على صفيح ساخن نادر االتوم
طريق الشوق_أخيرة-
فاصل قصير قلنا (ننجم) فيه مع الوصيف ثم نعود وها قد انجمينا وها قد عدنا، إنتهينا من قصة المدرب واللاعبين والإدارة والإعلام بقى أمامنا الآن الصفوة ملح الزعيم ورفيق دروب انتصاراته، قبل اعوام قال الأخ جمال الوالى انهم لم يكونوا يحلمون بالوصول للنهائى فى وقت كان فيه الوصول للبطل فقط و (الوصفاء يمتنعون) ولا مكان لوصيف إذ أن المسالة مختصرة اول هذه المجموعة مع اول المجموعة الأخرى مباشرة للنهائى، حينها لم يتقبل الناس هذا العذر حيث كان الزعيم يتمتع بخامات ممتازة من اللاعبين ومدرب عالمى (فيستر) قاد الكميرون لنهائى الكان بعد قيادة مريخنا للنهائى الكونفدرالى، لذلك نقول ان الطموح الآن هو البطولة وهذا طموح لو تعلمون قليل حيث كنا نطمح ونتمنى ونتوق للأبطال لكن الإستهتار بمازيمبى والخوف منه هو الذى أخرجنا وأحرجنا بينما خرج الآخرون على يدى فريق ضعيف هو الشلف، الآن كل العيون معلقة ببطولة (جديدة) ننتظرها لكى نراها (راى العين) بينما غيرنا يشمها (قدحة)، نقول الدور تكاملى نطمح فى تكامل كل من ذكرنا لاعبين جهاز فنى زإدارى إعلام وجمهور، راينا كيف كان الجمهور الإثيوبى رائعا وهو يعطى منتخبه الدفع المعنوى لكسب اللقاء والتاهل، وجماهير المربخ لا تقصر فى الإحتشاد، لكنها مع الأسف تقصر فى التشجيع مع ان هناك شباب يشجعون الزعيم بحرارة وبعنفوان، ينبغى ان تزول كل الخلافات وان يشجع المشجعون (الكيان) ويكونوا العون والسند لللاعبين للظفر ببطولة الكونفدرالية تمهيدا لحصوله على الأبطال العام المقبل بإذن الله!
وحينها سنعبر ونصل غايتنا ونحقق بطولتنا ونرجع للسودان افراحه وللناس سعادتهم الغائبة ونمسح عنهم آلامهم ودموعهم المستمرة بإذن الله، سنحقق الكاس وحينها سأعيد لكم حلقات (طريق الشوق) مجتمعة، وعلى درب البطولات نلتقى بإذن الله!
بالدارجى (الفصيح)
والله ناس الهلال ديل حيرونا عديل كدا معقول ناس الهجين يتكلموا فى التحكيم؟
يا عالم احمدوا الله طلعت على كدا والله مفروض تصل ستة سبعة والمحيرنى ومضحكنى كمان بقولوا باااع عليك الله الهلال دا داير ليو باع هسه انتو ما بتشوفوا ولا شنو؟
هيثم صديق قال الح يكون معانا فى السوبر منو؟ ح يكون معاك ناس عمر الجندى، لكين إحتمال فى السوبر يكون معانا الهلال، ااى الهلال ذااااتو
هم مش قالوا ماتغلبوا من ما بدا الموسم دا؟؟ معناتها الشلف لسه ما طيرهم معناتها جايز يشيلوا كاس الابطال معناتها نحن لو شلنا الكونفدرالية (إن شاء الله) هم ح يلاقونا، وفى امل يشيلوا السوبرمننا ويمشوا يشيلوا كاس العالم للأندية من اليابان
الكلام دا بدلل على خمسة حاجات اتنين اللى هم انو اول هزيمة تلقاها الهلال من المريخ
الهلال اول هزيمة والمريخ اول المجموعة شئ عجيب
لو حقق المريخ هذه البطولة ستكون اجمل بطولة، يعنى ما ح نسمع الصفيح (الساكت) وكاسات الزنك والجعرانية وغيرها وغيرها ح نكون لاقينا فيها الهلال وطقيناهو فى ملعبنا ودرن(هو) معانا فى معبرتو يعنى شلنا منو اربعة نقاط وبعدين رصيدنا اربعطاشر نقطة شئ عجيب
انتو ما ملاحظين حاجة آجماعة؟ المجموعة فيها (تلاتة) فرق سودانية المريخ عندو (زى ما قلنا) 14 نقطة والفريقين التانيات مجموع نقاطهم قدرو شئ عجيب صاح؟ وهذا (مانديلا) إنما يدل على انه (سودان المريخ) بحق وحقيقة!
