على صفيح ساخن نادر التوم
تشكيلة
(1)
مدرب مازيمبى _السابق_ طير الهلال ، ومازيمبى أطاح بالمريخ من الأبطال.. وبعدين معاك ياغربان؟
(2)
ترى إلى أين ينتهى هذا الصراع(الهلامى)؟ فالوضع الراهن فى البيت الازرق صار لايطاق.
(3)
دخل المريخ الى مباراة (الغُلبان) مرعوبا من خماسيته فى الهلال وبخلفية العصير والدوشة..فلم يحقق المطلوب، ودخل امام الفرسان بخلفية انه حرمه(العلامة الكاملة) عامن أول، ففاز عليه بشق الانفس!
(4)
هناك بعض اللاعبين فى المريخ يؤدون زى المشحودين.. وهناك لاعبين مصابين.. عين واصابتنا!
(5)
فى العام السابق كان الامل عطبرة يبلى جيدا فى الكونفدرالية ثم يخفق ويتضعضع فى الممتاز.. فهل يا ترى يريد الزعيم ان يمارس معنا ذات الامر؟ ان كان الامر كذلك فلا باس من ذلك!
(6)
بعد كل هزيمة يطالب ريكاردو بمهلة جديدة وانه يحتاج(فقط) للوقت حتى يصنع من المريخ ماردا تهابه الفرق والوقت يمضى وريكاردو يمضى فى طريق توهانه والسنين ياريتها تجرى وكل يوم ياريتو باكر!
(7)
لنغنى( الحسرة ما بتنفع وما بجدى العتاب) كلما مر بالخاطر طيف كروجر وجبرة.
(8)
كاتب هلالى عاقل جدا قال لى قبل القرعة بيومين نحمد الله طرنا بى(شلف) فلو توغلنا فى المجموعات لاصبحت هزيمتنا بجلاجل وابتسم بعد ان ابتسمت له القرعة... مين العاقل المبتسم دا؟؟
(9)
من المفترض وحسب ماهو متاح وفى ظل انتشار ملاعب المازيمبيات(الخمسيات) بكثرة وكثافة وفى اى شارع وتحت اى كبرى من المفترض ان يكون لدينا جيل قادر على احراز كاس العالم.. والامر ذاته ينطبق على البلياردو الذى غزا حتى الدكاكين والدواوين بتاعات البيوت.. لكن المحصلة عكس ذلك (شديد)!
(10)
انا بقيت زى الهلال داير اعرس وما عندى قروش.. والهلال داير يشيل الكاس وما عندو لا قروش لا غيرها.. عموما معزومين معانا انا والهلال كان بعد شهر كان شهرين كان فى رمضان كان فى الضحية..و... رجب حوش صاحبك عنى!
(11)
والله غارزيتو دا التقول جعلى عنيد ركن عديل كدا وراسو ناشف ومعصلج وما باقى ليو الا يحلف(على الطلاق الزول دا يا انا ياهو دوت كوم فى الهلال دا)
(12)
يقولون ان جماهير الهلال ستسير مسيرات.. واتساءل هل نالوا بطولة ام سجلوا لاعبا على شاكلة (اوتوبنك)؟ عليكم الله تتذكروا لما الزول دا جا ولففوهو بى عربية مكشوفة وكملوا فيو افراح الشعب اقصد قروش الشعب؟ والله ادلعت وعزيت نفسك!
(13)
غرزته لن يسمح باللعب للمدينة.. خلاص خليهم يلعبوا للقرية.
(14)
لو فى راجل طلق مرتو ولا ما طلقتو (السواد الاعظم) من الشعب السودانى الفاضل دا ايش راح يستفيد؟
(14)
الهلال التالت افريقيا.. صحى؟؟ بالله؟؟ ياخى؟ معقول؟جد؟ قمنا تاااانى للحركات دى.. طيب التالت افريقيا دا ما قادر يقصى الشلف المية كم وسبعين افريقيا.. انا برضو البجيب التصنيفات دى من وين؟؟ ولا انتو المن وين بتجيبوا لينا العذر!
(15)
رمضان قرب وكما قلت فى العام السابق لسنا بحاجة لبرنامج اغانى اغانى فهذه هى السانحة الوحيدة للروحانيات وغسل الذنوب والادران! كتروا لينا(القهاوى والجبنات) بس!
