على صفيح ساخن نادر التوم
الفيفا والشرطة!
تسخينة: النية زاملة سيدا
تسخينة تانية: المكتوب على الجبين زى تسجيل علاء الدين _لابد يبين_
تسخينة تالتة: صحى إتغيرت إنت خلاص؟؟
لم يجف مداد (كى بوردنا) بعد ونحن نكتب عن ان الهلال اكثر المتضررين من حكاية الرخصة ذلك لانه لا يعطى اللاعبين والمدربين حقهم، لم تمر اربع وعشرون ساعة الا ونقرأ فى الصحف تصريحات لمحترف الهلال (شوكة الحوت) يوسف محمد النيجيرى مواطن (عيد الحب)، وهو يؤكد بان بينه والهلال الفيفا لإسترداد مستحقاته، وكثيرون مثل يوسف ينتظرون فى الصف،من مدربين ولاعبين وآخرين، لكن المشكلة يا أحبة ليست فى الصفوف ولكن فى حكاية الفيفا دا، ما ذكر الهلال ومشكلاته، إلا وكان الفيفا ثالثهما، منذ ضربة الشقا والفيفا شغال قصاد الهلال تارة ميشو وتارة فالنتاين وتارات اخرى المحترفين وتلحيقهم بالكشف وتحنيس فيفا حيال ذلك، واخيرا وليس آخرا حكاية يوسف محمد، يوسف محمد الذى أضاع الهلال (جزائيا) اكثر من مرة وكأنه يريد ان يجازى الهلال على تأخير مستحقاته لكن يبدو ان طريق ضييع ضربات الجزا والبطولات من الهلال لم يبلغ الفتى غايته فإختار أن يسلك طريق الفيفا، مع انو الفيفا دا من حكاية الحيمودى بقى عامل كيف كيف! العقلاء من جماهير الهلال (الباقية) يصرون على إعطاء اللاعب حقه فاى مباراة تذهب للترجيحية يضعون اياديهم على قلوبهم بينما يضعها يوسف فى السما الأحمر، كلتشى غادر الهلال وقودوين قال مل من الهلال وفالنتاين مل زى سواقين الحافلات (ما راجعين) ويوسف هو آخر عنقود النيجيريين فى الهلال، لكن اتوقع الا يشتغل بيو فيفا ويعود لمواصلة نشاطه مع الهلال عااادى نشاطه فى ضياع الضربات والهلال، فلاحتكم بى سادومبا بس ما كلهم بضيعوا!
الشق الآخر الذى تحدثنا عنه من قبل عمل الشرطة السودانية قصاد نادى الهلال تارة فى الإستاد وتارة فى النادى وتارة فى الإتحاد وكل مرة الهلال تحت حماية ورحمة الشرطة واقترحنا من قبل تسمية وتخصيص شرطة الهلال على غرار شرطة المرور والنجدة وغيرها، كما نقترح تكوين وحدة فى الفيفا تبث برامجها من السودان تختص بقضايا وشكاوى الناس ضد الهلال، شان ما تكون فيفا وخراب ديار!
نكتة: قال ليك فى واحد فى حتة عامل لى ناس الحلة بعرف الوزير، قام الوزير اعلن انو جايى المنطقة يفتتح حاجة، قام اتورط وقال كدا ح يكشفوهو، جا للوزير فى مكتبو حكى ليو القصة الوزير وبخوا وقال ليو ليه عملت كدا وليه تكضب؟ قال ليو بس جات كدا سامحنى وحلنى من الورطة دى، الوزير قال ليو ما مشكلة يوم الإفتتاح بحلك، وفعلا الوزير نزل كورك للزول بى اسمو ناس الحلة آمنوا بعد شوية الوزير شرب موية قال لى الزول مويتك سمحة، ناس الحلة إقتنعوا زيادة، الوزير لما جا مشى قال للزول قلت لى اخبارك شنو؟ الزول قال ليو يا السيد الوزير إنت ما عندك شغلة غيرى؟؟؟ ياجماعة فيفا والشرطة ديل ما عندهم شغلانة غيركم؟؟؟
أمة الألقاب!
