على صفيح ساخن نادر التوم
الهلال (برو) بى ضربتين!
تسخينة: لا تبصق فى التحكيم فربما تحتاجه يوما
تسخينة تانية: الجمل ما بشوف عوجة رقبتو
تسخينة تالتة: حلال على بلابله الدوح حرام على التانين؟؟
كل عام الأمة الإسلامية بخير، نحن اليوم نتنسم عبق يوم عظيم باهى فيه المولى عز وجل ملائكته الكرام
بان هؤلاء عبادى اتوا من كل فج عميق؛ يجهرون لى بالتلبية وينكسرون لى بالخضوع يوم نصومه نحن
لان ذنوبنا تزن الجبال ووعود الحق ماضية الغنى فى النكاح والتكفير سنتين فى صيام هذا اليوم
وبما ان (نية المرء خير من عمله) فان كل من نوى صيام هذا اليوم العظيم ولم يوفق لاى سبب من الاسباب
مرض او سفر او غيره كتبه الله له، فالله هو الكريم الذى يعطى بلا حساب ودون ان يؤثر ذلك فى ملكه
كل عام وانتم بخير هلالاب ومريخاب ورياضيين اعاده الله علينا فى خير حال ونحن احسن رياضيا
واجتماعيا وفى كل المجالات، وربنا يحقق الأمانى!
فاز الهلال على النيل بضربتين اقصد بهدفين دون رد وكان الحكم منح الفريق الأزرق ركلتى جزا أصر نزار حامد ان يضيعها
ورغم ذلك خرج التانى مريخيا منتصرا، لكن طالما ان مشوار الدورى لازال مستمرا فان تعثر الهلال وارد
وشخصيا لن (اقنع) الا بعد لن يعلن الحكم آخر صافرة لآخر مباراة فى الدورى، اليوم لن يتحدث الهلالاب عن التحكيم
ولا عن ضربات الجزاء، مع (تعويضات) الحكم الذى بفعلته هذه يؤثر على الهلال لانه سيفأجا مستقبلا بتحكيم افريقى
خطير وشرس ولو انه هزم امام النيل كان خيرا له من ان يهزم من دوجليبا المالى
الحكم اعاد للهلال الروح و(الامل) لكنه لن يمح او يمسح من الذاكرة الثلاثية المريخية (المولعة)
والتى لولا الحظ العاثر وعدم التركيز لكانت متزيمبية ولا ثمانية.. قدر ولطف!
اليوم ستتحدث الصحف الزرقاء عن الصدارة والاسياد والاقمار والاستبسال وستقلل من قدر الزعيم
مع ان كل هذا لا ينفى ان الهلال تحت المريخ وسيظل الهلال (التانى مريخيا) ولو وجدنا تحكيما (ممتازا)
لكان التانى ممتازيا، عموما لا يغرنكم انتصاركم على النيل والبحراوية وغيرهم فنحن الاسياد الصحى صحى!
إقتراح
من المتوقع_ جدا جدا_ان يتاهل المريخ على حساب ليوبارد لاننا بدأنا بالفهود الصعود للمجموعات
وسنبدأ بالفهود الصعود للمنصات إن شاء الله، ومن المتوقع جدا ان يتاهل معنا دوجليبا فارق النقاط والإمكانات وااضح
وهو يرجح كفة هذا الثنائى (القوى)، اما الهلال وليوبارد فهما سيطيران رغم وقفة الصفوة مع الاول حسب مناشدتنا ورغم وقوف الحظ والتطور مع الثانى الثانى فى المجموعة ديك والثانى مريخيا ما عندهم اى وجود فى النهائى عشان ما يغشوكم ساكت وعشان ما تعشموا ساكت اكون واضح معاكم من هسه، اصلو عندكم اعلام زى مصطفى يونس ممكن يقلب الفسيخ عصير مشكل عدييل كدا