(16)
اى زول فى السودان بقى فنان_بنات واولاد_ واى زول فى السودان بقى عيان فهل نعمل بالمثل داونى بالتى كانت هى الغناء؟؟
(17)
الايام دى ايام صعبة على شديد: الواحد بقى لا لاقى نفسو لا لاقى مريخو.. وافتش ليها فى التاريخ واسال عنها المستقبل اللسه سنينو بعاااد
(18)
فى الخرطوم لاقانى مطعم اسمو(فيس بووك) والاظرف انو مطعم(ماكولات شعبية) وفى عربة شفط كتبت فيس بووك كبيرة وطالما ان الامر هوس فاننى ساكتب رواية باسم(فيس بووك) ولكن لماذا (الفيس) بس بدون ناس ميسى وغيرهم؟ شخصيا اتمنى احول تويتر و.... التانى داك اسمو شنو؟
(19)
سؤال وجيه: ريكاردو دا مدرب ولا مجرب ولا مخرب؟؟؟
(20)
الحب الحقيقى بعيش يا حبيبى.. والحب الما حقيقى تعيش انت...
(21)
من الحب ما قتل.. عشان كدا (يا مريخ بتكتلنا وتقعد)
(22)
التهانى والتبريكات لابناء الخال(الاخوان) عثمان هاشم وابو القاسم هاشم بمناسبة الزواج وبيت مال وعيال.. وعقبال الجميع_فقط_
(23)
اقتنعنا تماما مع هذه السخانه الفظيعة ان السودان من(أعرق) دول العالم
(24)
تخريمة: امنية فقط من سائقى المركبات العامة اتقوا الله فى الركاب.. ومن مستغليها موبايلاتكم دى صمتوها ولما تتكلموا براحة!
(25)
ويظل المريخ الحاضر والمستقبل والتاريخ وكلنا مريخاب
(26)
صلوات الله تغشى احمدا خير البرية.. صلى الله عليه وآله وسلم.. اليوم جمعة اكثروا صلاتكم عليه!
وهذه بصمتى
تشكيلة
(1)
مدرب مازيمبى _السابق_ طير الهلال ، ومازيمبى أطاح بالمريخ من الأبطال.. وبعدين معاك ياغربان؟
(2)
ترى إلى أين ينتهى هذا الصراع(الهلامى)؟ فالوضع الراهن فى البيت الازرق صار لايطاق.
(3)
دخل المريخ الى مباراة (الغُلبان) مرعوبا من خماسيته فى الهلال وبخلفية العصير والدوشة..فلم يحقق المطلوب، ودخل امام الفرسان بخلفية انه حرمه(العلامة الكاملة) عامن أول، ففاز عليه بشق الانفس!
(4)
هناك بعض اللاعبين فى المريخ يؤدون زى المشحودين.. وهناك لاعبين مصابين.. عين واصابتنا!
(5)
فى العام السابق كان الامل عطبرة يبلى جيدا فى الكونفدرالية ثم يخفق ويتضعضع فى الممتاز.. فهل يا ترى يريد الزعيم ان يمارس معنا ذات الامر؟ ان كان الامر كذلك فلا باس من ذلك!
(6)
بعد كل هزيمة يطالب ريكاردو بمهلة جديدة وانه يحتاج(فقط) للوقت حتى يصنع من المريخ ماردا تهابه الفرق والوقت يمضى وريكاردو يمضى فى طريق توهانه والسنين ياريتها تجرى وكل يوم ياريتو باكر!
(7)
لنغنى( الحسرة ما بتنفع وما بجدى العتاب) كلما مر بالخاطر طيف كروجر وجبرة.
(8)
كاتب هلالى عاقل جدا قال لى قبل القرعة بيومين نحمد الله طرنا بى(شلف) فلو توغلنا فى المجموعات لاصبحت هزيمتنا بجلاجل وابتسم بعد ان ابتسمت له القرعة... مين العاقل المبتسم دا؟؟
(9)
من المفترض وحسب ماهو متاح وفى ظل انتشار ملاعب المازيمبيات(الخمسيات) بكثرة وكثافة وفى اى شارع وتحت اى كبرى من المفترض ان يكون لدينا جيل قادر على احراز كاس العالم.. والامر ذاته ينطبق على البلياردو الذى غزا حتى الدكاكين والدواوين بتاعات البيوت.. لكن المحصلة عكس ذلك (شديد)!
