جن مارات تلاتة
من أغانى التراث الجميلة أغنية ( جن مارات تلاتة ) للفنان الراحل أحمد المصطفى التى تقول بعض كلماتها *** جن مارات تلاتة ... فيهن تومتى ذاتا...بحلف بى غلاتة ...أنا دستورى نازل فى الخرطوم تلاتة ... وين سميرى ، أنا خائف ينط واحد هلالابى يقول أنا تذكرت ثلاثية الهلال فى ديربى الخميس الماضى !! إنتوا فى الحقيقة التلاتة الجن مارات ديل إلا تكون أقوان المعلم وبوى وبشة فى شباك الحضرى والتى قلصت فارق الخمس نقاط إلى نقطتين !! وفيهن تومى ذاتا طبعاً النجمة تومة الهلال !! لكن المشكلة فى شارع الخياطة ياربى يكون المقصود شنو !! إلا يكون ده خط 18 بتاع المريخ عشان كاريكا ونزار خيطوا دفاع المريخ سبعة تمانية !! و إعلام المريخ الذى كان يتحدث أن المريخ لو لعب بهيثم مصطفى ومعه لاعب واحد هو موسى الزومة فإن المباراة محسومة لصالح الأحمر وسوف يكون فارق النقاط 8 زى رقم فنيلة هيثم مصطفى !! ورغم أن المريخ لعب بهيثم ومعه 11 هم اللعيبة العشرة والحكم وديدى الفاتح وبعد ذلك أصبح فارق النقاط فقط نقطتين !! ومباراة الهلال القادمة مع الرومان بأم درمان ويجب على الأقمار إحترام الخصم وحذار من الغرور بالفوز على المريخ !! وكما قال الأديب العالمى نجيب محفوظ فإن الغرور مقبرة النجاح ... خاصة وأن إتحاد مدنى تعادل بدون أهداف فى مباراته الأخيرة مع الموردة ، وكما نعلم أن الرومان فى المركز التاسع برصيد 20 نقطة نالها من فوز 4 مرات وتعادل 8 مرات وخسارة 5 مرات ومن هذه التعادلات تعادل مع الهلال بمدنى بهدفين لكل فريق فى مدنى ، نجوم الهلال يحبون فريقهم بإخلاص مثل جماهيرهم الوفية فهذا هو الغزال رغم إنه لم يشارك فى المباراة إلا أنه بعد نهاية المباراة إحتفل بالنصر وصعد فوق العارضة ورفع علم الهلال ... بالمناسبة الشاب عبداللطيف بوى رد على إستفزاز الإعلام الأحمر وقال لو لعبنا أنا والمعز كنا هزمنا المريخ !! يابوى ماتبارى لينا الإعلام السالب وماتنسى إنك هلالابى ولله الحمد !! لذا لزم التنويه .
*** القمر بويا عليك تقيل
من الأشياء الطريفة فى منتدى كوورة سودانية ذلك التحريف اللطيف الذى قام به شاعر الهلال أحمد المجذوب لأغنية القمر بوبا عليك تقيل والتى تقول *** القمر بويا عليك تقيل ... الوصيفون الماحريف ... الوصافة الرفضت تقيف ...من كرنقو لى عبداللطيف ... ياعصام الأزرق مخيف *** بويا عليك تقيل ... القمر بويا عليك تقيل ***النجيمة نجيمة عصام ... الوزين فى موجو عام ... صفوة فايقة كتيرة كلام .... وااااا حلاتا تلاتة عصام ... الولد بويا عليك تقيل *** الغزال الفوق فى السلم ... الوصافة تزيد الألم ... كل يوم الحضرى فى هم ...البرتكان قونك مدردم ... القمر بويا عليك تقيل ** البطولة أم بحراً حمى ... فيكى روحى وحبى النما ... مابخلى الناس تحسما ... ياغرق ياجيت حازمة ... القمر بويا عليك تقيل... وهذه حلاوة مناكفات هلال مريخ .
