على صفيح ساخن نادر التوم
التالتة وقعت!
للمرة الثالثة يفشل ريكاردو فى هزيمة الهلال ولست أدرى متى يريد حضرته ان يهزم الهلال الذى يات كل مرة مستسلما فيرد ريكو فيه الروح؟؟ وتكرر الامر وصار محبطا ومن حق الجماهير أن تطالب بإبعاد الرجل طالما انه عجز عن هزيمة الهلال وهو بكل هذا السوء والضعف والدفاع الكاشف، فى المرة الاولى هُزم من الهلال بهدف بشة فى الدورة الاولى صحيح ان الهلال كان متفرجا يومها وساعده الحظ والمصادفة على تحقيق تلك النتيجة لكن المدرب له دور، مشيناها وقلنا (الجايات) أكثر وأحسن وأريح لثقتنا فى تضعضع الوصيف وعدم وجود مقارنة بينه والزعيم (فى كل شئ) وجاءت الثانية وتقدمنا بهدف رغم ظلم حمادة الذى زعموا ان المريخ إشتراه بثلاثين الفا من الدولارات ولم يحرك مجلسنا ساكنا ولا قضية ولم يدق القراف وإلا لما حصل ما حصل يوم مباراة الكراسى، وبعد هدف كليتشى ولعبنا بعشرة لاعبين أدرك سادومبا(الخائن حسب الهلالاب) التعادل فى اول دقائق الشوط الثانى، وكانت الثالثة يوم الخميس الماضى حيث جاء الهلال من الحافلة مهزوما (تلاته صفر) لكن ريكاردو أبى وساعده لاعبونا _زى كل مرة_ وها قد وقعت الثالثة ولا نريد ان نبكى على اللبن المسكوب لكننا نقول (بالطريقة دى) الرابعة برضو ح تقع فى وجود هذا المدرب الذى بدأ الموسم بهجوم كاسح ثم تحول للخندقة على طريقة النسى لى قديمو تاه فتوهنا وراجعنا وزاد ضغطنا فى الملعب وخارجه، الرابعة قربت وهى فى الجولة الأخيرة فى الكونفدرالية وهى تعنى لنا الكثير ويجب ان تفهموا هذا الريكادو هذا وان يعيه جيدا فما هذا الهلال الذى يخرج منا مهزوما باقل من ثلاثة فى كل مباراة دعك من ان نعطيه فضيلة التعادل معنا، المجلس لايريد إبعاد ريكاردو حسنا دعوه ولكن ابعدوه من مباراة القمة واولوا امرها لجبرة وبعدها أسالونى ان خرج الهلال مهزوما باقل من ثلاثة المباراة القادمة لابد ان يكسبها المريخ والكلام ليس لريكاردو وحده بل للوالى ومجلسه وللاعبين والصفوة لابد من الفوز ويكون جميل لو أهلى شندى فاز فى المبارة القادمة!
دا حقنا!!!
جاطت الامور وظهر الطابور فى الوصيف بعد التعادل مع الخرطوم (سبعة) والجمهور المسكين زعلان ويعتقد ان الرابطة التى هزمت من المريخ بسداسية يجب ان تهزم من الهلال بمثلها وان الهلال سيفوز على الاولاد بسبعة كما فعلها المريخ ومشكلتهم لا ينفكون من مقارنة فريقهم بالمريخ وتلك هى مصيبتهم ومحنتهم وبلواهم!
وفى الإتحاد جاطت الامور حكام متاخرين ومباريات تنقل من ملعب الى ملعب دون علم الفرق وكهربا قاطعة وبعد دا صلاح صالح يفتئ ويتحدى واسامة والجكومى والبقية يدافعون ويهاجمون (توازن يعنى يا النقر)
النقر المدرب الشاطر قال (ما فى كل مرة تسلم الجرة والهلال دفاعو كحيان والخرطوم هجومو خطر ديل (أولادو) عارفهم كويس!
عشان تانى تكسروا الكراسى وتكسروا مجاديف المريخ.. الله فى.
غارزيتو الصالح
غارزيتو دا فيو صلاح _ما بتاع التحكيم_ الزول دا يشيل ويحقق فى النتائج الإيجابية ولسه ما إنهزم (إلا من الشلف) وماشى بدون هيثم لانو قال فيو (رؤيتو) فقد الهلال نقطتين ولولا رعب ريكو وإستهانة وإستكانة لاعبينا لعادت الصدارة الينا فى الجولة القادمة إن شاء الله، على المريخ ان يواصل إنتصاراته فهذا الدفاع الضعيف والفريق الهلكان قابل للإلتهاب والإشتعال وقابل للمزيد من الاهداف والدرونات والهزائم!
