صدق النطق ونضم وقال
هذه الأنشودة الهلالية أجرينا بها بعض التعديلات لتواكب مسيرة الهلال الحالية *** صدق النطق ونضم وقال ... الذوق والفهم فى الهلال *** المعز يعز عرينو ... مجلس اللوردات حاول يدينو ... نسأل ربنا ينصرو ويعينو ... ومساوى فى جبينو هلال *** سامى أبدع فى دفاعو ... ومالك يمين ضراعو ... اللوردات للفتن أشاعوا ... وداك بوى الصال وجال *** المعلم مرحب حبابو ...وربنا زان شبابو ... الشغيل ربنا لينا جابو ... وداك بشة وشوف الغزال ***هنا سيدى بيه مولع نار ... وفى الوسط كاكا ونزار ... تراورى إجتاز الإختبار ...ومنتظر إشارة الجنرال *** داك بكرى لعاب خطير ... وهناك خليفة مع أتير ...يلا ياكاريكا بالله سير ... وقول لى حضرى جيب من جوة وتعال ... صدق النطق ونضم وقال ... الذوق والأدب فى الهلال ، طبعاً هلال الساجدين والناس الصالحين سوف يلعب ضد المريخ مساء الخميس وهى مباراة تعديل المسار وتقليص فارق النقاط ... والحمد لله بدأ سيد البلد يتنسم عبير العافية بعد أن ظل يسمو فوق الجراح ويسير بين الأشواك والصخور فى طريق النجاح ... والمباراة متلفزة وكما نعلم الوضوح والشفافية ليس فى مصلحة المريخ الذى لم يتعود رؤية أنوار الحقيقة وبرمج نفسه على الهدايا التى أدمن تناولها فى جنح الظلام وبدون تلفزة ، والعجيب فى الأمر أن الجيران فى العرضة جنوب شغالين بسياسة ( ضربنى وبكى وسبق إشتكى ) ... وسيد البلد رفع شعار ورونى العدو وأقعدوا فراجة .
*** المهندس همشرى يكوى فوق الفكك
مجلس اللوردات لما مالقى حاجة يشتغلها لاشركة مساهمة لامول لامدينة طبية بدأ يحاكى فى الإعلام السالب وإجتمع وآخر هندام عمم وشالات وبدل وطلع بيان هزيل يهاجم فيه التحكيم الوطنى ويطالب بطرد لاعب هلالى بأثر رجعى ... قال ليه !! قال المعز محجوب مفروض ينطرد فى مباراة الهلال والسلاطين !! وإنتوا مالكم ومال السلاطين ( جنس لقافة !! ) والقصد من كل هذه الزوبعة هو عمل تغطية لجزارين المريخ عشان فى مباراة القمة ماينالوا الكروت المستحقة وحتى عادل أبوجريشة دخل فى اللعبة وقال يخشى إستهداف لعيبة المريخ فى قمة الخميس بالكروت الحمراء !! إنتوا أبوجريشة ده فاكر نفسه لورد ولاّ شنو !! وخيراً فعل عضو إدارة الهلال المهندس على همشرى الذى يعرف جيداً هذه الألاعيب الحمراء عندما قال أننا نثق فى التحكيم الوطنى ولانريده أن ينحاز لنا ولكننا فقط نطلب منه أن يمنح الكروت الحمراء لمستحقيها مثال ضفر وعلاء الدين ... وكما نعلم أن ضفر نال الكارت الأحمر فى مباراة المنتخب وليسوتو لأن الحكم الكينى سلفيستر لايخاف إرهاب إتحاد العنقالى سيد الباسطة ، ونقول للمهندس همشرى ضفر وقفته فى الملعب ساكت فاول وتستحق البطاقة الصفراء .