*** سلاح المهندسين الهلالى يستل سيف الشعر
المهندس محمد جعفر أرسل مسادير شعر من صديقه المهندس الصافى الفضل من هلالاب الرياض وهى تصور أحداث قمة الخميس بين الهلال والمريخ ونحن نهدى هذه المسادير للرمز الهلالى بالهفوف الأستاذ الطريفى حاج أحمد وكل هلالاب المهجر وهى عبارة عن خمسة مسادير *** أمبارح نزار للنجمة زاد أوجاعة *** بيّض لى علاء الدين بكل براعة *** ينزل فى الوسط تحضير وفن وصناعة *** تكتيك وإنضباط مظبوطة زى الساعة .... نزار جاب لى فييرا فلايت *** والنجمة إختفت فى أستادها عز ( النايت ) *** الشئ الأكيد قون الوصيف إن سايد *** قون من غير طعم زى الملاح البايت ... أفعال الهلال معروفة ليست غامضة *** أقمار الهلال فى الحارة راكزة وصامدة *** يا النجمة اللميضة الفى الدوام متلامضة *** ببالغ نزار والبيضة كانت حامضة ... أمبارح نزار لى فييرا زرق البيضة *** باكات الوصيف بالخلعة قرشو قريضة *** أقمار الهلال يغمرنا دائماً فيضة ... وأعلامنا الزرق بشموخ تعانق البيضا *** كاريكا إنطلق جهجه دفاعو وجاطو ... والتالت وصل زاد للوصيف إحباطو *** المبدع نزار عذّب فييرا وجاطو ... إنتصر الهلال وأحرز تلاتة نقاطو ... ونقول للباشمهندس الصافى صح الله لسانك... وحبك للهلال صافى زى إسمك .
*** همسة الوداع
الصفوة كراعها مكوة دى حقيقة مافيها شك... وأقرب دليل ثورات الربيع العربى دى كلها سببها كراع الصفوة الحارة ... ونتذكر معسكر تونس أيام الكوكى وثورة تونس ومعسكر مصر وحسنى راح فيها وهسه كان عسكروا فى العاشر من أكتوبر كان السيسى فى أبوزعبل.. وفى ليبيا حصلت الثورة بعد المعسكر الأحمر فى مدينة البيضاء ... الغريبة العنقالى سيد الباسطة فصل ليهم المشاركة فى البطولة العربية على قدر مقاسهم والأعلام الأحمر عمل لنا صداع بالمشاركة فيها والآن تم إلغاء بطولة كأس الإتحاد العربى !! وبهذه المناسبة نهمس فى أذن صاحب القلم الأحمر ليه ماترفعوا المعاناة عن كاهل الشعب السودانى وتعسكروا فى مقر الإتحاد العام عشان العنقالى سيد الباسطة يصبح فى خبر كان ؟ مجرد سؤال .
من أغانى التراث الجميلة أغنية ( جن مارات تلاتة ) للفنان الراحل أحمد المصطفى التى تقول بعض كلماتها *** جن مارات تلاتة ... فيهن تومتى ذاتا...بحلف بى غلاتة ...أنا دستورى نازل فى الخرطوم تلاتة ... وين سميرى ، أنا خائف ينط واحد هلالابى يقول أنا تذكرت ثلاثية الهلال فى ديربى الخميس الماضى !! إنتوا فى الحقيقة التلاتة الجن مارات ديل إلا تكون أقوان المعلم وبوى وبشة فى شباك الحضرى والتى قلصت فارق الخمس نقاط إلى نقطتين !! وفيهن تومى ذاتا طبعاً النجمة تومة الهلال !! لكن المشكلة فى شارع الخياطة ياربى يكون المقصود شنو !! إلا يكون ده خط 18 بتاع المريخ عشان كاريكا ونزار خيطوا دفاع المريخ سبعة تمانية !! و إعلام المريخ الذى كان يتحدث أن المريخ لو لعب بهيثم مصطفى ومعه لاعب واحد هو موسى الزومة فإن المباراة محسومة لصالح الأحمر وسوف يكون فارق النقاط 8 زى رقم فنيلة هيثم مصطفى !! ورغم أن المريخ لعب بهيثم ومعه 11 هم اللعيبة العشرة والحكم وديدى الفاتح وبعد ذلك أصبح فارق النقاط فقط نقطتين !! ومباراة الهلال القادمة مع الرومان بأم درمان ويجب على الأقمار إحترام الخصم وحذار من الغرور بالفوز على المريخ !! وكما قال الأديب العالمى نجيب محفوظ فإن الغرور مقبرة النجاح ... خاصة وأن إتحاد مدنى تعادل بدون أهداف فى مباراته الأخيرة مع الموردة ، وكما نعلم أن الرومان فى المركز التاسع برصيد 20 نقطة نالها من فوز 4 مرات وتعادل 8 مرات وخسارة 5 مرات ومن هذه التعادلات تعادل مع الهلال بمدنى بهدفين لكل فريق فى مدنى ، نجوم الهلال يحبون فريقهم بإخلاص مثل جماهيرهم الوفية فهذا هو الغزال رغم إنه لم يشارك فى المباراة إلا أنه بعد نهاية المباراة إحتفل بالنصر وصعد فوق العارضة ورفع علم الهلال ... بالمناسبة الشاب عبداللطيف بوى رد على إستفزاز الإعلام الأحمر وقال لو لعبنا أنا والمعز كنا هزمنا المريخ !! يابوى ماتبارى لينا الإعلام السالب وماتنسى إنك هلالابى ولله الحمد !! لذا لزم التنويه .