فاقد الشئ!
ضحكت وإحدى الصحف تطلق مبادرة للم الشمل وهى يثير رئيس تحريرها الفتنة ويسرد حكاية قديمة تزيد النار إشتعالا، كان على تلك الصحيفة أن تحل مشاكلها الداخلية أولا وتحل مشكلاتها مع الشق الآخر والذين يرون فيها طابورا ومعارضة كدا إتفقوا اول فى بعضكم وبعد داك قودوا المبادرات و(نقوا الأجواء) شان ما تضحكوا الناس منكم زيى كدا
من بدرى
قبل ود الياس وقبل القمة ولما كان اعلام الفول يشعل الفتن والنيران قبل لقاء النمور كتبنا فى الصفيح هذا الوضع يؤدى الى بورسعيد أخرى واتى بعدنا الريس ود الياس ليؤكد ما سقناه وإحتفت الصحف بذلك، وبعد القمة قلنا فى الصفيح اللاعبون يتحملون نسبة كبيرة من إخفاق التعادل فجاء بعد يومين الكابتن المبدع فتح الرحمن سانتو وحدد تلك النسبة سبعين فى المية لاعبين والباقى مدرب.. فى حاجات واضحة وظاااهرة ما محتاجة رئيس سابق ولا (رمح ملتهب)!!
تدمير البيت الازرق
لا بد من الفوز يا لاعبى الاحمر على الهلال فى القمة القادمة باى طريقة موتوا وقاتلوا ولو شندى عملها كمان يكون مية المية لن نتحمل منكم هزيمة أخرى (بالتعادل) ولن ندعكم تنومون على عسل ما يكتب عن التحكيم وعن المدرب وعن وعن خشوا الكورة دى وإعتبروا ريكو مافى.. نحن دايرين ندمر البيت الازرق (باللعب) بالغلب بشر هزيمة ونستمتع بعدها بكتابات الطابور والفلول والمندسين وتفلتات وتفليقات الشماشة والرجرجة والدهماء أو كما قال البرير!
نار على نار
فرق كبير بين ممتاز حللنا فى وصافته بدون هزيمة بينما هزم البطل بهدف كليتشى والآن سمحتم للهلال بالبطولة وبان يفلت من الهزائم.
وورغو وينو؟ ولماذا لا يشارك وعلى اى اساس يختار البرازيلى تشكيلته هل يبدا من البرازيل ثم يختار البقية؟
باقى شهور عشرة وحداشر وإطناشر وواحد وكم يوم فى اتنين وطوااالى (عيد الحب) يجى.. أصبروا على الحى ما بعيدة
أفتكر إنو المجلس الحالى ما داير لعيبة من بتاعين المجلس الما حالى عشان كدا نتوقع هجرة وشطبا جماعيين فى ديسمبر
نحن لا نكره الحضرى ولا الهلال نحن نكره الاعمال والافعال وما دام الحضرى غير عمايلو طبيعى جماهير المريخ تشيلوا فى العين البخلى جماهير الهلال تغير شنو؟؟
(دا ما منطق) ان يدعى المسؤلون والاعلام الفولى ان فعلة جماهيرهم بسبب ان جماهير المريخ (بدت) بنفس المنطق يمكن ان تات جماهير المريخ وتكسر ثم الهلال وهكذا فى (كسر) دورى لا ينتهى!
يستطيع(صفوة) المريخ ان يدخلوا مباراة اهلى شندى ويقلبوا عاليها سافلها لكنهم لن يفعلون لانهم صفوة ويتحلون ب(العفو عند المقدرة) اليس كذلك؟؟
بعد ما رايناه من جمهور الهلال يمكننا ان نطلق عليه رمز(الفن)
تلميحة: أتاريو ما مازدا براهو يا ناس الشركة الراعية!
ويظل المريخ الحاضر والمستقبل والتاريخ وكلنا مريخاب ويا مريخ ولا يهمك!
وما يضير البحر أمسى زاخرا إن رمى فيه غلام بحجر؟؟
آخر قطرة: تعال يا رمز الفن!
