على صفيح ساخن نادر التوم
عصفورين بى ضُفر!!
تسخينة اولى: الضفر ما بطلع من (اللحم) بتاع الضحية
تسخينة تانية: مع إحترامى ليكم هلالكم تعبان
تسخينة تالته: (ضُفر) يا عين!
بالأمس شعرت بإعياء شديد (زى دفاع الهلال) وكدت اترك كتابة هذا العمود
قلت فى نفسى هذه فرصة (سعيدة) ولن اتركها فانا لست مثل مهاجمنا
انا لا اضيع فرصة البتة فى الهلال وما اظن فى احلى من كدا
ياخى المريخ دا الناس بمشوا ليو لحدى شندى كدارى نحن نبخل عليو بى صفيح
ما بنرحمكم والله ، لانو انتو صدارة (مؤقتة) بس لخمتونا بيها لذلك لن نتوقف
حتى يات العيد مع العلم ان الضحية (جهزت خلاس) باقى مسالة زمن بس!
ودى طبعا (تسليكة) للعيد عشان الشنون ما تحتاج لى (ضفر) بعدين فهيا بنا هيا
فاز المريخ على الهلال هذا شئ عادى جدا (مع احترامى ليكم) وفرحت الصفوة
كما لم تفرح من قبل ح تقول لى متناقض؟ كلا ففرح الصفوة الكبيير مبرر
لان الوصيف فلت من الهزيمة ثلاث مرات مرة هزمنا بهدف بشة
مع انو كان مفروض ينهزم على الاقل مازيمبى، ومره عادلوا هم معانا فى استادهم
بعد ان تقدم كلتشى للمريخ وتقدم حمادة داك لقلق فطرده وادرك الهلال التعادل
وفى آخر لقاء فى الدورة (التانية) زى الهلال لقمة الممتاز تسيد الزعيم المباراة
وتقدم بهدف (عجب) ثم تراجع لاعبوه بعد ان اضاعوا ستمية فرصة
وفى اللحظات الأخيرة للمباراة وقبل تكسير الكراسى قام سانيه بنصف عين
بإدراك التعادل، والمباراة الأخيرة لم يكن فيها جديد نفس الفرص الضائعة والإنفرادات
اما الجديد المفرح هو نهايتها بثلاثة اهداف فقط الجديد المفرح للهلالاب قبل المريخاب
لان النتيجة الحقيقية للمباراة كما يقول إعلام الفول هى فوز المريخ بسباعية
ووالله كنت اتمناها سباعية عشان تانى لما تجيبوا سيرات الوحدات نقول ليكم وحدوا الله
ياجماعة نحن برانا اديناكم سبعة ولو زادت وبقت رقم هيثم مصطفى كان يكون اجمل
فرص زى دى ما بتتضيع لكن نقول شنو فى ناسنا ديل (حنينين اوى) وعارفين الضرب
على الميت حرام، مع ان الميت لو لقى فرصة كان ضربهم تحت الحزام
ومفرحة للمريخاب لان دا الوضع الطبيعى ولان المياه عادت لمجاريها ولطبيعتها
نقول: إن المريخ إصطاد عدة عصافير بضفر واحد فى هذه المباراة ولاننا لسنا
من دعاة الوقوف على الاطلال مثل شعراء الجاهلية على طريقة قفا نبكى من الحكم
فإننا ننظر للأمام ونقول ان الفوز سيحقق عصفورين بحجر ونتمنى صعود المريخ والهلال معا
للمباراة النهائية وهنا سوف تاتى العصافير، وصول الفريقين للنهائى فيه فائدة لكليهما كيييف؟
سألتونى، طبعا يا رفاق أخونا الهلال فى ناس إتخرجوا من الجامعات ولسه ما شافوهو حصل النهائى
اهو على الاقل الجيل الجديد يقتنع انو بشجع فى فريق يمكن يصل النهائى وما يكون بضيع فى زمنو
زى ما ناس ساكواها واديكو وكلتشى وعجبكو والباشا وغيرهم وغيرهم بضيعوا فى الفرص
والعصفور التانى للمريخ بان يلاقى (العصفور) الاول فى النهائى ودا كاس مضمون مليون وخمسين فى المية اكتر من ما نلاقى دوجليبا نحن نكون عدنا لى منصات التتويج وفارقنا محطة وصلنا النهائى الفين وسبعة وشلنا مانديلا مع الانقاذ وهم يكونوا بعد كم وعشرين سنة وصلوا النهائى من جديد عليكم الله ما انجاز؟
لكين مع احتلاامى ليكم انا خايف الهلال يخذلنا لانو شايف حكاية الخروج من دور الاربعة دى راقت ليو شدييد!
