همسات دافئة
حضرونا الفضائية تستنطق كابتن (عصمونا ) ..
استضافت قناة (حضرونا) الفضائية حامي الحمى (عصمونا ) . وأجرت معه حواراً مطولاًعن الاسباب التي ادت لتركه النادي وقراره النهائي بالرحيل ، وفي البداية رفض عصمونا الحديث عن الازمة التي حدثت بينه وبين النادي ولكنه استجاب لرغبة جمهوره من المشاهدين نسبة للمكالمات الهاتفية التي انهالت علي البرنامج واليكم مضابط الحوار بين المذيع وعصمونا:
المذيع : انت يا عصمونا مشكلتك شنو مع النادي ؟
عصمونا : اسكت ساي يا اخي .. تصدق أربعة شهور .. لا مليم احمر لا تعريقة .. مرة فول ومرة اقرّض الرغيفة .. عليك الله ظريفة ؟
المذيع : معني كده عايز تنفصل عن الفريق ؟
عصمونا : ايوة انا عايز الانفصال .. لكن اول ما جيت شعاري كان .. لا شمال بلا جنوب ولا جنوب بلا شمال .
المذيع : وهسع ليه عايز تعمل مشاكل ؟
عصمونا : المشاكل مش مني .. المشاكل إدارية وفلوس مافيش .. كيف اقدر اعيش ؟ كان زمان عندهم واااحد بس .. هاش وباش .. شعاره الكاش يقلل النقاش . فااات خلاها لناس (ود نفاش) .
المذيع : كلمنا عن رحلة انقولا ...
عصمونا : ياااااه دي قصة طويلة أوى أوى .. اسألوا منها العجب .. تصور حجزونا في المطار نحن التلاتة .. أنا والعجب وأكرم كنب .. وقاعدين في غرفة سبعة ساعات .. بالظبط زي سبعة الوحدات .. الحي حي والمات مات .. وضحّكوا علينا الشمات .. وعصروني عصر .. وربك رب الخير نجدتي بقنصل مصر . ماهو انا موش لوحدي نحن التلاتة دخلونا الغرفة وقفلوا عليها بالمفتاح واللى جوة جوة واللي راح راح .. قلتلو ايه رايك ياعجب .. قال لي لازم نلزم الادب .. وجلسنا مع بعضينا انا من هنا ديّت .. وفيصل جنب اكرم كنب . وسافروا وخدو اكرم والعجب وسابوني انا للشقاء والتعب .
المذيع : والسبب شنو ؟
عصمونا : قالوا لي من مطار انقولا لازم اروح كاالولا .. إزاى اروح كالولا ؟ .. وانا ما عنديش شريحة اكلم بيها شيحة . وحيحصل ايه يعني ؟ دي ( مرمطة ) دي .. انا جيت والا ما جيت ما هو اصلو الحمام طائر من قولة تيت .. ده انا خلاص حيركبني عفريت .. ما كانش العشم سنتين ما ضقتش للدنيا طعم .
المذيع : وكنت عايز تكلم شيحة تقولو ايه ؟
عصمونا : عايز اقول ليه النادي يفتقد الاحترافية والكلام ده حصل من اول يوم فات فيه جمال .. النجيلة (اتزعمطت) وطردوا العمال .. ومستحقاتي راحت والحالة بقت صعبة اخير منها الإعتزال .. ونفسي إنسدت من حاجة اسمها ...... ( كيخ كيخ آه يا اولاد النيل ) وقررت قرار نهائي الرحيل .. حليلك يا جمال يا جمل الشيل .
المذيع : وهل هي الاسباب الوحيدة وراء الرحيل من النادي ؟
عصمونا : في اسباب تانية عجلت بالرحيل .. طردوني عديل .. معقولة يا اخي ادخل الفندق الاقي عفشي في الصالة ؟ دي حالة ؟ وقالوا لى شيل عفشك شيل .. قلت ليهم ما بشيل .. ومحل ما اضرب تلفون مافي واحد جاب لي خبر .. وبيني وبينك قلت بلا لمه وقررت السفر .. لكن جمال الفال ضرب لي تلفون وقال لي تعال .. حالاً تعال .. بس .. نغلب الهلال .. وبعد كده اغرقك في الفلوس أشي حرام وشيء حلال .
المذيع : هل تنوي تقديم شكوي ضد النادي ؟
عصمونا : انا ماعايز اشتكيهم ولـ الله بخليهم .. شكيتهم لـ الله
المذيع : يعني عايز تفرط في حقوقك ..
عصمونا : انا ما عايز مشاكل .. ما خلاص اختلط الحابل بالنابل ..
