سيد الناس حضر
حضر هلال العشق الجميل فجر أمس فى الثانية صباحاً وكان فى إستقباله جمهور غفير جاء مؤازراً لأبطال ممثل الوطن الوحيد فى بطولة الكبار بعد أن إنتزع تعادلاً غالياً من فك فهود الكنغو بين أرضهم ووسط جماهيرهم ...حضر سيد البلد وألسنة الفرح بعد حمد الله تعالى تردد أغنية الفنان الراحل سيد خليفة ( سيد الناس حضر) والتى تقول بعض مقاطعها *** يلا يابدور ... يلا يازهور ... غنوا للقمر ... جونا من بعيد ( أكيد ديل ناس كاريكا ونزار وبشة وصحبهم جونا من بعيد من الكنغو برازفيل ) جونا من بعيد ... وبى بشائر العيد ... وبالحنان والريد ...وبالفال السعيد ... فرشوا ليه الورود ...لبسوه العقود ... وطبقوا ليه الزغرود ...ونزلوا بالبحر .... طبعاً ديل الهلالاب لما جوا مارين من المطار بى كبرى أم درمان ومعهم الجماهير الوفية ، ويجب على أبناء الهلال الإستعداد الجاد لفريق ليوبارد وهزيمته بالخرطوم، نريد أن تهتف جماهيرنا الوفية بهتافها المحبب ..الله ..الوطن ... الهلال ...وأهلاً بيهو الهلال هلا ...وغيرها من الأهازيج الجميلة ، والوصول للمجموعات ما غريب على الهلال فقد وصلها كثيراً بحمد الله ، ونحن عندنا أسلحة دمار شامل سوف يشاهدها ليوبارد فى إستاد الخرطوم مساء الأحد القادم منها على سبيل المثال لا الحصر صواريخ الغزال عابرة القارات وقذائف سيدى بيه وراجمات نزار وغيرها من الأسلحة والذخيرة المختلفة .
ولقد أعجبتنى مسادير شاعر الهلال ود المجذوب عندما قال
*** أقدل ياهلال كمّل فصول الرحلة
***والأعين سعيدة وبالفرح مكتحلة
***أسعدنا الجميع رغم الظروف الضحلة
*** فى كورة الإياب عايزين نتيجتك أحلى
ولقد جادت القريحة بالمسدار التالى:
*** ود المجذوب أخوى هلالك مولع نار
*** و دورى المجموعات حوافزنا بالدولار
*** فى الكنغو برازفيل شفنا أخوان نزار
*** حالفين يمين للجيران يجيبوا التار...
العايز يشوفنا على الهواء مباشرة حده معانا يوم الأحد القادم وبعده بإذن الله بنكون مشفرين ومافى طريقة الزول يمتع نظره فينا إلاعلى الجزيرة الرياضية (بين سبورت) حصرياً ، بالمناسبة ممكن نسمح ليكم تشوفوا وارغو فى الشهر مرة !! لذا لزم التنويه .
*** نبذة عن حكم السنغال الذى ظلم الهلال
تعود الهلال على ظلم التحكيم الأفريقى حتى ونحن نلعب داخل أرضنا ويكفى مباراة الصفاقسى وضربة جزاء سادومبا التى إعترفت بها صحيفة الشروق التونسية عام 2010 فى مربع الذهب ، ولن يكن ظلم حكم السنغال بادارا دياتا أمام ليوبارد هو الأخير حيث منح الخصم ضربة جزاء لا وجود لها فى الدقيقة 90 وبحمد الله تمكن جمعة جينارو من صدها ، وهذا هو العام الأخير للحكم دياتا فى الملاعب، وهو فى الأصل خريج إقتصاد ولكن كان والده بادارا كونى يحتل منصب رئيس التحكيم بالكاف لمدة 8 سنوات قبل عام 2010 مما ساعد إبنه الموظف بوزارة المالية ليسير بسرعة الصاروخ فى مجال التحكيم بالمجاملة والمحسوبية ، والغريب فى الأمر أن حكم مباراة الرد مساء الأحد القادم بالخرطوم هو الغانى جوزيف ماكيتى وهو حكم مثير للجدل حيث ظلم الأهلى القاهرى عام 2010 عندما إحتسب هدف مهاجم الترجى مايكل إنرامو الذى أحرزه باليد !! وعاد هذا الحكم للتحكيم بعد إيقاف 3 سنوات عقوبة له ، الحكاية شنو !! ياعالم شوفوا لينا حكم عنده ضمير لايظلمنا ولا يظلم خصمنا وأسألونا من نتيجة الفوز بإذن الله ... إعلام المريخ سبق له أن هاجم الزميل الباشمهندس على همشرى وإتهمه بشراء الحكام بألف دولار فقط ..تخيلوا!!.
