على صفيح ساخن نادر التوم
تشكيلة
أدفع آآ زول
منذ زمن وانا اتمنى ان اصبح رئيسا لنادى المريخ الحبيب اس اكبر عدد لان اس مالا نهاية تعنى هلالا اى صفرا والمعنى واضح
فى البدء كانت المشغوليات تمنعنى من تحقيق هذه الرغبة لكن قلت لنفسى مشغوليات على الزعيم؟
شنو يعنى لو انشغلت زيادة ما اى حاجه زايدة ومشغولياتنا مرات فى حاجات ما بتستحق
كبرت شوية بقت مشكلتى القروش معقولة نادى جماهيرى بنصرف عليو بالمليارات الاأسو انا انتو بتهظروا؟ ولا ما جادين؟
انا الكحيان دا الما عندى حق الفول دا؟ وبعدين جماهير المريخ الصفوة دى اسجل ليها لعيبة من وين؟
لكين اكتشفت ليكم حاجة ختيرة انو الكلام دا ما ممكن يشكل اى حاجز فى طريقى قولى لى كيف.... الفراقو عليا حار
قال ليك واحد ما حافظ اى حاجه لكين شايف نفسو لقى الجماعة مقدمين ليهم زول ضعييف ومفلللس قال ليو ارجع ورا
زولك مسيكين رجع قايل القبة تحتها زول بعرف يصلى الزول كبر وعاين ورا قال ليو اقرا آزول ها
وفى الهلال فى زول رئيس بتفق مع اللعيبة وبصرح فى الجرايد وفى النهاية فى زول°مسيكين شديد بدفع الملايين
يعنى انا ممكن اطبق نفس النظرية أراس انا ويدفع غيرى.. اذهب للاعب رئيسا ويدفع غيرى كيسا.. غريبا جدا ترون رئاستى للنادى الاحمر على طريقة البيت الازرق
ما بطال
لو ان منتخبنا خسر امام الرصاصات هنا وحقق نتيجة سلبية امامنا
وبعدها حققنا التعادل مع لوسوتو هناك لهللنا وكبرنا وقلنا انها نتيجة ايجابية
لكن لان فوزنا على الزامبى مصادفة كما اسلفنا من قبل فقد راينا كيف ان الجميع احبطوا من النتيجة
مع انها جيدة مقارنة مع اعدادنا وعدم دعمنا كما يقول اسامة عطا المنان ورفاقه الكرام.
نزل دى
المسطول واقف فى الشارع اتت عربة توقفت.. نزل الكمسارى.. سأله الراكب بى كم؟ رد الكمسارى بى جنيه
مد المسطول جنيها وقال للكمسارى نزل لى البت الراكبة جنب الشباك دى
وبهذا الفهم يتعامل بعض الصحفيين مع اللاعبين الجنوبيين ويحتجون على تجنيس اتير وعدم تجنيس جمعة
مع ان الموضوع واضح.. والاتحاد اكد ان اى لاعب ينتهى عقده لا يجدد كوطنى واى لاعب عقده مستمر يستمر وطنيا الى ان ينتهى
واحسب ان حكومتنا الموقرة وافقت الاتحاد الراى والامر ينطبق على كل الاخوة اللاعبين الجنوبيين بكل الفرق.. وضح ليكم ولا لسه مصرين تدفعوا بى اراءكم دى شان ننزل ليكم جمعة؟؟
حيرتونا
والله راسنا لف عدييل المريخ يعير موتيابا للساحلى ويعيد قلق المعار فى الساحلى
الهلال يشطب توريه ويعيد ابراهيما يا جماعة راسنا براهو ضارب.
لكين صحى اوتوبنك فات؟ تخريمة: اوتوبنك ثالث افشل صفقة عربية مكشوفة ومع ذلك لم تحتفى الصحف الزرقاء
على طريقة الافشل عربيا
دى المشكلة
زمان اعلام الهلال كلو كان حاجه واااحده لكين هسه.. فول ..كتير وانقسم قولى لى ليييه؟؟
لانو زمان الارباب كان رئيس والبرير ماسك المال لكين هسه البرير بقى رئيس والارباب ماسك الهلال من المال ديونو يعنى
عشان كدا بقى فى واحدين برابرة وواحدين بربربوا ساكت. يعنى مافى منطقة وسطى: يابرير يا طابورير.
إلا نحن
العالم كلو ماشى لى قدام وبكنس فى الآثار القديمة الا نحن فلا يزال البعض ينادى بعودة شداد.. قووول عاد.. شنو يعنى؟
حاجه كويسه
افتكر انو لا تثريب على الموردة ولا لوم عليها كون انها تفرخ لاعبين للاندية الاخرى
بالعكس دى حاجه كويسة فى وقت اعتمدت فيه كل الاندية على صندوق الوارد فقط
لكن من المكررات كل عام اختلاف ناس الموردة.. نبيع ولا لا؟ بيعوا طالما بتنتجوا تانى والله يعشيكم
كلام البرير
قال البرير: من يهاجموننى ينطلقون من اشياء شخصية ويعتمدون على اخبار مجالس العاطلين.. مجالس العاطلين دى يعنى الشماشه؟
وقال: عدم المال سبب استمرار يوسف محمد فى الهلال ونسالو يوسف براو؟؟
أمنية
اتمنى ان تغنى جماهير المريخ مستقبلا: كيف الحياة غير لييمااا وان لا تغنى خدعووووووك
ويظل المريخ الحاجات كلها وكلنا مريخاب
ويا مريخ بتكتلنا قبال نعرس
تشه فنية: الشريف زعلان؟ طيب وييين الزول دا؟
آخر قطرة: سوف يأتى... إن شاء الله
وهذه بصمتى