مناشدة
وعشان الهلال ما يخذلنا انا بناشد الصفوة يساندوا الهلال فى مباراته هنا فى ام درمان فى المعبرة
لانو دى ح تكون المباراة الاولى العليها الرك ما ح تساندوهم عشانهمم تتذكروا لمن ساندتوهم مع الانتر كنتو انتو الكسبانين يعنى دى مساندة مؤقتة زى الصدارة بتاعتهم عرفتو؟ وبعد داك لما عصافير الخريف دى تجينا
بنعرف نساند زعيمنا كيف يعنى دى على طريقة (فقه المرحلة) البلد دى بقت كلو زول يفقه براو
وبعدين دوجليبا دا ما فريق مرعب ولا شئ متين، هو كان مرعب بياخد تلاته ضفر؟
ح تقولوا لى لكين لعب بالصف الثانى الإبتدائى، وح اقول ليكم: شنو يعنى؟ ما الهلال التانى دا
برضو لعب بالصف التانى لكين جاب قونيين ولو ما الحكم احتمال كان يغلب ولا يدرن
يعنى الطريق للهلال مفروش عشان يجيب لينا كاسنا فى النهائى دايرين مناشدة كبيرة
وكان عندهم مشكلة استاد ولا جمهور زى ناس الاهلى عاادى ممكن يجوا يلعبوها فى المفخرة
ما قبل كدا لعبوا فيها وكسروها الجديد شنو يعنى؟ نحن نبقى احسن يا جماعة ودى مناشدة ليكم شان نشجع الهلال
ح تقولوا متناقض لانو كلامى بطلع المالى اضعف من الهلالى لكين مافى تناقض كلهم ضعيفين نحن بس دايرين (ينوبنا ثواب) مع الهلالاب ونوصلهم للنهائى الما قادرين يصلوا ليهو ليهم زمن دا.
منظمة الإيثار
والله المريخ دا فريق عظيم، ضمن المركز الاول من بدرى، وطالما ان دوجليبا المالى بى هناك برضو كان قويا
وضمن المركز الاول فإن الهلال اصبح فى مواجهة مباشرة مع المالى (فيس تو فيس)
قام شنو؟ قام المريخ لانو ضمن التاهل بدرى والصدارة والهلال ضمن الوصافة بدرى قام خلا الهلال
يعرف مصيرو من بدرى من انو ح يلاقى دوجليبا (مع انو غرزتة اتمنى كدا)
والمريخ آثر الهلال وبقى لحدى الجولة الاخيرة ما عارف ح يلاقى منو.. الإبثار هنا فى شنو؟
فى شنو كيف؟ يعنى المريخ ورى الهلال منافسو بدرى وآثر انو يعرف منافسو بعد ما يطمن على الهلال!
إنصراااف!
فى العسكرية لما يقولوا انصراف معناتها كل زول يلزم محلو وسكناتو
لكين فى الهلال الكلام معكوس الإنصراف يعنى انو الناس تمسك فى الموضوع
وهسه هم انصرفوا للتحكيم والكلام عن ضربات (الأذى) بالله؟ ومع احترامى ليكم دى ماركتكم
ودى بضاعتكم ردت اليكم بالطريقة دى ح تخذلونا جد جد وما ح ترافقونا للنهائى
لانو الكلام الكتير عن التحكيم ح يخلى دوجليبا يطبق فيكم نظرية مازيمبى
وبعدين شنو هدفين مهند هدفين مهند ويدرسوهم وحلوات قووول حلوات قووول بتدرسن اها ادنكم صدارة
ولا زحنكم من ملاقاة دوجليبا المالى؟ ياخ خليكم منطقيين واكتبوا كلام يفيد الفريق والقاعدة
(القاعدة) المنتظرة الوصول للنهائى بعد ان استعصى الوصول لمنصات التتويج!
غدا باذن الله نحكى عن التانى (مريخيا) وعن المحللين والمعلقين البضحكوا
ويظل المريخ الحاضر والمستقبل والتأريخ وكلنا مبسوطين
ويا مريخ من زمان مالك؟
وما يضير البحر أمسى زاخرا إن رمى فيه غلام بحجر؟
آخر قطرة: وانا (مالى)؟
وهذه بصمتى
عصفورين بى ضُفر!!