اهلى شندى غلب الانتر هناك واتغلب من هنا (عملتو شنو يعنى)؟؟ وصارت المجموعة اولها سودانى وآخرها سودانى ونصها (حشو) ساكت
الاهلى فرط من بدرى واضاع نقاطا كانت مضمونة بسبب خوف مدربه الكوكى هو الهلال دا متين غلب هلال شندى فى شندى؟ وكمان بعد بقى فى فرصة اخرى الدعيع قال بهنى الهلال بالتاهل.
أحكى ليكم نكتة؟؟ قال ليك فى امام الجامع بوصى فى المصلين قال ليهم يا جماعة ما ضرورى الزول ياكل لحم خروفو كلو تلاتة اتنين(كيلويين) كفاية وزعوا الباقى على المساكين ما تردموها فى التلاجة احسن يصيبها برد، ولدو قام جا البيت لقى التلاجة مليااانه طلع اللحم كلو خلى كيلوين بس ابوهو لقاهو بلملم فى اللحم قال ليو دا شنو ياود النيل؟ قال ليو يا ابوى انت فى الخطبة ما قلت الناس توزع اللحوم وما تدسدسها فى التلاجة؟ قال لية صُح يا ابنى صح.. لكين نحن بنقول وهم بنفذوا وغرزتة عمل(نفس الشئ) طالب لاعبيه بالهدوء لكنه انفجر هو يقول وهم يعملوا.. الايام دى (الطوابير) كتيرة خلاص العيش الكهربا الطعمية الهلال.. صح يا عالم صح؟ شئ عجيييب!
الا صحيح هيثم كان لاعب صح، الا صحيح غارزيتو شات الكورة؟ صح، الا صحيح غرزته (تمنى) ملاقاة دوجليبا؟؟ صح يا عمدة صح
صح يا عمدة صح؟؟ يا اولاد الهلييييل!
عرض جنن العالم تلاتى اقووان انترنت بى لاعبين بس؟؟ عجب انت وصلت شباك الهلااال والنبى احجز لى قوون جنبك
الا صحيح غارزيتو جددوا ليو؟ لا يااعمدة دى إشاعات.. حتما إشاعات احسن يصيبو برد!
الهلال لسه متصدر دا طبعا حسب كلام اعلام الهلال بإعتبار انو اقوان ساكواها زى اقوان الشلف (ضربات جزا) وفعلا ضربتين فى جمعة يوم السبت من سكوهة واحدة بقلعوا الضفر
قلت ليكم تدمير البيت الازرق يتم بتحقيق الفوز عليه وها قد دمرناه دمرناهو وطبعا صُح
يبدو ان لخونا سانى لا يستطيع احراز الاهداف الا بعين واحدة لانو الكرة الضيعة ديك وفلتت فوووق شكلو كان مفتح عيونو شديد لو كانت عين واحدة كان خشت.. والله يستر من دوجليبا والله يستر من الذكرى المازيمبية ومن بعدك وييين الحنية، دور الاربعة مافيو يمة ارحمينى عشان تكونوا عارفين يعنى فرص زى دى دوجليبا كان من بدرى ى ى اداكم خمسة، وتاكيد صعود دوجليبا سيحسم من مباراة الذهاب بإذن الله يا ريكاردو من هسه كلفوا ليكم زول بى شريط المباراة دى عشان نضحك ونشوف خطتو كيف!
ويظل المريخ الحاضر والمستقبل والتاريخ وكلنا مريخاب ويا مريخ اتصدرت وقعدت؟
وما يضير البحر أمسى زاخرا إن رمى فيه غلام بحجر؟؟؟
آخر قطرة: إذا ساء فعل المرء ساءت ظنونه!