(10)
انا بقيت زى الهلال داير اعرس وما عندى قروش.. والهلال داير يشيل الكاس وما عندو لا قروش لا غيرها.. عموما معزومين معانا انا والهلال كان بعد شهر كان شهرين كان فى رمضان كان فى الضحية..و... رجب حوش صاحبك عنى!
(11)
والله غارزيتو دا التقول جعلى عنيد ركن عديل كدا وراسو ناشف ومعصلج وما باقى ليو الا يحلف(على الطلاق الزول دا يا انا ياهو دوت كوم فى الهلال دا)
(12)
يقولون ان جماهير الهلال ستسير مسيرات.. واتساءل هل نالوا بطولة ام سجلوا لاعبا على شاكلة (اوتوبنك)؟ عليكم الله تتذكروا لما الزول دا جا ولففوهو بى عربية مكشوفة وكملوا فيو افراح الشعب اقصد قروش الشعب؟ والله ادلعت وعزيت نفسك!
(13)
غرزته لن يسمح باللعب للمدينة.. خلاص خليهم يلعبوا للقرية.
(14)
لو فى راجل طلق مرتو ولا ما طلقتو (السواد الاعظم) من الشعب السودانى الفاضل دا ايش راح يستفيد؟
(14)
الهلال التالت افريقيا.. صحى؟؟ بالله؟؟ ياخى؟ معقول؟جد؟ قمنا تاااانى للحركات دى.. طيب التالت افريقيا دا ما قادر يقصى الشلف المية كم وسبعين افريقيا.. انا برضو البجيب التصنيفات دى من وين؟؟ ولا انتو المن وين بتجيبوا لينا العذر!
(15)
رمضان قرب وكما قلت فى العام السابق لسنا بحاجة لبرنامج اغانى اغانى فهذه هى السانحة الوحيدة للروحانيات وغسل الذنوب والادران! كتروا لينا(القهاوى والجبنات) بس!
(16)
اى زول فى السودان بقى فنان_بنات واولاد_ واى زول فى السودان بقى عيان فهل نعمل بالمثل داونى بالتى كانت هى الغناء؟؟
(17)
الايام دى ايام صعبة على شديد: الواحد بقى لا لاقى نفسو لا لاقى مريخو.. وافتش ليها فى التاريخ واسال عنها المستقبل اللسه سنينو بعاااد
(18)
فى الخرطوم لاقانى مطعم اسمو(فيس بووك) والاظرف انو مطعم(ماكولات شعبية) وفى عربة شفط كتبت فيس بووك كبيرة وطالما ان الامر هوس فاننى ساكتب رواية باسم(فيس بووك) ولكن لماذا (الفيس) بس بدون ناس ميسى وغيرهم؟ شخصيا اتمنى احول تويتر و.... التانى داك اسمو شنو؟
(19)
سؤال وجيه: ريكاردو دا مدرب ولا مجرب ولا مخرب؟؟؟
(20)
الحب الحقيقى بعيش يا حبيبى.. والحب الما حقيقى تعيش انت...
(21)
من الحب ما قتل.. عشان كدا (يا مريخ بتكتلنا وتقعد)
(22)
التهانى والتبريكات لابناء الخال(الاخوان) عثمان هاشم وابو القاسم هاشم بمناسبة الزواج وبيت مال وعيال.. وعقبال الجميع_فقط_
(23)
اقتنعنا تماما مع هذه السخانه الفظيعة ان السودان من(أعرق) دول العالم
(24)
تخريمة: امنية فقط من سائقى المركبات العامة اتقوا الله فى الركاب.. ومن مستغليها موبايلاتكم دى صمتوها ولما تتكلموا براحة!
(25)
ويظل المريخ الحاضر والمستقبل والتاريخ وكلنا مريخاب
(26)
صلوات الله تغشى احمدا خير البرية.. صلى الله عليه وآله وسلم.. اليوم جمعة اكثروا صلاتكم عليه!
وهذه بصمتى