المذيع : معانا تلفون .. آلو مرحبا منو معانا
- آلو .. (معاك اب شرك الشال كرعيهو في راسو وفرك ) .. ممكن اسأل كابتن عصمونا
المذيع : اتفضل أسأل يا حبيبي
- ياكابتن انت قلت انتوا في الغرفة كنتم ثلاثة .. اتنين دخلو (وانت انتشرو ) لماذا ؟.
عصمونا : ما هو انا أصلا ماجابوليش الشريحة .. وعشان كده انا قلت لازم اعمل ليهم فضيحة .. مش انتوا عندكو مثل بقول : دقوا الصفائح وطلعوا الفضائح .. ويا عم الواحد لازم يكون ناصح .. ده انتو شعب طيب والله .. طيب اوي .
المذيع : معانا مكالمة تانية آلو منو معانا
- آلو معاك ( ابو زقلة ) من زقلونا
المذيع : اهلا بيك (يا ابو زقلة) وتحية كبيرة لناس زقلونا ومرحب بكل ( الزقالين )
- سؤالي لكابتن عصمونا .. اين سيكون اتجاهك وهل ستتنتقل لنادي آخر بعد الاربعين ؟
عصمونا : لاااا .. ده انا قدامي الكتير في مجال كرة القدم .. ده انا اجيب الكورة من عدم .. وانت بتفتكر اصابني الهرم وفي محاولات جارية الآن علشان اسجل في فريق خرم برم . قال ايه قال الاربعين !! ده انا اجيبها طايرة .. حتي اذا عليها (بردعة) .. أو كانت عايرة . ( انتو بتقولو ايه يا جماعة ) ماهو انا زي الفل !!؟؟
- سؤال تاني لو سمحت .. تعرف حسن كرنفو ومهند ؟
عصمونا : مين دول ؟.. لا ما اعرفهمش ..
آلو آلو آلو .. آلووو
المذيع : نحن معاك يا حبيبي مستعجل كده ليه ؟ اتفضل مين معانا ؟
- معاك العجب .... الزول الجنبك ده .. كضاااب
حضرونا الفضائية تستنطق كابتن (عصمونا ) ..
استضافت قناة (حضرونا) الفضائية حامي الحمى (عصمونا ) . وأجرت معه حواراً مطولاًعن الاسباب التي ادت لتركه النادي وقراره النهائي بالرحيل ، وفي البداية رفض عصمونا الحديث عن الازمة التي حدثت بينه وبين النادي ولكنه استجاب لرغبة جمهوره من المشاهدين نسبة للمكالمات الهاتفية التي انهالت علي البرنامج واليكم مضابط الحوار بين المذيع وعصمونا:
المذيع : انت يا عصمونا مشكلتك شنو مع النادي ؟
عصمونا : اسكت ساي يا اخي .. تصدق أربعة شهور .. لا مليم احمر لا تعريقة .. مرة فول ومرة اقرّض الرغيفة .. عليك الله ظريفة ؟
المذيع : معني كده عايز تنفصل عن الفريق ؟
عصمونا : ايوة انا عايز الانفصال .. لكن اول ما جيت شعاري كان .. لا شمال بلا جنوب ولا جنوب بلا شمال .
المذيع : وهسع ليه عايز تعمل مشاكل ؟
عصمونا : المشاكل مش مني .. المشاكل إدارية وفلوس مافيش .. كيف اقدر اعيش ؟ كان زمان عندهم واااحد بس .. هاش وباش .. شعاره الكاش يقلل النقاش . فااات خلاها لناس (ود نفاش) .
المذيع : كلمنا عن رحلة انقولا ...
عصمونا : ياااااه دي قصة طويلة أوى أوى .. اسألوا منها العجب .. تصور حجزونا في المطار نحن التلاتة .. أنا والعجب وأكرم كنب .. وقاعدين في غرفة سبعة ساعات .. بالظبط زي سبعة الوحدات .. الحي حي والمات مات .. وضحّكوا علينا الشمات .. وعصروني عصر .. وربك رب الخير نجدتي بقنصل مصر . ماهو انا موش لوحدي نحن التلاتة دخلونا الغرفة وقفلوا عليها بالمفتاح واللى جوة جوة واللي راح راح .. قلتلو ايه رايك ياعجب .. قال لي لازم نلزم الادب .. وجلسنا مع بعضينا انا من هنا ديّت .. وفيصل جنب اكرم كنب . وسافروا وخدو اكرم والعجب وسابوني انا للشقاء والتعب .
المذيع : والسبب شنو ؟
عصمونا : قالوا لي من مطار انقولا لازم اروح كاالولا .. إزاى اروح كالولا ؟ .. وانا ما عنديش شريحة اكلم بيها شيحة . وحيحصل ايه يعني ؟ دي ( مرمطة ) دي .. انا جيت والا ما جيت ما هو اصلو الحمام طائر من قولة تيت .. ده انا خلاص حيركبني عفريت .. ما كانش العشم سنتين ما ضقتش للدنيا طعم .
