من 2003 وهلال العز البراهو مشرف السودان
ومن 2003 هلال العز البراهو في الميدان
ومن 2003 هلال العز البراهو مع الكبار يا حميدان
ولسه بدري علي الشماته وما تعادونا بالطيران
والتعادل ما عيب مع فيتا واخير من بطولات البط العائم والسمك والروبيان
ولا اظن ان مشجعا هلاليا يكون قد قذف عمر بخيت بالحجر والبمبان
وكما اراد رجرجة المريخ فقد تم العمل الجبان
هم مندسي المريخ عملوها ودي امنيتهم من زمان
ونقلنا اعلانهم الرسمي في المواقع الالكترونيه بالتخريب والفلتان
وكانت ( كتاحة ) امبارح هي الوقت المناسب لشغل الفيران
شأنهم شأن شياطين ابليس التي تفضل التواجد في الظلام
لقد تم حصب الملعب بالحجاره وهي عادة مريخيه بالتمام
ليهم حق فالمريخ في النازل وبقي ضعيف وما ليهو اسنان
خروج افريقي من التمهيدي ووصافه في الدوري وبالجد خذلان
وبهدله في بطولات البط النيلي وسيكافا كمان
وطشتي وفكتوريا وكينين وحبش وصومال المان
واليكم الدليل ايها الحبان :
بعض الصفحات الالكترونيه المريخيه كتبت تقول :
أنهم يخططون لعملية كبيرة تصاحب مباريات الهلال بالخرطوم والتي قد يتضرر منها الهلال إفريقيا
وتهدف العملية المنشورة إلى اصابة خصوم الهلال بالحجارة أثناء المباراة
وهتافات عنصرية ضدهم لإيهام الرأي العام الإعلامي ان الفاعل هو جمهور الهلال
(ونقوم نخش المباراه كمشجعين و بعد داك نقوم نسئ للاعبي الزمالك اساءه عنصريه وفليع بالحجار عشان نفلق اللاعبين وجهازهم الفني وبكره تعال شوف ليك العقوبات)
اول حاجه اعتبار الهلال مهزوم 2/0
وهنالك عقوبه ماليه ماعارفين كم مليون يورو
حتي بعد داك بتجي العقوبه الاهم وهي حرمان الهلال من المشاركه في البطوله الافريقيه لمدة كم سنه
والفوائد طبعا :-
1- خدمنا فريقنا الحبيب مازمبي والشقيق انتركلوب .
2- نبرد اضنينا من هلوسه الجماعه ديل
3- نعمق جراح صفرهم الدولي
4- اعلان افلاس النادي وتشريد لاعبيهم.
انتهي
اخوتي هذا دليل دامغ خطط له بعض الرجرجه والدهماء من جماهير المريخ
وطبعا بكل سهوله يمكنهم ارتداء زي الهلال
ويمكنهم التلويح باعلام الهلال
فهؤلاء الرجرجه والدهماء غالبا ما يتعاطون ما هو ممنوع
وقد يحضرون المباريات بعد تعاطيهم هذه السموم وما اكثرها
وفي غفلة من الاحداث يمكنهم تنفيذ مخططاتهم الصبيانيه
اما جماهير الهلال العظيمه فهي بريئه من تلك الحجاره المريخيه
وهي من عملت علي عودة المباراة في وقت قياسي
لقد نجح هؤلاء المندسون فيما كانوا يخططون له
وهاهو مراقب المراقب وقد دون كل احداث مباراة فيتا
وسيتم رفعها الي الكاف
وقد يصدر الكاف عقوبات علي الهلال
ولا اظن اخوتي ان مشجعا هلاليا قد قذف الكابيتانو المحبوب عمر بخيت
بالحجاره
انهم وقد تعودوا قذف لاعبي فريقهم
ومن قبل قاموا بالتسبب في مقتل صحفي تنزاني في احداث شهيره في العام 1994
ـ فالجماهير المريخيه قامت باقتحام الملعب واعتدت على الحكم وتم نقل العشرات للمستشفى.
ـ ووزير الداخلية آنذاك تفقد المصابين بالإستاد
ـ و في صحيفة (الإنقاذ الوطني) السودانية بتاريخ 15 يناير 1994م نشرت تفاصيل الإعتداء الغاشم والآثم من جماهير المريخ على فريق سيمبا التنزاني وحولت الإستاد إلى ساحة معركة تدفقت فيها الدماء وتمزقت أجساد الشقيق التنزاني لمجرد أنه أحرز هدفاً في شباك المريخ وأقصاه من المنافسة وتأهل لنصف النهائي.
معتادي الاحداث هم المسئولون دوما عن ثورات الحجاره
صح لسانك عاشق الهلال ود المجذوب :
نشرب فيتا
نشرب مانجو
مالكم ومالنا
انتو فريقكم شايل حالنا
و نحن الكاس دايما آمالنا
الابطال بنلاقـــي رجــــالا
وانتو بتخسرو من كمبـــالا
نحن هلالنا فريقو حديدي
ما بنشــارك في التمهيدي
في سيكافا القلنا ضيعــــفة
البورندي مهازلــو عنيفة
في الابطال للنجمة حكاية
طارت منها رايحة وجايـــة
في الممتاز الاحمر نـــازل
غايتو مأسي وزايدة مهازل
من فكتوريا ومن يوغنــــدا
احسن فيتا من الميــــرندا
نحن بنشرب كاس الفرحــة
والنجمات دايما منجرحــــة
في الابطال سقطت منطرحة
وفي سيكافا نتايجو زفيتـــه
اخجلو ياخ ..بتشجعو فيتا ؟؟؟
سؤال وطني :
في الاخبار ان والي الخرطوم سيقدم استقالته - السؤال كم عدد اللصوص الذين تناوبوا علي ولاية الخرطوم ومن ياتري اللص القادم ؟
يا كافي البلي لم يتقلد هذه الولايه رجل شريف
محمد حسن شوربجي
