على صفيح ساخن
رحلة نيلية
تسخينة اولى: لو بهمسة
تسخينه تانية: همسة شوق
تسخينة تالته: خمسة سنين تجربه وزاد
تسخينة رابعة: النيل غرق
تسخينة خامسة: (دموع التماسيح) سالت
اليوم يا سادتى سوف أصطحبكم فى رحلة نيلية أريدكم أن تغيروا جو شوية فهيا نتجول ونتمتع بمناظر النيل الخلاب
كلو مازيمبى
البنى آدم_مننا_ طماع جدا لا يملأ عينه حتى التراب وبالأمس مارست كل أنواع الطمع مع المريخ
ولكى تكونوا معى فى الصورة سأقرأ لكم بعض ما جاء فى عمودى بعدد الأمس:
(أتمنى مواصلة اديكو وكلتشى وساكواها لمشوار الهداف)
(سيعود الملك فى مباراة اليوم و_ربما_ يصنع الفارق والفوز)
(أليس هذا هو الإسبوع الرابع؟؟ إذن فلنعطى النيل أربعة قدر عدد الاسابيع)
ومن هنا أتى الطمع، أديكو سجل وساكواها سجل بقيت أقول يااارب كلتشى يجيب قوون
والحمد لله جابو بعد شويتين دخل الملك فيصل(عجبنا) فقلت(بس خلاس) دا الدايرنو ليك ذاتو
عجبكو يجيب الرابع والمباراة تنتهى على كدا وبعد داك أكون أخطر (أنطون) فى البلد دى(أعوذ بالله)!
وارتاح من مساسقة الجرايد والمدارس، كورتين زى دى يصدفوا الزول يبقى حاجة تانية!
لحدى ما (الجيران يتخلعوا) يا أبو الجوج.. وأعرس و(خطوطى كلها تتصلح) أستغفر الله العظيم!
يقوم نجم الدين يجيب الرابع أقول الحمد لله تمت أربعة بعد كدا العجب ما دايرين منو هدف.. لا عجب لا غيرو.. هو غيروكان لاعب؟؟؟؟
وزهجت ليك من نجم الدين دا زهجة متين قاعد تجيب أقوان ولا داير تخرب لينا الرصة يعنى؟
لكين فرحت إنو الحكم ما حسب ضربة جزاء المريخ قلت كان بقت خمسة والحمد لله ما كنا الهلال كان حسبوها(صاح)!
قاعد جنبى أبوى خاتين راااادينا ومرت أوكاتنا وحبينا حياتنا(المريخ)، يعنى ح يكون حياتنا منو؟؟
الحكم قام أداها خمسة دقائق كاملة، قلت لى أبوى الحكم دا ما يصفر كرهنا ذاتو، نحن نلقاها منو ولا من العجب ولا من نجم الدين؟؟
فى الدقيقة الخامسة قام حارس النيل فكاها.. فكاها دى معناتها ح يجى ساكواها أبوى فرح وأنا زعلت وحكينا القصة دى لأنو الجنيه
اقصد الهدف الجا فى الوكت دا خرب على أى حاجة، لكين بالجد عرفت قيمتو لانو شكلو انا حساباتى كلها غلط مفروض أحسب على خمسة
أول حاجة الكورة دى بدت الساعة خمسة ويا حبيب ماتنسى.. والقوون الاول جا فى الدقيقة خمسة
ونجم المباراة كان باسكال وكمان القوون الاخير جا فى الدقيقة خمسة فى الزمن بدل الضائع
نفس المواعيد الجا فيها قوون مازيمبى الخامس فى الهلال(شارب)، وبالكربون بعد الناس مرقت وجون ورقه ذاعوهو!
وفى حاجه مهمة ما ننساها الدخل بتاع المباراة كان ميييييه وخمسة
دا معناو شنوووو؟؟ معناتو إنو المريخ كان ميه الميه وجاب خمسة اقوان كاملة ودا بالمناسبة أعلى دخل فى الولايات
وكمان فى حاجه مهمة شديد أنا ما فطنت ليها لما كتبت العمود الفات اللى هى إنو المريخ ح يسافر
يعنى الإسبوع الخامس ما ح يلعب، طيب عشان ينجض شغلو كان لازم يجيب القوون الخامس حق الإسبوع الخامس!
كدا أظن الحكاية إتضحت، والله ساكواها دا عندو حسابات عجيبة خلاس وكمان محمد آدم ملصها (فى التايم)!
نار على نار
ساكواها جاب قوون من بعيد شديد الزول دا متخيل النيل دا فى الحصاحيصا؟
فاروق جبره فيها كم نقطة اقصد كم قوون دى برضو نسيناها!