*** هلال السودان والضرب فى المليان
بطولة الممتاز هى بطولة سيد البلد المحببة وهى بوابته للتنافس الخارجى فى أبطال أفريقيا ، وكما نعلم أن الهلال هو الفريق السودانى الوحيد الذى وصل مربع الذهب لأبطال أفريقيا عدة مرات ووصل نهائى الأبطال مرتين عام 1987 وعام 1992 ... ياربى الوكت داك ناس قريعتى راحت كانوا وين !! كما أن الهلال هو أكثر فريق سودانى فاز بكأس الممتاز منذ قيامها عام 1996 وحتى فى عدد مباريات قمة الممتاز كان الهلال أكثر فوزاً ... حيث لعب 34مباراة كان التعادل فى 12مباريات والهلال فاز 16 مرة ومنحنا 6 مرات للجيران ، وأول كأس للممتاز عام 1996 كانت المباراة الأولى فى أستاد الهلال فى أبريل وفاز الهلال برباعية مقابل هدف وأحرز رباعية الهلال جمال سانتو وأنس النور وزاهر مركز وأبوشامة وأحرز هدف المريخ الوحيد زيكو ... وكانت مباراة الرد فى سبتمبر بأستاد المريخ وتقدم الأقمار بثنائية جمال سانتو والراحل والى الدين ...بالمناسبة زيكو لما مالقى فرصة يجيب قون كان عندنا ضربة جزاء وعندما تقدم زاهر مركز لتنفيذها سبقه زيكو وخطف الكورة المسكينة ولا دربى ودربكم ده مارجعها !! لذا لزم التنويه .
*** همسة الوداع
ياجماعة الخير مسئولين من الخير مهرجان تكريم العجب الحصل عليهو شنو !! العجب المسكين صغير وجاهل شطبوه ساكت ظلم ... والصفوة ماتحركت كأن على رؤوسها الطير وزمان يغنوا ساكت العجب حبيبى العجب حبيبى !! وعذر اللوردات فى شطب العجب قالوا تقدم السن مع العلم أن تية أوليفيرا نديد العجب وهيثم مصطفى لما كان ممتحن الجامعة كان العجب فى الصف التامن !! بالله دى ماحقارة !! والطريف فى الأمر أن الإعلام الأحمر قال العجب زار معسكر المريخ وطالب لعيبة المريخ بالفوز على الهلال فى ديربى الخميس !! هلا ّ هلاّ يا العجب بقيت ضيف تزور المعسكرات وبس !! وبهذه المناسبة نهمس فى أذن صاحب القلم الأحمر إنت العجب ده بقى زائر معسكرات الزول ده من الفريق الأحمر مشى الهلال الأحمر ولاّ شنو ؟ مجرد سؤال
هذه الأنشودة الهلالية أجرينا بها بعض التعديلات لتواكب مسيرة الهلال الحالية *** صدق النطق ونضم وقال ... الذوق والفهم فى الهلال *** المعز يعز عرينو ... مجلس اللوردات حاول يدينو ... نسأل ربنا ينصرو ويعينو ... ومساوى فى جبينو هلال *** سامى أبدع فى دفاعو ... ومالك يمين ضراعو ... اللوردات للفتن أشاعوا ... وداك بوى الصال وجال *** المعلم مرحب حبابو ...وربنا زان شبابو ... الشغيل ربنا لينا جابو ... وداك بشة وشوف الغزال ***هنا سيدى بيه مولع نار ... وفى الوسط كاكا ونزار ... تراورى إجتاز الإختبار ...ومنتظر إشارة الجنرال *** داك بكرى لعاب خطير ... وهناك خليفة مع أتير ...يلا ياكاريكا بالله سير ... وقول لى حضرى جيب من جوة وتعال ... صدق النطق ونضم وقال ... الذوق والأدب فى الهلال ، طبعاً هلال الساجدين والناس الصالحين سوف يلعب ضد المريخ مساء الخميس وهى مباراة تعديل المسار وتقليص فارق النقاط ... والحمد لله بدأ سيد البلد يتنسم عبير العافية بعد أن ظل يسمو فوق الجراح ويسير بين الأشواك والصخور فى طريق النجاح ... والمباراة متلفزة وكما نعلم الوضوح والشفافية ليس فى مصلحة المريخ الذى لم يتعود رؤية أنوار الحقيقة وبرمج نفسه على الهدايا التى أدمن تناولها فى جنح الظلام وبدون تلفزة ، والعجيب فى الأمر أن الجيران فى العرضة جنوب شغالين بسياسة ( ضربنى وبكى وسبق إشتكى ) ... وسيد البلد رفع شعار ورونى العدو وأقعدوا فراجة .