سيد البلد حبيب البلد الأسياد الموج الأزرق هلال الملايين، حكيم الهلال حكيم المعتصمين الكاردينال ود القبائل المدة الأرباب البابا المدهش الصحاف ابو صفارة... إلخ كلها ألقاب يطلقها الهلالاب على فريقهم وناسهم وهم معذرون لانهم بلا القاب _أصلا_ لذا كان اللقب الحقيقى الذى يحوى كل هذه الألقاب(صفر الشمال)!
تلميحة: ليس مهما أن تكون ولجت للصحافة ككاتب فى اى تخصص او سائق تاكسى او طبيب او من السوق المهم ألا (تكبت الحقيقة) ولا تتملق الرجال لان فى هذا (تحويله) للصحافة من معناها الحقيقى!
نعوذ بالله!
غريب امر ذلك الصحفى الإجنماعى الذى يحشو عموده الساخف بالصور كنا نظن انه يعادى المريخ لكن اتضح انه عدو نفسه وانه حربائى الكتابات، قال إن سيدا صدقه فأفرد المساحات للحرب عليه وقال إن ساسا احسن زول ورجع وشتمه وغير رأيه، الا يقرأ هؤلاء إرشيفهم نعوذ بالله من النفاق ومن سوء الاخلاق!
حركات الهلال!!
التانى عربيا 35 عالميا دا دورينا قالوا إتخيلوا! وذا حسب الإحصاء بتاع الفيفا، دورينا التانى بعد منو ما عارف مصر ولا السعودية ولا قطر ولا ليبيا ولا غيرها، جائز يكون قاصدين التانى بد كل هذه الدول وبعد اى واحده منها، اما الأضحك من ذلك فهو ال35 عالميا، بالله؟ معقوول؟ أصلو ماممكن! لا ياخ. دورينا دا الإسمو الممتاز ولا بتتكلموا عن حاجة تانية، اها دى الحركات الودت الهلال فى ستمية وستين مليون داهية وح تلحق دوريكم ليهم!
نار على نار
تخيلت أن العجب مشى الهلال وخرجت بملاحظات عديدة نخليها بكره احسن إن شاء الله!
ونترك الحديث عن المعلم المغتصب لان هناك ناحية تهمنا كذلك ونحكى عن مشكلات المشاهير وملاحقاتهم والمطلوب منهم!
وعن هبالة البعض وإقتباساتهم الشترا لنا وقفة.
لابد بعد زيادة اسعار الصحف بنسبة 50% لا بد ان تزيدمرتبات الصحفيين جراء ذلك وأن تصرف مع نهاية كل شهر، قد لا تصدق قارئى العزيز لو قلت لك أننى أتقاضى خمسمية جنيه فقط(والله العظيم) وقد لا تدرك ان بعض الزملاء لم يتقاضوا مرتباتهم منذ الربع الاخير من العام الفائت
هواء ساخن
الصديق المريخى الأصيل الطيب_ تمبول لديه مقترحات جيدة عن المريخ ننشرها ونعلق عليها بإذن الله!
تخريمة: الدنيا دى بقت عامله كيف كيف زى هيثم مصطفى بالأصفر والأحمر!
موية نار:يتحسرون على وجود فييرا فى ذلك المكان ولا يتحسرون على عودته للمريخ.. الدنيا بداية موسم والناس فى مروى اكرم وهناى دا الوداهم دبى شنو (يعنى)؟؟
ويظل المريخ الحاضر والمستقبل والتاريخ وكلنا مريخاب
ويبقى المريخ فوق الأشخاص.. والولاء للكيان!
آخر قطرة: الفشَ غبينتو حرق مدينتو!