مافى داعى الواحد ينتظر كورة الوصيف لأنو ضربة جزانا دى بدوها ليهم وبغلبوا.
ولو إنى متوقع بى رجعة سيدا تحصل حاجة جديدة.
الأمل فى مباراتين غتعادل وإنغلب يعنى فقد (خمسة نقاط).
والامل يسافر (مابوتو) سان يلعب هناك (ما)بوتو ولا (مى) بينزا؟
(حبايبنا) رسمو صورة تمساح وفيل فى المين شيت
وقالوا دايرين عينهم فى النيل.. رسموا إنتو ياحلوين نجيكم نحن بالأقوان
ودا طبعا ياجماعة بيعنى إنو الناس ديل ما واثقين فى كل خطوطهم
ومنتظرين التماسيح والذئاب والأسود وباقى (حديقة الممتاز) تغلب ليهم
ورحم الله كتابا عرفوا إمكانات فريقهم المتواضعة شديييييييييييييييييد!
ساخن بارد
يوسف محمد يوسف شابكنا مشتركه بيناتم، مشتركة بيناتم
لحدى ما انا قلت الكورة دى لاعبنها فى الفيس بووك ولا شنو؟؟
المريخ دخل عالى وحب خيالى ودايما فى العلالى!
مريج جميل يشد الحيل ويغلب النيل والضرب تقيل!
أكلمكم بالواضح كدا، لو عملتو (منتخب الممتاز) ما بتغلبوا الزعيم
وما شاء الله عينى بارده وخمسة وخميسة و(أدعكوا)!
خلاص نحن فاتورة الولايات دى مزقناها زمااااااان الكلام دا تقولوا لى ناس شندى!
الصباح قابلنا الطبيب، والمسا الطبيب، شكرا د.سموءل عبدالباقى دفع الله وشكرا د. المريخ!
البحبنا يقرانا فى جريدة الجريدة، اليوم وكل سبت(الرأى الساخر)
ويظل المريخ الحاضر والمستقبل والتاريخ... وكلنا مريخاب
ويا مريخ خمسة بس!
آخر قطرة: مريخنا الجسور دايما بشد الحيل
كوكب الإبداع عالمو كلو جميل
مابعرف خضوع قاموسومافيو مستحيل
بصطاد للتماسيح ويغرق كمان النيل!
وهذه بصمتى
رحلة نيلية
تسخينة اولى: لو بهمسة
تسخينه تانية: همسة شوق
تسخينة تالته: خمسة سنين تجربه وزاد
تسخينة رابعة: النيل غرق
تسخينة خامسة: (دموع التماسيح) سالت
اليوم يا سادتى سوف أصطحبكم فى رحلة نيلية أريدكم أن تغيروا جو شوية فهيا نتجول ونتمتع بمناظر النيل الخلاب
كلو مازيمبى
البنى آدم_مننا_ طماع جدا لا يملأ عينه حتى التراب وبالأمس مارست كل أنواع الطمع مع المريخ
ولكى تكونوا معى فى الصورة سأقرأ لكم بعض ما جاء فى عمودى بعدد الأمس:
(أتمنى مواصلة اديكو وكلتشى وساكواها لمشوار الهداف)
(سيعود الملك فى مباراة اليوم و_ربما_ يصنع الفارق والفوز)
(أليس هذا هو الإسبوع الرابع؟؟ إذن فلنعطى النيل أربعة قدر عدد الاسابيع)
ومن هنا أتى الطمع، أديكو سجل وساكواها سجل بقيت أقول يااارب كلتشى يجيب قوون
والحمد لله جابو بعد شويتين دخل الملك فيصل(عجبنا) فقلت(بس خلاس) دا الدايرنو ليك ذاتو
عجبكو يجيب الرابع والمباراة تنتهى على كدا وبعد داك أكون أخطر (أنطون) فى البلد دى(أعوذ بالله)!
وارتاح من مساسقة الجرايد والمدارس، كورتين زى دى يصدفوا الزول يبقى حاجة تانية!
لحدى ما (الجيران يتخلعوا) يا أبو الجوج.. وأعرس و(خطوطى كلها تتصلح) أستغفر الله العظيم!
يقوم نجم الدين يجيب الرابع أقول الحمد لله تمت أربعة بعد كدا العجب ما دايرين منو هدف.. لا عجب لا غيرو.. هو غيروكان لاعب؟؟؟؟
وزهجت ليك من نجم الدين دا زهجة متين قاعد تجيب أقوان ولا داير تخرب لينا الرصة يعنى؟
لكين فرحت إنو الحكم ما حسب ضربة جزاء المريخ قلت كان بقت خمسة والحمد لله ما كنا الهلال كان حسبوها(صاح)!