وهذه بصمتى
طريق الشوق_أخيرة-
فاصل قصير قلنا (ننجم) فيه مع الوصيف ثم نعود وها قد انجمينا وها قد عدنا، إنتهينا من قصة المدرب واللاعبين والإدارة والإعلام بقى أمامنا الآن الصفوة ملح الزعيم ورفيق دروب انتصاراته، قبل اعوام قال الأخ جمال الوالى انهم لم يكونوا يحلمون بالوصول للنهائى فى وقت كان فيه الوصول للبطل فقط و (الوصفاء يمتنعون) ولا مكان لوصيف إذ أن المسالة مختصرة اول هذه المجموعة مع اول المجموعة الأخرى مباشرة للنهائى، حينها لم يتقبل الناس هذا العذر حيث كان الزعيم يتمتع بخامات ممتازة من اللاعبين ومدرب عالمى (فيستر) قاد الكميرون لنهائى الكان بعد قيادة مريخنا للنهائى الكونفدرالى، لذلك نقول ان الطموح الآن هو البطولة وهذا طموح لو تعلمون قليل حيث كنا نطمح ونتمنى ونتوق للأبطال لكن الإستهتار بمازيمبى والخوف منه هو الذى أخرجنا وأحرجنا بينما خرج الآخرون على يدى فريق ضعيف هو الشلف، الآن كل العيون معلقة ببطولة (جديدة) ننتظرها لكى نراها (راى العين) بينما غيرنا يشمها (قدحة)، نقول الدور تكاملى نطمح فى تكامل كل من ذكرنا لاعبين جهاز فنى زإدارى إعلام وجمهور، راينا كيف كان الجمهور الإثيوبى رائعا وهو يعطى منتخبه الدفع المعنوى لكسب اللقاء والتاهل، وجماهير المربخ لا تقصر فى الإحتشاد، لكنها مع الأسف تقصر فى التشجيع مع ان هناك شباب يشجعون الزعيم بحرارة وبعنفوان، ينبغى ان تزول كل الخلافات وان يشجع المشجعون (الكيان) ويكونوا العون والسند لللاعبين للظفر ببطولة الكونفدرالية تمهيدا لحصوله على الأبطال العام المقبل بإذن الله!
وحينها سنعبر ونصل غايتنا ونحقق بطولتنا ونرجع للسودان افراحه وللناس سعادتهم الغائبة ونمسح عنهم آلامهم ودموعهم المستمرة بإذن الله، سنحقق الكاس وحينها سأعيد لكم حلقات (طريق الشوق) مجتمعة، وعلى درب البطولات نلتقى بإذن الله!
بالدارجى (الفصيح)
والله ناس الهلال ديل حيرونا عديل كدا معقول ناس الهجين يتكلموا فى التحكيم؟
يا عالم احمدوا الله طلعت على كدا والله مفروض تصل ستة سبعة والمحيرنى ومضحكنى كمان بقولوا باااع عليك الله الهلال دا داير ليو باع هسه انتو ما بتشوفوا ولا شنو؟
هيثم صديق قال الح يكون معانا فى السوبر منو؟ ح يكون معاك ناس عمر الجندى، لكين إحتمال فى السوبر يكون معانا الهلال، ااى الهلال ذااااتو
هم مش قالوا ماتغلبوا من ما بدا الموسم دا؟؟ معناتها الشلف لسه ما طيرهم معناتها جايز يشيلوا كاس الابطال معناتها نحن لو شلنا الكونفدرالية (إن شاء الله) هم ح يلاقونا، وفى امل يشيلوا السوبرمننا ويمشوا يشيلوا كاس العالم للأندية من اليابان
الكلام دا بدلل على خمسة حاجات اتنين اللى هم انو اول هزيمة تلقاها الهلال من المريخ
الهلال اول هزيمة والمريخ اول المجموعة شئ عجيب
لو حقق المريخ هذه البطولة ستكون اجمل بطولة، يعنى ما ح نسمع الصفيح (الساكت) وكاسات الزنك والجعرانية وغيرها وغيرها ح نكون لاقينا فيها الهلال وطقيناهو فى ملعبنا ودرن(هو) معانا فى معبرتو يعنى شلنا منو اربعة نقاط وبعدين رصيدنا اربعطاشر نقطة شئ عجيب
انتو ما ملاحظين حاجة آجماعة؟ المجموعة فيها (تلاتة) فرق سودانية المريخ عندو (زى ما قلنا) 14 نقطة والفريقين التانيات مجموع نقاطهم قدرو شئ عجيب صاح؟ وهذا (مانديلا) إنما يدل على انه (سودان المريخ) بحق وحقيقة!
