رحيل أمنا وتاج راسنا
خايف عليها من الثري الغطاها
ولا الحصي حافية بخاف ياذاها
أكرم عليها بالكفن ياسيدي
في بيتنا قاعد فرشها وغطاها
أكرم عليها بالكفن دي أمي
وأشهد عليها بما عطت يمناها
شوف الضحي والليل بسألوا عنها
شوف السما ونجومه تنعاها
شوف المجالس زينا بتبكيها
والأرض تنشد عن أثر لخطاها
يا ها الكبيرة كبر كل الدنيا
يا ها العظيمه جل من سواها
أبكي عليها ما نهار وليل
ولا سنة تمشي وتفوتو مداها
أبكي عليها قدر ما شالتني
قدر الحنين اللختلط بغناها
قدر الأسامي وقدر من سموها
وقدر النجوم وقدر من يرعاها
أبكي عليها من القهر يا دنيا
منو اللي أنا بعد فرقاها
من فتحت عيني ما خلتني
شوفو ولدها في القبر خلاها
كب التراب في وشها ما قصر
شوفو ولدها كيف هو جازاها
لو هي في مكاني ما سوتها
لكن أعز أولادها سواها
بنت الكرام عزيزة النسب
واحة الخير طيب ومحمود جداها
يارب أكرمها في النعيم الخالد
وإنشاء الله في الفردس سكناها
يا ضيق الكون بعدها وخالي
يا سواد دنيتنا يا مقساها
معقولة يا ناس أرجع وما ألقاها
يا ريت ما فاتت وخلتني
أو وسعت لي في القبر وياها
في نقاط
*إن العين لتدمع وإن القلب ليحزن وإنا لفراقها لمحزونون.
*وبعون الله لا نقول إلا ما يرضي الله.
*ونشكر كل من تكبد مشاق السفر ليعزينا في فقدنا الجلل.
*الشكر للخليفة الأستاذ الشيخ الجيلي الشيخ عبد المحمود الذي كانت كلماته في حقها بلسمآ داوي جراحنا.
*نشكر كل من هاتفنا وواسانا في وفاة أمنا الحاجة سعاد بنت الشيخ الجيلي الشيخ عبد المحمود.
*الشكر لأهل طابت المحروسه ولأسرة السلاح الطبي ولبروفيسور الدرديري والدكتور ربيع ووحدته .
*ولحكومة ولاية الجزيرة ممثلة في الأخ الوالي ولوزارة الشئوون الأجتماعية ولمحلية الحصاحيصا وكل الأهل بالخرطوم وأم درمان والسروراب ولندن وماليزيا والسعودية والإمارات.
*كما لا يفوتنا أن نشكر قبيلة الإعلام الرياضي الذين عرفنا أصالتهم بيانآ بالعمل في فقدنا وهم يحرصون علي تعزيتنا .
*نشكر صحف المشاهد وآخر لحظه وحبيب البلد وعالم النجوم وكفر ووتر والمواقع الألكترونية التابعه للأحزاب السياسية وكل من نعي أمنا.
*نشكر كذلك كل المناطق حول طابت بلا فرز وإنشاء نجيكم في الأفراح.
السطر الأخير
أستغفر الله العظيم من كل ذنب عظيم
خايف عليها من الثري الغطاها
ولا الحصي حافية بخاف ياذاها
أكرم عليها بالكفن ياسيدي
في بيتنا قاعد فرشها وغطاها
أكرم عليها بالكفن دي أمي
وأشهد عليها بما عطت يمناها
شوف الضحي والليل بسألوا عنها
شوف السما ونجومه تنعاها
شوف المجالس زينا بتبكيها
والأرض تنشد عن أثر لخطاها
يا ها الكبيرة كبر كل الدنيا
يا ها العظيمه جل من سواها
أبكي عليها ما نهار وليل
ولا سنة تمشي وتفوتو مداها
أبكي عليها قدر ما شالتني
قدر الحنين اللختلط بغناها
قدر الأسامي وقدر من سموها
وقدر النجوم وقدر من يرعاها
أبكي عليها من القهر يا دنيا
منو اللي أنا بعد فرقاها
من فتحت عيني ما خلتني
شوفو ولدها في القبر خلاها
كب التراب في وشها ما قصر
شوفو ولدها كيف هو جازاها
لو هي في مكاني ما سوتها
لكن أعز أولادها سواها
بنت الكرام عزيزة النسب
واحة الخير طيب ومحمود جداها
يارب أكرمها في النعيم الخالد
وإنشاء الله في الفردس سكناها
يا ضيق الكون بعدها وخالي
يا سواد دنيتنا يا مقساها
معقولة يا ناس أرجع وما ألقاها
يا ريت ما فاتت وخلتني
أو وسعت لي في القبر وياها
في نقاط
*إن العين لتدمع وإن القلب ليحزن وإنا لفراقها لمحزونون.
*وبعون الله لا نقول إلا ما يرضي الله.
*ونشكر كل من تكبد مشاق السفر ليعزينا في فقدنا الجلل.
*الشكر للخليفة الأستاذ الشيخ الجيلي الشيخ عبد المحمود الذي كانت كلماته في حقها بلسمآ داوي جراحنا.
*نشكر كل من هاتفنا وواسانا في وفاة أمنا الحاجة سعاد بنت الشيخ الجيلي الشيخ عبد المحمود.
*الشكر لأهل طابت المحروسه ولأسرة السلاح الطبي ولبروفيسور الدرديري والدكتور ربيع ووحدته .
*ولحكومة ولاية الجزيرة ممثلة في الأخ الوالي ولوزارة الشئوون الأجتماعية ولمحلية الحصاحيصا وكل الأهل بالخرطوم وأم درمان والسروراب ولندن وماليزيا والسعودية والإمارات.
*كما لا يفوتنا أن نشكر قبيلة الإعلام الرياضي الذين عرفنا أصالتهم بيانآ بالعمل في فقدنا وهم يحرصون علي تعزيتنا .
*نشكر صحف المشاهد وآخر لحظه وحبيب البلد وعالم النجوم وكفر ووتر والمواقع الألكترونية التابعه للأحزاب السياسية وكل من نعي أمنا.
*نشكر كذلك كل المناطق حول طابت بلا فرز وإنشاء نجيكم في الأفراح.
السطر الأخير
أستغفر الله العظيم من كل ذنب عظيم