العمود الحر
عبدالعزيز المازري
*ناس الهلال ديل عجيبين خلاص ما عارفو تميز ولا حاجه تانية اكبر شوية ناس
بتحب ( الهم ) حب شديد خالص خالص فريق متعادل ونتيجة ايجابية يقوم يطلع
لينا النابي بي موعظة ومحاضرة علي الهواء الجائي اصعب ما تفرحوا يعني
يشكك الواحد انا قولته النابي ده عالمي ولا شنو !! ولا جاسوس ولا طابور
خامس ما نفرح كيف اها قمنا كتمنا فرحنا حتي مقالاتنا كلها بقت القادم
اصعب بس ارهاب وكباب .والجمهور برضو تأثر بوصايا النابي بقي كلو كلامو ما
تفرحو بالتعادل انا ماعارف لو كنا انهزمنا ماكان عملو فينا كده ..يا نابي
ومالو خلي الجمهور يفرح ويفرح ويرقص كمان والقادم الصعب ده خليهو
للجمهور!! وناس الملعب ديل ماعارفين انو استاد الخرطوم حيكون زي المقبرة
يوم ردم الاهلي القاهري غايتو رحلة مالي للسودان عنوانها الذهاب للجحيم
زي ماقالت جرايد مالي !! الكلام ده ماقولتو انا . وانا مالي ومالي
*احلي حاحه نطلع يافطة نكتب فيها ممنوع الفرح حيت يوم الاحد القادم
..ظاهرة صحية جدا يمكن سببها النابي وتكون روشته كده للقادم ..انا لا
بعرف العب بالبيضة ولا الحجر ولا بعرف التكهنات ولا مؤمن بالابراج لكن
عندي احساس كده السنة دي فيها كلام بس ادعو الله ربنا يبعد عننا العوارض
ونستعد تمام التمام
* الزول القام من النوم ب( مكالمة) رايحه عليهو(missed calls) والرقم
الظهر ليهو خاص اها يعمل شنو الساعة (2 صباحا) قال انتظر شويه قام اعاد
الاتصال بالرقم الخاص ولا حاجه جاتو حتي ولا (ترن رن) هو الزول ده لحق
نام بتين عشان يفوقو تاني ..بطولة وادي النيل ولا مباراة مع برشلونا
..الزول ده مش احسن ينوم.ولا رائكم شنو يا اهل العالمي !
*الوالي والمحترفين الاجانب ومعاهم كروجر طيب الذكر عقب الطيران من
التمهيدي واجتماع تقليص الرواتب و(قفل البلف) مش دافع مش دافع والماعاجبو
يتخارج ..اها جماعتنا كلهم جروا واطي كروجر سكت ساي اتاريهو كان مبيت
النية مع انبي ..مسكين تراوري وباسيروا مالحقوا غرفوا من الخزنة دي قبلي
القفل عفيت منك يا الوالي اضرب طوالي
*انفلونزا الطيران اخطر من انفلونزا الطيور والخنازير ..يعني شنو واحد
يرسل رسالة يقول فيها مهند خطير وشوات والهلال عندو بشه امسكوهو (هو انتو
مسكتو بشه عشان يمسكوا ناس الملعب) ما علينا من المضحك يا هلالاب تاني
مافي واحد فيكم يقيف جمب عالمي لانو انفلونزا الطيران دي خطيرة .تاني لو
عطس جمبك زول اول حاجه قبلي ماتاخد المضاد اسألو يا 0 (الاخو) انته لونك
شنو لو طلع عالمي اخد المضاد وقوم جاري .. ولو طلع زولنا برضو احتياطي
كده ارمقو بنظرة ريبة وحذر ..جاسوس ايه وحركات ايه مع ثورة التكنلوجيا
والاتصالات دي يعني ناس الملعب ديل لو عاوزين يعرفوا الهلال مابقدرو !!