اهلى شندى غلب الانتر هناك واتغلب من هنا (عملتو شنو يعنى)؟؟ وصارت المجموعة اولها سودانى وآخرها سودانى ونصها (حشو) ساكت
الاهلى فرط من بدرى واضاع نقاطا كانت مضمونة بسبب خوف مدربه الكوكى هو الهلال دا متين غلب هلال شندى فى شندى؟ وكمان بعد بقى فى فرصة اخرى الدعيع قال بهنى الهلال بالتاهل.
أحكى ليكم نكتة؟؟ قال ليك فى امام الجامع بوصى فى المصلين قال ليهم يا جماعة ما ضرورى الزول ياكل لحم خروفو كلو تلاتة اتنين(كيلويين) كفاية وزعوا الباقى على المساكين ما تردموها فى التلاجة احسن يصيبها برد، ولدو قام جا البيت لقى التلاجة مليااانه طلع اللحم كلو خلى كيلوين بس ابوهو لقاهو بلملم فى اللحم قال ليو دا شنو ياود النيل؟ قال ليو يا ابوى انت فى الخطبة ما قلت الناس توزع اللحوم وما تدسدسها فى التلاجة؟ قال لية صُح يا ابنى صح.. لكين نحن بنقول وهم بنفذوا وغرزتة عمل(نفس الشئ) طالب لاعبيه بالهدوء لكنه انفجر هو يقول وهم يعملوا.. الايام دى (الطوابير) كتيرة خلاص العيش الكهربا الطعمية الهلال.. صح يا عالم صح؟ شئ عجيييب!
الا صحيح هيثم كان لاعب صح، الا صحيح غارزيتو شات الكورة؟ صح، الا صحيح غرزته (تمنى) ملاقاة دوجليبا؟؟ صح يا عمدة صح
صح يا عمدة صح؟؟ يا اولاد الهلييييل!
عرض جنن العالم تلاتى اقووان انترنت بى لاعبين بس؟؟ عجب انت وصلت شباك الهلااال والنبى احجز لى قوون جنبك
الا صحيح غارزيتو جددوا ليو؟ لا يااعمدة دى إشاعات.. حتما إشاعات احسن يصيبو برد!
الهلال لسه متصدر دا طبعا حسب كلام اعلام الهلال بإعتبار انو اقوان ساكواها زى اقوان الشلف (ضربات جزا) وفعلا ضربتين فى جمعة يوم السبت من سكوهة واحدة بقلعوا الضفر
قلت ليكم تدمير البيت الازرق يتم بتحقيق الفوز عليه وها قد دمرناه دمرناهو وطبعا صُح
يبدو ان لخونا سانى لا يستطيع احراز الاهداف الا بعين واحدة لانو الكرة الضيعة ديك وفلتت فوووق شكلو كان مفتح عيونو شديد لو كانت عين واحدة كان خشت.. والله يستر من دوجليبا والله يستر من الذكرى المازيمبية ومن بعدك وييين الحنية، دور الاربعة مافيو يمة ارحمينى عشان تكونوا عارفين يعنى فرص زى دى دوجليبا كان من بدرى ى ى اداكم خمسة، وتاكيد صعود دوجليبا سيحسم من مباراة الذهاب بإذن الله يا ريكاردو من هسه كلفوا ليكم زول بى شريط المباراة دى عشان نضحك ونشوف خطتو كيف!
ويظل المريخ الحاضر والمستقبل والتاريخ وكلنا مريخاب ويا مريخ اتصدرت وقعدت؟
وما يضير البحر أمسى زاخرا إن رمى فيه غلام بحجر؟؟؟
آخر قطرة: إذا ساء فعل المرء ساءت ظنونه!
وهذه بصمتى
