الأزرق هزم الرومان ويستعد للفرسان
فاز هلال العشق الجميل على الرومان برباعية أحرز منها ربع دستة فى الشوط الأول ... من الله خلقكم شفتوا ليكم هوبة فى الدقائق الأولى تخيلوا الحارس عبدالله الزبير قبل (مايتوهط ) بين التلاتة خشبات سمح ...مهند قال ليه جيب من جوة وكانت المدرجات تحتفل بقلبة الهوبة وأضاف كاريكا الهدف الثانى ثم ختم جكسا ( محمد عبدالرحمن ) بالثالث ، إنتوا قائلين التشكيلة فيها منو !! المعز ومالك وأتير وخليفة وبشة وسيدى بيه وبكرى ديل كلهم مافى !! قولوا ماشاء الله ، أما تشكيلة الأقمار التى جلبت النصر ...قولوا واحد ... الفتى الأبنوسى جمعة جنارو فى حراسة المرمى ( أنا نسيت أقول ليكم شباكنا طلعت نظيفة ) وفى الدفاع سيف مساوى وسامى وفى الوسط ضابط الإيقاع المعلم عمر والغزال ونزار والشغيل ، طبعاً الغزال نال نجومية المباراة وكان المعلم يستحقها أيضاً ...وفى الهجوم كاريكا والشاب جكسا وخرج بوى ودخل فداسى وخرج نزار ودخل محمد أحمد وفى آخر ربع ساعة طلع جكسا ودخل تراورى ... وتراورى طلع ماعنده ذوق !! رغم أنه دخل فى آخر الدقائق إلا أنه أراد أن يترك بصمته وأحرز الهدف الرابع !! يعنى يصر تراورى يكون على قائمة الهدافين رغم غيابه 3 مباريات سابقة ، ويستعد الهلال مساء الثلاثاء لفريق الأهلى ( فرسان العاصمة ) ... وشعار سيد البلد المرفوع أكسح وأمسح والدور على مين ياحلوين ... وطبعاً بمناسبة الحلوين حبايبنا لاعبين مساء الأربعاء بأستادهم مع الأهلى شندى وربنا يكون فى عون آرسنال دار جعل لأن المريخ أصابته فوبيا الهلال وفارق النقطتين عمل لهم ( وزّة ) عشان كدة بكل الوسائل لازم المريخ يفوز بى تحكيم بى تنجيم بى أى حاجة ...المهم فرق النقطتين لازم يستمر ، أقول ليكم حاجة لو الآرسنال فاز على المريخ ودى مستحيلة فى ظل إنحياز التحكيم وإتحاد ناس الباسطة للفريق الأحمر ... أعتبروا عمود رحيق الختام معتكف لمدة إسبوع ... الجيران فرحانين من خسارتنا من إبننا هلال الأبيض 3/1 ويستاهل أخوان تنقا الفوز فى مباراة تكريمية وعشان ذاتو نكف مننا العين الحمراء وشرارة الأيام دى حايمة أكتر من تصريحات طارق عثمان !! بالمناسبة قبل مباراة القمة كان إعلام المريخ يقول أنه سوف يصبح فارق النقاط 8 زى رقم فنيلة هيثم !! لكن بعد صاروخ بوى الموجه أصبح الفرق رقم فنيلة نسيبو !! لذا لزم التنويه.
*** يسأل منكم الخير أحبابنا الكرام
لظروف طارئة توقف رحيق الختام ولكن إتصالات أحبابنا الهلالاب ورسائلهم أخجلت تواضعى وجعلتنى أزداد إحتراماً للأقمار... فالأخ عادل محمد محجوب من خميس مشيط يقول والله إشتريت لاب توب مخصوص عشان رحيق الختام وبعض الأقلام الهلالية يعنى نرجع اللاب توب !! ونقول للأخ عادل نرجع نحن رحيق الختام ياغالى .. أما الأساتذة محمد الفاتح حمزة وشيخنا أحمد الفكى سألوا بإستمرار عن الرحيق وودالفكى قال متبرع بى همسة وداع مدنكة عن كروجر ( حافز تشجيعى ) أما أستاذنا كتاحة فقال بكرة إذا مارشفنا من الرحيق بتجينا أنيميا ( ألأنيميا لى عدوك) ... وكذلك بلل القرياتى من الخبر وأحمد قاسم من خيبر قال ليه ماكتبت مقال عن الرباعية والأخ محمد الزبير من هلالاب الرياض أشاد برحيق الختام وقال والله عندما يتأخر الراتب وتكون قافلة معانا نقرأ همسة الوداع نشعر بى راحة نفسية وننسى هموم الغربة والبعد عن الأهل والوطن ... ونعتذر لمن لم نذكر إسمه ونقول لأحبابنا الكرام يسال منكم الخير وقد عدنا ليكم ياحبايبنا وإن شاء الله الهلال فوق دائماً.
