• ×
الأربعاء 19 مايو 2021 | 05-18-2021
شوربجي

المريخ ودرمه وسيحه ضد الهلال

شوربجي

 14  0  2606
شوربجي

[[[]]] دعوات اهل المريخ : يارب يعاقبوا الهلال

انها دعوات كل اهل المريخ وخاصه بعد مباراة فيتا :

**** ويا رب الكاف يعاقب الهلال

**** ويارب يشطبوا الهلال من كشوفات الفيفا

**** ويارب المريخ يسجل كل لاعيبة الهلال

**** ويا رب بكري المدينه يلعب في المريخ

**** ويا رب مهند ولدنا

**** ياورب كاريكا ولدنا

**** ويارب حتي خليفه يكون ولدنا

**** ويارب يقفلوا نادي الهلال ويبقي ولدنا

كلها امنيات تساور اهل المريخ وهم يتابعون احداث مباراة فيتا واحتجاج لاعيبة الهلال علي حكم المياراة الملعون والذي قد تثبت تلقيه الرشوة من لدن ادارة فيتا فيما بين الشوطين وحين نزلت ادارة فيتا ودخلت غرفة الحكم وعلي مرآي ادارة نادي الهلال التي تم منعهم من قبل الامن الكنغولي

لاعبي الهلال لن يوقفهم احد لانهم كانوا يريدون الاحتجاج فقط ولم تكن في نية اي لاعب ضرب الحكم

لا تفرحوا ايها الشمات فالهلال لن يرمي المنديل وهو مازال في الملعب وسوف يتأهل باذن الله

رجال الهلال سيقهرون مازيمبي وسيقهرون الزمالك وسيتأهلون

وحتي ولو تم ايقاف من يريد اهل المريخ ايقافهم فهناك آخرون يحملون الهلال في حدقات عيونهم

محمد عبد الرحمن / اطهر الطاهر / وليد علاء الدين / صلاح الجزولي / وآخرون

لن تتحقق امانيكم ايها الشمات

ولن يعود الهلال لكي يجلس معكم في ضل النيمه

لا حديث ولا اماني في العرضه جنوب غير عقوبات الكاف التي ينتظرونها

وربما يبعث خبثاء المريخ بمرسولهم للكاف طلبا في انزال اقصي العقوبات علي الهلال

الهلال مازال مع الكبار وهذا لا يرضيهم

والهلال هو الفريق السوداني الوحيد الذي تعرفه الفيفا

والفيفا لا تعرف المريخ رغم كل الاموال التي تم تبديدها لشوبير والبايرن وانصاف مدني

ومازال المريخ صغيرا ولا تكلمني



[[[[] النابي: التعاقد مع البرازيلي سيرجيو استفزاز للكرة السودانية

والله كلام الراجل ده صاح مية في المية ولو كنت مسئولا لعاقبت الذي تعاقد مع هذا اللاعب ويجب علي الاعلام الهلالي ان يفضح هذا الشخص ويتم ابعاده من الهلال نهائيا - فهذا حقا ليس بهلالي وكل همه جمع اموال




[[[]]] سيحه ودرمه ليسوا بخبراء هم مريخاب ليس الا :

ابدى عبد الرحمن الخضر درمة الحكم الدولي المتقاعد وخبير التحكيم المعروف دهشته الشديدة للحملة الشرسة التي يقودها نادي الهلال ضد الحكم الذي أدار مباراة الفريق أمام فيتا كلوب في مجموعات الأبطال، وأشار درمة إلى أن قرار الحكم باحتساب ركلة جزاء لمصلحة أصحاب الأرض كان قراراً صحيحاً بنسبة 100% لأن مدافع الهلال سامي عبد الله فقد السيطرة على الكرة وعرقل اللاعب من الخلف، وعن هدف الهلال الملغي قال درمة إن قرار الحكم بعدم احتساب هذا الهدف كان قراراً سليماً لأن الهدف الذي سجله نزار حامد لم يكن صحيحاً بالمرة، وأبدى درمة تخوفه على الهلال من عقوبات رادعة من الكاف قد تفقده لمجهودات عدد من لاعبيه لفترة ليست بالقصيرة بسبب محاولتهم التحرش بحكم المباراة، مبيناً أن محاولة المجلس التنصل عن ذلك التصرف بإدعاء أن المدرب كامبوس وحده من حاول الاعتداء على الحكم وإقالته لن يؤثر على الكاف الذي يعتمد في النهاية على تقرير الحكم والمراقب.