قاعد جنبى أبوى خاتين راااادينا ومرت أوكاتنا وحبينا حياتنا(المريخ)، يعنى ح يكون حياتنا منو؟؟
الحكم قام أداها خمسة دقائق كاملة، قلت لى أبوى الحكم دا ما يصفر كرهنا ذاتو، نحن نلقاها منو ولا من العجب ولا من نجم الدين؟؟
فى الدقيقة الخامسة قام حارس النيل فكاها.. فكاها دى معناتها ح يجى ساكواها أبوى فرح وأنا زعلت وحكينا القصة دى لأنو الجنيه
اقصد الهدف الجا فى الوكت دا خرب على أى حاجة، لكين بالجد عرفت قيمتو لانو شكلو انا حساباتى كلها غلط مفروض أحسب على خمسة
أول حاجة الكورة دى بدت الساعة خمسة ويا حبيب ماتنسى.. والقوون الاول جا فى الدقيقة خمسة
ونجم المباراة كان باسكال وكمان القوون الاخير جا فى الدقيقة خمسة فى الزمن بدل الضائع
نفس المواعيد الجا فيها قوون مازيمبى الخامس فى الهلال(شارب)، وبالكربون بعد الناس مرقت وجون ورقه ذاعوهو!
وفى حاجه مهمة ما ننساها الدخل بتاع المباراة كان ميييييه وخمسة
دا معناو شنوووو؟؟ معناتو إنو المريخ كان ميه الميه وجاب خمسة اقوان كاملة ودا بالمناسبة أعلى دخل فى الولايات
وكمان فى حاجه مهمة شديد أنا ما فطنت ليها لما كتبت العمود الفات اللى هى إنو المريخ ح يسافر
يعنى الإسبوع الخامس ما ح يلعب، طيب عشان ينجض شغلو كان لازم يجيب القوون الخامس حق الإسبوع الخامس!
كدا أظن الحكاية إتضحت، والله ساكواها دا عندو حسابات عجيبة خلاس وكمان محمد آدم ملصها (فى التايم)!
نار على نار
ساكواها جاب قوون من بعيد شديد الزول دا متخيل النيل دا فى الحصاحيصا؟
فاروق جبره فيها كم نقطة اقصد كم قوون دى برضو نسيناها!
مافى داعى الواحد ينتظر كورة الوصيف لأنو ضربة جزانا دى بدوها ليهم وبغلبوا.
ولو إنى متوقع بى رجعة سيدا تحصل حاجة جديدة.
الأمل فى مباراتين غتعادل وإنغلب يعنى فقد (خمسة نقاط).
والامل يسافر (مابوتو) سان يلعب هناك (ما)بوتو ولا (مى) بينزا؟
(حبايبنا) رسمو صورة تمساح وفيل فى المين شيت
وقالوا دايرين عينهم فى النيل.. رسموا إنتو ياحلوين نجيكم نحن بالأقوان
ودا طبعا ياجماعة بيعنى إنو الناس ديل ما واثقين فى كل خطوطهم
ومنتظرين التماسيح والذئاب والأسود وباقى (حديقة الممتاز) تغلب ليهم
ورحم الله كتابا عرفوا إمكانات فريقهم المتواضعة شديييييييييييييييييد!
ساخن بارد
يوسف محمد يوسف شابكنا مشتركه بيناتم، مشتركة بيناتم
لحدى ما انا قلت الكورة دى لاعبنها فى الفيس بووك ولا شنو؟؟
المريخ دخل عالى وحب خيالى ودايما فى العلالى!
مريج جميل يشد الحيل ويغلب النيل والضرب تقيل!
أكلمكم بالواضح كدا، لو عملتو (منتخب الممتاز) ما بتغلبوا الزعيم
وما شاء الله عينى بارده وخمسة وخميسة و(أدعكوا)!
خلاص نحن فاتورة الولايات دى مزقناها زمااااااان الكلام دا تقولوا لى ناس شندى!
الصباح قابلنا الطبيب، والمسا الطبيب، شكرا د.سموءل عبدالباقى دفع الله وشكرا د. المريخ!
البحبنا يقرانا فى جريدة الجريدة، اليوم وكل سبت(الرأى الساخر)
ويظل المريخ الحاضر والمستقبل والتاريخ... وكلنا مريخاب
ويا مريخ خمسة بس!
آخر قطرة: مريخنا الجسور دايما بشد الحيل
كوكب الإبداع عالمو كلو جميل
مابعرف خضوع قاموسومافيو مستحيل
بصطاد للتماسيح ويغرق كمان النيل!
وهذه بصمتى