*** المهندس همشرى يكوى فوق الفكك
مجلس اللوردات لما مالقى حاجة يشتغلها لاشركة مساهمة لامول لامدينة طبية بدأ يحاكى فى الإعلام السالب وإجتمع وآخر هندام عمم وشالات وبدل وطلع بيان هزيل يهاجم فيه التحكيم الوطنى ويطالب بطرد لاعب هلالى بأثر رجعى ... قال ليه !! قال المعز محجوب مفروض ينطرد فى مباراة الهلال والسلاطين !! وإنتوا مالكم ومال السلاطين ( جنس لقافة !! ) والقصد من كل هذه الزوبعة هو عمل تغطية لجزارين المريخ عشان فى مباراة القمة ماينالوا الكروت المستحقة وحتى عادل أبوجريشة دخل فى اللعبة وقال يخشى إستهداف لعيبة المريخ فى قمة الخميس بالكروت الحمراء !! إنتوا أبوجريشة ده فاكر نفسه لورد ولاّ شنو !! وخيراً فعل عضو إدارة الهلال المهندس على همشرى الذى يعرف جيداً هذه الألاعيب الحمراء عندما قال أننا نثق فى التحكيم الوطنى ولانريده أن ينحاز لنا ولكننا فقط نطلب منه أن يمنح الكروت الحمراء لمستحقيها مثال ضفر وعلاء الدين ... وكما نعلم أن ضفر نال الكارت الأحمر فى مباراة المنتخب وليسوتو لأن الحكم الكينى سلفيستر لايخاف إرهاب إتحاد العنقالى سيد الباسطة ، ونقول للمهندس همشرى ضفر وقفته فى الملعب ساكت فاول وتستحق البطاقة الصفراء .
*** هلال السودان والضرب فى المليان
بطولة الممتاز هى بطولة سيد البلد المحببة وهى بوابته للتنافس الخارجى فى أبطال أفريقيا ، وكما نعلم أن الهلال هو الفريق السودانى الوحيد الذى وصل مربع الذهب لأبطال أفريقيا عدة مرات ووصل نهائى الأبطال مرتين عام 1987 وعام 1992 ... ياربى الوكت داك ناس قريعتى راحت كانوا وين !! كما أن الهلال هو أكثر فريق سودانى فاز بكأس الممتاز منذ قيامها عام 1996 وحتى فى عدد مباريات قمة الممتاز كان الهلال أكثر فوزاً ... حيث لعب 34مباراة كان التعادل فى 12مباريات والهلال فاز 16 مرة ومنحنا 6 مرات للجيران ، وأول كأس للممتاز عام 1996 كانت المباراة الأولى فى أستاد الهلال فى أبريل وفاز الهلال برباعية مقابل هدف وأحرز رباعية الهلال جمال سانتو وأنس النور وزاهر مركز وأبوشامة وأحرز هدف المريخ الوحيد زيكو ... وكانت مباراة الرد فى سبتمبر بأستاد المريخ وتقدم الأقمار بثنائية جمال سانتو والراحل والى الدين ...بالمناسبة زيكو لما مالقى فرصة يجيب قون كان عندنا ضربة جزاء وعندما تقدم زاهر مركز لتنفيذها سبقه زيكو وخطف الكورة المسكينة ولا دربى ودربكم ده مارجعها !! لذا لزم التنويه .
*** همسة الوداع
ياجماعة الخير مسئولين من الخير مهرجان تكريم العجب الحصل عليهو شنو !! العجب المسكين صغير وجاهل شطبوه ساكت ظلم ... والصفوة ماتحركت كأن على رؤوسها الطير وزمان يغنوا ساكت العجب حبيبى العجب حبيبى !! وعذر اللوردات فى شطب العجب قالوا تقدم السن مع العلم أن تية أوليفيرا نديد العجب وهيثم مصطفى لما كان ممتحن الجامعة كان العجب فى الصف التامن !! بالله دى ماحقارة !! والطريف فى الأمر أن الإعلام الأحمر قال العجب زار معسكر المريخ وطالب لعيبة المريخ بالفوز على الهلال فى ديربى الخميس !! هلا ّ هلاّ يا العجب بقيت ضيف تزور المعسكرات وبس !! وبهذه المناسبة نهمس فى أذن صاحب القلم الأحمر إنت العجب ده بقى زائر معسكرات الزول ده من الفريق الأحمر مشى الهلال الأحمر ولاّ شنو ؟ مجرد سؤال