وفى السودان اعدوا لهم ما استطعتم من قوة
والعين بالعين والسن بالسن والبادى اظلم
ويا مجدى شمس الدين شوف لينا حل مع التحكيم الافريقى
ما قالوا انت رئيس لجنة التحكيم فى الكاف
فالسنغالى ليس بحكم
ما ممكن خمسه بطاقات للاعبى الهلال
اتريدنا ان نقلب عاليها واطيها فى مباراة الرد
ونلبس الحكم فانيلة الهلال
ونديهو جلاكسيات ولابتوبات
ونخليه يحسب عشره بلنتات للهلال
ونخليه يعطى اندارات حتى لرئيس الكنغو
لا لن يفعل الهلال دلك
كلم صحبك عيسى حياتو
ان السنغالى قد زبح الهلال
لقد تحرينا الهلال فى ديليسيه طويلا
والتحكيم سل روحنا
لكن الحمد لله اضاء الهلال كل الكنغو
والله عليك يا هلال
والله عليك يا جمعه
والله عليك يا مساوى
والله عليك يا اتير
والله عليك يا بويا
والله عليك يا سيسيه
والله عليك يا نزار
والله عليك يا الشغيل
والله عليك يا عمر
والله عليك يا بكرى
والله عليك يا كاريكا
والله عليك كوليبالى
والله عليك يا نابى
والله عليك يا مجدى
والله عليك يا الرشيد بدوى عبيد
والله عليك يا الخندقاوى
انا الهلال سماي بعيد
وانا الهلال مجدى تليد
انا الهلال تاج الرؤوس
انا الهلال نقس النفوس الطالعه ونازله في الميدان
انا الهلال الضاوى الليل
وانا الهلال اسمي دليل
وانا الهلال كساني النيل ابيض وازرق اجمل لون
انا الهلال
انا المذدان
انا الشرفت سماء السودان
انا الهلال الضالع ورافع راية العز والمجد الناصع
مرة اهاجم ومرة ادافع رافع راية السودان
الحمد لله على هده النتيجه الايجابيه
وجهزوا المقبره للكنغولى
وظبطوا ليهو احسن كفن
وصلحوا ليهو اوسع لحد
وجهزوا ليهو موية تمام للرش
يا ابطال الصولات والجولات،
يا منتزعوا الإنتصارات ،
يا قاهروا كل الاعداء
- انتم من أندى العالمين بطون راح - انتم من لقن الخصوم أقسى الدروس فى الادغال
- أنتم اسياد البلد و هاماتكم خالدة تناطج عنان السماء
عليكم بالكنغولى فى المقبره ولحقوه بالمالى
وجماهير الهلال هى رهان الليله ديك
- اصطفوا أحبة الازرق حول الفريق رغم كل الظروف
وكل الابتلاءات
- وكل الحروب
وكل الاحقاد الحمراء
-وكل صواريخ اسرائيل
وحبايب اسرائيل
ونجمة اسرائيل
-وحبهم لجمعه قيت
وحبهم هدف مالى وسيحه
والمهم النتيجه ايجابيه
ودعوا القلق اخوتى واستبدلوه فرحا وتفاؤلا،
ساندوا الازرق لكى يسطر لكم الابداع والتألق
فهو وحده من يرسم البسمات على كل الشفاه
- وهو من يفرح شعبى الحزين ..
الحمد لله لقد عاد البطل منتصرا من بلاد كنغول
عاد ورغم كل التحكيم
وكل الاشواك التى نثرها الكنغولى ليتعثر الهلال
وكل الحفلات التى اقامها الكنغولى ليزعج اقمار الهلال
وكل السفريات الشاقه من الخرطوم الى اديس الى برازفيل الى ديليسيه
لقد كانت رحلة شاقه اشفقنا فيها على الهلال
واكثر ما كنا نخشاه التحكيم الافريقى المتخلف
والدى كنا نتمنى ان يطوره ناس مجدى شمس الدين
وايه رايك فى بادارا دياتا السنغالى يا مجدى
وهو يتضامن ضد فريقك مع صاحب الارض
والحمد لله فعدالة السماء كانت مع الاقمار
الحمد لله فلقد انتهت المعركة الكنغوليه
وسنعد لهم ما نستطع من قوة
ولن تتوقف السيره الهلاليه
ختاميه :
توقع كتاب العالمي سقوط الهلال فى الكنغو ولكن خابت التوقعات وعالمى لا تضحكنى
محمد حسن شوربجى