ويخسر الهلال اللقاء الاول امام الملعب المالي

ويقعد المريخاب يضحكوا علي حسين الذي لحق بحسن

النابي كلامه مخيف شديد وهو يقول : لن اخدع الجماهير الفريق غير جاهز حاليا للمباريات الافريقية الفريق يحتاج الى وقت و مباراة تشيلسي الغاني في السودان و مباراة اسيك في معسكر ابديجان سوف تفيد الفريق و عندما يصبح الفريق جاهزا لن اخشى اي فريق في القاراة ..

واول ما وقع العقد مع الهلال قال : ساﻛﻮﻥ ﻓﺮﻳﻘﺎ ﻳﻬﺰ ﺍﻻﺭﺽ ﺗﺤﺖ ﺍﻗﺪﺍﻡ ﻋﺘﺎﻭﻟﺔ ﺍﻓﺮﻳﻘﻴا

وﻗﺎﻝ ﻣﺪﺭﺏ ﺍﻟﻬﻼﻝ ﺍﻟﺠﺪﻳﺪ ﻧﺼﺮ ﺍﻟﺪﻳﻦ ﺍﻟﻨﺎﺑﻲ ﺑﺎﻥ ﺍﻟﻬﻼﻝ ﺍﺻﺒﺢ ﻛﻞ ﺣﻴﺎﺗﻪ ﺑﻌﺪ ﻣﻮﺍﻓﻘﺘﻪ ﻋﻠﻰ ﺗﻮﻗﻴﻊ ﺍﻟﻌﻘﺪ ﻣﻌﻪ ﻭ ﻗﺎﻝ ﻓﻲ ﺗﺼﺮﻳﺤﺎﺗﻪ ﻟقناة ﺳﺒﻮﺭﺕ ﺑﺎﻧﻪ ﺳﻴﻜﻮﻥ ﻓﺮﻳﻘﺎ ﺑﺎﻟﻬﻼﻝ ﺳﻴﻬﺰ ﺍﻻﺭﺽ ﺗﺤﺖ ﻋﺘﺎﻭﻟﺔ ﺍﻟﻘﺎﺭﺓ ﺍﻻﻓﺮﻳﻘﻴﺔ ﻭ ﻳﺤﻘﻖ ﺍﻟﺒﻄﻮﻻﺕ ﻭﻗﺎﻝ ﺑﺎﻧﻪ ﻻ ﻳﺨﺸﻲ ﺍﻟﻤﻠﻌﺐ ﺍﻟﻤﺎﻟﻲ ﻭ ﻳﻌﻤﻞ ﻟﻪ ﺍﻟﻒ ﺣﺴﺎﺏ ﻭﻗﺎﻝ ﺑﺎﻥ ﻓﺮﻳﻖ ﺍﻟﻬﻼﻝ ﻣﻌﺮﻭﻑ ﻋﻠﻲ ﺍﻟﻤﺴﺘﻮﻯ ﺍﻻﻓﺮﻳﻘﻲ ﻭ ﻟﻪ ﺑﺼﻤﺔ ﻛﺒﻴﺮﺓ ﻓﻲ ﺍﻟﻘﺎﺭﺓ ﺍﻻﻓﺮﻳﻘﻴﺔ ﺳﺘﻌﻴﻨﻪ ﻋﻠﻰ ﺗﺤﻘﻴﻖ ﺍﻟﻨﺠﺎﺣﺎﺕ ﻣﻌﻪ

الحصل شنو يا النابي متين الفريق حيجهز ؟ بعد بطولة افريقيا

اول مباراة مهمة جدا ويجب ان تعمل المستحيل حتي يتأهل الهلال

ما قلت بلجيكي وفزت بالكنفدراليه كده ما عقدتنا وانت بتقول :

من الصعب مقارنه الهلال مع فرق الاندية الابطال ، وعليه فأن حظوظنا ليست كبيره ولابد من العمل لتلافي النواقص وعندها ستكون حظوظنا كبيرة ، لسنا جاهزين للظفر بالكأس الافريقية ولايمكن ان نخدع جمهور الهلال واذا تم تنفيذ البرنامج الاعدادي سيكون وضعنا افضل

الهلال يا نابي ما متعود يطلع بدري

الهلال بيصل دايما لحد باب الكاس ويدق الباب ويرجع

لماذا لا نقارن الهلال بالفرق الافريقيه القويه

هل في فريق افريقي لعب مع فريق كبير زي زينيت الروسي

اعداد الهلال اكيد افضل من اعداد الفرق الافريقيه

انت يالنابي ما تثبت لينا ان كيسك فاضي

ويجب ان تنطلق بالهلال بقدر ما تأخذ من دولارات

وانت ما ممكن تكون افهم من ناس عيسي حياتو

الهلال ليهو اسمه الكبير في افريقيا

وناس عيسي هم القالوا ان الهلال من كبار شخصيات افريقيا

وهم القالوا ان الهلال يجب ان يقعد في المقصورة الرئيسيه

وهم القالوا ان الهلال يجب ان يعامل في VIP

وهم القالوا الملعب المالي يرجع مع الصغار

وهم القالوا ان حركات المريخ ما بتمشي عليهم والمريخ بالنسبة ليهم زي الزول المزور شهاده

