بسم الله الرحمن الرحيم

في السلك

صينيه ومجنون
...
# اكرم وصل امس بحمد الله

# اكرم الشفت

# الذي اثبت لنفسه قبل ان يثبت للآخرين

# انه افضل حارس مرمي سوداني بعد اعتزال حامد بريمه

# واظن ان الجديه التي ابداها اكرم في النصف الاول من الموسم هي التي قادته لشهره كبيره

# وادت الي تعاظم احترامه من الجماهير

# وعلي اكرم ان يعلم بان العلاج لسه ما انتهي

# تبقي من العلاج عدم السهر ومواصلة الانضباط

# وتبقي من العلاج المواظبه علي تمارين التأهيل

# والتواجد المستمر مع اخوانه

# في المعسكر والملعب

# نشتاق لاكرم بالشعار

# ولا نستعجل عودته حتي يكتمل العلاج والتأهيل

# كي لا نخسره مجددا كما خسرنا راجي والعجب بسبب الاستعجال في المشاركه

# المهم

# ساكواها ووارقو لم يحترما المريخ

# واذا كانت اوامر المريخ في وصولهما قد كانت واضحه ووصلت الي علمهم

# علي المريخ ان يحترم نفسه بعدم احترامهما

# وساكواها واضحه سواها

# اثبت مهاره كبيره في موسمه الاول

# عاد الينا هذا الموسم يجرجر رجلينو

# زي المجبور يغطي قدحوا ويعرسوا ليهو بت عمو المادايره

# عاد الينا بسلبيه غريبه

# وبتعالي لم نعهده فيه

# نتحري الدقه في التحري عنه

# وان ثبت انه عالم بميعاد العوده ولم يؤذن له بالتأخير

# يبقي الحساب ولد

# وعليه ان لا يجهل ان المريخ فريق كبير

# يستطيع ان يطبق لوائحه علي كل متكبر عليه

# اما العزيز وارقو

# فكل سفره لابد من التأخير

# مره الجواز انتهي

# ومره مسكوهوا ناس اللالزاميه في نيجيريا

# ومره الطياره ماجات حلتهم

# وارقو مابعمل شئ

# خلاص يبيع اقاشي ويريحنا

# وارقو زي سودانير

# عمرو ما جا في مواعيدو

# المهم

# ناس الهلال بقوا زي ناس الحكومه دي

# يدفعوا لي ده

# يتمرد ده

# والله انا خايفكم يا روشا

تتفاوضوا مع لاعبينكم ديل في الدوحه

# جلسات تقوم

# وجلسات تقوم لي فوق

# المهم

# كل الشفوت عليهم الالتفاف حول الزعيم شديد

# كلها فضلت عشره يوم

# دايرين نتأهل اول وبعدين نشوف القصور وين

# اها

# نجي لي شمارات والي الخرتوم

# كان شفت يا والينا قال ليك واحد بتاع بحر

# جلد ولدو جلده نضيفه

# اظنو كشح ليهو البحر

# مرتو قالت ليهو داقي الولد ده مالك ؟؟

# قال ليها قليل ادب

# قالت ليهو شبعو حتي تطبعو

# قال ليها كان كدي يا هو الما اتطبع كلو كلو

# قال شبعو قال

# اشبعو دق

# وكان شفت يا والينا الناس بتكلموا عن زيادة البنزين

# واحد فاطي سطر

# قال ليهم هو زادوهوا كم ؟؟؟

# قالوا ليهو الجالون خمسه جنيه

# قال ليهم بس !!!!

# اسي دي زياده دايره ليها برلمان وتصويت وتقليص مخصصات ؟؟؟؟

# زيدوا ساااااكت

# تعرف يا والينا

# خالتي قالت لي الجنو ديل اعقل ناس

# طيرت ليها عيوني وطلعت راس البيت وجيت واقع من فوق

# قالت لي راحت عليك

# الجنه جنه والما جنه الجن ما بقبلو بعد ده

# كنت وين من زمااااااااان

# اتأملت كل الصواني يا والينا

# ما لقيت صينيه تستوعب مجنون جديد

# الصينيه الوحيده الفاضيه صينية الاكل

# لكن منو الراجل البقدر يقيف في صينية الاكل !!!!!

# اتنين بتاعين بحر بتونسوا جمب البحر يا واليينا

# امس مع سخانة الزيادات دي الناس كلها مشت البحر

# الاتنين مريخاب

# واحد مابدور موسي الزومه اصلو

# ما بقتنع بيهو كلوكلو

# التاني لقي جريده شايلها الهواء

# مسكها

# لقي فيها صورة موسي الزومه

# قام قال زووووووومه حكووووووووووووومه

# التاني قال ليهو ما للدرجه دي ياخ

# بالغت

سلك كهربا

ننساك كيف وصينية الاكل بقت (صينيه ) ساي ما اصليه !!!

والي لقاء

سلك