*** توب بشة أحدث موضة فى سعد قشرة
إتصلت على العم أحمد بشير والد بشة وقلت له سمعنا قالوا فى توب فى سعد قشرة ( أزرق عليهو بلورات إسمه توب بشة ) فأجابنى والله ياولدى سمعت بى الكلام ده لكن محمد فى التمرين الآن ... وبالفعل رجع لى بشة فى العاشرة مساء وسألته عن التوب فأكد صحة الخبر ...شايفين الهلالاب دائماً جيل إبداع من حلاوة جكسا لى توب بشة !! من الله خلقكم سمعتوا بى حلاوة الزومة أو بسكويت ضفر أو إيسكريم واوا ( دى أسامى تجيب العشراقة !!) والأخ بشة يرسل التحايا لهلالاب المملكة عامة وهلالاب المدينة خاصة ويطلب منكم صالح الدعاء ...داعبت الأخ بشة قلت له عندنا هلالابى متيم بحب الهلال فى باب شريف فى جدة إسمه محمد أدم مكنن الزول ده لما الهلال خرج من أبطال أفريقيا على يد دجوليبا إرتفع عنده الضفط وتعالج بألفين ريال عايز تقول ليه شنو بعد فوز الهلال على المريخ !! فأجابنى ضاحكاً بلغ ليه سلامى الكتير وقول ليه ماتنسانا من صالح الدعاء ووفرنا ليك حق العلاج المرة دى.
*** همسة الوداع
حكمة الله حبايبنا الحلوين لا بخجلوا لابختشوا رغم الدنيا كلها عارفة التحكيم منحاز لهم ومعهم إتحاد ناس الباسطة وأقرب مثال ( تفلة قليل الأدب الحضرى ) فى وجه الحكم فى مباراة الأمل الأخيرة فى عطبرة والحكم عمل فيها نائم !! أريتو كان فى شداد عشان يسحب منك الجنسية السودانية ويوديك لى كفر البطيخ كدارى ... والغريبة كمان الفريق طارق عثمان بلا خجلة قال التحكيم ظلم المريخ وإنحاز لهلال لمدة 10 سنوات ولو ماكدة كان المريخ حصد أى بطولة !! طيب منافسات أفريقيا ليه ماحصدتوها !! وبهذه المناسبة نهمس فى أذن صاحب القلم الأحمر إنتوا كأس الظفرة الجوية كان الحكم فيها معتز عبد الباسط ؟ مجرد سؤال .
فاز هلال العشق الجميل على الرومان برباعية أحرز منها ربع دستة فى الشوط الأول ... من الله خلقكم شفتوا ليكم هوبة فى الدقائق الأولى تخيلوا الحارس عبدالله الزبير قبل (مايتوهط ) بين التلاتة خشبات سمح ...مهند قال ليه جيب من جوة وكانت المدرجات تحتفل بقلبة الهوبة وأضاف كاريكا الهدف الثانى ثم ختم جكسا ( محمد عبدالرحمن ) بالثالث ، إنتوا قائلين التشكيلة فيها منو !! المعز ومالك وأتير وخليفة وبشة وسيدى بيه وبكرى ديل كلهم مافى !! قولوا ماشاء الله ، أما تشكيلة الأقمار التى جلبت النصر ...قولوا واحد ... الفتى الأبنوسى جمعة جنارو فى حراسة المرمى ( أنا نسيت أقول ليكم شباكنا طلعت نظيفة ) وفى الدفاع سيف مساوى وسامى وفى الوسط ضابط الإيقاع المعلم عمر والغزال ونزار والشغيل ، طبعاً الغزال نال نجومية المباراة وكان المعلم يستحقها أيضاً ...وفى الهجوم كاريكا والشاب جكسا وخرج بوى ودخل فداسى وخرج نزار ودخل محمد أحمد وفى آخر ربع ساعة طلع جكسا ودخل تراورى ... وتراورى طلع ماعنده ذوق !! رغم أنه دخل فى آخر الدقائق إلا أنه أراد أن يترك بصمته وأحرز الهدف الرابع !! يعنى يصر تراورى يكون على قائمة الهدافين رغم غيابه 3 مباريات سابقة ، ويستعد الهلال مساء الثلاثاء لفريق الأهلى ( فرسان العاصمة ) ... وشعار سيد البلد المرفوع أكسح وأمسح والدور على مين ياحلوين ... وطبعاً بمناسبة الحلوين حبايبنا لاعبين مساء الأربعاء بأستادهم مع الأهلى شندى وربنا يكون فى عون آرسنال دار جعل لأن المريخ أصابته فوبيا الهلال وفارق النقطتين عمل لهم ( وزّة ) عشان كدة بكل الوسائل لازم المريخ يفوز بى تحكيم بى تنجيم بى أى حاجة ...المهم فرق النقطتين لازم يستمر ، أقول ليكم حاجة لو الآرسنال فاز على المريخ ودى مستحيلة فى ظل إنحياز التحكيم وإتحاد ناس الباسطة للفريق الأحمر ... أعتبروا عمود رحيق الختام معتكف لمدة إسبوع ... الجيران فرحانين من خسارتنا من إبننا هلال الأبيض 3/1 ويستاهل أخوان تنقا الفوز فى مباراة تكريمية وعشان ذاتو نكف مننا العين الحمراء وشرارة الأيام دى حايمة أكتر من تصريحات طارق عثمان !! بالمناسبة قبل مباراة القمة كان إعلام المريخ يقول أنه سوف يصبح فارق النقاط 8 زى رقم فنيلة هيثم !! لكن بعد صاروخ بوى الموجه أصبح الفرق رقم فنيلة نسيبو !! لذا لزم التنويه.