وعندما قدم لهم المريخ شهادة العالمي الدوليه الممهوره من بايرن ميونخ

رفض الكاميروني الغتيت وطلع لسانه

وصاح باعلي صوته ان دي شهادة مزوره

والمريخ يجب ان يدخل امتحان قدرات مع الصغار

ولازم يلبس مريله و يغني اغنية طيري يا طياره

وكانت مباراة كمبالا سيتي المشئومه

والنيلين لن تنقل المباراة لان الهوامير دفعوا ٤٠٠٠٠ الف دولار

والله لا كسبك يا توني ادور لو ماسجلت هدفك كان المريخ نجح في اختبار القدرات

وفعلا سقط المريخ امام كمبالا سيتي التعبان

وصاح عيسي حياتو بأعلي صوته وبالكاميروني ما قلت ليكم الشهاده مزوره

المريخ لا عالمي لا يحزنون

الملعب المالي مولع نار

ويجب ان يستعد له الهلال بسيدي بييه وكوليبالي

تخيلوا نفس السيناريو يحصل للهلال

ويعود حسين لصديقه حسن

وتوته توته خلصت الحدوته



(()) زمان ونحن صغار كان السواح يأتون الي قرانا في حلفا مصطحبين معهم العمال والحفارين لكي ينقبوا عن الآثار وكنا سعداء بقدومهم حيث كانوا يقدمون لنا الحلويات وكانت دهشتنا كبيره لتلك الطائرات الصغيرة التي كانت تنزل في مناطقنا وتحمل ما تحمل من آثارات لا نعرف الي اين يتجهون بها حيث كانوا يقلعون شرقا او غربا -هل ياتري كانت آثارنا النوبية تسرق

ما دفعني لذكر هذه القصه ما قرأته اليوم من بيان لحكومة الولاية الشماليه في ٢٠١٤ حيث يقول :

فرغت حكومة الولاية الشمالية من إجراء تعديلات جديدة على قانون العمل السياحي بالولاية خاصة فيما يتعلق بحماية الآثار بالولاية من السرقة والتلف فيما وصلت النقاشات حول القانون إلى المرحلة النهائية بالمجلس التشريعي.

وقال د.محمد الفاتح أبو شوك وزير الثقافة والإعلام والسياحة بالولاية إن الولاية تستهدف زيارة (2) مليون سائح لهذا العام، موضحاً أن أعداداً كبيرة من السياح بدأت تصل للولاية من البلدان العربية والأوربية، كاشفاً عن مشروع قطري لتسوير المناطق الأثرية وتقديم الخدمات الاجتماعية بتلك المناطق.

وأبان أبوشوك أن تعديلات قانون العمل السياحي الهدف منها حماية الآثار بالولاية بجانب إشراك المواطن في حماية الآثار من السرقة والتلف، موضحاً أن الوزارة ستقوم بجولات ميدانية للمحليات لشرح القانون حال إجازته.

انتهي

يا سبحان الله يا دوب الجماعه بيصدروا قانون حمايه و عام ٢٠١٤ وآثارنا قد نهبت منذ سنين طويله ولا ندري فلربما كانت تتم هذه السرقات بمباركة مسئولين و متنفذيون نراهم اليوم هم حكاما ونخبا- ويقولوا ليك دي اسرة وارثة الغني وقد كونت نفسها بنفسها

هل الآثار السودانيه في ايدي امينه ام هي مهمله يا اخوانا



سطور لابد منها :

(()) هيثم مصطفي وحين انتقل للمريخ قال انه سينهي حياته مع المريخ ببطوله خارجيه - ياربي هل سينال مريخ التمهيدي بطوله خارجيه في حياته وهو دائم الخروج من قولة تيت

(()) الامور سخنت ما بين النيلين والشروق وخوفي ان ينتصر جمال الوالي علي السودان الوطن

(()) فريق اطلع بره الجنوبي الذي استهتر به الاعلام السالب طلع افضل بمراحل من المريخ وهو يخرج من البطوله بضربات الترجيح وفرق بين شيلسي الغاني وكمبالا سيتي الحمام

(()) ختام الطيران :

رائعة الراحل صالح الضى :

يا طير يا ماشي لى أهلنا
بسراع وصل رسايلنا
والشوق ما تنسى ياطاير لكل البسألك عنا
قوليهم على عهدي ما زلنا ومازلنا
ذكراهم أنستنا مشاغلنا
كيف حال بستانا وخمايلنا
وبكرة نجمع شمايلنا

أنا في انتظارك يا طاير
انا راجي
وصل رسايلك ياطاير
أطرى المشاغل
وافرد جناحك ياطاير
على داري
قبال تعود لازم تروح لي تاني مره
ماتنسى زول في الحله إلا تسلم عليهو وتبوس إيديهو



محمد حسن شوربجي