طيب انا داير اقول شنو فى الحتة دى؟ داير اقدم إقتراح انو المريخ يلعب المباراة النهائية فى نيجيريا.. حتقولوا لى لييه والكلام بتاع العواطف دا والمفخرة وغيرو صح يا عمدة؟ اول حاجة الهلالاب ديل بعد يطيروا ما حيريحوا علينا وشفتو عينهم الزرقاء دى عملت معانا شنو فى لقاء الصفاقسى! يعنى نحن ممكن نقول للكاف نحن والله وزى ما انتو عارفين عندنا وصيف كونفدرالى خطير خلانا على الحديدة ما خلا لينا جنبة كرسى نقعد عليها وما بنضمن تانى يكرروا نفس التكسر عشان كدا ودونا نيجيريا
طبعا ح تسالونى واش معنى بس يا ود التوم نيجيرياااا؟ ودا طبعا سؤال وجيه وموضوعى جدا.. تخريمة انتو حكم النيل والهلال دا زامبى؟؟؟ نان خبارو عدالن ضربتين؟ عادوهو ولا شنو؟؟ المشكلة ما عندهم لعيبة زامبيين بسجلوا
نرجع لى اجابة سؤالنا نيجيريا لى سببين عشان نعيد ذكرى مانديلا (من جديد) شوف من جديد دى حلوة كيف الاغنية مهداة للصفر الطويل، يعنى نرجع ذكريات جيل مانديلا، اها السبب التانى شنووو يا ود التووووم؟ سؤال كويس برضو.. السبب التانى دايرين نكون محضر خير ونجيب الود (فالنتاين) دا معانا نجيب كاس ومعاهو عيد الحب هدية لى باقى الناس قصرنا معاهم؟؟؟
نار على نار
ما بهمنا(حل المجلس) حل التمرين حل اى حاجة شرعى ما شرعى كلو ما بخصنا
نحن بنعرف حاجة واااحدة بس آخر كورة ضاربين التانى مريخيا تلاته مع الرأفة
مناشدة تانية للجنة القانونية ولى جماهير المريخ الصحف الزرقاء دى عليييكم الله ما تشتكوهم مساكين ياخ
دايرين يبيعوا وبعد كدا ما باعو زى غرزتة خزن لعيبتو (الكبارا) ولعب بالصف الثانى ومع كدا غن شاء الله ينضرب!
طالما انو الهلال ما عندو بطولات واسمو ما مسجل فى الكاف نقترح يقوموا يسجلوا ليو اهداف مهند العاجباهم دى
بقولوا (تتزامن مع) وليس (تتزامن ب).. معذورين الثلاثية بتعمل اكتر من كدا
صاح الهلال عندو ضربات كتيييرة يا اخونا ابراهيم عبدالله (دا غير حقات امس) لكين كلام دا ما مقنع للهلالاب
هم دايرينها ليهم هم بس وما يحسبوها للتانيين.. والله مساكين ومغلوبين وغلبانيين وضحية كمان ولا حول ولا قوة الا بالله!
اعملوا حسابكم من ليوبارد اول شئ الفريق دا زى الإثيوبيين يعنى عندو قاعدة كبييرة وبعديين اول مرة يصل المرحلة دى
وقال ليك فى بلدو (زى الهلال) بغلب بى اى طريقة يعنى الناس تكون حذرة والكلام المحبط المثبط البقول فيو ريكاردو دا
احسن توقفوهو منو شنو ما بوعدكم وما بغلب ليكم وكان ما اتاهلت ما على، اصلو لو جاتنا كفوة بتجينا من ريكو دا
ما بتوعدنا زح خلينا يا معلم فاروق جبرة بقدر يوعدنا ويوفى إن شاء الله واللاعبين يشدوا حيلهم يا جماعة دى فرصة نفس فرصة الاثيوبى لكين ممكن تضيع بى نفس الطريقة الضاعت بيها ديك عشان كدا خليكم جادين نحن املنا كان فى الابطال لكين ممكن نتصبر بالكونفدرالية زى ما الهلال كان املو فى الكونفدرالية وهسه ما مصدق استرجع الممتاز والناس طموحها بختلف صُح؟
ناس الهلال طولوا ما (برو) فى دور الاربعة!
ويظل المريخ الحاضر والمستقبل والتأريخ وكلنا مريخاب
ويا مريخ خليت الناس يكتبوا شعر فى النيل
وما يضير البحر أمسى زاخر إن رمى فيه غلام بحجر؟؟؟
آخر قطرة: عدت يا عيدى بدون (ضفور)!