وطبعا باقي سيحة ورضا وبزنامج عالم الرياضه ويتموا الباقي

يا جماعه انا واخويا علي ابن عمي وانا وابن عمي علي الغريب

اليهود لو ادانوا سودانيا وظلموه فربما يناصر هؤلاء اليهود




[[[]]] طيارات الاغاثه القطريه :

قالوا ان طائرات الاغاثه القطريه وصلت لمطار الخرطوم وان مسئولين كبار هم من كانوا في استقبالها وجاء توجييهم علي النحو التالي :

**دي تمشي مستودع الوزير فلان

** ودي تمشي مستودع الوزير فلان

وتم توزيع كل الاغاثه فيما بين الوزراء

اتمني ان لا يكون هذا الحديث صحيحا




[[[]]] حسبي الله ونعم الوكيل :

أكد المهندس مالك بشير مقرر غرفة طوارئ الخريف بولاية الخرطوم أن أكثر من (250) منزل بمنطقة صالحة و (150) منزل بامبدة تأثرت جراء السيول والأمطار حسب التقارير الأولية التي رصدت .

مقصرين في اعمالهم وشاطرين في رصد الخسائر




محمد حسن شوربجي
امسح للحصول على الرابط
بواسطة : شوربجي
 14  0
التعليقات ( 14 )
الترتيب بـ
الأحدث
الأقدم
الملائم
  • #1
    جعفر صالحين 08-02-2014 07:0
    الحكاية ما محتاجة دعوات !!! كل الناس شاهدت شماسة الهلال وهم يحاولون الاعتداء على الحكم بقيادة مدربكم والذى تم اقالته لسوء السلوك باعتراف ادارة نادى الهلال ...
  • #2
    Hajjam 08-02-2014 06:0
    عفيت منك ياشوربجي قطاع المصارين حراق الدلاقين لقد احرقت الوصيفاب التمهيداب بنار بنزين.
  • #3
    هاشم 08-02-2014 02:0
    لا ادرى اى ريح عصفت فرمت بك فى بحر الكتابة فجعلت منك كاتب صحفى. ولاننا فى زمن العجائب زمن غريب جعل السيف فى يد الجبان والمال عند ابخل الناس جعل منك وامثالك من انصاف المواهب عماد صحافتنا وثقافتنا نريد ان نعرف شكل الاحتجاج الذى كان لاعبى الهلال يقصدونه وانت تقول لاعبي الهلال لن يوقفهم احد لانهم كانوا يريدون الاحتجاج فقط ولم تكن في نية اي لاعب ضرب الحكم خمسة من اللاعبين يتسابقون كانهم فى ماراثون نحو الحكم فاى عاقل ينكر ذلك انت وامثالك هم افة الكرة السودانية وكونك لا ترى فى المريخ شيئا جميلا فالعيب فيك
  • #5
    طائر النار 08-01-2014 07:0
    يا رب يقرتقوا الهلال .. يا رب يشعللوا الهلال .. يا رب نسجل كل لعيبة الهلال .. يا رب جمهور الهلال كمااان يتحول لتشجيع الزعيم .. بث
  • #6
    Hassan 08-01-2014 02:0
    أنتو المريخاب متابعين مقالات شوربجي لماذا؟؟ في الجانب الاخر هنالك كتابات جميلة في الصدي والزعيم لناس مزمل. وسلك وهيثم ، وشوربجي راجل يسخر من كل ما هو مضحك في اي مكان
  • #7
    الدبراوى 08-01-2014 02:0
    هاهاههههههههههههه ياهو طبعكم .قال الكاف مابيعرف المريخ بيعرف الهلال .انتو الفيتا قويه للدرجه دى ياتو يوم جبتو بطوله ولا كاس .الحاجاة دى ليها ناسه ورجاله والتاريخ لايكذب .ولوحة الشرف مابيقبل التزوير يابتاعين{السوابق}الخلى عاتو قلت.....
  • #8
    ود البلد 08-01-2014 01:0
    إنت في حلم وله صاحي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ الدخل المريخ ودرمه وسيحه شنو في هزيمة الهلال !!! ياخي مره واحده لما تكتب احترم عقول القراء.
  • #9
    ابوالفاضل 08-01-2014 01:0
    ماتخليك بني ادم سازج وتبيع الوهم للناس خلي الناس تفتي زي ماانت افتيت في الحكم وده مابغير شئ من الواقع مفروض تطلعواعلي مواد الكاف وتشوفوا ثغراتها حتي تكون العقوبة مخففة وخبر الطائرة القطرية ده خبر حلو عشان كتر من السياسة وبطل الرياضة والشوربة.