وهذه بصمتى
الفيفا والشرطة!
تسخينة: النية زاملة سيدا
تسخينة تانية: المكتوب على الجبين زى تسجيل علاء الدين _لابد يبين_
تسخينة تالتة: صحى إتغيرت إنت خلاص؟؟
لم يجف مداد (كى بوردنا) بعد ونحن نكتب عن ان الهلال اكثر المتضررين من حكاية الرخصة ذلك لانه لا يعطى اللاعبين والمدربين حقهم، لم تمر اربع وعشرون ساعة الا ونقرأ فى الصحف تصريحات لمحترف الهلال (شوكة الحوت) يوسف محمد النيجيرى مواطن (عيد الحب)، وهو يؤكد بان بينه والهلال الفيفا لإسترداد مستحقاته، وكثيرون مثل يوسف ينتظرون فى الصف،من مدربين ولاعبين وآخرين، لكن المشكلة يا أحبة ليست فى الصفوف ولكن فى حكاية الفيفا دا، ما ذكر الهلال ومشكلاته، إلا وكان الفيفا ثالثهما، منذ ضربة الشقا والفيفا شغال قصاد الهلال تارة ميشو وتارة فالنتاين وتارات اخرى المحترفين وتلحيقهم بالكشف وتحنيس فيفا حيال ذلك، واخيرا وليس آخرا حكاية يوسف محمد، يوسف محمد الذى أضاع الهلال (جزائيا) اكثر من مرة وكأنه يريد ان يجازى الهلال على تأخير مستحقاته لكن يبدو ان طريق ضييع ضربات الجزا والبطولات من الهلال لم يبلغ الفتى غايته فإختار أن يسلك طريق الفيفا، مع انو الفيفا دا من حكاية الحيمودى بقى عامل كيف كيف! العقلاء من جماهير الهلال (الباقية) يصرون على إعطاء اللاعب حقه فاى مباراة تذهب للترجيحية يضعون اياديهم على قلوبهم بينما يضعها يوسف فى السما الأحمر، كلتشى غادر الهلال وقودوين قال مل من الهلال وفالنتاين مل زى سواقين الحافلات (ما راجعين) ويوسف هو آخر عنقود النيجيريين فى الهلال، لكن اتوقع الا يشتغل بيو فيفا ويعود لمواصلة نشاطه مع الهلال عااادى نشاطه فى ضياع الضربات والهلال، فلاحتكم بى سادومبا بس ما كلهم بضيعوا!
الشق الآخر الذى تحدثنا عنه من قبل عمل الشرطة السودانية قصاد نادى الهلال تارة فى الإستاد وتارة فى النادى وتارة فى الإتحاد وكل مرة الهلال تحت حماية ورحمة الشرطة واقترحنا من قبل تسمية وتخصيص شرطة الهلال على غرار شرطة المرور والنجدة وغيرها، كما نقترح تكوين وحدة فى الفيفا تبث برامجها من السودان تختص بقضايا وشكاوى الناس ضد الهلال، شان ما تكون فيفا وخراب ديار!
نكتة: قال ليك فى واحد فى حتة عامل لى ناس الحلة بعرف الوزير، قام الوزير اعلن انو جايى المنطقة يفتتح حاجة، قام اتورط وقال كدا ح يكشفوهو، جا للوزير فى مكتبو حكى ليو القصة الوزير وبخوا وقال ليو ليه عملت كدا وليه تكضب؟ قال ليو بس جات كدا سامحنى وحلنى من الورطة دى، الوزير قال ليو ما مشكلة يوم الإفتتاح بحلك، وفعلا الوزير نزل كورك للزول بى اسمو ناس الحلة آمنوا بعد شوية الوزير شرب موية قال لى الزول مويتك سمحة، ناس الحلة إقتنعوا زيادة، الوزير لما جا مشى قال للزول قلت لى اخبارك شنو؟ الزول قال ليو يا السيد الوزير إنت ما عندك شغلة غيرى؟؟؟ ياجماعة فيفا والشرطة ديل ما عندهم شغلانة غيركم؟؟؟
أمة الألقاب!
