السودانى هزم الألمانى
مباراة هلال مريخ هى بطولة قائمة بذاتها ولها طعمها الخاص ونكهتها المميزة لأنها تسير بذكرها الركبان ... أول حاجة نقول يارب لك الحمد كما ينبغى لجلال وجهك وعظيم سلطانك ، طبعاً الهلالاب بحبوا فريقهم حب صادق ده كلام مافيه شك ... والله أمبارح أنا لحدى الساعة حداشر ونص أستقبل فى مكالمات الأحباب ورسائلهم ، عن إذنكم نظبط الرأس بى كباية شاى وتانى الزارعها ربنا فى شارع الظلط بتقوم ...تخيلوا الهلالاب ديل أنا إكتشفت إنهم فيهم غتاتة عينة ... قاموا إستلموا جوازات حبايبنا الحلوين عشان يعملوا ليهم خروج نهائى من كأس الممتاز وسلموها تلاتة معقبين هم المعلم عمر وبوى والدكتور بشة والعملية دى تمت فى سرية تامة غير البرير والجنرال مافى زول عارفها... ولورد عبدالصمد يصرح سوف نهزم الهلال بأكثر من هدفين والمجلس الأحمر يطلع بيان يهاجم التحكيم ويطالب بطرد المعز وإتحاد الباسطة لايحرك ساكناً ، بالله تأملوا هذه الأسماء... جمعة جنارو وعلى النور ومساوى وسيدى بيه ومحمد أحمد كاكا ومحمد عبدالرحمن وسينالى بامبا وسنكارا وفداسى ومهند الطاهر وتراورى وسامى دى مش تشكيلة الهلال الأساسية !! تخيلوا ديل كلهم مالعبوا إلا تراورى ومساوى لعبوا أقل من ربع ساعة !! وصدق من قال الهلال بمن حضر ، وبدأت المباراة وفاز الهلال بثلاثية مقابل هدفين ... الهلالاب شغالين بسياسة ( الكيشة قدموا وألحقوا ) ففى الدقيقة 24 الغينى غاندى أحرز هدف المريخ الأول والصفوة فرحت وأشعلت النيران وبعد أربع دقائق المعلم عمر أرسل صاروخ عابر القارات لم يشاهده الحضرى إلا وهو يعانق الشباك ، وبعد ربع ساعة أرسل الصنديد بوى قذيفة أرضية من شمبات ومن موقف الباصات وبرضو سكنت شباك الحضرى ( لما إحنا ذاتو أكلنا فى خاطرنا ) قلنا ده نفس هدف كرنقو فى الحضرى عام 2007 مع الأهلى القاهرى ... ولسه الدهشة مسيطرة علينا نشوف ليك كاريكا يغسل ويكوى فى كابتن المريخ الباشا ويرسل الهدية للدكتور بشة وكانت الرأسية البشاوية بمثابة حقنة الراحة ... حاول الحكم وديدى الفاتح أن يقدم هدية لمحبوبه فجاء هدف رمضان عجب التانى ... وواصل الوديدى مسلسل الهدايا حيث قام عجوز الغابرين الحضرى بدفع الشاب بكرى المدينة حتى حملوه بالنقالة !! فما كان من وديدى الفاتح إلا أن أشهر البطاقة الصفراء !! تخيلوا لى مين !! لى بكرى المسكين !! ولقد جادت القريحة بالمسدار التالى *** هلال الملايين أثلج صدرونا أمبارح *** بعد فرق النقطتين طريقك أصبح واضح *** إتحاد الباسطة فوضى ومعاها مصالح *** هزمنا فريق الصفوة ومعاهم وديدى الفاتح ... بالمناسبة خبير التحكيم الطاهر محمد عثمان قال الحضرى يستاهل كارت أصفر وهدف المريخ التانى مشكوك فى صحته !! لذا لزم التنويه .