*** منافسة الدورى السودانى زينة وعاجبانى
سيد البلد تربع على كرسي الصدارة برصيد 18 نقطة وأحرز رماته 16 هدفا ومازالت شباكنا عذراء بحمد الله ...ولدينا مباراة فى الدورى الممتاز مع الآرسنال تم تأجيلها حتى الخميس الثالث من أبريل ... إيه رأيكم نسمح للجيران بالصدارة المؤقتة !! خاصة وأن رصيدهم 16 نقطة وأحرزوا 16 هدفا وولجت شباكهم ربع دستة ، وكما نعلم بأن مباراتهم مساء اليوم الأربعاء أمام النسور الجريح ...وفريق النسور هو طيش المنافسة حتى الآن برصيد صفر نقاط ...ودى فرصة لى ناس شيم لص وتية أوليفيرا عشان ( البقللة ) ...ونتمنى أن تكون هذه المباراة بمناسبة فتح شهية لحبايبنا الحلوين عشان مباراتهم القادمة مع مين !! طبعاً عارفين ...عليكم نووووور ....أيوة مع سيد البلد ، وعندنا فكرة لم تنضج بعد ..إحتمال نتقدم بمكرمة هلالية للجيران ونلعب مباراة القمة بنجوم الصف الثانى ناس أطهر الطاهر وديفيد سيمبو والحارس الشاب يونس الطيب ...إنتوا قايلين زيارة شباك أكرم عايزة كاريكا وكوليبالى !! لا لا لا ...زيارة شباك أكرم أسهل من زيارة المستشفى يوم الجمعة .
*** همسة الوداع
حبايبنا الحلوين بعد أن تفاجأوا بمستوى الهلال الأفريقى قالوا إحنا عايزنكم تصلوا المجموعات عشان لو نزلتوا الكونفدرالية ممكن تشيلوا الكأس !! وكمان صدقوا هذا الوهم والأمانى العذبة ... وبهذه المناسبة نهمس فى أذن صاحب القلم الأحمر طيب لو هلال 2014 تخطى الكبار فى منافسة الكبار هل بتعترفوا بى قوة الهلال !! ولا بتقولوا الترجى والأهلى والقطن ومازيمبى برضهم حمام ميت ؟ مجرد سؤال .
حضر هلال العشق الجميل فجر أمس فى الثانية صباحاً وكان فى إستقباله جمهور غفير جاء مؤازراً لأبطال ممثل الوطن الوحيد فى بطولة الكبار بعد أن إنتزع تعادلاً غالياً من فك فهود الكنغو بين أرضهم ووسط جماهيرهم ...حضر سيد البلد وألسنة الفرح بعد حمد الله تعالى تردد أغنية الفنان الراحل سيد خليفة ( سيد الناس حضر) والتى تقول بعض مقاطعها *** يلا يابدور ... يلا يازهور ... غنوا للقمر ... جونا من بعيد ( أكيد ديل ناس كاريكا ونزار وبشة وصحبهم جونا من بعيد من الكنغو برازفيل ) جونا من بعيد ... وبى بشائر العيد ... وبالحنان والريد ...وبالفال السعيد ... فرشوا ليه الورود ...لبسوه العقود ... وطبقوا ليه الزغرود ...ونزلوا بالبحر .... طبعاً ديل الهلالاب لما جوا مارين من المطار بى كبرى أم درمان ومعهم الجماهير الوفية ، ويجب على أبناء الهلال الإستعداد الجاد لفريق ليوبارد وهزيمته بالخرطوم، نريد أن تهتف جماهيرنا الوفية بهتافها المحبب ..الله ..الوطن ... الهلال ...وأهلاً بيهو الهلال هلا ...وغيرها من الأهازيج الجميلة ، والوصول للمجموعات ما غريب على الهلال فقد وصلها كثيراً بحمد الله ، ونحن عندنا أسلحة دمار شامل سوف يشاهدها ليوبارد فى إستاد الخرطوم مساء الأحد القادم منها على سبيل المثال لا الحصر صواريخ الغزال عابرة القارات وقذائف سيدى بيه وراجمات نزار وغيرها من الأسلحة والذخيرة المختلفة .