*غايتو فرصة للراحة والاسترخاء علي اداريئ وجماهير الفريق العالمي
استقلالها وعدم اضاعتها خاصة بعد عمل وجهد كبير في مباراة الفريق امام
البافاري بالدوحة والاستعداد للسفر لمقابلة البارسا..مالكم شاغلين نفسكم
ببطولة وادي النيل والمباريات العالمية مافي زول مغالطكم فريقكم عالمي
ونص وخمسه
*اخر طلقة اكرم وين عربيتك وين عربيتك
كلمات ساخرة هنا وهناك
*ادرك تماما كما يدرك ابسط العارفين لهذه المجنونة ان الاتحاد العام لا
يستطيع ان يقول لا للعالمي بشأن مدرب المنتخب مازدا
*الاعيسر والشوط الحاسم وقناة قوون يا اخي الحقوق لا تبرر العنف شوية
هدوء التقول الواحد في حلقة ولا في سوق سمك ارحمونا الشوط الحاسم يحتاج
حسم تهديد ووعيد وكذب نصدق مين ولا نكذب مين
*الادارة الناجحة هي التي تتمسك بقراراتها والادارة الناجحة هي التي لا
تتستر علي العشوائية دكاكين الهلال يجب ان يتناول ملفها بشفافية
*المعاناة تولد الابداع مش يمكن يكون في قفل البلف مأرب اخري
*هس ولا كلمة ولا فرح كلو يؤجل لبعد يوم الاحد
*اها خشمنا وقفلناهو وقلمنا ورميناهو
عبدالعزيز المازري
*ناس الهلال ديل عجيبين خلاص ما عارفو تميز ولا حاجه تانية اكبر شوية ناس
بتحب ( الهم ) حب شديد خالص خالص فريق متعادل ونتيجة ايجابية يقوم يطلع
لينا النابي بي موعظة ومحاضرة علي الهواء الجائي اصعب ما تفرحوا يعني
يشكك الواحد انا قولته النابي ده عالمي ولا شنو !! ولا جاسوس ولا طابور
خامس ما نفرح كيف اها قمنا كتمنا فرحنا حتي مقالاتنا كلها بقت القادم
اصعب بس ارهاب وكباب .والجمهور برضو تأثر بوصايا النابي بقي كلو كلامو ما
تفرحو بالتعادل انا ماعارف لو كنا انهزمنا ماكان عملو فينا كده ..يا نابي
ومالو خلي الجمهور يفرح ويفرح ويرقص كمان والقادم الصعب ده خليهو
للجمهور!! وناس الملعب ديل ماعارفين انو استاد الخرطوم حيكون زي المقبرة
يوم ردم الاهلي القاهري غايتو رحلة مالي للسودان عنوانها الذهاب للجحيم
زي ماقالت جرايد مالي !! الكلام ده ماقولتو انا . وانا مالي ومالي
*احلي حاحه نطلع يافطة نكتب فيها ممنوع الفرح حيت يوم الاحد القادم
..ظاهرة صحية جدا يمكن سببها النابي وتكون روشته كده للقادم ..انا لا
بعرف العب بالبيضة ولا الحجر ولا بعرف التكهنات ولا مؤمن بالابراج لكن
عندي احساس كده السنة دي فيها كلام بس ادعو الله ربنا يبعد عننا العوارض
ونستعد تمام التمام
* الزول القام من النوم ب( مكالمة) رايحه عليهو(missed calls) والرقم
الظهر ليهو خاص اها يعمل شنو الساعة (2 صباحا) قال انتظر شويه قام اعاد
الاتصال بالرقم الخاص ولا حاجه جاتو حتي ولا (ترن رن) هو الزول ده لحق
نام بتين عشان يفوقو تاني ..بطولة وادي النيل ولا مباراة مع برشلونا
..الزول ده مش احسن ينوم.ولا رائكم شنو يا اهل العالمي !
*الوالي والمحترفين الاجانب ومعاهم كروجر طيب الذكر عقب الطيران من
التمهيدي واجتماع تقليص الرواتب و(قفل البلف) مش دافع مش دافع والماعاجبو
يتخارج ..اها جماعتنا كلهم جروا واطي كروجر سكت ساي اتاريهو كان مبيت
النية مع انبي ..مسكين تراوري وباسيروا مالحقوا غرفوا من الخزنة دي قبلي
القفل عفيت منك يا الوالي اضرب طوالي
*انفلونزا الطيران اخطر من انفلونزا الطيور والخنازير ..يعني شنو واحد
يرسل رسالة يقول فيها مهند خطير وشوات والهلال عندو بشه امسكوهو (هو انتو
مسكتو بشه عشان يمسكوا ناس الملعب) ما علينا من المضحك يا هلالاب تاني
مافي واحد فيكم يقيف جمب عالمي لانو انفلونزا الطيران دي خطيرة .تاني لو
عطس جمبك زول اول حاجه قبلي ماتاخد المضاد اسألو يا 0 (الاخو) انته لونك
شنو لو طلع عالمي اخد المضاد وقوم جاري .. ولو طلع زولنا برضو احتياطي
كده ارمقو بنظرة ريبة وحذر ..جاسوس ايه وحركات ايه مع ثورة التكنلوجيا
والاتصالات دي يعني ناس الملعب ديل لو عاوزين يعرفوا الهلال مابقدرو !!
*غايتو فرصة للراحة والاسترخاء علي اداريئ وجماهير الفريق العالمي
استقلالها وعدم اضاعتها خاصة بعد عمل وجهد كبير في مباراة الفريق امام
البافاري بالدوحة والاستعداد للسفر لمقابلة البارسا..مالكم شاغلين نفسكم
ببطولة وادي النيل والمباريات العالمية مافي زول مغالطكم فريقكم عالمي
ونص وخمسه
*اخر طلقة اكرم وين عربيتك وين عربيتك
كلمات ساخرة هنا وهناك
*ادرك تماما كما يدرك ابسط العارفين لهذه المجنونة ان الاتحاد العام لا
يستطيع ان يقول لا للعالمي بشأن مدرب المنتخب مازدا
*الاعيسر والشوط الحاسم وقناة قوون يا اخي الحقوق لا تبرر العنف شوية
هدوء التقول الواحد في حلقة ولا في سوق سمك ارحمونا الشوط الحاسم يحتاج
حسم تهديد ووعيد وكذب نصدق مين ولا نكذب مين
*الادارة الناجحة هي التي تتمسك بقراراتها والادارة الناجحة هي التي لا
تتستر علي العشوائية دكاكين الهلال يجب ان يتناول ملفها بشفافية
*المعاناة تولد الابداع مش يمكن يكون في قفل البلف مأرب اخري
*هس ولا كلمة ولا فرح كلو يؤجل لبعد يوم الاحد
*اها خشمنا وقفلناهو وقلمنا ورميناهو