تسخينة اولى: الضفر ما بطلع من (اللحم) بتاع الضحية
تسخينة تانية: مع إحترامى ليكم هلالكم تعبان
تسخينة تالته: (ضُفر) يا عين!
بالأمس شعرت بإعياء شديد (زى دفاع الهلال) وكدت اترك كتابة هذا العمود
قلت فى نفسى هذه فرصة (سعيدة) ولن اتركها فانا لست مثل مهاجمنا
انا لا اضيع فرصة البتة فى الهلال وما اظن فى احلى من كدا
ياخى المريخ دا الناس بمشوا ليو لحدى شندى كدارى نحن نبخل عليو بى صفيح
ما بنرحمكم والله ، لانو انتو صدارة (مؤقتة) بس لخمتونا بيها لذلك لن نتوقف
حتى يات العيد مع العلم ان الضحية (جهزت خلاس) باقى مسالة زمن بس!
ودى طبعا (تسليكة) للعيد عشان الشنون ما تحتاج لى (ضفر) بعدين فهيا بنا هيا
فاز المريخ على الهلال هذا شئ عادى جدا (مع احترامى ليكم) وفرحت الصفوة
كما لم تفرح من قبل ح تقول لى متناقض؟ كلا ففرح الصفوة الكبيير مبرر
لان الوصيف فلت من الهزيمة ثلاث مرات مرة هزمنا بهدف بشة
مع انو كان مفروض ينهزم على الاقل مازيمبى، ومره عادلوا هم معانا فى استادهم
بعد ان تقدم كلتشى للمريخ وتقدم حمادة داك لقلق فطرده وادرك الهلال التعادل
وفى آخر لقاء فى الدورة (التانية) زى الهلال لقمة الممتاز تسيد الزعيم المباراة
وتقدم بهدف (عجب) ثم تراجع لاعبوه بعد ان اضاعوا ستمية فرصة
وفى اللحظات الأخيرة للمباراة وقبل تكسير الكراسى قام سانيه بنصف عين
بإدراك التعادل، والمباراة الأخيرة لم يكن فيها جديد نفس الفرص الضائعة والإنفرادات
اما الجديد المفرح هو نهايتها بثلاثة اهداف فقط الجديد المفرح للهلالاب قبل المريخاب
لان النتيجة الحقيقية للمباراة كما يقول إعلام الفول هى فوز المريخ بسباعية
ووالله كنت اتمناها سباعية عشان تانى لما تجيبوا سيرات الوحدات نقول ليكم وحدوا الله
ياجماعة نحن برانا اديناكم سبعة ولو زادت وبقت رقم هيثم مصطفى كان يكون اجمل
فرص زى دى ما بتتضيع لكن نقول شنو فى ناسنا ديل (حنينين اوى) وعارفين الضرب
على الميت حرام، مع ان الميت لو لقى فرصة كان ضربهم تحت الحزام
ومفرحة للمريخاب لان دا الوضع الطبيعى ولان المياه عادت لمجاريها ولطبيعتها
نقول: إن المريخ إصطاد عدة عصافير بضفر واحد فى هذه المباراة ولاننا لسنا
من دعاة الوقوف على الاطلال مثل شعراء الجاهلية على طريقة قفا نبكى من الحكم
فإننا ننظر للأمام ونقول ان الفوز سيحقق عصفورين بحجر ونتمنى صعود المريخ والهلال معا
للمباراة النهائية وهنا سوف تاتى العصافير، وصول الفريقين للنهائى فيه فائدة لكليهما كيييف؟
سألتونى، طبعا يا رفاق أخونا الهلال فى ناس إتخرجوا من الجامعات ولسه ما شافوهو حصل النهائى
اهو على الاقل الجيل الجديد يقتنع انو بشجع فى فريق يمكن يصل النهائى وما يكون بضيع فى زمنو
زى ما ناس ساكواها واديكو وكلتشى وعجبكو والباشا وغيرهم وغيرهم بضيعوا فى الفرص
والعصفور التانى للمريخ بان يلاقى (العصفور) الاول فى النهائى ودا كاس مضمون مليون وخمسين فى المية اكتر من ما نلاقى دوجليبا نحن نكون عدنا لى منصات التتويج وفارقنا محطة وصلنا النهائى الفين وسبعة وشلنا مانديلا مع الانقاذ وهم يكونوا بعد كم وعشرين سنة وصلوا النهائى من جديد عليكم الله ما انجاز؟
لكين مع احتلاامى ليكم انا خايف الهلال يخذلنا لانو شايف حكاية الخروج من دور الاربعة دى راقت ليو شدييد!