سيد البلد حبيب البلد الأسياد الموج الأزرق هلال الملايين، حكيم الهلال حكيم المعتصمين الكاردينال ود القبائل المدة الأرباب البابا المدهش الصحاف ابو صفارة... إلخ كلها ألقاب يطلقها الهلالاب على فريقهم وناسهم وهم معذرون لانهم بلا القاب _أصلا_ لذا كان اللقب الحقيقى الذى يحوى كل هذه الألقاب(صفر الشمال)!
تلميحة: ليس مهما أن تكون ولجت للصحافة ككاتب فى اى تخصص او سائق تاكسى او طبيب او من السوق المهم ألا (تكبت الحقيقة) ولا تتملق الرجال لان فى هذا (تحويله) للصحافة من معناها الحقيقى!
نعوذ بالله!
غريب امر ذلك الصحفى الإجنماعى الذى يحشو عموده الساخف بالصور كنا نظن انه يعادى المريخ لكن اتضح انه عدو نفسه وانه حربائى الكتابات، قال إن سيدا صدقه فأفرد المساحات للحرب عليه وقال إن ساسا احسن زول ورجع وشتمه وغير رأيه، الا يقرأ هؤلاء إرشيفهم نعوذ بالله من النفاق ومن سوء الاخلاق!
حركات الهلال!!
التانى عربيا 35 عالميا دا دورينا قالوا إتخيلوا! وذا حسب الإحصاء بتاع الفيفا، دورينا التانى بعد منو ما عارف مصر ولا السعودية ولا قطر ولا ليبيا ولا غيرها، جائز يكون قاصدين التانى بد كل هذه الدول وبعد اى واحده منها، اما الأضحك من ذلك فهو ال35 عالميا، بالله؟ معقوول؟ أصلو ماممكن! لا ياخ. دورينا دا الإسمو الممتاز ولا بتتكلموا عن حاجة تانية، اها دى الحركات الودت الهلال فى ستمية وستين مليون داهية وح تلحق دوريكم ليهم!
نار على نار
تخيلت أن العجب مشى الهلال وخرجت بملاحظات عديدة نخليها بكره احسن إن شاء الله!
ونترك الحديث عن المعلم المغتصب لان هناك ناحية تهمنا كذلك ونحكى عن مشكلات المشاهير وملاحقاتهم والمطلوب منهم!
وعن هبالة البعض وإقتباساتهم الشترا لنا وقفة.
لابد بعد زيادة اسعار الصحف بنسبة 50% لا بد ان تزيدمرتبات الصحفيين جراء ذلك وأن تصرف مع نهاية كل شهر، قد لا تصدق قارئى العزيز لو قلت لك أننى أتقاضى خمسمية جنيه فقط(والله العظيم) وقد لا تدرك ان بعض الزملاء لم يتقاضوا مرتباتهم منذ الربع الاخير من العام الفائت
هواء ساخن
الصديق المريخى الأصيل الطيب_ تمبول لديه مقترحات جيدة عن المريخ ننشرها ونعلق عليها بإذن الله!
تخريمة: الدنيا دى بقت عامله كيف كيف زى هيثم مصطفى بالأصفر والأحمر!
موية نار:يتحسرون على وجود فييرا فى ذلك المكان ولا يتحسرون على عودته للمريخ.. الدنيا بداية موسم والناس فى مروى اكرم وهناى دا الوداهم دبى شنو (يعنى)؟؟
ويظل المريخ الحاضر والمستقبل والتاريخ وكلنا مريخاب
ويبقى المريخ فوق الأشخاص.. والولاء للكيان!
آخر قطرة: الفشَ غبينتو حرق مدينتو!
وهذه بصمتى