  • #10
    بابكر مكاوي 08-01-2014 01:0
    الاخ شوربجي يا انت لابتنهدي ولا بتتهدي ولا دار تكوس درب الهدى .....كل مرة القاك كاتب كلام ما اظن يستفيد منو أي شخص ...أسالك لو بكرة الكاف عاقب لعيبة الهلال واوقف منهم كم لاعب ما ح اتفاجا بأن تكتب وتتهم المريخ بأنو من أوعز للكاف ومداه بصور ومستندات ....ياخي كنت متمني انو ترتقوا بمستوى فكر الناس مش تضللوهم ..عليك اول انو تدين اي عمل يرهب الحكام حتى ولو إتخذ الحكم قرار خطأ في ظنك يجب إنك ما تدافع عن سوء السلوك ...من اي لاعب بغض النظر عن هلال ولا مريخ ..بالله عليك كيف عرفت أنو لاعبي الهلال ما كان في نيتهم الإعتداء على الحكم ..متمني تقرأ ردي بتمعن وتعرفوا إنكم بطريقتكم دي بتوجهوا اللاعبين والجمهور نحو كارثة في سوء السلوك وربنا يستر ....
  • #11
    ابو جدو 08-01-2014 12:0
    الاخ الكاتب الظريف .. الكوره ليست بالحروب وانما هى لعبه وفى كل دوله فريقين يوجد بينهما التنافس....نتمنا طيران الهلال عن طريق الانتنوف السريع نتمناءالهذيمه الشنيعه للهلال ... ولكن لانتمناء لاعب من الهلال ولا نتمناء ان يتفكك الهلال والسبب بسيط ...لاتوجد اضحوكه غيركم ولايوجد صفر دولى لسواكم نتمناء لكم مواصله الاصفار
  • #12
    ميرغني الغالي 08-01-2014 09:0
    الاخ المحترم --- محمد الحسن شوربجي -- تمنيت ان تكون قدوة للكتاب السودانين الوطنين وان تحارب التكتل للفريق الواحد من كان هلال او مريخ وها انت تضرب المثل باليهود بمعنى مفهومك اليهود افضل من اخوتك اهل المريخ يا اخي انت خلط الحابل بالنابل طلعت انت اغلظ منهم يفتكر تكون الافضل خلق واخلاق يا محمد == لاكن للاسف تنهي عن شي وتاتي بمثله كيف نحارب تشجيع الفريق الواحد ونبذ التطرف ونغرز الوطنية وحب السودان الواحد في كل المجالات الرياضية وتشجيع كل الفرق السودانية بدون فرز يا اخي ان كان كاتب مثلك بكتب مقالة مثل مقالتك تدعو لمحاربت الفريق الاخر وتربط المريخ بدون اي دخل له هو فريق المريخ من جزيرة الواق واق عشان تقول المريخ يبعث بمسئول للكاف عشان فريق الهلال تنزل عليه اشدة العقوبات يا الله عليك دي عقليتك انت الكاتب المستنير والواعي كيف بالله يكون حال المشجع ان كان للمريخ او الهلال -- يا اخي والله انتم المحررين في مجال الرياض سبب البلوة لينا وللكرة السودانية وتطرف المشجع يا اخي ما ما تخليكم مصدر خير وتوعية وللمشجع وتنوير للكورة في السودان حتى نصل مراحل التقدم في الرياض بدل التناحر بين هلال مريخ -- وكل عام وانت والشعب السواني بالف خير -- وشكرا اخوك ميرغني العامري
  • #13
    أبو مدثر 08-01-2014 08:0
    فضائح طافحة لا بندس ولا بتضاره . مدوا القرعة للشحدات وحمسوا طاره . الجات من قطر ديل عرفو ليها بصاره . اتقسموها قبل ما تنزل الطيارة .
  • #14
    محمد رحمة الله 08-01-2014 07:0
    والله والله والله انا لمن اقراء كتاباتك اضحك الا اقع من الضحك ياعلة الهلال والسودان انت ارجووووووووووووووووووكم ارحمونا من هذا الغث ياعاللللللللللللللمعنده عقده اسمهاااااااا المريخ ياهذا
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019