مناشدة
وعشان الهلال ما يخذلنا انا بناشد الصفوة يساندوا الهلال فى مباراته هنا فى ام درمان فى المعبرة
لانو دى ح تكون المباراة الاولى العليها الرك ما ح تساندوهم عشانهمم تتذكروا لمن ساندتوهم مع الانتر كنتو انتو الكسبانين يعنى دى مساندة مؤقتة زى الصدارة بتاعتهم عرفتو؟ وبعد داك لما عصافير الخريف دى تجينا
بنعرف نساند زعيمنا كيف يعنى دى على طريقة (فقه المرحلة) البلد دى بقت كلو زول يفقه براو
وبعدين دوجليبا دا ما فريق مرعب ولا شئ متين، هو كان مرعب بياخد تلاته ضفر؟
ح تقولوا لى لكين لعب بالصف الثانى الإبتدائى، وح اقول ليكم: شنو يعنى؟ ما الهلال التانى دا
برضو لعب بالصف التانى لكين جاب قونيين ولو ما الحكم احتمال كان يغلب ولا يدرن
يعنى الطريق للهلال مفروش عشان يجيب لينا كاسنا فى النهائى دايرين مناشدة كبيرة
وكان عندهم مشكلة استاد ولا جمهور زى ناس الاهلى عاادى ممكن يجوا يلعبوها فى المفخرة
ما قبل كدا لعبوا فيها وكسروها الجديد شنو يعنى؟ نحن نبقى احسن يا جماعة ودى مناشدة ليكم شان نشجع الهلال
ح تقولوا متناقض لانو كلامى بطلع المالى اضعف من الهلالى لكين مافى تناقض كلهم ضعيفين نحن بس دايرين (ينوبنا ثواب) مع الهلالاب ونوصلهم للنهائى الما قادرين يصلوا ليهو ليهم زمن دا.
منظمة الإيثار
والله المريخ دا فريق عظيم، ضمن المركز الاول من بدرى، وطالما ان دوجليبا المالى بى هناك برضو كان قويا
وضمن المركز الاول فإن الهلال اصبح فى مواجهة مباشرة مع المالى (فيس تو فيس)
قام شنو؟ قام المريخ لانو ضمن التاهل بدرى والصدارة والهلال ضمن الوصافة بدرى قام خلا الهلال
يعرف مصيرو من بدرى من انو ح يلاقى دوجليبا (مع انو غرزتة اتمنى كدا)
والمريخ آثر الهلال وبقى لحدى الجولة الاخيرة ما عارف ح يلاقى منو.. الإبثار هنا فى شنو؟
فى شنو كيف؟ يعنى المريخ ورى الهلال منافسو بدرى وآثر انو يعرف منافسو بعد ما يطمن على الهلال!
إنصراااف!
فى العسكرية لما يقولوا انصراف معناتها كل زول يلزم محلو وسكناتو
لكين فى الهلال الكلام معكوس الإنصراف يعنى انو الناس تمسك فى الموضوع
وهسه هم انصرفوا للتحكيم والكلام عن ضربات (الأذى) بالله؟ ومع احترامى ليكم دى ماركتكم
ودى بضاعتكم ردت اليكم بالطريقة دى ح تخذلونا جد جد وما ح ترافقونا للنهائى
لانو الكلام الكتير عن التحكيم ح يخلى دوجليبا يطبق فيكم نظرية مازيمبى
وبعدين شنو هدفين مهند هدفين مهند ويدرسوهم وحلوات قووول حلوات قووول بتدرسن اها ادنكم صدارة
ولا زحنكم من ملاقاة دوجليبا المالى؟ ياخ خليكم منطقيين واكتبوا كلام يفيد الفريق والقاعدة
(القاعدة) المنتظرة الوصول للنهائى بعد ان استعصى الوصول لمنصات التتويج!
غدا باذن الله نحكى عن التانى (مريخيا) وعن المحللين والمعلقين البضحكوا
ويظل المريخ الحاضر والمستقبل والتأريخ وكلنا مبسوطين
ويا مريخ من زمان مالك؟
وما يضير البحر أمسى زاخرا إن رمى فيه غلام بحجر؟
آخر قطرة: وانا (مالى)؟
وهذه بصمتى
