هل هو فعلاً سودان المريخ
+ الميل القلبي غلاب وغير قابل للانقشاع ومتجاسر دوماً على أي حركة تظاهر بغير حقيقة الانحياز الجارف لمن يهواه الانسان او تميل اليه السلطة سياسية كانت او غيرها .
+ وضح تماماً انهم يريدون للمريخ ان يعلو ، يريدون ان يثيبوه على تعاونه مع السلطة طاعته العمياء وتنفيذه لبرامجها .
+ واضح جداً انهم لم ينسوا معارضة الطيب عبد الله بابا الهلال المفدى لقرار والي الخرطوم المرحوم مجذوب الخليفة عليهما رحمة ربي ورضوانه عندما تمسك بقراره باجراء مباراة الهلال والترجي في قارعة الظهيرة ، حيث لم تجد التدخلات ولم ينفع التلويح بعصا السلطة .
+ واضح جداً انهم لم ينسوا تصريح ارباب الهلال صلاح ابن ادريس الرافض لاية معونة من جهة حزبية محافظاً على حيدة الكيان الازرق ووطنيته المعافاة المحايدة التي لا يأتيها الباطن من بيت تجنسيها ولا مهرجانتها المختلفة .
+ ولذا فانني استغربت مراراً وتكراراً لاستخدام مصطلح قميء ومستفز ، حين يصغرون السودان الكبير ، سودان الناس الغلابة ن دينكا وعرب وبجة وحلب ، رطانة وفصاح ن ليختذلونه في تعبير لئيم وجارح سودان المريخ .
+ والآن يجظى كلتشي بالجنسية في لمح البرق وتتزامن مع قدوم النفطي ، ويسمح للاخير بابداء الرغبة قبل ان تبرد حرارة جنسية سلفه النيجيري المتكلتش ، فهل هو حقاً سودان المريخ .
+ للوالي امواله ونفوذه ، ولعبد الله حسن عيسى وهمد وغيرهم من رجال السلطة اسماؤهم ومكاناتهم المقدرة ، نحن نتفهم ان ينصر أي تنظيم رجاله ويعلي من شانهم خصوصاً اذا كان لهم علاقة بقطاعات شعبية في ظل صراعات انتخابية بائنة واستقطابات شغالة هنا وهناك ، لكن هل هذا كله يسمح بأن يكون سوداننا الذي نعشق، سوداناً للمريخ .
+ القروش مبروكة عليكم وان شاء الله تنفعكم ، الجنسيات ان شاء الله تترادف فوق بعضها حتى تنوء بها الادراج ، بس بالله عليكم خذوا كل شيء ، كل شيء ، واتركوا لنا سوداننا ، ارجوكم لا تستخدموا هذا المصطلح البغيض، سودان المريخ .
+ كونوا الاوائل في كل شيء ، في الاستاد الفخيم ، في البنيات التحتية المهولة ، في الطوابق المتراصفة بعضاً فوق بعض ، كونوا السباقين في استقطاب المحليين ، واغراء الاجانب ، سووا زي ما عايزين بس ادونا فرقة معكم في السودان ، لا تجعلوهوا سوداناً لكم وحدكم ، ارجوكم ، لا تقولوا سودان المريخ .
+ كونوا مريخاً للسودان، كونوا لبلادكم ولا تجعلوا بلادكم تكون لكم ، ففي هذا الوطن القارة ، هذا الوطن الممتد الملون بالوان مختلفة ، المنكه بلهجات شتى ، هناك هلالاب ، ومورداب ، واملاب ، ونيلاب حصاحيصاب ، وهلم جرا...حليلكم يالامام الصادق ...حليلكم .
+ بالله عليكم خذوا المعز ، واستعيدوا فييرا ، غازلوا يوسف محمد ، بحيث يكون يا معاكم ، يا ما معانا ، بس بالله عليكم ادونا معاكم فرقة في هذا السودان .
+ مريخ السودان ، بامجاده واسمه الكبير ، افضل والطف مليون مرة من مريخ السودان .
+ لسنا ضعافاً ، لا ينقصنا المال ، ولا نشكو قلة الرجال ، بل نحن الاغنياء لاننا هلال السودان ، ملاذ البسطاء ومؤنس وحشة التعابة ، الغبش السمحين ، الناس الزينين، في كاب الجداد، في مناقزا في تلس وفي شندي فوق ..وفي كل باندقة من وطننا الجميل .
+ لا تغتروا فلكل دولة زوال ، وياما في المقابر من رجال ، ولو دالت لغيركم ما آلت عليكم .
هتاف اخير
+ لقطوا هنا وهناك ، محلي وخارجي ، سبقوا بالمال والتجنيس والخطوة السريعة ، جابوا الارض من مشارقها ومن متانسها ، وبمجرد ان ذهب الارباب الى جدة ، اشرئبت الاعناق ، وجحظت العيون ، الله وحدوا يفك عقدة الجماعة .
مسدار سودان الجميع :
سودان المريخ....... والله لفظة عجيبة
لا بتسر حبيب.........لا فيها بذرة طيبة
سودان للجميع.....في كورتي والسوريبة
وين ناس الامل...وين ناس حمد والديبة
+ الميل القلبي غلاب وغير قابل للانقشاع ومتجاسر دوماً على أي حركة تظاهر بغير حقيقة الانحياز الجارف لمن يهواه الانسان او تميل اليه السلطة سياسية كانت او غيرها .