وهذه بصمتى
الهلال (برو) بى ضربتين!
تسخينة: لا تبصق فى التحكيم فربما تحتاجه يوما
تسخينة تانية: الجمل ما بشوف عوجة رقبتو
تسخينة تالتة: حلال على بلابله الدوح حرام على التانين؟؟
كل عام الأمة الإسلامية بخير، نحن اليوم نتنسم عبق يوم عظيم باهى فيه المولى عز وجل ملائكته الكرام
بان هؤلاء عبادى اتوا من كل فج عميق؛ يجهرون لى بالتلبية وينكسرون لى بالخضوع يوم نصومه نحن
لان ذنوبنا تزن الجبال ووعود الحق ماضية الغنى فى النكاح والتكفير سنتين فى صيام هذا اليوم
وبما ان (نية المرء خير من عمله) فان كل من نوى صيام هذا اليوم العظيم ولم يوفق لاى سبب من الاسباب
مرض او سفر او غيره كتبه الله له، فالله هو الكريم الذى يعطى بلا حساب ودون ان يؤثر ذلك فى ملكه
كل عام وانتم بخير هلالاب ومريخاب ورياضيين اعاده الله علينا فى خير حال ونحن احسن رياضيا
واجتماعيا وفى كل المجالات، وربنا يحقق الأمانى!
فاز الهلال على النيل بضربتين اقصد بهدفين دون رد وكان الحكم منح الفريق الأزرق ركلتى جزا أصر نزار حامد ان يضيعها
ورغم ذلك خرج التانى مريخيا منتصرا، لكن طالما ان مشوار الدورى لازال مستمرا فان تعثر الهلال وارد
وشخصيا لن (اقنع) الا بعد لن يعلن الحكم آخر صافرة لآخر مباراة فى الدورى، اليوم لن يتحدث الهلالاب عن التحكيم
ولا عن ضربات الجزاء، مع (تعويضات) الحكم الذى بفعلته هذه يؤثر على الهلال لانه سيفأجا مستقبلا بتحكيم افريقى
خطير وشرس ولو انه هزم امام النيل كان خيرا له من ان يهزم من دوجليبا المالى
الحكم اعاد للهلال الروح و(الامل) لكنه لن يمح او يمسح من الذاكرة الثلاثية المريخية (المولعة)
والتى لولا الحظ العاثر وعدم التركيز لكانت متزيمبية ولا ثمانية.. قدر ولطف!
اليوم ستتحدث الصحف الزرقاء عن الصدارة والاسياد والاقمار والاستبسال وستقلل من قدر الزعيم
مع ان كل هذا لا ينفى ان الهلال تحت المريخ وسيظل الهلال (التانى مريخيا) ولو وجدنا تحكيما (ممتازا)
لكان التانى ممتازيا، عموما لا يغرنكم انتصاركم على النيل والبحراوية وغيرهم فنحن الاسياد الصحى صحى!
إقتراح
من المتوقع_ جدا جدا_ان يتاهل المريخ على حساب ليوبارد لاننا بدأنا بالفهود الصعود للمجموعات
وسنبدأ بالفهود الصعود للمنصات إن شاء الله، ومن المتوقع جدا ان يتاهل معنا دوجليبا فارق النقاط والإمكانات وااضح
وهو يرجح كفة هذا الثنائى (القوى)، اما الهلال وليوبارد فهما سيطيران رغم وقفة الصفوة مع الاول حسب مناشدتنا ورغم وقوف الحظ والتطور مع الثانى الثانى فى المجموعة ديك والثانى مريخيا ما عندهم اى وجود فى النهائى عشان ما يغشوكم ساكت وعشان ما تعشموا ساكت اكون واضح معاكم من هسه، اصلو عندكم اعلام زى مصطفى يونس ممكن يقلب الفسيخ عصير مشكل عدييل كدا