*** يسأل منكم الخير أحبابنا الكرام
لظروف طارئة توقف رحيق الختام ولكن إتصالات أحبابنا الهلالاب ورسائلهم أخجلت تواضعى وجعلتنى أزداد إحتراماً للأقمار... فالأخ عادل محمد محجوب من خميس مشيط يقول والله إشتريت لاب توب مخصوص عشان رحيق الختام وبعض الأقلام الهلالية يعنى نرجع اللاب توب !! ونقول للأخ عادل نرجع نحن رحيق الختام ياغالى .. أما الأساتذة محمد الفاتح حمزة وشيخنا أحمد الفكى سألوا بإستمرار عن الرحيق وودالفكى قال متبرع بى همسة وداع مدنكة عن كروجر ( حافز تشجيعى ) أما أستاذنا كتاحة فقال بكرة إذا مارشفنا من الرحيق بتجينا أنيميا ( ألأنيميا لى عدوك) ... وكذلك بلل القرياتى من الخبر وأحمد قاسم من خيبر قال ليه ماكتبت مقال عن الرباعية والأخ محمد الزبير من هلالاب الرياض أشاد برحيق الختام وقال والله عندما يتأخر الراتب وتكون قافلة معانا نقرأ همسة الوداع نشعر بى راحة نفسية وننسى هموم الغربة والبعد عن الأهل والوطن ... ونعتذر لمن لم نذكر إسمه ونقول لأحبابنا الكرام يسال منكم الخير وقد عدنا ليكم ياحبايبنا وإن شاء الله الهلال فوق دائماً.
*** توب بشة أحدث موضة فى سعد قشرة
إتصلت على العم أحمد بشير والد بشة وقلت له سمعنا قالوا فى توب فى سعد قشرة ( أزرق عليهو بلورات إسمه توب بشة ) فأجابنى والله ياولدى سمعت بى الكلام ده لكن محمد فى التمرين الآن ... وبالفعل رجع لى بشة فى العاشرة مساء وسألته عن التوب فأكد صحة الخبر ...شايفين الهلالاب دائماً جيل إبداع من حلاوة جكسا لى توب بشة !! من الله خلقكم سمعتوا بى حلاوة الزومة أو بسكويت ضفر أو إيسكريم واوا ( دى أسامى تجيب العشراقة !!) والأخ بشة يرسل التحايا لهلالاب المملكة عامة وهلالاب المدينة خاصة ويطلب منكم صالح الدعاء ...داعبت الأخ بشة قلت له عندنا هلالابى متيم بحب الهلال فى باب شريف فى جدة إسمه محمد أدم مكنن الزول ده لما الهلال خرج من أبطال أفريقيا على يد دجوليبا إرتفع عنده الضفط وتعالج بألفين ريال عايز تقول ليه شنو بعد فوز الهلال على المريخ !! فأجابنى ضاحكاً بلغ ليه سلامى الكتير وقول ليه ماتنسانا من صالح الدعاء ووفرنا ليك حق العلاج المرة دى.
*** همسة الوداع
حكمة الله حبايبنا الحلوين لا بخجلوا لابختشوا رغم الدنيا كلها عارفة التحكيم منحاز لهم ومعهم إتحاد ناس الباسطة وأقرب مثال ( تفلة قليل الأدب الحضرى ) فى وجه الحكم فى مباراة الأمل الأخيرة فى عطبرة والحكم عمل فيها نائم !! أريتو كان فى شداد عشان يسحب منك الجنسية السودانية ويوديك لى كفر البطيخ كدارى ... والغريبة كمان الفريق طارق عثمان بلا خجلة قال التحكيم ظلم المريخ وإنحاز لهلال لمدة 10 سنوات ولو ماكدة كان المريخ حصد أى بطولة !! طيب منافسات أفريقيا ليه ماحصدتوها !! وبهذه المناسبة نهمس فى أذن صاحب القلم الأحمر إنتوا كأس الظفرة الجوية كان الحكم فيها معتز عبد الباسط ؟ مجرد سؤال .