+ وضح تماماً انهم يريدون للمريخ ان يعلو ، يريدون ان يثيبوه على تعاونه مع السلطة طاعته العمياء وتنفيذه لبرامجها .
+ واضح جداً انهم لم ينسوا معارضة الطيب عبد الله بابا الهلال المفدى لقرار والي الخرطوم المرحوم مجذوب الخليفة عليهما رحمة ربي ورضوانه عندما تمسك بقراره باجراء مباراة الهلال والترجي في قارعة الظهيرة ، حيث لم تجد التدخلات ولم ينفع التلويح بعصا السلطة .
+ واضح جداً انهم لم ينسوا تصريح ارباب الهلال صلاح ابن ادريس الرافض لاية معونة من جهة حزبية محافظاً على حيدة الكيان الازرق ووطنيته المعافاة المحايدة التي لا يأتيها الباطن من بيت تجنسيها ولا مهرجانتها المختلفة .
+ ولذا فانني استغربت مراراً وتكراراً لاستخدام مصطلح قميء ومستفز ، حين يصغرون السودان الكبير ، سودان الناس الغلابة ن دينكا وعرب وبجة وحلب ، رطانة وفصاح ن ليختذلونه في تعبير لئيم وجارح سودان المريخ .
+ والآن يجظى كلتشي بالجنسية في لمح البرق وتتزامن مع قدوم النفطي ، ويسمح للاخير بابداء الرغبة قبل ان تبرد حرارة جنسية سلفه النيجيري المتكلتش ، فهل هو حقاً سودان المريخ .
+ للوالي امواله ونفوذه ، ولعبد الله حسن عيسى وهمد وغيرهم من رجال السلطة اسماؤهم ومكاناتهم المقدرة ، نحن نتفهم ان ينصر أي تنظيم رجاله ويعلي من شانهم خصوصاً اذا كان لهم علاقة بقطاعات شعبية في ظل صراعات انتخابية بائنة واستقطابات شغالة هنا وهناك ، لكن هل هذا كله يسمح بأن يكون سوداننا الذي نعشق، سوداناً للمريخ .
+ القروش مبروكة عليكم وان شاء الله تنفعكم ، الجنسيات ان شاء الله تترادف فوق بعضها حتى تنوء بها الادراج ، بس بالله عليكم خذوا كل شيء ، كل شيء ، واتركوا لنا سوداننا ، ارجوكم لا تستخدموا هذا المصطلح البغيض، سودان المريخ .
+ كونوا الاوائل في كل شيء ، في الاستاد الفخيم ، في البنيات التحتية المهولة ، في الطوابق المتراصفة بعضاً فوق بعض ، كونوا السباقين في استقطاب المحليين ، واغراء الاجانب ، سووا زي ما عايزين بس ادونا فرقة معكم في السودان ، لا تجعلوهوا سوداناً لكم وحدكم ، ارجوكم ، لا تقولوا سودان المريخ .
+ كونوا مريخاً للسودان، كونوا لبلادكم ولا تجعلوا بلادكم تكون لكم ، ففي هذا الوطن القارة ، هذا الوطن الممتد الملون بالوان مختلفة ، المنكه بلهجات شتى ، هناك هلالاب ، ومورداب ، واملاب ، ونيلاب حصاحيصاب ، وهلم جرا...حليلكم يالامام الصادق ...حليلكم .
+ بالله عليكم خذوا المعز ، واستعيدوا فييرا ، غازلوا يوسف محمد ، بحيث يكون يا معاكم ، يا ما معانا ، بس بالله عليكم ادونا معاكم فرقة في هذا السودان .
+ مريخ السودان ، بامجاده واسمه الكبير ، افضل والطف مليون مرة من مريخ السودان .
+ لسنا ضعافاً ، لا ينقصنا المال ، ولا نشكو قلة الرجال ، بل نحن الاغنياء لاننا هلال السودان ، ملاذ البسطاء ومؤنس وحشة التعابة ، الغبش السمحين ، الناس الزينين، في كاب الجداد، في مناقزا في تلس وفي شندي فوق ..وفي كل باندقة من وطننا الجميل .
+ لا تغتروا فلكل دولة زوال ، وياما في المقابر من رجال ، ولو دالت لغيركم ما آلت عليكم .
هتاف اخير
+ لقطوا هنا وهناك ، محلي وخارجي ، سبقوا بالمال والتجنيس والخطوة السريعة ، جابوا الارض من مشارقها ومن متانسها ، وبمجرد ان ذهب الارباب الى جدة ، اشرئبت الاعناق ، وجحظت العيون ، الله وحدوا يفك عقدة الجماعة .
مسدار سودان الجميع :
سودان المريخ....... والله لفظة عجيبة
لا بتسر حبيب.........لا فيها بذرة طيبة
سودان للجميع.....في كورتي والسوريبة
وين ناس الامل...وين ناس حمد والديبة
تم حذف جزء من المحتوى لمخالفته اللوائح