طيب انا داير اقول شنو فى الحتة دى؟ داير اقدم إقتراح انو المريخ يلعب المباراة النهائية فى نيجيريا.. حتقولوا لى لييه والكلام بتاع العواطف دا والمفخرة وغيرو صح يا عمدة؟ اول حاجة الهلالاب ديل بعد يطيروا ما حيريحوا علينا وشفتو عينهم الزرقاء دى عملت معانا شنو فى لقاء الصفاقسى! يعنى نحن ممكن نقول للكاف نحن والله وزى ما انتو عارفين عندنا وصيف كونفدرالى خطير خلانا على الحديدة ما خلا لينا جنبة كرسى نقعد عليها وما بنضمن تانى يكرروا نفس التكسر عشان كدا ودونا نيجيريا
طبعا ح تسالونى واش معنى بس يا ود التوم نيجيرياااا؟ ودا طبعا سؤال وجيه وموضوعى جدا.. تخريمة انتو حكم النيل والهلال دا زامبى؟؟؟ نان خبارو عدالن ضربتين؟ عادوهو ولا شنو؟؟ المشكلة ما عندهم لعيبة زامبيين بسجلوا
نرجع لى اجابة سؤالنا نيجيريا لى سببين عشان نعيد ذكرى مانديلا (من جديد) شوف من جديد دى حلوة كيف الاغنية مهداة للصفر الطويل، يعنى نرجع ذكريات جيل مانديلا، اها السبب التانى شنووو يا ود التووووم؟ سؤال كويس برضو.. السبب التانى دايرين نكون محضر خير ونجيب الود (فالنتاين) دا معانا نجيب كاس ومعاهو عيد الحب هدية لى باقى الناس قصرنا معاهم؟؟؟
نار على نار
ما بهمنا(حل المجلس) حل التمرين حل اى حاجة شرعى ما شرعى كلو ما بخصنا
نحن بنعرف حاجة واااحدة بس آخر كورة ضاربين التانى مريخيا تلاته مع الرأفة
مناشدة تانية للجنة القانونية ولى جماهير المريخ الصحف الزرقاء دى عليييكم الله ما تشتكوهم مساكين ياخ
دايرين يبيعوا وبعد كدا ما باعو زى غرزتة خزن لعيبتو (الكبارا) ولعب بالصف الثانى ومع كدا غن شاء الله ينضرب!
طالما انو الهلال ما عندو بطولات واسمو ما مسجل فى الكاف نقترح يقوموا يسجلوا ليو اهداف مهند العاجباهم دى
بقولوا (تتزامن مع) وليس (تتزامن ب).. معذورين الثلاثية بتعمل اكتر من كدا
صاح الهلال عندو ضربات كتيييرة يا اخونا ابراهيم عبدالله (دا غير حقات امس) لكين كلام دا ما مقنع للهلالاب
هم دايرينها ليهم هم بس وما يحسبوها للتانيين.. والله مساكين ومغلوبين وغلبانيين وضحية كمان ولا حول ولا قوة الا بالله!
اعملوا حسابكم من ليوبارد اول شئ الفريق دا زى الإثيوبيين يعنى عندو قاعدة كبييرة وبعديين اول مرة يصل المرحلة دى
وقال ليك فى بلدو (زى الهلال) بغلب بى اى طريقة يعنى الناس تكون حذرة والكلام المحبط المثبط البقول فيو ريكاردو دا
احسن توقفوهو منو شنو ما بوعدكم وما بغلب ليكم وكان ما اتاهلت ما على، اصلو لو جاتنا كفوة بتجينا من ريكو دا
ما بتوعدنا زح خلينا يا معلم فاروق جبرة بقدر يوعدنا ويوفى إن شاء الله واللاعبين يشدوا حيلهم يا جماعة دى فرصة نفس فرصة الاثيوبى لكين ممكن تضيع بى نفس الطريقة الضاعت بيها ديك عشان كدا خليكم جادين نحن املنا كان فى الابطال لكين ممكن نتصبر بالكونفدرالية زى ما الهلال كان املو فى الكونفدرالية وهسه ما مصدق استرجع الممتاز والناس طموحها بختلف صُح؟
ناس الهلال طولوا ما (برو) فى دور الاربعة!
ويظل المريخ الحاضر والمستقبل والتأريخ وكلنا مريخاب
ويا مريخ خليت الناس يكتبوا شعر فى النيل
وما يضير البحر أمسى زاخر إن رمى فيه غلام بحجر؟؟؟
آخر قطرة: عدت يا عيدى بدون (ضفور)!
وهذه بصمتى