المذيع : وكنت عايز تكلم شيحة تقولو ايه ؟
عصمونا : عايز اقول ليه النادي يفتقد الاحترافية والكلام ده حصل من اول يوم فات فيه جمال .. النجيلة (اتزعمطت) وطردوا العمال .. ومستحقاتي راحت والحالة بقت صعبة اخير منها الإعتزال .. ونفسي إنسدت من حاجة اسمها ...... ( كيخ كيخ آه يا اولاد النيل ) وقررت قرار نهائي الرحيل .. حليلك يا جمال يا جمل الشيل .
المذيع : وهل هي الاسباب الوحيدة وراء الرحيل من النادي ؟
عصمونا : في اسباب تانية عجلت بالرحيل .. طردوني عديل .. معقولة يا اخي ادخل الفندق الاقي عفشي في الصالة ؟ دي حالة ؟ وقالوا لى شيل عفشك شيل .. قلت ليهم ما بشيل .. ومحل ما اضرب تلفون مافي واحد جاب لي خبر .. وبيني وبينك قلت بلا لمه وقررت السفر .. لكن جمال الفال ضرب لي تلفون وقال لي تعال .. حالاً تعال .. بس .. نغلب الهلال .. وبعد كده اغرقك في الفلوس أشي حرام وشيء حلال .
المذيع : هل تنوي تقديم شكوي ضد النادي ؟
عصمونا : انا ماعايز اشتكيهم ولـ الله بخليهم .. شكيتهم لـ الله
المذيع : يعني عايز تفرط في حقوقك ..
عصمونا : انا ما عايز مشاكل .. ما خلاص اختلط الحابل بالنابل ..
المذيع : معانا تلفون .. آلو مرحبا منو معانا
- آلو .. (معاك اب شرك الشال كرعيهو في راسو وفرك ) .. ممكن اسأل كابتن عصمونا
المذيع : اتفضل أسأل يا حبيبي
- ياكابتن انت قلت انتوا في الغرفة كنتم ثلاثة .. اتنين دخلو (وانت انتشرو ) لماذا ؟.
عصمونا : ما هو انا أصلا ماجابوليش الشريحة .. وعشان كده انا قلت لازم اعمل ليهم فضيحة .. مش انتوا عندكو مثل بقول : دقوا الصفائح وطلعوا الفضائح .. ويا عم الواحد لازم يكون ناصح .. ده انتو شعب طيب والله .. طيب اوي .
المذيع : معانا مكالمة تانية آلو منو معانا
- آلو معاك ( ابو زقلة ) من زقلونا
المذيع : اهلا بيك (يا ابو زقلة) وتحية كبيرة لناس زقلونا ومرحب بكل ( الزقالين )
- سؤالي لكابتن عصمونا .. اين سيكون اتجاهك وهل ستتنتقل لنادي آخر بعد الاربعين ؟
عصمونا : لاااا .. ده انا قدامي الكتير في مجال كرة القدم .. ده انا اجيب الكورة من عدم .. وانت بتفتكر اصابني الهرم وفي محاولات جارية الآن علشان اسجل في فريق خرم برم . قال ايه قال الاربعين !! ده انا اجيبها طايرة .. حتي اذا عليها (بردعة) .. أو كانت عايرة . ( انتو بتقولو ايه يا جماعة ) ماهو انا زي الفل !!؟؟
- سؤال تاني لو سمحت .. تعرف حسن كرنفو ومهند ؟
عصمونا : مين دول ؟.. لا ما اعرفهمش ..
آلو آلو آلو .. آلووو
المذيع : نحن معاك يا حبيبي مستعجل كده ليه ؟ اتفضل مين معانا ؟
- معاك العجب .... الزول الجنبك ده .. كضاااب
[الزعيم] 03-02-2013 08:40 AM الاخ كتاحه انا علقة بمجرد مزحه لكن الاخ حسن رد بطريقة استفزازية ليس بمجرد تصحيح الخطى ارجع الي تعلقه كل السودانيين خطاءهم في النطق الصحيح ثم الكتابة الا القليل هذا برجع الي بداية تعليم اللغة العربية . انت ذكرته الكرة التي ارسلها الصحيح الكورة و ليس الكرة راجع كل صفحات كفر ووتر الاخطاء بالجملة . نحن في المنتدي لا ننظر الي هذه الاخطاء ولكن بنفهم المقصود انا انسان متواضع جدا واعوذ بالله من كلمة انا لكم كل الود و التقدير اتركوا التعصب هذا نتائج التعصب حسن رد علي بمنظور التشجيع ليس الا هذا عيب كبير و خطير اسرتنابل اخواني فيهم المرخابي و فيهم الهلالابي بل نصفهم مرخاب و الاخر هلالاب و اتركوا التعصب بجب التعصب يكون في حدود