*** القمر بويا عليك تقيل
من الأشياء الطريفة فى منتدى كوورة سودانية ذلك التحريف اللطيف الذى قام به شاعر الهلال أحمد المجذوب لأغنية القمر بوبا عليك تقيل والتى تقول *** القمر بويا عليك تقيل ... الوصيفون الماحريف ... الوصافة الرفضت تقيف ...من كرنقو لى عبداللطيف ... ياعصام الأزرق مخيف *** بويا عليك تقيل ... القمر بويا عليك تقيل ***النجيمة نجيمة عصام ... الوزين فى موجو عام ... صفوة فايقة كتيرة كلام .... وااااا حلاتا تلاتة عصام ... الولد بويا عليك تقيل *** الغزال الفوق فى السلم ... الوصافة تزيد الألم ... كل يوم الحضرى فى هم ...البرتكان قونك مدردم ... القمر بويا عليك تقيل ** البطولة أم بحراً حمى ... فيكى روحى وحبى النما ... مابخلى الناس تحسما ... ياغرق ياجيت حازمة ... القمر بويا عليك تقيل... وهذه حلاوة مناكفات هلال مريخ .
*** سلاح المهندسين الهلالى يستل سيف الشعر
المهندس محمد جعفر أرسل مسادير شعر من صديقه المهندس الصافى الفضل من هلالاب الرياض وهى تصور أحداث قمة الخميس بين الهلال والمريخ ونحن نهدى هذه المسادير للرمز الهلالى بالهفوف الأستاذ الطريفى حاج أحمد وكل هلالاب المهجر وهى عبارة عن خمسة مسادير *** أمبارح نزار للنجمة زاد أوجاعة *** بيّض لى علاء الدين بكل براعة *** ينزل فى الوسط تحضير وفن وصناعة *** تكتيك وإنضباط مظبوطة زى الساعة .... نزار جاب لى فييرا فلايت *** والنجمة إختفت فى أستادها عز ( النايت ) *** الشئ الأكيد قون الوصيف إن سايد *** قون من غير طعم زى الملاح البايت ... أفعال الهلال معروفة ليست غامضة *** أقمار الهلال فى الحارة راكزة وصامدة *** يا النجمة اللميضة الفى الدوام متلامضة *** ببالغ نزار والبيضة كانت حامضة ... أمبارح نزار لى فييرا زرق البيضة *** باكات الوصيف بالخلعة قرشو قريضة *** أقمار الهلال يغمرنا دائماً فيضة ... وأعلامنا الزرق بشموخ تعانق البيضا *** كاريكا إنطلق جهجه دفاعو وجاطو ... والتالت وصل زاد للوصيف إحباطو *** المبدع نزار عذّب فييرا وجاطو ... إنتصر الهلال وأحرز تلاتة نقاطو ... ونقول للباشمهندس الصافى صح الله لسانك... وحبك للهلال صافى زى إسمك .
*** همسة الوداع
الصفوة كراعها مكوة دى حقيقة مافيها شك... وأقرب دليل ثورات الربيع العربى دى كلها سببها كراع الصفوة الحارة ... ونتذكر معسكر تونس أيام الكوكى وثورة تونس ومعسكر مصر وحسنى راح فيها وهسه كان عسكروا فى العاشر من أكتوبر كان السيسى فى أبوزعبل.. وفى ليبيا حصلت الثورة بعد المعسكر الأحمر فى مدينة البيضاء ... الغريبة العنقالى سيد الباسطة فصل ليهم المشاركة فى البطولة العربية على قدر مقاسهم والأعلام الأحمر عمل لنا صداع بالمشاركة فيها والآن تم إلغاء بطولة كأس الإتحاد العربى !! وبهذه المناسبة نهمس فى أذن صاحب القلم الأحمر ليه ماترفعوا المعاناة عن كاهل الشعب السودانى وتعسكروا فى مقر الإتحاد العام عشان العنقالى سيد الباسطة يصبح فى خبر كان ؟ مجرد سؤال .