*** رسائل المريخاب بعد الديربى
وصلتنا رسائل كتيرة عبر الجوال من مريخاب وهلالاب وسوف نسمح فى الأول بنشر رسائل المريخاب من باب حق الجار .. الرسالة الأولى من إبن الوهاج من مريخاب الأمارات ويقول ... مبرووووك إنت أتير ده المقعدو شنو بعد الإنفصال وبعدين الحضرى ده وصل مرحلة الخرف الكروى بعد إنتهاء العمر الإفتراضى ... والرسالة التانية من الأخ عبدالوهاب على التوم الذى يقضى إجازة بالسودان ويقول... مبروك عليكم يامحظوظين يابتاعين الكجور والتحكيم ...والرسالة الأخيرة من الرياضى المطبوع حيدر عبدالرحيم من مريخاب الدمام قال رغم أنى كنت أتمنى فوز المريخ إلا أننى أهنئ مدرب الهلال الوطنى صلاح آدم على شجاعته وإشراكه للنجم الجاهز وترك مهند وسيدى بيه وتراورى ومساوى فى كنبة الإحتياطى وصلاح رجل خلوق لأنه لم يرد على إنتقادات الديبة وكان الرد فى الميدان أما مدرب المريخ فقد ساعد الهلال عندما لعب بالباشا فى الظرف وعطّل مفعوله .
*** لى حبيبنا التهانى مستمرة
رسائل الهلالاب كتيرة والمساحة لاتسمح بنشرها ونعتذر لأصحاب الرسائل التى لم تنشر ، الأستاذ صلاح بكراوى من هلالاب الرياض قال أتمنى أن يكون عنوان الرحيق ( جوة أستادكم نحن أسيادكم ) وشاركه فى ذلك أدروب بكرى عيسى من مكة وود الشيخ طابت من الدمام ، وعبدالمنعم مبارك من الدمام قال هزمنا اللوردات والتحكيم وراعى الباسطة والمهندس محمد جعفر من الهفوف يهدى لهيثم وعلاء الدين أغنية ( ناس معزتنا مابنريد غيرهم رحلوا خلونا ياحليلهم ) كما يقترح الباشهمندس إرسال الحارس الحضرى لمستشفى المغربى لكشف النظر وأحمد عبدالرحمن من هلالاب الطائف يقول ...كروجر اصبح زى مازدا ود الحيشان التلاتة مع سانت جورج أخد ربع دستة من الصفاقصى ومع المريخ أخد ربع دستة من سيد البلد ... وأحمد هاشم من الرياض يقول سبحان الله الليلة من دون الأيام خليفة ده عجبنى !! وعلى عبدالحى من المدينة يهدى هذا الفوز لتلاتة هيثم مصطفى ومزمل أبو القاسم ومحمد سيد أحمد وأحمد قاسم من خيبر قال الخيل الحرة بتجى فى اللفة والدكتور محمد على الكوارتى يقول قوم يابلل سيب الخجل حارس عجوز صابو الشلل وياحضرى جيب من جوة ... ونعتذر للأحباب .
