من بلدك بأسم الله وباسم الرسول فهو نصاب ومجرم وقادر - لو قدر - يكذب على الله.

تعليق : اذا كان هؤلاء هم الاسلاميون فكيف ياربي يكون الملحدون والشيوعيون ؟



المشهد الرابع:

الناس قنعت خلاص :

رجل سوداني في العقد السادس من عمره يعبر عن سخطه من حكومة الأنقاذ في فيديو علي المواقع الالكترونيه ويدعو هذا الرجل المسن ان تحتل اسرائيل السودان وحرق نصف سكان السودان .

وقد اختار المتحدث أن يتم الاحتلال بواسطة الصهاينة لأنه يعتقد بأن اليهود أفضل من قادة البلاد الحاليين الذين يستحقون - حسب المتحدث - سوى الذبح والسلخ.

ولعل هذا الفيديو يعبر عن الحالة التي وصلت اليها بلادنا حيث المعاناة اليومية للانسان وصعوبة الحصول علي لقمة عيش تسد الرمق

لعمرك ما ضاقت بلاد باهلها ولكن اخلاق الرجال تضييق

اللهم ارحم شعب السودان

اللهم لا تسلط علينا من لا يخافك ولا يرحمنا





محمد حسن شوربجي