ولقد أعجبتنى مسادير شاعر الهلال ود المجذوب عندما قال
*** أقدل ياهلال كمّل فصول الرحلة
***والأعين سعيدة وبالفرح مكتحلة
***أسعدنا الجميع رغم الظروف الضحلة
*** فى كورة الإياب عايزين نتيجتك أحلى
ولقد جادت القريحة بالمسدار التالى:
*** ود المجذوب أخوى هلالك مولع نار
*** و دورى المجموعات حوافزنا بالدولار
*** فى الكنغو برازفيل شفنا أخوان نزار
*** حالفين يمين للجيران يجيبوا التار...
العايز يشوفنا على الهواء مباشرة حده معانا يوم الأحد القادم وبعده بإذن الله بنكون مشفرين ومافى طريقة الزول يمتع نظره فينا إلاعلى الجزيرة الرياضية (بين سبورت) حصرياً ، بالمناسبة ممكن نسمح ليكم تشوفوا وارغو فى الشهر مرة !! لذا لزم التنويه .
*** نبذة عن حكم السنغال الذى ظلم الهلال
تعود الهلال على ظلم التحكيم الأفريقى حتى ونحن نلعب داخل أرضنا ويكفى مباراة الصفاقسى وضربة جزاء سادومبا التى إعترفت بها صحيفة الشروق التونسية عام 2010 فى مربع الذهب ، ولن يكن ظلم حكم السنغال بادارا دياتا أمام ليوبارد هو الأخير حيث منح الخصم ضربة جزاء لا وجود لها فى الدقيقة 90 وبحمد الله تمكن جمعة جينارو من صدها ، وهذا هو العام الأخير للحكم دياتا فى الملاعب، وهو فى الأصل خريج إقتصاد ولكن كان والده بادارا كونى يحتل منصب رئيس التحكيم بالكاف لمدة 8 سنوات قبل عام 2010 مما ساعد إبنه الموظف بوزارة المالية ليسير بسرعة الصاروخ فى مجال التحكيم بالمجاملة والمحسوبية ، والغريب فى الأمر أن حكم مباراة الرد مساء الأحد القادم بالخرطوم هو الغانى جوزيف ماكيتى وهو حكم مثير للجدل حيث ظلم الأهلى القاهرى عام 2010 عندما إحتسب هدف مهاجم الترجى مايكل إنرامو الذى أحرزه باليد !! وعاد هذا الحكم للتحكيم بعد إيقاف 3 سنوات عقوبة له ، الحكاية شنو !! ياعالم شوفوا لينا حكم عنده ضمير لايظلمنا ولا يظلم خصمنا وأسألونا من نتيجة الفوز بإذن الله ... إعلام المريخ سبق له أن هاجم الزميل الباشمهندس على همشرى وإتهمه بشراء الحكام بألف دولار فقط ..تخيلوا!!.
*** منافسة الدورى السودانى زينة وعاجبانى
سيد البلد تربع على كرسي الصدارة برصيد 18 نقطة وأحرز رماته 16 هدفا ومازالت شباكنا عذراء بحمد الله ...ولدينا مباراة فى الدورى الممتاز مع الآرسنال تم تأجيلها حتى الخميس الثالث من أبريل ... إيه رأيكم نسمح للجيران بالصدارة المؤقتة !! خاصة وأن رصيدهم 16 نقطة وأحرزوا 16 هدفا وولجت شباكهم ربع دستة ، وكما نعلم بأن مباراتهم مساء اليوم الأربعاء أمام النسور الجريح ...وفريق النسور هو طيش المنافسة حتى الآن برصيد صفر نقاط ...ودى فرصة لى ناس شيم لص وتية أوليفيرا عشان ( البقللة ) ...ونتمنى أن تكون هذه المباراة بمناسبة فتح شهية لحبايبنا الحلوين عشان مباراتهم القادمة مع مين !! طبعاً عارفين ...عليكم نووووور ....أيوة مع سيد البلد ، وعندنا فكرة لم تنضج بعد ..إحتمال نتقدم بمكرمة هلالية للجيران ونلعب مباراة القمة بنجوم الصف الثانى ناس أطهر الطاهر وديفيد سيمبو والحارس الشاب يونس الطيب ...إنتوا قايلين زيارة شباك أكرم عايزة كاريكا وكوليبالى !! لا لا لا ...زيارة شباك أكرم أسهل من زيارة المستشفى يوم الجمعة .
*** همسة الوداع
حبايبنا الحلوين بعد أن تفاجأوا بمستوى الهلال الأفريقى قالوا إحنا عايزنكم تصلوا المجموعات عشان لو نزلتوا الكونفدرالية ممكن تشيلوا الكأس !! وكمان صدقوا هذا الوهم والأمانى العذبة ... وبهذه المناسبة نهمس فى أذن صاحب القلم الأحمر طيب لو هلال 2014 تخطى الكبار فى منافسة الكبار هل بتعترفوا بى قوة الهلال !! ولا بتقولوا الترجى والأهلى والقطن ومازيمبى برضهم حمام ميت ؟ مجرد سؤال .