*** همسة الوداع
حبايبنا الحلوين كلمناهم قبل المباراة قلنا ليهم نحن نقاط الجيران نتناولها سريع ونرجع ماصدقونا وقلنا ليهم أعملوا حسابكم من حرف الباء ( ودبخيت وبوى وبشة ) برضو ماصدقونا
وسمعنا تحت تحت الحضرى بالليل مابشوف سمح وكمان محمد عبدالماجد قال أضانو تقيلة !! طيب مايمشى يصنقر قدام الجامع !! قاعد يسوى شنو !! طبعاً الجيران تجمدوا فى رصيد 36 نقطة وهلال العشق الجميل فى خطراتهم برصيد 34 نقطة والفرق نقطتين بس !! وتانى ماعندنا وقوف مرور على طول ... وبهذه المناسبة نهمس فى أذن صاحب القلم الأحمر إنت إرشادات المرور بتقول ممنوع الوقوف بين اليافطتين ولاّ بين النقطتين ؟ مجرد سؤال
مباراة هلال مريخ هى بطولة قائمة بذاتها ولها طعمها الخاص ونكهتها المميزة لأنها تسير بذكرها الركبان ... أول حاجة نقول يارب لك الحمد كما ينبغى لجلال وجهك وعظيم سلطانك ، طبعاً الهلالاب بحبوا فريقهم حب صادق ده كلام مافيه شك ... والله أمبارح أنا لحدى الساعة حداشر ونص أستقبل فى مكالمات الأحباب ورسائلهم ، عن إذنكم نظبط الرأس بى كباية شاى وتانى الزارعها ربنا فى شارع الظلط بتقوم ...تخيلوا الهلالاب ديل أنا إكتشفت إنهم فيهم غتاتة عينة ... قاموا إستلموا جوازات حبايبنا الحلوين عشان يعملوا ليهم خروج نهائى من كأس الممتاز وسلموها تلاتة معقبين هم المعلم عمر وبوى والدكتور بشة والعملية دى تمت فى سرية تامة غير البرير والجنرال مافى زول عارفها... ولورد عبدالصمد يصرح سوف نهزم الهلال بأكثر من هدفين والمجلس الأحمر يطلع بيان يهاجم التحكيم ويطالب بطرد المعز وإتحاد الباسطة لايحرك ساكناً ، بالله تأملوا هذه الأسماء... جمعة جنارو وعلى النور ومساوى وسيدى بيه ومحمد أحمد كاكا ومحمد عبدالرحمن وسينالى بامبا وسنكارا وفداسى ومهند الطاهر وتراورى وسامى دى مش تشكيلة الهلال الأساسية !! تخيلوا ديل كلهم مالعبوا إلا تراورى ومساوى لعبوا أقل من ربع ساعة !! وصدق من قال الهلال بمن حضر ، وبدأت المباراة وفاز الهلال بثلاثية مقابل هدفين ... الهلالاب شغالين بسياسة ( الكيشة قدموا وألحقوا ) ففى الدقيقة 24 الغينى غاندى أحرز هدف المريخ الأول والصفوة فرحت وأشعلت النيران وبعد أربع دقائق المعلم عمر أرسل صاروخ عابر القارات لم يشاهده الحضرى إلا وهو يعانق الشباك ، وبعد ربع ساعة أرسل الصنديد بوى قذيفة أرضية من شمبات ومن موقف الباصات وبرضو سكنت شباك الحضرى ( لما إحنا ذاتو أكلنا فى خاطرنا ) قلنا ده نفس هدف كرنقو فى الحضرى عام 2007 مع الأهلى القاهرى ... ولسه الدهشة مسيطرة علينا نشوف ليك كاريكا يغسل ويكوى فى كابتن المريخ الباشا ويرسل الهدية للدكتور بشة وكانت الرأسية البشاوية بمثابة حقنة الراحة ... حاول الحكم وديدى الفاتح أن يقدم هدية لمحبوبه فجاء هدف رمضان عجب التانى ... وواصل الوديدى مسلسل الهدايا حيث قام عجوز الغابرين الحضرى بدفع الشاب بكرى المدينة حتى حملوه بالنقالة !! فما كان من وديدى الفاتح إلا أن أشهر البطاقة الصفراء !! تخيلوا لى مين !! لى بكرى المسكين !! ولقد جادت القريحة بالمسدار التالى *** هلال الملايين أثلج صدرونا أمبارح *** بعد فرق النقطتين طريقك أصبح واضح *** إتحاد الباسطة فوضى ومعاها مصالح *** هزمنا فريق الصفوة ومعاهم وديدى الفاتح ... بالمناسبة خبير التحكيم الطاهر محمد عثمان قال الحضرى يستاهل كارت أصفر وهدف المريخ التانى مشكوك فى صحته !! لذا لزم التنويه .