وهذه بصمتى
التالتة وقعت!
للمرة الثالثة يفشل ريكاردو فى هزيمة الهلال ولست أدرى متى يريد حضرته ان يهزم الهلال الذى يات كل مرة مستسلما فيرد ريكو فيه الروح؟؟ وتكرر الامر وصار محبطا ومن حق الجماهير أن تطالب بإبعاد الرجل طالما انه عجز عن هزيمة الهلال وهو بكل هذا السوء والضعف والدفاع الكاشف، فى المرة الاولى هُزم من الهلال بهدف بشة فى الدورة الاولى صحيح ان الهلال كان متفرجا يومها وساعده الحظ والمصادفة على تحقيق تلك النتيجة لكن المدرب له دور، مشيناها وقلنا (الجايات) أكثر وأحسن وأريح لثقتنا فى تضعضع الوصيف وعدم وجود مقارنة بينه والزعيم (فى كل شئ) وجاءت الثانية وتقدمنا بهدف رغم ظلم حمادة الذى زعموا ان المريخ إشتراه بثلاثين الفا من الدولارات ولم يحرك مجلسنا ساكنا ولا قضية ولم يدق القراف وإلا لما حصل ما حصل يوم مباراة الكراسى، وبعد هدف كليتشى ولعبنا بعشرة لاعبين أدرك سادومبا(الخائن حسب الهلالاب) التعادل فى اول دقائق الشوط الثانى، وكانت الثالثة يوم الخميس الماضى حيث جاء الهلال من الحافلة مهزوما (تلاته صفر) لكن ريكاردو أبى وساعده لاعبونا _زى كل مرة_ وها قد وقعت الثالثة ولا نريد ان نبكى على اللبن المسكوب لكننا نقول (بالطريقة دى) الرابعة برضو ح تقع فى وجود هذا المدرب الذى بدأ الموسم بهجوم كاسح ثم تحول للخندقة على طريقة النسى لى قديمو تاه فتوهنا وراجعنا وزاد ضغطنا فى الملعب وخارجه، الرابعة قربت وهى فى الجولة الأخيرة فى الكونفدرالية وهى تعنى لنا الكثير ويجب ان تفهموا هذا الريكادو هذا وان يعيه جيدا فما هذا الهلال الذى يخرج منا مهزوما باقل من ثلاثة فى كل مباراة دعك من ان نعطيه فضيلة التعادل معنا، المجلس لايريد إبعاد ريكاردو حسنا دعوه ولكن ابعدوه من مباراة القمة واولوا امرها لجبرة وبعدها أسالونى ان خرج الهلال مهزوما باقل من ثلاثة المباراة القادمة لابد ان يكسبها المريخ والكلام ليس لريكاردو وحده بل للوالى ومجلسه وللاعبين والصفوة لابد من الفوز ويكون جميل لو أهلى شندى فاز فى المبارة القادمة!
دا حقنا!!!
جاطت الامور وظهر الطابور فى الوصيف بعد التعادل مع الخرطوم (سبعة) والجمهور المسكين زعلان ويعتقد ان الرابطة التى هزمت من المريخ بسداسية يجب ان تهزم من الهلال بمثلها وان الهلال سيفوز على الاولاد بسبعة كما فعلها المريخ ومشكلتهم لا ينفكون من مقارنة فريقهم بالمريخ وتلك هى مصيبتهم ومحنتهم وبلواهم!
وفى الإتحاد جاطت الامور حكام متاخرين ومباريات تنقل من ملعب الى ملعب دون علم الفرق وكهربا قاطعة وبعد دا صلاح صالح يفتئ ويتحدى واسامة والجكومى والبقية يدافعون ويهاجمون (توازن يعنى يا النقر)
النقر المدرب الشاطر قال (ما فى كل مرة تسلم الجرة والهلال دفاعو كحيان والخرطوم هجومو خطر ديل (أولادو) عارفهم كويس!
عشان تانى تكسروا الكراسى وتكسروا مجاديف المريخ.. الله فى.
غارزيتو الصالح
غارزيتو دا فيو صلاح _ما بتاع التحكيم_ الزول دا يشيل ويحقق فى النتائج الإيجابية ولسه ما إنهزم (إلا من الشلف) وماشى بدون هيثم لانو قال فيو (رؤيتو) فقد الهلال نقطتين ولولا رعب ريكو وإستهانة وإستكانة لاعبينا لعادت الصدارة الينا فى الجولة القادمة إن شاء الله، على المريخ ان يواصل إنتصاراته فهذا الدفاع الضعيف والفريق الهلكان قابل للإلتهاب والإشتعال وقابل للمزيد من الاهداف والدرونات والهزائم!