*** رسائل المريخاب بعد الديربى
وصلتنا رسائل كتيرة عبر الجوال من مريخاب وهلالاب وسوف نسمح فى الأول بنشر رسائل المريخاب من باب حق الجار .. الرسالة الأولى من إبن الوهاج من مريخاب الأمارات ويقول ... مبرووووك إنت أتير ده المقعدو شنو بعد الإنفصال وبعدين الحضرى ده وصل مرحلة الخرف الكروى بعد إنتهاء العمر الإفتراضى ... والرسالة التانية من الأخ عبدالوهاب على التوم الذى يقضى إجازة بالسودان ويقول... مبروك عليكم يامحظوظين يابتاعين الكجور والتحكيم ...والرسالة الأخيرة من الرياضى المطبوع حيدر عبدالرحيم من مريخاب الدمام قال رغم أنى كنت أتمنى فوز المريخ إلا أننى أهنئ مدرب الهلال الوطنى صلاح آدم على شجاعته وإشراكه للنجم الجاهز وترك مهند وسيدى بيه وتراورى ومساوى فى كنبة الإحتياطى وصلاح رجل خلوق لأنه لم يرد على إنتقادات الديبة وكان الرد فى الميدان أما مدرب المريخ فقد ساعد الهلال عندما لعب بالباشا فى الظرف وعطّل مفعوله .
*** لى حبيبنا التهانى مستمرة
رسائل الهلالاب كتيرة والمساحة لاتسمح بنشرها ونعتذر لأصحاب الرسائل التى لم تنشر ، الأستاذ صلاح بكراوى من هلالاب الرياض قال أتمنى أن يكون عنوان الرحيق ( جوة أستادكم نحن أسيادكم ) وشاركه فى ذلك أدروب بكرى عيسى من مكة وود الشيخ طابت من الدمام ، وعبدالمنعم مبارك من الدمام قال هزمنا اللوردات والتحكيم وراعى الباسطة والمهندس محمد جعفر من الهفوف يهدى لهيثم وعلاء الدين أغنية ( ناس معزتنا مابنريد غيرهم رحلوا خلونا ياحليلهم ) كما يقترح الباشهمندس إرسال الحارس الحضرى لمستشفى المغربى لكشف النظر وأحمد عبدالرحمن من هلالاب الطائف يقول ...كروجر اصبح زى مازدا ود الحيشان التلاتة مع سانت جورج أخد ربع دستة من الصفاقصى ومع المريخ أخد ربع دستة من سيد البلد ... وأحمد هاشم من الرياض يقول سبحان الله الليلة من دون الأيام خليفة ده عجبنى !! وعلى عبدالحى من المدينة يهدى هذا الفوز لتلاتة هيثم مصطفى ومزمل أبو القاسم ومحمد سيد أحمد وأحمد قاسم من خيبر قال الخيل الحرة بتجى فى اللفة والدكتور محمد على الكوارتى يقول قوم يابلل سيب الخجل حارس عجوز صابو الشلل وياحضرى جيب من جوة ... ونعتذر للأحباب .
*** همسة الوداع
حبايبنا الحلوين كلمناهم قبل المباراة قلنا ليهم نحن نقاط الجيران نتناولها سريع ونرجع ماصدقونا وقلنا ليهم أعملوا حسابكم من حرف الباء ( ودبخيت وبوى وبشة ) برضو ماصدقونا
وسمعنا تحت تحت الحضرى بالليل مابشوف سمح وكمان محمد عبدالماجد قال أضانو تقيلة !! طيب مايمشى يصنقر قدام الجامع !! قاعد يسوى شنو !! طبعاً الجيران تجمدوا فى رصيد 36 نقطة وهلال العشق الجميل فى خطراتهم برصيد 34 نقطة والفرق نقطتين بس !! وتانى ماعندنا وقوف مرور على طول ... وبهذه المناسبة نهمس فى أذن صاحب القلم الأحمر إنت إرشادات المرور بتقول ممنوع الوقوف بين اليافطتين ولاّ بين النقطتين ؟ مجرد سؤال
ضرب الوصيف من العرضة لي الواحة .
خلي الجماعة تعابة في قلوبا ما مرتاحه .
بسط الاهلة بسط من ناس كتوش لي الجعلي لي كتاحة .