فاقد الشئ!
ضحكت وإحدى الصحف تطلق مبادرة للم الشمل وهى يثير رئيس تحريرها الفتنة ويسرد حكاية قديمة تزيد النار إشتعالا، كان على تلك الصحيفة أن تحل مشاكلها الداخلية أولا وتحل مشكلاتها مع الشق الآخر والذين يرون فيها طابورا ومعارضة كدا إتفقوا اول فى بعضكم وبعد داك قودوا المبادرات و(نقوا الأجواء) شان ما تضحكوا الناس منكم زيى كدا
من بدرى
قبل ود الياس وقبل القمة ولما كان اعلام الفول يشعل الفتن والنيران قبل لقاء النمور كتبنا فى الصفيح هذا الوضع يؤدى الى بورسعيد أخرى واتى بعدنا الريس ود الياس ليؤكد ما سقناه وإحتفت الصحف بذلك، وبعد القمة قلنا فى الصفيح اللاعبون يتحملون نسبة كبيرة من إخفاق التعادل فجاء بعد يومين الكابتن المبدع فتح الرحمن سانتو وحدد تلك النسبة سبعين فى المية لاعبين والباقى مدرب.. فى حاجات واضحة وظاااهرة ما محتاجة رئيس سابق ولا (رمح ملتهب)!!
تدمير البيت الازرق
لا بد من الفوز يا لاعبى الاحمر على الهلال فى القمة القادمة باى طريقة موتوا وقاتلوا ولو شندى عملها كمان يكون مية المية لن نتحمل منكم هزيمة أخرى (بالتعادل) ولن ندعكم تنومون على عسل ما يكتب عن التحكيم وعن المدرب وعن وعن خشوا الكورة دى وإعتبروا ريكو مافى.. نحن دايرين ندمر البيت الازرق (باللعب) بالغلب بشر هزيمة ونستمتع بعدها بكتابات الطابور والفلول والمندسين وتفلتات وتفليقات الشماشة والرجرجة والدهماء أو كما قال البرير!
نار على نار
فرق كبير بين ممتاز حللنا فى وصافته بدون هزيمة بينما هزم البطل بهدف كليتشى والآن سمحتم للهلال بالبطولة وبان يفلت من الهزائم.
وورغو وينو؟ ولماذا لا يشارك وعلى اى اساس يختار البرازيلى تشكيلته هل يبدا من البرازيل ثم يختار البقية؟
باقى شهور عشرة وحداشر وإطناشر وواحد وكم يوم فى اتنين وطوااالى (عيد الحب) يجى.. أصبروا على الحى ما بعيدة
أفتكر إنو المجلس الحالى ما داير لعيبة من بتاعين المجلس الما حالى عشان كدا نتوقع هجرة وشطبا جماعيين فى ديسمبر
نحن لا نكره الحضرى ولا الهلال نحن نكره الاعمال والافعال وما دام الحضرى غير عمايلو طبيعى جماهير المريخ تشيلوا فى العين البخلى جماهير الهلال تغير شنو؟؟
(دا ما منطق) ان يدعى المسؤلون والاعلام الفولى ان فعلة جماهيرهم بسبب ان جماهير المريخ (بدت) بنفس المنطق يمكن ان تات جماهير المريخ وتكسر ثم الهلال وهكذا فى (كسر) دورى لا ينتهى!
يستطيع(صفوة) المريخ ان يدخلوا مباراة اهلى شندى ويقلبوا عاليها سافلها لكنهم لن يفعلون لانهم صفوة ويتحلون ب(العفو عند المقدرة) اليس كذلك؟؟
بعد ما رايناه من جمهور الهلال يمكننا ان نطلق عليه رمز(الفن)
تلميحة: أتاريو ما مازدا براهو يا ناس الشركة الراعية!
ويظل المريخ الحاضر والمستقبل والتاريخ وكلنا مريخاب ويا مريخ ولا يهمك!
وما يضير البحر أمسى زاخرا إن رمى فيه غلام بحجر؟؟
آخر قطرة: تعال يا رمز الفن!
وهذه بصمتى
